Lægri niðurgírun í millikassa Patrol y60

[dors]

Sælir
Er búinn að velta fyrir mér hafa menn verið að lækka hlutföll í Patrol y60 millikassa orginal er 2.02:1 er það ekki frekar hátt??'
hér eru þrjár gerðir http://www.marks4wd.com/low-range-gears/nissan.html

er með minn á 38" og 5.42 hlutföll mér finnst það einfaldlega ekki nógu lágt fyrir þessi dekk???
ég bara get ekki skilið hvernig það er hægt að hafa bílinn á 44"+5.42 hlutföll ef það er ekki nóg fyrir 38", það er hellingur af 44" bílum sem eru ekki með með milligír??
en endilega þeir sem eru búnir að lækka sjálfan millikassann sem mig langar að gera smellið einhverju sem þið vitið um þetta.
vill sleppa við annan millikassa lóló

kv Dóri

[AgnarBen]

Ég spyr nú bara eins og kjáni, ertu viss um að þú sért á 5.42 hlutföllum ?

Ég var á 44" Patrol á 5.42 og var bara þokkalega sáttur við niðurgírunina í almennum snjóakstri en milligírinn kom síðan auðvitað sterkur inn í erfiðum brekkum eða í verulega þungu færi. Það er reyndar stór kostur að vera með milligír sem er með önnur hlutföll en millikassinn, ég var með 2,02 í lága og 3.74 í milligírnum sem var búinn til að Patrol kassa en það gaf manni möguleikannn á því að leika sér aðeins í gírunum.

3.74 eru þó full lág til að setja í millikassa, ég gæti trúað því að 2.86 væru hentugri en gallinn við að fara þessa leið er að ferðahraðinn í lága drifinu dettur niður og ekki er hann nú beisinn fyrir, nær ekki einu sinni 50 km/klst með 2.02 !

[dors]

Sæll
já ég er alveg viss er með 5.42,
en 2.86 í millikassann er það ekki bara málið??
en hvernig er með þessa gömlu Amerísku jeppa það var algengt að þeir voru með 2.62:1 í millikassa dana 300 t.d og 205 kassinn

GQ 2.8 Standard transfer gears 2.02:1 4.625:1 28.588:1

GQ 2.8 - Gearmaster transfer gears 2.86:1 4.625:1 40.48:1

með 5.42 drfhlutföll þá er heildarniðurgírun í millikassa 62,08 miðað við að fara í 2.86

eru ekki einhverjir sem eru búnir að gera þetta?????

[AgnarBen]

Ég veit um einn sem setti 2.86 í millikassann hjá sér, eða amk ætlaði að gera það en það var af því að hann var á orginal hlutföllum og vildi halda þeim í þjóðvegaakstri. Leyfi mér að efast um einhver sé með 5.42 í drifum og 2.86 í millikassa nema kannski einhver hafi gert það af því að þeir eru á 46" !

[jeepson]

Ég er með 5.42 hlutföll í pattanum mínum og hann virkar bara fínt á 38" vélar snúningurinn á 100km/h er sá sami og á 33" bíl. bíllinn er mjög fínn í bæði malbiks og utanvegar akstri. Hámarks hraði í lága drifinu í 5. gír á 500sn er um 85km/h En það kemur nú ekki oft fyrir að ég sé með hann á fullu spítti á lága drifinu. Enda snúningurinn ansi hár.

[Árni Braga]

Það hljóta að vera einhver önnur hlutföll í þessum bíl hjá þér 5:42 er meira en nóg fyrir 38" dekk.

[dors]

sælir
5.42 eru í bílnum
ef maður er búinn að hleypa úr í 2 pund í erfiðu færi þá eru þessi hlutföll ekki nóg fyrir 38",einfaldlega níðings háttur á kúplingu finnst mér,vill komast hægar þarna niðri án þess að fara í skriðgír

[Árni Braga]

Ég er á 46" og það er bara í fínu lagi hjá mér þó ég fari niður í 2 pund en ef ég þarf meira þá set ég að sjálfsögðu í lo lo en hann er lítið notaður hjá mér.

[patrolno1]

Sællir. Ég er með 38´´bíl með 5.42 og lægra hlutfall í millikassanum og ég myndi bara ekki vera án þess.
Dóri þú kemur bara inn í Fljót og prufar hjá mér.

kv Sigtryggur

[Stebbi]

Bara svona smá forvitni, hvað er hlutfallið í fyrsta gír á 2.8 patrol?

[ellisnorra]

Hér er taflan yfir gírana.

[ellisnorra]

Til samanburðar er toyota w56 sem kom í hilux 2.4 bensín svona :
Ratios:
First Gear: 3.954:1
Second Gear: 2.141:1
Third Gear: 1.384:1
Fourth Gear: 1.00:1
Fifth Gear: 0.85:1
Reverse: -4.091:1

[dors]

Sæll Siddi
hvaða lækkun tókstu í millikassann
kv dóri

[patrolno1]

Sæll. Ég er bara ekki viss hvort það var 3 eða 4 :1 þarf bara að grafa það upp.

kv. Sigtryggur

[Freyr]

Varðandi amerísku millikassana sem eru oft með lægri hlutföll í millikassa, t.d. 2.62 og einnig er 2,72 algengt, þá eru þeir alla jafna í bílum með öflugri vélar en japanskir og nota mun hærri drif. Sem dæmi þá er 4,56 algengt í amerískum 38" jeppum. Ég skil vel að þú sért í þessum hugleiðingum. Átti sjálfur 38" '95 patrol með 5,42 drifum. Í þungu færi vantaði oft töluvert lægri gírun eða meira tork, maður þurfti oft að misbjóða kúplingunni til að komast áfram. Ég hugleiddi þessa leið en ákvað að fara ekki út í þetta. Það sem fældi mig frá var hversu hægt ég kæmist í lága drifinu því vélin er ekki öflugri en svo að háa drifið er nær ónothæft í þessum bílum eftir að hleypt er úr og ekið í snjó. Ef þú hinsvegar ert rólegur í snjóferðum og hefur ekki þörf fyrir hraðakstur (eins og ég) þá er þetta stórsniðug leið.

[dors]

Sæll.
Einmitt, þetta er akkurat sem ég er að tala um. En það er hægt að velja á milli hvort þú farir í 24%, 43%eða 85% lækkun. http://www.marks4wd.com/low-range-gears/nissan.html

Er að pæla annað hvort 24% eða 43%, spurning er, hvað er nóg fyrir 38"?
Eins og þú segir þá þarf ég ekkert endilega að keyra hratt,er að hugsa um þetta í erfiðum færum, þegar búið er að hleypa niður í 2 pund. Þá keyra menn hvort eð er ekki hratt!!!
Ég vil ekki nýðings hátt á kúplingunni, þannig að ég hlýt að þurfa að lækka millikassann í annað hvort. Getur vel verið að það sé nóg að lækka hann niður í 24% ég bara veit það ekki. Það er í raun svarið sem mig vantar?
Það hljóta fleiri að vera í sömu pælingum og ég með þetta ?
kv. dóri

[jeepcj7]

Svo er alltaf spurning um kostnað hvað kostar að fá lægra hlutfall í kassann sem er fyrir og hvað kostar að fá sér annann kassa?
Eins og fram hefur komið er ekki alltaf gott sérstaklega í máttlausum bílum að vera með mjög lágt lágadrif og ná svo ekki neinni ferð og geta samt ekki notað háa drifið.
Er þá ekki betra að vera með 2 x 2.02 og fara mjög hægt ef þarf og hafa áfram 1 x 2.02 og hafa sæmilegan ferðahraða þegar á þarf að halda.
Ef nóg er af aur er auðvitað best að vera með meira afl td.4.2 og 3.7 og 2.02 í millikössunum og jafnvel eiithvað fleira en hvað kosta þessir hlutir?
Vélin er ca.1 milla
Aukakassi ?
Lægra lága drif?

[Stebbi]

Miðað við að fyrsti gírinn sé 4.55:1 sem er mjög gott þá er sýnist mér vandamálið vera framaná gírkassanum. Endahlutfallið hjá þér í fyrsta er aðeins lægra en í 2.4d Toyotu á 5.29 drifum og þeir komast af stað turbolausir á 38" dekkjum í þungu færi. Ég myndi ekki segja nokkrum manni frá þessu og skipta strax um bréfapressuna sem er undir húddinu.

[dors]

þú ert að tala um fyrsta gír í 4,2 ég er með 2,8

[StefánDal]

Miðað við að fyrsti gírinn sé 4.55:1 sem er mjög gott þá er sýnist mér vandamálið vera framaná gírkassanum. Endahlutfallið hjá þér í fyrsta er aðeins lægra en í 2.4d Toyotu á 5.29 drifum og þeir komast af stað turbolausir á 38" dekkjum í þungu færi. Ég myndi ekki segja nokkrum manni frá þessu og skipta strax um bréfapressuna sem er undir húddinu.

liiiiiike! Það hefur sýnt sig og sannað að góð V8 rella sem kostar undir 500þús virkar betur og eyðir minna í svona líka ágætum bíl.

Ég er farinn að halda að jeppa menn skiptist í tvo hópa. Ég myndi fyrir mína parta aldrei vilja sjá low gír í bíl hjá mér :)

[Freyr]

Þó svo ég taki á margann hátt undir með ykkur varðandi vélarskiptaumræðuna þá skulum við halda okkur við efnið.

Kveðja, Freyr

[sukkaturbo]

Sæll Halldór Bogi ég hef prufað þetta eins og svo margt annað var með 4.7 í hilux og 5:70 drif og komst í 45 km hraða í 5 gír á fullum snúning. Ég mundi mæla með 3.70 eins og Stjáni á Skeiðsfoss er með. Ég prufaði bílinn hans fyrir nokkru og er hann virkilega skemmtilegur og kemst vel yfir 50 í lágadrifinum sem er meira en nóg fyrir þig því ég veit hvernig þú keyrir í snjó og í þínum veiðiferðum. Jafnvel er í lagi að fara í 4,? og setja orginal hlutföllin aftur í til prufu og selja 5:42 og kaupa lækkun fyrir andvirði þeirra. kveðja guðni

[dors]

Sælir
Vitið þið hvort þetta er selt hér á landi og þá hvað þetta kostar.
Ástralin er að selja þetta og kostar þar um 160.000,en vitið þið hvort það séu fleiri sem eru að selja þetta en Ástralin

kv dóri

[Stebbi]

Ef að þetta kostar 160 þús úti í Ástralíu þá er þetta ískyggilega nálægt 300þús komið heim og í kassann. Milligír eða annar millikassi verður alltaf ódýrari og gefur þér mun meiri möguleika á gírun. Stundum er fínt að hafa 2:1 í lága ef að færið er ekki það þungt en samt nógu þungt til að útiloka háa drifið. Annar kassi með 3:1 væri fullkomin með því sérstaklega þar sem húddið er hálf tómt. Verst að það er ekki hægt að fá þá sjálfskipta, þeir væru örugglega betri snjójeppar svoleiðis.

[AgnarBen]

Sælir
Vitið þið hvort þetta er selt hér á landi og þá hvað þetta kostar.
Ástralin er að selja þetta og kostar þar um 160.000,en vitið þið hvort það séu fleiri sem eru að selja þetta en Ástralin

kv dóri

Það er ástæða fyrir því að þetta eru kölluð Ástralíuhlutföll ;-)

Alvöru milligír úr Patrol kassa með milliplötu frá Ljónsstöðum og með 2.86/3.74 hlutfalli kostaði 300 þús.kr fyrir hrun og þá átti eftir að setja hann í, þessi pakki kostar örugglega amk 500 þús.kr í dag. Ég giska á að bara hlutföllin kosti í kringum 300 þús kr. í dag nýinnflutt og þá á eftir að koma þessu í.

Þú gætir auðvitað sett í milligír úr Patrol kassa með 2,02 en það eiginlega svona hvorki né lausn, ekki nógu lágt til að skríða virkilega hægt og of lágur fyrir almennan akstur í lága !

kveðja
Agnar