Kælivatn hverfur af patrol

[jeepson]

Sælir spjall verjar. Kæli vatnið á pattanum hjá brósa hverfur og við virðumst ekki sjá hvert það fer. Hann blæs ekki útí vatnið. Og virðist ekki blása útúr pústinu. Bíllinn hitnar of mikið án þess að það sé verið að reyna á hann í brekkum. Hann hefur getað farið upp allar brekkur án þess að hitna. Meir að segja með sleða á kerru. Hvað gæti þetta verið? Vatnsdæla, hedd eða heddpakning? Vatnskassinn er nýlegur. En óvitað með hvað vatnsdælan er gömul.
Mbk Gísli

[hobo]

Ekki skrýtið að hann hitni ef það vantar vatn á hann.
Gólfið frammí er ekkert blautt er það, miðstöðvarelement að leka?

[LFS]

gæti lekið með vatnsdælunni og verið erfitt að sjá þar sem heitur motorinn þurrkar það upp jafn óðum þeas ef að lekinn er litill. ætti reyndar að sjást einhverskonar utfellingar eða hvað það er nu kallað !

[jeepson]

Já við erum að fara í það í kvöld að skoða betur í kringum dæluna og gólfið. Það var engin leki sjáanlegur áðan. Heddið er nýlegt að sjá, allavega lýtur það mjög vel út. Við skoðum þetta nánar á eftir og ég mun pósta því inn hérna um leið og við verðum búnir að finna eitthvað útúr þessu.

[HaffiTopp]

Hvernig lýtur olían út og er of mikið á kvarða?

[Óskar - Einfari]

Þegar að èg lenti í samskonar lek í gömlum bensín hilux (vatnið hvarf sporlaust) var það vatnsdælan sem lak. Það var mjög erfitt að koma auga á lekan. Bæði hitinn frá vèlinni og blásturinn frà kæliviftunni gerði það að verkum að manni fannst vatnið hverfa sporlaust.

Gangi þér vel að finna út úr þessi!

Kv.
Óskar Andri

[sukkaturbo]

Sæll Gísli settu rauðan súplit saman við vatnið og skoðaðu svo kveðja guðni

[jeepson]

Við kíkjum á dæluna á eftir. Því miður á ekki lit Guðni. Sennilega er best að taka viftu spaðann af á meðan að maður athugar dæluna. Svo að þetta þeitist ekki útí bláinn.

[jeepson]

Sennilega eru við búnir að finna meinið. Stúturinn sem efri slangan á vatnskassanum kemur frá er boltaður í heddið 2 boltum og sennilega er límingin þar farin.. Við erum allavega að fara í að rífa þennan stút frá og hreinsa upp og líma.

[jeepson]

Jæja þetta er orðið stór furðulegt. Við erum búnir að skipta um vatnsdæluna, Búið að skoða hægri vinstri og athuga með leka. Við blésum í kælikerfið í gær með lofti og það virtist ekki tapa þrýstingi. Þegar að bíllinn sjóð hitnar er hægt að taka tappann af vatnskassanum og engin þrýstingur á kerfinu, Við sjáum hvergi leka. Samt tapar bíllinn vatni. Það fer uppundir líter af vatni á 5km akstri. Þegar að við bætum á og loft tæmum og látum bílinn ganga hæganginn með fullann vélar hita virðist ekkert fara af honum. En um leið og tappinn fer á vatnskassann byrjar hann að tapa vatni. Þetta er orðið stór furðulegt. Það sést ekkert á olíuni. Bíllinn reykir ekkert óeðlilega og ég finn enga frotögs lykt af afgasinu.. Mér sýnist þetta enda á vélar skiftum með þessu áframhaldi.

[ellisnorra]

Ertu búinn að skipta um vatnskassalokstappann? Ég lenti í ekki ósvipuðu rugli einusinni og þá var þessi tappi meinið.

[sukkaturbo]

Sæll Gísli ef þetta er ekki heddpakningin eða sprungið hedd þá er nálargat á hosu eða á vatnskassanum ill mögulegt að sjá þetta spurning um súpulitinn þann rauða í alvöru. Þetta gerist skilst mér að hann tapar vatni þegar þrýstingur er á kerfinu. Ég var með svipað vandamál í vetur í bláa pattanum. Vatnið hvarf af kerfinu. Þegar ég hafði tappan lausan sem sagt ekki hertan nema til hálfs þá dugði vatnið lengur. Hvernig er slangan frá stútnum í hæðarboxið og eins og Elli segir tappinn sjálfur og vatnskassinn? kveðja guðni

[jeepson]

Tappinn er og vatnskassinn er nýr. Eða nýlegur. kanski 3gja mánaða gamall. Við erum búnir að fara yfirallar slöngur fram og tilbaka. Núna er bróðir minn að skipta um vatnslásinn. Þá erum við að verða búnir að útiloka alt.

[siglar]

Rör fyrir afturí miðstöð stundum að striða í patrol. Annars gæti þettað líka verið frosttappi. Gott að athuga allt þettað ódýra áður en farið er í þettað dýra.Annars er ansi oft þettað verra ef það getur verð verra eða betra. Gangi ykkur vel með þettað.

[jeepson]

Ég þakka öllum fyrir skjót svör og góðar ráðleggingar. En Bróðir minn skipti um vatnslás og bíllinn hætti að hitna. Og það vantaði lítið vatn eftir prufu rúntinn. Nú er bara að sjá hvort að hann haldi kælivökvanum. En það sem að við tókum eftir er að það vantar gúmmí í vatnslásin sem var í bílnum. En hinsvegar er þetta gúmmi í lásnum úr varahlutabílnum. Það er spurning um hvort að hann ní nokkuð að byggja upp þrýsting ef að þetta gúmmí vantar. En ég sagði honum að sjóða báða lásana í potti og sjá hvort að þeir myndu opna sig og þeir gerðu það báðir. Við vorum marg oft búnir að fara yfir allar hosur, lagnirnar á túrbínuni og athuga með allar hosuklemmur.. Öll ráð sem komu frá ykkur voru prufuð. Nema þetta með sósu litinn. Brósa leyst eitthvað ílla á það :D En vonandi kemur þessi þráður að notum seinna fyrir einhvern sem gæti hugsalega ent í þessu veseni.

[Startarinn]

Nema þetta með sósu litinn. Brósa leyst eitthvað ílla á það :D

Ég styð þessa tillögu hans Guðna, hún er alls ekkert vitlaus en þýðir að það þarf að skola kerfið út á eftir, en liturinn veldur ekki skaða að mínu mati, mér þætti afskaplega ólíklegt að matarlitur skemmi neitt

[jeepson]

Nema þetta með sósu litinn. Brósa leyst eitthvað ílla á það :D

Ég styð þessa tillögu hans Guðna, hún er alls ekkert vitlaus en þýðir að það þarf að skola kerfið út á eftir, en liturinn veldur ekki skaða að mínu mati, mér þætti afskaplega ólíklegt að matarlitur skemmi neitt

Já akkúrat. Ég veit svosem ekki hvort að þau hjónin hafi átt matarlit, en þetta er als ekki slæm hugmynd :)

[Hfsd037]

Hitnar miðstöðin?
Hafið þið látið hann standa á þurrum stað til þess að geta séð hvort það dropi af honum?
Er neðri hosann á vatnskassanum alveg örugglega vel þétt?
Enginn móða inn í bílnum?

Ef ekki þá er vitað mál hvert vatnið fer

[Navigatoramadeus]

En ég sagði honum að sjóða báða lásana í potti og sjá hvort að þeir myndu opna sig og þeir gerðu það báðir.

ég var að sjóða báða lásana úr Musso um daginn, svona sjá muninn á ónýtum og nýjum lás, settir í pott, hitamælir oní og hitað, viti menn, báðir opnuðu á sama tíma/hitastig og opnuðu jafn mikið, svo ég hélt að meinið væri þá eitthvað annað (gekk kaldur) en setti nú nýja lásinn í fyrst ég var búinn að hafa fyrir þessu en þá hresstist Eyjólfur og hitnar eins og á að gera svo þó báðir væri eins í pottinum var bara allt annað líf þegar þeir eru í bílnum.

en ég hef ekki hugmynd hvað er að hrjá bílinn þinn, myndi fyrst setja litarefni (Stilling ofl) í kælivatnið og leita svo en ef það er ekki gæti auðvitað verið nálargat á slíf :/

[íbbi]

ég lenti í svipuðu dæmi með terrano í fyrra, hvarf ekki af honum ef hann stóð kyrr,

eftir að ég var búinn að rífa allt af honum öruglega 4 sinnum (dælu,viftuog flr) þá sá ég að hann lak á samskeytunum við vatnskassahosu, ég endaði á að þurfa setja smá lím með henni

[FÞF]

Ég lenti í samskonar atviki á Patrolnum mínum. Það var ekki fyrr en ég sá smit á efri hosu í miðstöð að ég áttaði mig á hvað var að. Bíllinn tapaði vatni út með hosu þegar þrýstingur var á kerfinu. Það virtist vera að óhreinindi þar á milli væru ástæðan, a.m.k. var ég búinn að herða á öllum klemmmum. Eftir að ég þreif allt og setti saman aftur hefur bíllinn ekki misst vatn.

[villi58]

Hvernig væri að tengja loft við með þrýstijafnara eins og komið hefur hér fram að ofan, láta bílinn standa inni og setja þrýsting á yfir nótt og taka hitakertin úr og sjá hvort eitthvað komi upp um götin þegar þú startar, getur verið að það geri ekki neitt því það vantar hitastig eins og vélin sé í gangi. En samt auðvellt og getur sagt eitthvað. Gangi ykkur vel!

[sukkaturbo]

Sælir þess vegna segi ég rauðan súpulit fæst í næstu matvöruverslun kostar 250. krónur og má nota hann áfram í kælivatninu þarf ekki að skipta um vatn eða skipta um neitt. Leynir sér ekki rauðiliturinn eða gufan þar sem hann kemur út. kveðja guðni

[villi58]

Sælir þess vegna segi ég rauðan súpulit fæst í næstu matvöruverslun kostar 250. krónur og má nota hann áfram í kælivatninu þarf ekki að skipta um vatn eða skipta um neitt. Leynir sér ekki rauðiliturinn eða gufan þar sem hann kemur út. kveðja guðni

Rétt hjá Guðna, gamalt og gott ráð.

[jeepson]

Þetta lagaðist allavega við að skipta um vatnslás. En hvað olli vatnstapinu er ég ekki að skilja. Ekki nema að það hafi farið í forðabúrið og við ekki tekið eftir því að það læki svo þaðan niður. Ég var reyndar ekki búinn að heyra í bróðir mínum í dag til að athuga hvort að bíllinn væri hættur að tapa vatni. En hann hætti allavega að ofhitna eftir vatnslása skipti :)