Gas fyrir suðu

[toni guggu]

Sælir félagar mig vantar gas fyrir mig suðuna og vantar upplýsingar hvar það fæst á skikkanlegu verði

[olei]

Leiðin sem ég fór var að taka gamalt - en gott - kolsýruslökkvitæki og fékk slökkvitækjaþjónustuna til að skipta um krana á því og hlaða það fyrir mig. Þetta kostaði eitthvað um 15 þús kall, hleðslan að mig minnir um 5 þús. Þá á ég kútinn og borga enga leigu. Kolsýran er rosalega drjúg í suðu og svona kútur dugir árum saman í skúr. En þetta er náttúrulega hrein kolsýra sem virkar eingöngu á járn, sumir vilja fremur blandgas.

Þeir selja líka hlaðna kúta fyrir litlu meira en ég borgaði.

[dabbigj]

Gastec selja líka kúta til að eiga

[olei]

Gastec selja líka kúta til að eiga

Alveg rétt, ég kannaði þetta hjá þeim, en fannst verðið ansi bratt. Minnir að lítill kútur frá þeim hafi verið yfir 30 þús. En þeir bjóða líklega fleiri gastegundir en bara kolsýru.

[Polarbear]

Gastech hefur verið að selja einnota hylki líka með mison18 minnir mig.

svo er líka hægt að taka kúta á dagleigu, en þá þarftu alltaf að sækja þetta helvíti og skila því aftur.

mér finnst ekki koma jafn skemmtileg suða með kolsýruni og blandgasinu. en það er kanski bara af því að ég er klaufi :)

[stebbiþ]

Hef verið með flösku á leigu núna í nokkur ár. Fékk hana upphaflega hjá Strandmöllen, en nú er Ísaga búin að eignast flöskuna og að sjálfsögðu snarhækkuðu þeir ársleiguna fyrir flöskuna, enda einokunarfyrirtæki. Ársleigan var upphaflega 10-11 þúsund, en hækkaði í 15 þúsund við að komast í eigu Ísaga.
Nú ætla ég að skila flöskunni inn og prufa að sjóða með kolsýru. Hafa einhverjir fleiri reynslu af því á svart járn ?

Kv, Stebbi Þ.

[ivar]

Ég hef mikið verið að velta fyrir mér svona málum.

Ég vona að enginn hneikslist á mér en sú leið sem ég hef farið til að fá blandgas inná kút í minni eign er að taka hylki á dagleigu, tengja á milli kútanna og opna báða. Þá lekur frá þeim fulla yfir á þann tóma. Að því gefnu að þú sért með jafn stóra kúta ertu núna með tvo hálffulla.
Borgaðir vissulega slatta fyrir gasið en enga leigu nema í einn eða tvo daga.

Með þessu móti getur þú valið þér hvaða gas þú vilt fá og ég hef verið að nota blandgas, mison18 eða fogon20.
Núna langar mig hinsvegar í Argon kút til að sjóða ál og þá þarf ég að fara að endurtaka leikinn en gæti hugsað mér aðrar aðferðir. Sú sem mér hefur dottið í hug er að nota loftpressu sem er notuð til að hlaða köfunarkúta og tengja eh veginn inntakið á loftpressunni við Argon kút. Þannig væri hægt að nýta allt gasið sem er á kútnum og ekkert færi til spillis. Hægt væri að vera nokkrir í svona aðgerð og færa úr einum 50L kút (Argon eða Mison) yfir á mörg slökkvutækishylki. Ef við sleppum kostnaðnum við dælinguna þá ætti hver kútur núna að vera orðin mjög ódýr.

Látið vita ef einhver vill halda áfram með þessa hugmynd.

Kv. Ívar

[villi58]

Hef verið með flösku á leigu núna í nokkur ár. Fékk hana upphaflega hjá Strandmöllen, en nú er Ísaga búin að eignast flöskuna og að sjálfsögðu snarhækkuðu þeir ársleiguna fyrir flöskuna, enda einokunarfyrirtæki. Ársleigan var upphaflega 10-11 þúsund, en hækkaði í 15 þúsund við að komast í eigu Ísaga.
Nú ætla ég að skila flöskunni inn og prufa að sjóða með kolsýru. Hafa einhverjir fleiri reynslu af því á svart járn ?

Kv, Stebbi Þ.

Búinn að vera með kolsýru yfir 30 ár í skúrnum og líkar vel, kolsýra var einu sinni talin betri í boddývinnu en margar blöndur komnar á síðustu áratugum. Var búinn að nota í vinnunni nokkrar tegundir og sá ekki að kolsýra væri neitt verri.
Þetta sníst um hvaða efni þú ert að vinna með hvaða gas hentar best.

[Startarinn]

Nú ætla ég að skila flöskunni inn og prufa að sjóða með kolsýru. Hafa einhverjir fleiri reynslu af því á svart járn ?

Kv, Stebbi Þ.

Ég er búinn að nota kolsýru slökkvitæki við suðuna mína í nokkur ár (skipti ekki einusinni um krana), eini munurinn sem ég finn er að suðan frussar ívið meira. Ég prófaði Mison 2 á suðuna sem ég er með í vinnunni þar sem til stóð að setja ryðfrían vír í hana, þar virðist suðan kaldari en hún var með mison 18

[Freyr]

Ég var með kolsýru um tíma og gafst upp á því, kaldari suður og meira fruss. Slapp svosem til í grófri vinnu en gafst upp þegar ég fór að sjóða í boddýstál. Skipti í mison 18 og það var allt annað líf...

[stebbiþ]

Já, greinilega skiptar skoðanir á ágæti kolsýrunnar. Ég nota mest MIG-vélina í boddýstál og þynnra efni, annars notar maður bara gömlu pinnavélina. Ég væri ekkert að velta þessu fyrir mér ef leigan væri ekki svona há. Helvítis okur og ekkert annað!

[olei]

Blandgasið gefur áferðarfallegri suður við vissar kringumstæður. Ef maður væri mikið að sjóða í boddý eða fínsmíði þá mundi maður líklega vilja hafa það við hendina. Þráðsuður eru síðan æði misjafnar og ef illa gengur kennir maður stundum kolsýrunni um, bara til að komast að því að það var ekki raunin þegar maður kemst í betri suðvél.

Kolsýra er síðan viðurkennt gas við viðgerðir á ýmsum burðarvirkjum og vinnuvélum þannig að málið snýst ekki um að hún sé eitthvað undirmáls varðandi styrk. Þvert á móti raunar.

[olei]

Já, greinilega skiptar skoðanir á ágæti kolsýrunnar. Ég nota mest MIG-vélina í boddýstál og þynnra efni, annars notar maður bara gömlu pinnavélina. Ég væri ekkert að velta þessu fyrir mér ef leigan væri ekki svona há. Helvítis okur og ekkert annað!

Með fullri virðingu fyrir vinum okkar í AGA þá eru einokunartilburðir þeirra vægast sagt þreytandi. Ég hef ekki geð í mér til að skipta við þá og þarf þess ekki sem betur fer.

[Stebbi]

Ég hef mikið verið að velta fyrir mér svona málum.

Ég vona að enginn hneikslist á mér en sú leið sem ég hef farið til að fá blandgas inná kút í minni eign er að taka hylki á dagleigu, tengja á milli kútanna og opna báða. Þá lekur frá þeim fulla yfir á þann tóma. Að því gefnu að þú sért með jafn stóra kúta ertu núna með tvo hálffulla.
Borgaðir vissulega slatta fyrir gasið en enga leigu nema í einn eða tvo daga.

Með þessu móti getur þú valið þér hvaða gas þú vilt fá og ég hef verið að nota blandgas, mison18 eða fogon20.
Núna langar mig hinsvegar í Argon kút til að sjóða ál og þá þarf ég að fara að endurtaka leikinn en gæti hugsað mér aðrar aðferðir. Sú sem mér hefur dottið í hug er að nota loftpressu sem er notuð til að hlaða köfunarkúta og tengja eh veginn inntakið á loftpressunni við Argon kút. Þannig væri hægt að nýta allt gasið sem er á kútnum og ekkert færi til spillis. Hægt væri að vera nokkrir í svona aðgerð og færa úr einum 50L kút (Argon eða Mison) yfir á mörg slökkvutækishylki. Ef við sleppum kostnaðnum við dælinguna þá ætti hver kútur núna að vera orðin mjög ódýr.

Látið vita ef einhver vill halda áfram með þessa hugmynd.

Kv. Ívar

Það gæti hugsanlega hjálpað að frysta tóma kútinn áður en þú færir á milli, gætir náð aðeins meira gasi þannig.

[birgir björn]

stebbi eg er hjartannlega sammála þér. eg var að borga 8 þúsund fyrir áfyllinguna hjá strandmöllen og fór núna í ísaga og þeir tala um 15 þúsund eg einfaldlega labbaði út þetta er rugl og eg mun ekki vesla við þá

[cecar]

Ég hef verið að selja kolsýrukúta þegar að ég á þá til, stundum nýja og stundum notaða með 5-6 kg innihaldi.

Kveðja Frank
Slökkvitæki ehf
Helluhrauni 10, Hafnarfirði,
Austurveigi 52, Selfossi.
S: 565-4080

[Startarinn]

Ég hef verið að selja kolsýrukúta þegar að ég á þá til, stundum nýja og stundum notaða með 5-6 kg innihaldi.

Kveðja Frank
Slökkvitæki ehf
Helluhrauni 10, Hafnarfirði,
Austurveigi 52, Selfossi.
S: 565-4080

Gætir þú sett krana fyrir mig á kúta sem ég á til?
Annarsvegar hylki úr lífbát og hinsvegar gamalt kolsýruslökkvitæki
Hvað kostar svoleiðis ef framkvæmanlegt?