Klöppin brennur - enginn í hættu

[ellisnorra]

Algjörlega ójeppatengt.

Í dag þurfti 35 ára gamalt hús að víkja fyrir nýju. Þetta var rúmlega 100 fm timburhús á einni hæð. Kveikt var í því í dag og að því tilefni hélt slökkviliðið reykköfunaræfingu. Þetta hús hét Klöpp og var á Kleppjárnsreykjum í Reykholtsdal í Borgarfirði.

Ég tók nokkrar myndir af tilefninu, og langar að sýna ykkur þær hér og tilefnið er hversu virkilega hraðvirkt eyðileggingarafl eldsins er. Það tekur innan við klukkutíma frá því kveikt er í þangað til það hefur algjörlega jafnast við jörðu.

Myndirnar eru í opnu albúmi á facebook og undir þeim eru tímasetningar.

http://www.facebook.com/media/set/?set= ... 397&type=3

Njótið vel og höfum hugfast hversu mikið eyðileggingarafl eldurinn sem við leikum okkur stundum með getur verið.

[kolatogari]

já sæll, maður hefði ekki tíma til að forða sér út úr þessu

[Stebbi]

Kofinn var bara horfinn í bál á 10 mínútum.

[grimur]

Virkilega góð áminning. Takk fyrir þetta innlegg.

Ég hef orðið vitni að eldsvoða sem var ekki planaður.
Húsið var alelda á 5 mínútum frá því að elds varð vart, hrunið á 45 mínútum.
Ég hefði aldrei getað ímyndað mér hversu hratt þetta gerist og hvernig ástand verður við svona aðstæður nema upplifa það.

Gott að hafa í huga núna þegar jólaskreytingarnar með kertum og dóti fara að detta inn.

Ég vil ekki valda einhverri paranóju, en förum varlega með skreytingarnar og höfum eldvarnir í lagi.

kv
Grímur

[jongud]

Kofinn var bara horfinn í bál á 10 mínútum.

Þetta er svakalegt að sjá.
Bara smá spurningar;
Hvernig kveikuð þið í?
Létuð þið eldinn byrja í öllum herbergjum í einu?
Var mikill vindur?

[Haffi]

Hvernig kveikuð þið í?
Létuð þið eldinn byrja í öllum herbergjum í einu?
Var mikill vindur?

11:40 Nokkrum mínútum fyrr var kveikt í, ég veit ekki nákvæmlega hversu mörgum mín eða hvernig nákvæmlega var kveikt í.

[ellisnorra]

Kofinn var bara horfinn í bál á 10 mínútum.

Þetta er svakalegt að sjá.
Bara smá spurningar;
Hvernig kveikuð þið í?
Létuð þið eldinn byrja í öllum herbergjum í einu?
Var mikill vindur?

Ég veit ekki alveg hvernig kveikt var í, en sennilega hafa einhver eldhvetjandi efni verið notuð til að ná eldinum af stað, enda var ekkert inn í húsinu.
Mér sýnist að það hafi verið kveikt í í hjónaherberginu, þar sjást eldtungurnar fyrst koma út um gluggann.
Vindur var sáralítill og nánast alveg logn megnið af timanum, eins og sést vel á myndunum.