Olíuverk í 2,4 Hilux

[ihþ]

Er að spá með olíuverk á hilux dísel 2,4. Var að skipta um þéttingar á inngjafaröxlinum og fl og tók lokið af. Finnst hann reykja meira eftir það og vera tregari í gang á morgnanna. Stilliskrúfan aftan á verkinu, er hún fyrir snúning eða ?? Vita menn hvernig hún á að vera til að virknin sé sem best ( mm).

[villi58]

Þú ert örugglega að tala um skrúfuna fyrir olíumagnið, fyrir 6 mm. lykil og gat í gegnum boltahaus stutt frá enda. Ættir ekki að hreyfa við henni.

[ihþ]

Er hræddur um að það sé of seint !! Veit einhver hvernig hún er rétt stillt ?

[villi58]

Ef þú skrúfar hana inn þá bætirðu við olíumagnið, láttu hann ekki reykja of mikið.

[ellisnorra]

Það er ekki hægt að skipta um þessa fóðringu nema að fikta í þessari skrúfu. Best hefði verið í upphafi að telja hringin sem þú hefur skrúfað, en það er sennilega of seint núna :)
Fiktaðu þig áfram úr þessu, gefðu þér nógan tíma og horfðu á reykinn sem hann gefur frá sér. Þegar allur reykur er horfinn í hægagangi og þegar þú þenur hann heima við skúr á skaltu fara í prufutúr. Það er í lagi að hann reyki pínupons, en ef það kemur svart ský úr honum í átaki þá skaltu passa þig og dóla heim því of mikil olía (hiti) brennir gat á stimplana hjá þér.

Númer 1 2 og 3 úr því sem komið er, gefa sér tíma :)

[ihþ]

Takk fyrir þetta piltar.

[rauðhaus]

Gæti verið að verkið sé ekki alveg rétt á tíma.

[ellisnorra]

Gæti verið að verkið sé ekki alveg rétt á tíma.

Nánast útilokað ef það var ekki vandamál fyrir aðgerðina. Ég skipti einusinni um þessa fóðringu hjá mér og ég man ekki til að það þurfi nokkuð að koma nálægt tímagírnum. Hinsvegar þarf að skrúfa magnskrúfuna nánast ef ekki alveg úr til að ná lokinu ofan af verkinu. Hún er mjög nákvæm í stillingum, 1/4 úr hring gerir heilmikið og ólíklegt að hitta á alveg réttan stað, jafnvel þó maður sé meðvitaður um nákvæmni og tilgang þessarar skrúfu, hvað þá ef maður er ekki full meðvitaður um það eins og þráðarstofnandi talar um.