Illfæri vegaþráðurinn. Fyrir hálendisfara í sumar

[Hfsd037]

Hlynur Freyr, þú breyttir póstinum þínum svo minn meikar varla sens :(

Já, ég vildi ekki vera leiðinlega týpan

[Gísli]

Mér finst menn stundum gleyma að segja öðrum til og liðsinna og veita upplýsingar, mér finst það allavega betri aðferð til að tala við fólk heldur en að vera uppnefna fólk og rífast eins og ég veit ekki hvað. En þetta var góð byrjun á þráðinum að reyna að fá blákalt frá ferðamönnum hvernig vegirnir eru en svo var þetta algjörlega eiðilagt. Vona að það verði annar þráður stofnaður með þessu málefni og þessi settur til hliðar. Það eru svartir sauðir alsstaðar en tal um þá á ekki heima á þessum þræði.

[vidart]

Byrja á að segja að ég er á Patrol á 35" dekkjum

Ég var að koma úr vikuferð, fór í Landmannalaugar Sigölduleiðina og sá vegur er ekki góður, þvottabretti á löngum köflum. Á leiðinni inní Laugar var ég með 28 pund í dekkjunum og skrölti inneftir í 2. gír en var búinn að lækka í 20 pund þegar ég fór sömuleið til baka og þá var lítið mál að keyra í 3. gír þannig að það er ekki spurning að það borgar sig að taka úr dekkjunum.
Fór síðan Sprengisand uppí Nýjadal og sá vegar er mun betri en Sigölduleið, eitthvað um þvottabretti en auðvelt að hanga í 3. gír og stundum í 4. gír.
Ég fór síðan Gæsavatnaleið uppí Öskju og Gæsavatnaleiðin er mjög seinfarin á köflum en þó engin þvottabretti. Ég hefði ekki viljað vera á minni dekkjum að klöngrast yfir urð og grót en get þó alveg trúað því að með lagni er hægt að fara á minni bílum. Síðan þegar komið var á sandana fyrir sunnan Öskju var lítið mál að keyra á útopnu. Vegurinn uppí Herðubreiðalindir er líka nokkuð góður, allavega lítið sem ekkert um þvottabretti. Vegurinn úr Herðubreiðalindum og niðrá þjóðveg var líka að mestu leiti góður, allavega lítið mál að keyra í 3. til 4. gír mestalla leiðina og ég mætti bíl frá Vegagerðinni sem var að brjóta niður þvottabretti sem hafði myndast á nokkur hundrað metra kafla.
Fór síðan þaðan uppí Ásbyrgi og tók nýja veginn fyrir vestan Jökulána og var þá aftur kominn með 28 pund í dekkin og eftir að malbikinu lauk þá skrölti ég norður í 2. gír enda mikið um þvottabretti þarna.

Mér finnst ekkert að því að keyra fjallvegi í 3. gír á 40-50 km hraða. Maður er í fríi og er ekkert að flýta sér. Þeir sem kvarta yfir því að geta ekki ekið á 100 km hraða á fjallvegum eru eitthvað að misskilja hlutina. Ef þú ert að flýta þér frá Reykjavík til Akureyrar þá tekuru hringveginn og getur náð því á 4-5 tímum. Það tekur allavega 6 tíma að keyra sjálfan Sprengisand og þá bætist við að komast úr byggð og aftur í byggð.

Ég vona að þetta nýtist einhverjum.

[kjartanbj]

Ég hefði farið neðar en 20 pund bara prufað mig áfram

[vidart]

Já ég hefði örugglega getað farið neðar, en ég er nýr í þessu og hef ekki á hreinu hver eru viðmiðin á hraða miðað við þrýsting í dekkjum svo þau fari ekki að ofhitna.

[Izan]

Hvað ertu að gera við 20 pund í dekkjunum? Ég ætla bara rétt að vona, konunnar þinnar vegna að þú hafir hleypt meira úr á Urðarhálsinum.

Prófaðu næstu helgi að fara leiðinlegann veg á ca 12 pundum og vittu hvort þér líki Patrolinn.

Kv Jón Garðar

P.s. ég keyrði Urðarhálsinn á 8 pundum fyrir 4 árum síðan í brúðkaupsferðinni. Þá er Pattinn silkimjúkur. Ef þú ferð mikið niður fyrir 10 pund skaltu ekki keyra mikið yfir 50 km/hr

[-Hjalti-]

Er fólki alveg sama um bílana sína ? Akandi með malbiks loftþrýsting í dekkjunum yfir þvottabretti og annað. ( veit að margir vita ekki betur )
Meðan þú ert að passa dekkin þín hvernig heldur þú að þú farir með dempra og annað í bílnum sjálfum ?

[hobo]

Fór í Landmannalaugar áðan í gegn um Dómadal og síðan að Ljótapolli, Blautaveri og að Hófsvaði. Ók svo Sigölduleið norðurúr og til byggða.
Ég er á 38" Hilux, gormum að aftan og á klöfum með uppskrúfuðum vindustöngum, ekki besta fjöðrunin á jeppa að framan. En ég var í 12 pundum allan tíman og fann ekki mikið fyrir þessu.
Rétti hraðinn er líka lykilatriði.

[vidart]

Eins og ég sagði fyrr þá er ég að læra og það er greinilegt að ég þarf að prófa að fara niðrí svona 15 pund.
En þá er ég með spurningu. Hvað væri lágmarks þrýstingur ef maður ætlar að keyra á 60-80 km hraða?

[Izan]

Sæll

Hvað telur þú þig vera að spara með að spara úrhleypingar?

Það er ekki til neitt lögmál hvað þú gettur hleypt mikið úr eða keyrt hratt annað en að ef þú sérð að dekkin eru farin að krumpast. Þá ertu farinn að ganga of langt. Felgubreiddin skiptir líka miklu máli í þessu því að þeim mun breiðari felgu sem þú notar getur þú hleypt meira úr áður en dekkin krumpast. T.d. stóð nissan pikkupp hjá mér í fullri hæð á 5 pundum á 13,5" felgum og 35" dekkjum. Draumabíll í fjallvegaakstri með mikið úrhleypt, hægt að keyra eins og hann kraftaði (sem var sosum engin ósköp)

98 Patrol myndi ég tæpast nota með meira en 20-22 pund alla að jöfnu (nema í löngum malbiksakstri) og fara niður undir 10 pund á grófum fjalvegum. Á grýttum og leiðinlegum slóðum myndi ég líklega prófa 6-8 pund en ekki fara mikið og lengi yfir 50-60. Á 12 pundum léti ég hann bara hafa það, 110 ef svo bæri undir. Pumpaðu bara aftur í þegar þú leggur á malbikið. Ég hef látið 38" gang hafa það óþvegið og þau dekk hafa enst mér í 5 eða 6 ár og mér finnst það ágæt ending, sérstaklega því að ég hef keyrt mikið suma vetur á þeim. Stærri dekk en það þola hinsvegar mjög illa miklar úrhleypingar og hraðann akstur nema næg kæling sé fyrir hendi.

Hjalti á nefninlega kollgátuna, með því að spara úrhleypingar þá eykur þú álagið til muna á legur, spindla og dempara titringurinn fer miklu verr með allann bílinn heldur en ef þú hleypir vel úr. Með því að endurnýja framhjólalegur keypta í umboðinu með pakkdósum, spindillegur og dempara ertu kominn í verð á nýjum dekkjagangi eða langt til.

Kv Jón Garðar.

[-Hjalti-]

Sorglegt að horfa á útlendinga skrölta þetta á sínum trukkum í 30psi.. jafnvel á fjaðrablöðum í þokkabót

[kári þorleifss]

Þetta spilast auðvita allt saman. Hversu mikið loft þú ert með í dekkjunum, aksturslagið og hvort þú sért á bara í afturdrifinu eða í framdrifinu líka hvernig vegirnir taka við bílnum. Auðvita eru vegir ekkert sérstakir svona undan vetri en það munar helling að menn séu einmitt ekki spólandi á eindrifsdósum upp brekkur og jafnvel slætandi í beygjum á afturdrifinu einu eða einmitt svoleiðis skröltandi með grjótpumpað á góðri siglingu..

En hvað veit ég svo sem, hef ekki keyrt íslenska malar/hálendisvegi í alltof marga mánuði

[Oskar K]

það er nú yfirleitt fyrsta mál á dagskrá hjá mér að fara niður í 10psi um leið og ég keyri útaf malbikinu, maður khefur ekkert með það að gera að keyra hraðar en 50-60 uppá hálendi svo dekkin hjá manni ná aldrei að hitna