Það sem átti að vera smá nudd í ryðblettum endaði með að bíllinn var rifinn ofaní grind. Og nú er að bretta upp ermar og hefja endurreisnina.
Bíllinn er 1974 model af bronco sport sem ég er búinn að eiga í einhver 7-8 ár. Bíllinn er sjálfskiftur, 8 cyl 302 og 35 tommu breyttur. Búinn að vera minn aðal jeppi síðan ég fékk hann og þar sem ég ætla að láta grafa mig í honum, þá er allt í lagi að taka nokkur ár og nokkra þúsundkalla í að gera hann eins og ég vil hafa hann.
Samverkamaður minn og myndtökumaður er Stefán sonur minn 10 ára. Planið er að hann geti farið á rúntinn á bílnum þegar hann fær bílpróf.
Algjörlega frábær bíll..
Framsætin úr colt turbo og aftursæti úr pajero komin í geymslu og verða trúlega notuð aftur.
Ryð, óvinur nr.1
Þarna var orðið ljóst í hvað stefndi.
Gott að vita af rafkerfunum frá Bronco graveyard og Painless. Auðvelt að skifta öllu út.
Bíllinn var síðast tekin í gegn af frændum mínum á Borgarfirði Eystri eins og þessi límbönd frá Álfasteini innan í afturhliðunum vitna um.
