Andfúl miðstöð

[Óskar - Einfari]

Sælir félagar

Miðstöðin í Einfara er orðin hrikalega andfúl... hvað er það sem þarf að þrífa... þarf að fara í alla miðstöðvarstokka eða er einhver sía/filter einhverstaðar?

Kv.
Óskar Andri

[Óskar - Einfari]

Þetta er meira áberandi í köldum blæstri heldur en heitum

[Járni]

Spurning með frjókornasíu, er oftast bakvið hanskahólfið. Þekki þetta samt ekki sérstaklega í Hilux.

[Freyr]

Það er til hreinsir til að úða í inntakið á miðstöðvum til að drepa bakteríugróður í miðstöðvum sem lykta illa, myndi klárlega byrja á því og sjá hvort það dugar. Sjálfsagt er svona hreinsir til frá mörgum aðilum en í fljótu bragði man ég því miður bara eftir honum frá Bell Add sem fæst í Vélalandi. Því miður segi ég því eigandinn þar fór illa með mig í viðskiptum fyrir nokkrum árum, kostaði mig mikinn tíma og svolítinn pening.

Best að taka fram að ég hef ekki notað svona hreinsi sjálfur en kanski virkar hann??????

Kv. Freyr

P.S. Ef ekkert gengur með Einfara þá færðu þér bara Cherokee ;-)

[Óskar - Einfari]

Hvað segirðu Freyr, er Cherokee miðstöð????

[nobrks]

Er bíllinn með aircondition?

[Óskar - Einfari]

Já, og það er sér rofi sem kveikir á loftkælingunni.... finnst þetta ekki vera háð því hvort það er kveikt á aircon eða ekki

[StefánDal]

Ef það er AC í bílnum eru líkur á því að það slagi inn í miðstöðvar lögnum. Það gæti svo safnast í polla og fúlnað. Ég myndi prufa að láta miðstöðina þurrka sig með miklum og heitum blástri (eða ísköldum AC blástri) og nota svo efnið sem Freyr benti á.

[Cruser]

Sæll Óskar
Veit að Grettir Vatnskassar hafa verið með græju til að hreinsa svona, þetta eru óhreinindi sem setjast á miðstöðvar elementin, og þetta þarf að hreinsa á 4-5 ára fresti. Ég myndi prufa að tala við þau þar 577-6090
Kv Bjarki

[Óskar - Einfari]

Takk fyrir svörin, ég ætla að reyna þetta sjálfur áður en ég fæ einhvern annan í þetta en það er gott að vita af þeim hjá Gretti.

[Einar]

Einu sinni fyrir langa löngu lenti ég í því að þurfa að setja músagildru í bíl sem ég átti til að veiða mús sem settist að í miðstöðinni, ef hún hefði látið lífið þar inni hefði það örugglega ekki lyktað vel þannig að ég þorði ekki að reyna að svæla hana út.
Ég er samt ekki viss um að þetta gæti gerst í nútímabílum, allskonar síur og dót sem loka leiðinni fyrir svoleiðis laumufarþegum.

[AgnarBen]

Þessar mýs eru nú duglegar, félagi minn fann músarskít og með því í hanskahólfinu sínu þegar hann sótti hann í geymslu út á Keflavíkurflugvelli núna um daginn. Þarna hafði hún það greinilega nokkuð gott á meðan hann sleikti sólina, þetta er nokkurra ára gamall Pathfinder .... Líklega er músunum kalt þarna í Keflavík !

[HaffiTopp]

Gætir prófað að nota svona http://www.scholl.com/en-GB/Odour-Control-Shoe-Spray-150ml/10002070/ProductDetail.raction í skóna þína til að byrja með, og ef það skánar ekkert og konan heldur áfram að kvarta þá er um að gera að prófa þetta hér http://stilling.is/vorur/vara/TESOA150/ eða samsvarandi frá snillingunum hjá Wurth https://verslun.wurth.is/efnavara/bila-efnavorur/2-254-snar-ferskur.html og að endingu færðu þetta https://verslun.wurth.is/efnavara/bila-efnavorur/2-251-sotthreinsiu-i.html sem var búið að benda á hér að ofan. Svo ef ekkert gengur verðuru bara að henda bílnum, þar sem þetta er nú bara Toyota ;)
Kv. Haffi

[ingolfurkolb]

Ég hef þurft að hreinsa miðstöð þar sem mús hafði gert sér hreiður. Allt drapst annað hvort við að fara í viftu spaðan eða bara úr hita. Þetta var í Baleno, en þvílík liktin sem kom úr miðstöðinni, það var ólíft í bílnum.

[ssjo]

Eina sem ég veit er að það er hólf fyrir frjókornasíu í Hilux (allavega í 2008 árg.), á bak við hanskahólfið eins og einhver benti á, en bílarnir koma síulausir. Gætir opnað hólfið og kíkt inn. Ég keypti fjórkornasíu í minn bíl og tek hana úr við og við og lem mest ruslið úr henni. Verður fljótt skítug en mesta gagnið gerir hún með því að taka við laufblöðum og alls konar rusli sem kemur inn um loftinntakið.

[sveinnelmar]

Það er spurning hvort mús hafi skriðið í miðstöðina og drepist. Ég veit af einsu svoleiðis tilfelli.