Vélar í fox

[birgthor]

Sælir allir, nú eru miklar pælingar í gangi.

Hvaða volvo vélar var mest sett ofan í Sukku Fox og hverjir er kostir/gallar milli B18, B20, B23 og fleirri.

Ég er semsagt að velta fyrir mér hverskonar volvo vél væri hentugust.

[joias]

Guðni Sveins á Siglufirði ætti að vita þetta. Hann er búin að prófa allt í sambandi við Súkku Fox með og án Volvo véla.

[Einar]

Allt er þetta nú náskylt. B18 og B20 eru að mestu sama vélin önnur 1,8L og hin 2,0L báðar með toppventla og undirlyftustangir. Þær voru í notkun þangað til í kringum 1976.
B21 og B23 eru eins og nöfnin gefa til kynna 2,1L og 2,3L, þær eru komnar með annað hedd og yfirliggjandi kastnás og leysa B18/B20 af hólmi. B19 var líka einhverntíma til og yngri útgáfur hétu B200, B230 og síðan voru ótal undirútgáfur einkenndar með mismunandi bókstöfum á eftir númerinu.
Allt góðar vélar og valið aðalega spurningu um smekk og hvað er í boði.

[Krúsi]

Volvo B230FK Túrbó:

http://volvospjall.is/viewtopic.php?f=10&t=2416

[JHG]

Alltaf gaman að ryfja upp gamla tíma :)

Ég átti langa súkku yfirbyggða (með íslensku húsi, ekki plasthúsinu) sem ég setti B20A í, hækkaði og setti undir hana 33" dekk (og komst bara ansi mikið).

Fyrst var ég með 73 model af B20A en hún var uppgefin 75 hestöfl. Eftir að ég stútaði henni þá áskotnaðist mér B20B, tveggja blöndunga vél (voru örugglega ekki margar hér á landi). Það var allt annað dæmi, skilaði um 120 hrossum og bíllinn var allur annar. Varð reyndar þreyttur á þessum tveimur blöndungum, reyf þá af og setti einn blöndung af B23 í staðinn. Við þetta var svo fjögurra gíra Volvo kassi.

Þessar vélar toguðu mjög vel, sem dæmi þá var litla systir að prófa súkkuna mína upp brekku (ekki mjög brött en brekka samt) og tók af stað í þriðja. Það var ekkert vandamál, var bara svolítið lengi upp :)

[birgthor]

Hann vill fá yfir 200000kr fyrir Volvo B230FK Túrbó vélina. Hvernig er B200F?

[Blazer K5]

b200f er ágætismótor, eyðir ekki miklu en mér hefur alltaf þótt hann heldur máttlaus, þeas. í fólksbílnum. þetta er innspýtingarmótor með skynjaradrasli, airflow, oxygen og einhverjum knock sensorum. þetta er náttúrulega bara spuring eftir hverju þú ert að leita.

A mótorarnir eru einfaldir, bara blöndungur og ekkert vesen toga skemmtilega á lágum snúningi. á b21a handa þér fyrir lítið fé ef þú hefur áhuga

E mótorar eru svona í uppáhaldi hjá mér, þá ertu kominn með CI innspýtingu,= ekkert tölvudrasl sem bilar, þokkalegt afl en togið er á aðeins hærri snúning. eru líka hentugir til breytinga.

[Stebbi]

B230E væri upplögð í súkku fox, þá væri jafnvel hægt að nota sjálfskiptinguna við þann mótor. Það er örugglega hægt að finna einhverstaðar gamlan 240GLT volvo sem er falur fyrir mjög lítið fé til að nota sem donor, eða þá 16v mótor úr 740 bíl.

[birgthor]

Ég er neflilega buinn að finna einn mótor sem eigandinn segir vera B200E (ég hélt þetta hefði verið F) og er með skiptingu. Ég var svona að velta því fyrir mér hvort þetta væri sniðug lausn ofan í Fox sem ég er með, hann er skráður 850kg svo það er sjálfsagt helmings þyngd Volvosins. Hann er á 31" og fer kannski á 35" með tíð og tíma.

Það sem mig vantar er mótor sem eyðir rétt um 8-10 í rólegum innanbæjar akstri en væri allavega 100hp.

Er þetta bara ekki idealt?

[JHG]

hmmm, ætli Volvoinn sé þá besti kandidatinn. Mín (langa) súkka með B20B var alltaf með í kringum 15 í bænum (reyndar ekki mikil rólegheit enda kostaði bensínið ekki handlegg og fót). Veit að það voru einhverjar súkkur með súkku Twin Cam vélinni (var um 120 hp ef minnið svíkur mig ekki, sem það gerir reyndar oft) og einhverjar með toyotuvélum (já og ekki má gleyma fiatinum).

En að öðru leiti þá væri Volvo fínn :)

[Stebbi]

Volvo 240GLT var að losa rétt svo 1300kg og eyddi á milli 10 og 12 á hundraðið sjálfskiptur með 230E vélini. Ef að snúningnum er haldið í skefjum á svona fox með réttum hlutföllum þá ætti ekki að vera mikil breyting á þessum tölum. Volvoinn var á ca 1700rpm í 90 með overdrive'ið á, sjálfsagt mætti foxinn vera nær 1900-2000rpm miðað við að hann er aðeins meiri múrsteinn á vegi en volvo.

[Einar]

Súkkan sem ég átti einu sinni 1988 stuttur háþekja með orginal krami nema Rancho fjöðrum, Weber blöndungi og á 33" á stálfelgum var 1050kg með fullan orginal bensíntank. Eyðslan var yfirleitt 10-14 lítrar eftir aðstæðum en þessi blöndungur virkaði að vísu aldrei almennilega.

[birgthor]

Já það væri alveg fínnt ef þetta væri í kringum 10-12 lítrana, skiptir ekki öllu. Frekar að þetta séu gangvissir mótorar sem skili mér frá a-b hvernig sem viðrar ;)

Var orginal 1300 mótor í þínum Einar?

[Einar]

Var orginal 1300 mótor í þínum Einar?

Já fyrir utan blöndunginn.
Ég var alltaf að gæla við V8 Range Rover mótor þegar ég átti hann, það ætti ekki að vera meira mál að koma honum fyrir heldur en Ford V6 sem settur hefur verið í sumar Súkkur. Hann er mjög nettur og er léttari en margir 4 sílendra mótorar t.d. Volvo og eyðir engum ósköpum. Komst nú samt aldrei svo langt að mæla þetta út.
Best hefði verið að geta notað allt settið, vél , sjálfskiptingu og millikassa. Millikassinn í Range Rover leifir tiltölulega há drifhlutföll vegna þess að hann er örlítið niðurgíraður í háadrifinu og lága drifið er einnig mjög lágt.

[Stebbi]

Hann er mjög nettur og er léttari en margir 4 sílendra mótorar t.d. Volvo og eyðir engum ósköpum.

Nú held ég að Austuríska lyklaborðið sé að stríða þér Einar.

[birgthor]

hehe, ég held að rover eyði ekki jafn mikið í 2t range og í 0.85t fox

[Stebbi]

Ef að þessi vél skilaði nú einhverju fyrir allt það bensín sem hún tekur þá væri sjálfsagt hægt að nota hana.

[birgthor]

En aftur í Volvo, eru engar fleirri reynslusögur af B200E?

Nú eða aðrar góðar hugmyndir að léttum mótorum sem skila einhverju og eyða sem minnstu á móti. Svo að sjálfsögðu stæðsta skilirðið, lítið sem ekkert verð ;)

[Einar]

Ef að þessi vél skilaði nú einhverju fyrir allt það bensín sem hún tekur þá væri sjálfsagt hægt að nota hana.

Ég átti einn svona árgerð 1988 3,5EFI og eyðslan var allt í lagi fyrir bíl í þessum þyngdarflokki, ég hef aldrei skilið hvaðan þessar tröllasögur koma með eyðslu á Range, en grunar þó að þær séu frá þeim tíma þegar þeir voru með tveimur Stromberg blöndungum sem engin virtist kunna að stilla til að vinna saman. Og það er nóg til af skemtilegu dóti í þær hjá tjallanum ef menn eru ekki sáttir við aflið (sem ég held að væri ekki vandamál í Súkku).

Hvað varðar að v8 rover vinni ekki vel þá lendir þessi vél yfirleitt í ósanngjörnum samanburði af því að hún er 8 sílendra. Það er alltaf verið að bera hana saman við vélar sem eru miklu stærri, raunhæfur samanburður er að bera hana saman við vélar sem eru svipaðar í rúmtaki og þær eru oftast 6 sílendra og þá kemur hún ágætlega út.

En nú skal ég hætta að trufla Volvo umræðuna.

[Stebbi]

En aftur í Volvo, eru engar fleirri reynslusögur af B200E?

Nú eða aðrar góðar hugmyndir að léttum mótorum sem skila einhverju og eyða sem minnstu á móti. Svo að sjálfsögðu stæðsta skilirðið, lítið sem ekkert verð ;)

VW 1.9TDI væri fín ef þú vilt ekki að þetta eyði neinu, bara spurning um að möndla einhvern gírkassa aftaná hana. Eins líka þá 2.5TDI úr VW Transporter eða Caravelle.

[birgthor]

Ohhh mér leiðist einhvernvegin svo vw, en svo held ég að bensín sé skárra í svona buddu

[birgthor]

Hvernig eru 2,3 bensín mússó/bens vélarnar, hvað ætli þær séu þungar? Mig minnir að þær séu um 150hp og eyða mjög hóflega.

Kannski hún sé of löng vél?

[birgthor]

Er enginn sem hefur verið að gramsa í 2.3 mussó vélum?

[Sævar Örn]

Hef aldrei gert við svoleiðis vélar en finnst þær leiðinlega kraftlausar miðað við eyðslu en þannig er það auðvitað í musso töluvert stærri bíl.


Ef þú fýlar ekki vw skil ég ekki hversvegna þér dettur musso í hug...

[Sævar Örn]

ef þú ert með fox eða samurai þá eru til bolt on kit fyrir vw díselvélar, þ.e. adapter plate fyrir girkassa og stýri og rafkerfi og mótorpúða... alger snilld og passar fínt í bílana.

http://www.youtube.com/watch?v=ssP1g0qg ... re=related

[Sævar Örn]

og svo þetta... mótorhjólamótor

http://www.youtube.com/watch?v=NVer0uo0 ... re=related

[birgthor]

Mér er ekkert illa við vw mótorna í sjálfu sér, frekar bara transporter bílana ;) ég er búinn að vinna svolítið á svoleiðis og mér þykja þeir svo máttlausir og gírkassar fljótir að fara. Þetta getur svosem bara verið rugl í mér þar sem þessir bíla sem ég hef prófað hafa verið mikið notaðir og kannski smá hnjaskaðir.

Mússó vélin er að mig minni 130-150 hp og í óbreyttum mússó sem é-er kynntist var hún að eyða 10-12 í blönduðu.

[rottinn]

eg veit um einn fox med volvo b21T sem er örugglega falur fyrir minna en 200þus ef þu hefur ahuga

[birgthor]

Ég á reyndar fox en félagi minn er að leita sér af svoleiðis, endilega sendu mér upplýsingar á birgir@kjalarnes.is

[rottinn]

Þetta er meira svona ónýtur Fox búðingur sem er einskis virði. En vélin er í lagi og er einhvers virði

[birgthor]

Endilega sendu mér einhverjar upplýsingar á netfangið og kannski símanúmer.

[juddi]

Volvo mótorarnir eru nú ekki þeyr léttustu spurning að fara bara í smiðju Suzuki og nota kram úr vitöru 2,0 2,5 eða 2,7 td eru v6 mótoranir skítléttir allir úr áli er búin að ná mér í einn slíkan sem ég ætla að nota í Jimny

[birgthor]

Gallinn hjá mér er að ein breytan í formúlunni fyrir réttu vélina er verð og ég held að þessir nýrri súkku mótorar sé tiltölulega dýrir. Hvernig ætli 4,3 vortec sé í svona breytingu?

[Einar]

4,3 Vortec eru hörku mótorar og hafa komið vél út. Hann er raunar einfaldlega 350 Small Block Chevy V8 mínus 2 sílendrar þannig að ætternið er pottþétt. Hvort hann passar í Súkku veit ég hins vegar ekki, væntanlega ekki léttasti kosturinn.

[juddi]

4.3 vortech er töluvert notaður í Ameríku í súkkur en hann er miklu þyngri en v6 súkku mótor því v6 súkku mótorinn er ekki mikið þyngri en orginal 4 cyl mótorinn , en með verð er ódýrast að fynna tjónaðan bíl og slíta úr honum kramið

[tommi3520]

skemmtileg umræða, ég hef sjálfur áhuga á þessum fox/samuari bílum en minni áhuga á 1000cc mótorunum sem leynast oft í þeim.

gaman að vita af þessu VW dæmi sem Sævar póstaði inn, þægilegt þegar maður getur keypt svona bolt on kit.

Tommi

[Grímur Gísla]

VW 1,9 td er ekki nema 140 kg þurrvigt (298 pund). 109 hö og 240 Nm, sem er svipað og í 2,9 td Mússó. Í Kanada geturðu fengið breytikitt og vélar innfluttar frá þýskalandi í pakka.

[Grímur Gísla]

Rover vélin V8 er 66cm á breidd, 72 cm á lengd, 70 cm á hæð og 145 kg

[ellisnorra]

Ég á til grams til að gera góðan volvo turbo mótor ef einhvern vantar.

[jeepcj7]

Það er nú alveg must að koma ford að í þessa umræðu td.3.8 V6 vélin er ca.140-50 kg,til ca.200 hö og svo með blower ef menn vilja meira ef vélin kemur úr afturdrifsbíl er lítið mál að finna skiptingu/kassa (sama og sbf)