2003 Ford F350 Yfir á ?

[Sæfinnur]

Eins og það er leiðinlegt að þú skuli hafa þurft að lenda í þessari krabbameins aðgerð, þá er það að sama skapi æðislegt fyrir okkur hina að þú skulir vera komin í gang aftur. Þetta er eitthvað sem maður les alltaf vel og vandlega. Vonandi gengur þetta vel

[svarti sambo]

Takk fyrir það Sæfinnur.

Ég hef það eftir vönum manni í réttingabransanum að þetta sé býsna algengt eftir groddaleg framrúðuskipti þar sem menn skeyta engu um hvort þeir hafi skemmt lakkið eða ekki. Svo kemst alltaf vatn í þetta og þá byrjar ryðið

Vissulega á það við í einhverjum tilfellum, en ég held að aðal vandamálið sé rigningarvatn sem liggur undir gúmmíkantinum og nær ekki að þorna almennilega á milli rigninga. Var að spá í það að setja glæra sílikonrönd undir jaðarinn á gúmmíkantinn, þegar að rúðan er kominn í. Þ.e.a.s. þar sem toppurinn er og niður á miðjar hliðar. Veit ekki hvort að það sé lausn, en alveg þess virði að prófa. Þetta vandamál hrjáir sennilega alla bíla að endanum, bara mis hratt. Svo fá flestir bílar í dag að kenna á þessum umhverfisöfgum, eins og t.d. lélegu lakki. Einnig eru bílaframleiðendur farnir að spara málningarvinnuna full mikið.

[Axel Jóhann]

Alveg magnað hvað allir bílar vilja ryðga þarna einmitt.

Já, og það sem verst er, að það sást ekkert sem benti til þess að þetta væri komið í drasl.
Bara smá bólur á lakki í jaðrinum á kantinum.

Yfirleitt kemur þetta ekki í ljós fyrr en helv. Rúðan er tekin úr.

[svarti sambo]

Jæja.
Ekki mikið gerst, en þó eitthvað.
Búinn að sandblása gafl, topp og megnið af framrúðukarminum.
Gleymdi að taka myndir af topp og gafl, en hér eru nokkrar af framrúðukarminum.

Mynd 1.jpeg (286.45 KiB) Viewed 22386 times

Mynd 2.jpeg (287.35 KiB) Viewed 22386 times

Mynd 3.jpeg (215.24 KiB) Viewed 22386 times

Þegar að ég er svo hættur að blása í bili, þá hef ég gluðað prólani á blásna svæðið, til að loka járninu.
Ég veit að það er fita í þessu efni, en það er ekki vandamál í næsta þrepi.

[Axel Jóhann]

Er þessi litla blástursbyssa alveg að virka þokkalega?

[svarti sambo]

Er þessi litla blástursbyssa alveg að virka þokkalega?

Vissulega er hún engin túrbó græja, en ef að riðið er þykkt, þá hef ég bara brotið það með gjallhamri eins og hægt er og blásið svo.
En ég prófaði að nota stálsand, en hann virkaði ekki vel.
Mér finnst fjúksandur úr fjörunni vera bestur í þessa byssu.
En það kostar skolun og þurrkun á sandinum fyrir notkun.
En góðir hlutir gerast hægt. :-)
En ég er aðallega að hugsa um sóðaskapinn í kringum þennan blástur, og get takmarkað hann eitthvað með þessari byssu.
Hún virðist vera að skila sínu.
Svo hika ég ekki við að reyna að skafa lakkið af með vasahnífnum í jaðrinum á riðblettinum.
Þá kemur oft meira rið í ljós undir lakkinu, þó að lakkið sé vel fast á. Járnið s.s. farið að dökkna.

[svarti sambo]

Smá update.

Búið að sandblása, prólanbera,skera úr og sjóða í aftur.
Einnig þurfti að rétta boddýið eftir suðusamdrátt og til að fá upprunalegan styrk.

Mynd 4.jpeg (286.24 KiB) Viewed 19620 times

Síðan var grunnað með.

Mynd 7.jpeg (222.19 KiB) Viewed 19620 times

Byrjað að spærsla að framan.

Mynd 5.jpeg (77.76 KiB) Viewed 19620 times

Og búið að sandblása að aftan og byrjað að skera úr þar.

Mynd 6.jpeg (216.32 KiB) Viewed 19620 times

[svarti sambo]

Jæja.
Er ekki rétt að uppfæra aðeins.

Hér er búið að sjóða í toppinn.

Mynd 8.jpeg (231.03 KiB) Viewed 19094 times

Hér er búið að fræsa niður suðurnar með kapít oddum, þar sem að það hendar best í það frekar en slípirokkur.
Maður stjórnar þá betur efnistökunni. Samkv. mínu mati.

Mynd 9.jpeg (51.38 KiB) Viewed 19094 times

Hérna er svo búið að laga gluggafalsið.
Hundleiðinlegt út af tvöfölduninni.

Mynd 11.jpeg (36.52 KiB) Viewed 19094 times

Og svo var allt þrifið og grunnað og gert klárt fyrir næsta skref.

Mynd 12.jpeg (268.85 KiB) Viewed 19094 times

Og svo er bara að halda áfram.

[Axel Jóhann]

Þessi vinna er svo lúmskt tímafrek, verður alltaf meira en maður áætlar.

[svarti sambo]

Þessi vinna er svo lúmskt tímafrek, verður alltaf meira en maður áætlar.

Nkl.
Byrjaði sem einföld framrúðuskifti og það sér ekki fyrir endann á þessu.
Held samt að ég muni taka hann í pörtum.
Kominn tími á að fara að liðka hann aðeins.
Klára húsið í fyrstu atrennu og svo verður pallur yfirfarinn.
Sennilega verður pallurinn tekinn í tveimur skrefum.
Fyrst verður all rið tekið og blettað, síðan verður honum breytt og hann málaður.
Fer sennilega líka í hurðar eftir blettun á palli. kominn tími á þær.
Og í einhverju ferlinu verður farið í grind líka.
En tíminn leiðir þetta allt í ljós.

[Axel Jóhann]

Um að gera að taka þetta í skrefum, því það þarf að nota þetta líka, það vill verða ef maður byrjar á öllu í einu þá ílengist það endalaust.

[svarti sambo]

Andskotinn.

Krabbameinið orðið alvarlegra en ég vildi vita á pönnunni.

Mynd 13.jpeg (19.75 KiB) Viewed 18703 times

En sem betur fer gerðist þetta á þessum tímapunkti.
Þar sem að ég vissi að þetta væri bara tímaspursmál hvenær þetta myndi gerast, þá var ég búinn að fá nýja pönnu.
Á að vera hægt að skifta um hana, án þess að taka vélina úr.
Þarf samt að smíða mér eitthvað í það, til að lyfta vélinni upp, til að komast í pickupinn.
Þarf að ná að losa pickupinn first, svo hægt sé að ná pönnunni undan, út af bitanum sem er fyrir miðri pönnu.
Sem sagt gleði verkefni. :-)

[svarti sambo]

Hálfnað verk þá hafið er.

Panna.jpeg (221.38 KiB) Viewed 18065 times

Eftir smá pælingar og vangaveltur, þá var þetta niðurstaðan á aðferðarfræðinni.

Pönnuaðgerð.jpeg (227.77 KiB) Viewed 18065 times

Ákveðið var að það yrði sennilega einfaldast að lyfta vél og boddý-i í þessari aðgerð.
Byrjaði fyrst á því að lyfta bara vélinni, eins og hægt var og losa pönnu.
En ég sá ekki með nokkru móti að það ætti eftir að ganga upp, þó svo að ég myndi losa pick-upinn líka.
Þannig að ég losaði þá boddý-ið líka og lyfti þvi upp.
Þá var hægt að ná pönnunni undan, án þess að losa pick-upinn.

[Sævar Örn]

Ég hef horft á kanana gera þetta með því að saga þverbita undan grindinni framanverðri, sjálfsagt er það í fínu lagi ef vandað er við samsetninguna að nýju. Sama aðferð á yngri dodge pallbílum.

Eru menn almennt að standa í þessu að hífa vél og yfirbyggingu fyrir pönnuskiptin?

[jongud]

Eru menn almennt að standa í þessu að hífa vél og yfirbyggingu fyrir pönnuskiptin?

Mér skilst að það sé varla hægt að gera nokkurn skapaðan hlut í eða kringum vélina á þessum bílum án þess að hífa boddíið af.

[svarti sambo]

Ég hef horft á kanana gera þetta með því að saga þverbita undan grindinni framanverðri, sjálfsagt er það í fínu lagi ef vandað er við samsetninguna að nýju. Sama aðferð á yngri dodge pallbílum.

Eru menn almennt að standa í þessu að hífa vél og yfirbyggingu fyrir pönnuskiptin?

Eftir því sem mér var sagt, þá má ekkert eiga við þverbitann.
Ekki einu sinni að skera hnoðin og setja bolta í staðinn.
Myndi aldrei nenna að standa í suðuferlinu sem myndi fylgja skurðinum.

Það er ekki mikið mál að lyfta bodddý-inu á þessum bílum.
Svona klukkutíma vinna. Og allt verður mjög aðgengilegt og sennilega mikill tímasparnaður í flestum tilfellum.
Sumir í kanaveldi hafa tekið vélina úr fyrir þessa aðgerð. En mér hugnaðist það ekki. Of mikil vinna.
Veit að ljónin hafa gert þetta án þess að lyfta boddý-i. En þeir eru búnir að smíða sér einhver sérverkfæri í það.
Og losa pick-upinn með pönnuna undir. En þá held ég að bíllinn verði að vera á lyftu og sennilega að vera econoline.
Vélin ( túrbínan ) var strax komin í hvalbakinn. Kannski verið hægt að draga samstæðuna fram.
Nennti allavega ekki að finna leiðina, til að sleppa því að lyfta boddý-inu.

Mér skilst að það sé varla hægt að gera nokkurn skapaðan hlut í eða kringum vélina á þessum bílum án þess að hífa boddíið af.

Það er oft gert en ekki alltaf. Það þarf að gera það oftar á 6.0 vélinni.
Ég get allavega skift um spíssa án þess að lyfta boddý-i.
En eftir að hafa prófað að lyfta boddý-inu, þá á ég alveg örugglega eftir að gera það oftar, til að auka aðgengi.

[svarti sambo]

Jæja.
Manaði mig upp í að halda áfram með pönnuskiftin.
Klárað var að þrífa allar sílicon klessur eftir gömlu pönnuna.
Nýja pakkningin skoðuð og nýjir pinnboltar settir í, sem fylgdu með pakkningunni.
Það er yfirleitt ekki notuð pakkning, en bara steypt í olíu og hitaþolið sílicon ( RTV silicon ).
Ákvað að láta reyna á svona pakkningu. Leyst betur á hana.
Vona bara að það hafi ekki verið mistök.

Panna..jpeg (267.06 KiB) Viewed 17887 times

Einnig var keypt nýtt kvarðarör.

Kvarðarör.jpeg (252.31 KiB) Viewed 17887 times

Pannan komin undir og full hert ásamt kvarðaröri.
Svona lítur þetta út og þarna sjáið þið þrengslin í kringum pönnuna.

Pönnuaðgerð..jpeg (32.3 KiB) Viewed 17887 times

Pönnuaðgerð...jpeg (258.99 KiB) Viewed 17887 times

Og svo er bara að halda áfram að skrúfa.

[jongud]

Þegar það er svona vesen að komast að hlutunum þá er sniðugt að vera með minnisbók í bílnum og skrifa niður ALLA hluti sem er auðveldara að athuga eða laga með húsið uppi.
Taka þá svo alla fyrir þegar einhver má ekki bíða lengur.

Þetta á líka við ef það er ætlunin t.d. að taka pallskúffu af.

[svarti sambo]

Þegar það er svona vesen að komast að hlutunum þá er sniðugt að vera með minnisbók í bílnum og skrifa niður ALLA hluti sem er auðveldara að athuga eða laga með húsið uppi.
Taka þá svo alla fyrir þegar einhver má ekki bíða lengur.

Þetta á líka við ef það er ætlunin t.d. að taka pallskúffu af.

Það er rétt Jón.
Ef það liggur ekki þeim mun meira á að laga viðkomandi vandamál.
Það er sem betur fer minna um það, að lyfta boddý í 7.3, heldur en í nýrri bílunum.
Og það er lítið sem ekkert vesen á henni heldur. En það getur komið krabbamein víða.
Sérstaklega þar sem að það er stundum verið að salta auðar götur.
Eða þá að menn búa í sjávarplássi og sjávarseltan fer reglulega yfir plássið.
Minnir að ég hafi lesið það einhver staðar, að þetta sé 1.000.000 mílna vél.
Þegar að ég var að velja bíl, þá sögðu þeir mér hjá Brimborg að hafa engar áhyggjur af 7.3
Þeir hefðu fengið inn á gólf svona bíla, keyrðir yfir 500.000 km og átt að opna vélina og skoða legur og fl.
En það hafi aldrei neitt séð á legum, þó svo að þeir hafi skift um þær, þar sem að það var búið að opna þetta.

[ellisnorra]

Alltaf gaman að fylgjast með hér. Takk fyrir að halda spjallinu á lífi.

[jongud]

Þetta er flott pönnupakkning. Ég hef séð svipaðar pakkningar fyrir Chevrolet small- og big-block og sýnist á youtube og fleiri miðlum að flestir sem eru að taka þær vélar upp noti orðið svona pakkningar.

[svarti sambo]

Alltaf gaman að fylgjast með hér. Takk fyrir að halda spjallinu á lífi.

Takk fyrir það.
Maður reynir að gera sitt besta til að halda lífinu í jeppaspjallinu.
Þó svo að maður mætti vera duglegri við að skrúfa og gera.
Enda er þetta besti gagnabankinn, bæði fyrir mig og aðra.

Þetta er flott pönnupakkning. Ég hef séð svipaðar pakkningar fyrir Chevrolet small- og big-block og sýnist á youtube og fleiri miðlum að flestir sem eru að taka þær vélar upp noti orðið svona pakkningar.

Já, lúkkar vel.
Ég vona allavega að gæðin fylgi verði.
En ég las á netinu um skiftar skoðanir á svona pakkningu.
Og ég hallast að því, að þar sem að hlutirnir voru ekki í lagi eftir pönnuskiftin.
Þá hafi menn ekki staðið rétt að þessu.
Þó svo að maður sé með svona pakkningu, þá þarf að setja RTV sílicon á ákveðnum stöðum líka, blokkar megin.

[svarti sambo]

Smá uppfærsla.

Við pönnuskiftin, þurfti að breyta hlífinni á skiftingunni.
Þar sem að pannan kemur aðeins neðar, þarf að taka aðeins úr hlífinni.

Hlíf.jpeg (222.67 KiB) Viewed 16963 times

Setti svo má þettikant á sárið, sem ég fékk í bílasmiðnum.

Hlíf..jpeg (54.95 KiB) Viewed 16963 times

Ákvað einnig að nota tækifærið og setja hnoðrær í toppinn fyrir brautir.
Þessar brautir verða svo fyrir kastara, loftnet og fl.

Braut hm.jpeg (63.93 KiB) Viewed 16963 times

Braut vm.jpeg (201.32 KiB) Viewed 16963 times

Svo er sparsl vinnan komin vel á veg.
En kunningi minn sér um hana, ásamt málun.
Treysti mér ekki í hana sjálfur.

Spærsl 1.jpeg (25.13 KiB) Viewed 16946 times

Spærsl 2.jpeg (265.08 KiB) Viewed 16946 times

Spærsl 3.jpeg (293.33 KiB) Viewed 16946 times

Spærsl 4.jpeg (278.66 KiB) Viewed 16946 times

Einnig er hann byrjaður að matta hann.

[svarti sambo]

Nú er illt í efni.

Kunningi minn málaði toppinn, gaflinn og í kringum fram rúðuna.
En því miður urðu hlutirnir ekki eins og við var að búast.
Bæði liturinn og áferðin varð ekki í lagi.
Hef enga hugmynd um, hvað gæti hafa gerst.
Hefur verið sprautað með þessu lakki áður, án vandræða, en nú fór allt í tómt rugl.

Set hér inn nokkrar myndir til að halda sögunni réttri.

Sprautun.jpeg (237.43 KiB) Viewed 16673 times

Sprautun..jpeg (249.94 KiB) Viewed 16673 times

Sprautun...jpeg (42.59 KiB) Viewed 16673 times

Þannig að nú þarf að fara í töku tvö. :-(

[Fordinn]

Jæja hvad er að gerast ?

[elli rmr]

Hvað geriðst við lakkið ??

[svarti sambo]

Jæja hvad er að gerast ?

Það er ekkert að gerast eins og er vinur. Varð svo svektur með málunina, að hann er bara að safna ryki sem stendur. Reikna með að byrja á honum aftur í vor, þar sem að heimilið hefur fengið alla athyglina mína síðustu mánuði og þarf að klára það fyrst.

Hvað geriðst við lakkið ??

Ég veit það ekki nákvæmlega, en þetta er stór furðulegt. Svona fyrir utan að vera með áferð eins og á appelsínuberki, Þá var gul slikja í lakkinu, sem virðist hafa jafnað sig með tímanum. Veit ekki hvort að þetta sé vegna hitastigs eða lakkið ónýtt, eða bæði. Lakkið átti allavega ekki að hafa orðið fyrir neinu. Var búinn að nota það á kanta og scópið, án vandræða.