ryðgað prófíltengi og stöng

[Rögnvaldurk]

Sælt gott fólk,

Patrolinn minn er með prófíltengi að aftan með dráttarkúlu. Þetta prófíltengi er fest á þverstöng sem er á báðum endum fest á grindinni. Nú er þetta allt saman ryðgað og vil ég endurnýja þetta. Hvaða leið mælið þið með ?
Kaupa allt saman nýtt, og ef já, hvar fæst þetta ?
Láta sandblása og pólýhúða eða galvanísera ?
Einhver önnur hugmynd ?
Nú myndi ég helst vilja hafa tvo dráttaraugu á þessari þverstöng (eitt vinstra og eitt hægra megin) til að geta dregið fasta bíla eða láta draga mig þegar ég er fastur (recovery points) Vitið þið hvar svoleiðis fæst á Íslandi ?
Allar hugmyndir velkomnar.
Myndin er bara svona til að gefa svona hugmynd um þetta.

Kveðja,

Rögnvaldur

[gislisveri]

Sæll Rögnvaldur.

Sjálfur myndi ég byrja á að rífa þetta undan og skoða ástandið og ef þér líst ekki illa á, láta blása og húða. Galvaniseringin er líka vissulega góð og mun jafnvel endast bílinn.

Það væri svo hægt að sjóða massíf dráttaraugu fyrir D-lás á þverstöngina en það þyrfti að vera sem næst festingum upp á styrkinn að gera og almennilega soðið til að þetta verði ekki að gereyðingarvopni fyrir þann sem þiggur spottann.

Svo er svona stykki líka sniðugt til að festa spotta:

0000446_receiver-d-ring-shackle-bracket-2-29312.jpeg (97.92 KiB) Viewed 4138 times

Ef þér líst svo ekki á beislið geturðu athugað verðið á nýju hjá Briddebilt (Prófílstál)

Kv.
Gísli

[jongud]

Hér er hugmynd að sterku dráttabeisli.
Nota 5-6mm vinkiljárn sem boltast í gindina. Ef götin í grindinni eru á hliðinni þá er plata notuð. Aðalatriðið er að fá sléttan flöt sem snýr langsum.
Á þann flöt er skorið gat fyrir prófílinn sem gengur þvert yfir að aftan. Þannig verða það ekki bara suður sem halda prófílum heldur umlykur slétti flöturinn prófílinn. Og til að koma dráttaraugum fyrir þá er hægt að láta slétta flötin sem snýr langsum ná aftur fyrir prófílinn. Þann flöt er hægt að þykkja með stáli sem sýðst við prófílinn, og þar verður gat fyrir D-lás.
Þetta eru svona mínar 12,88kr

[jongud]

...það liti þá einhvernvegin svona út...

Biti.png (9.33 KiB) Viewed 4081 time

[jongud]

...og svo fékk ég aðra hugmynd.
"Soft shackle" úr ofurtógi er alveg nóg til að draga með, og að auki glamrar það ekki í bílnum.
Gallinn er að það er hætta á að það dragist til á dráttarbeislinu ef maður setur það beint utan um þverbitann.
Hvenig væri þá að sjóða kvarthring úr sæmilega sveru rúnnstáli í kverkarnar? Þannig myndi "ofurtógshlekkurinn" ekki dragast til.

kvarthringur.png (4.56 KiB) Viewed 4078 times

[íbbi]

ég myndi nú segja að grundvallar atriðið sé hvort beislið sé heilt. er komin mikil tæring í það eða er veggþykkt ennþá álíka því sem hún var í upphafi? ef beislið er ekki of tært, er vandað og með ásættanlega uppgefna dráttargetu þá er ekkert af því að blása það og mála. ég hef gert það nokkrum sinnum.

augun geturu bara soðið á, þú getur fengið einhvern til að beygja fyrir þig tein, skorið keðjuhlekk eða keypt auga.

annað sem ég myndi gera, er að pólíhúða ekki beislið. ég myndi frekar nota tveggja þátta epoxy grunn (t.d jotamastic) og svo lakk ofan á, hvort sem það er líka tveggja þátta eða eða ekki. grunnurinn sjálfur er yfirleitt það stekur að hann dugir hvað vörn varðar