Toyota Hilux 2012

[sakkiboy]

Komið þið sæl hér á jeppaspjallinu
Ég var að kaupa mér þennan glæsilega 38" breytta hilux og ákvað að skella í þráð um hann hérna á spjallinu. Maður er alltaf að skoða jeppaspjallið og um að gera að deila líka með sér til að halda spjallinu gangandi :)

Hér erum við að tala um bíl sem er 38" breyttur hjá breyti sem hefur alltaf verið í eigu ferðaþjónustufyrirtækis og átti þessi bíll heima í skaftafelli og var notaður til að ferja staff í vélsleða og fjórhjóla ferðir. Virkilega vel með farinn og heillegur bíll sem hefur lítið séð af salti, hann er þó töluvert grjótbarinn á lakki enda mikið keyrður um sanda. Bíllinn er 38" breyttur en er á 37" cooper dekkjum

Nú af því að ég bý á höfuðborgarsvæðinu þar sem göturnar eru saltaðar þá ákvað ég að fara með bílinn í ryðvörn hjá Smára Hólm í síðustu viku og hann sagði orðrétt að þetta væri heillegasti Hilux sem hefur komið inn um dyrnar hjá honum! Hann talaði um styrktarbita sem er undir pallinum á þessum bílum sem er alltaf farinn af ryði, en var alveg stráheill í þessum bíl sem segði allt sem segja þarf ;)

Snapchat-859481431.jpg (972.17 KiB) Viewed 15512 times

Það fyrsta sem ég geri alltaf þegar ég kaupi bíl er að panta gluggahlífar og var ekki lengi að græja þær

20210114_204553.jpg (4.57 MiB) Viewed 15512 times

20210114_204601.jpg (3.66 MiB) Viewed 15512 times

Eitt af því litla sem var að bílnum þegar ég kaupi hann er að handbremsa var slöpp og útilega í afturhjóli, ég græjaði það bara sjálfur núna um helgina úti á plani hjá mér, skifti um handbremsubarka, dælu, borða og gorma

20210116_160605.jpg (2.72 MiB) Viewed 15512 times

Ég er búinn að panta mér spilara með stórum skjá og gps og interneti frá Ali frænda sem planið er að keyra Oruxmaps á með íslandskorti
Næst á dagskrá eru svo framrúðuskifti þar sem rúðan er sprungin.
Svo í framtíðinni er úrhleypibúnaður á óskalistanum, jú og auðvitað 38" dekk en ég hef ekki alveg efni á þeim akkurat núna þar sem ég var að kaupa mér jeppa. Held það verði líka bara skemmtilegri uppfærsla þegar að henni kemur að byrja á að leika mér á þessum dekkjum og finna svo muninn þegar hann er kominn á AT dekk

[jongud]

Eru þessi 37 tommu dekk á 16 eða 17 tommu felgum?

[sakkiboy]

Eru þessi 37 tommu dekk á 16 eða 17 tommu felgum?

Jú mikið rétt, þetta eru 17" felgur

[Járni]

Ljómandi, Hilux stendur alltaf fyrir sínu!

[jongud]

Eru þessi 37 tommu dekk á 16 eða 17 tommu felgum?

Jú mikið rétt, þetta eru 17" felgur

Er þá ekki spurning um að nota þær og fara beint í 40 tommu dekk?
Ef það er ekki búið að breyta bremsunum á bílnum til að koma 15-tommu felgum undir er það aukapakki upp á ca. 100 þúsund, plús nýjar felgur ef þú ætlar í AT dekkin sem eru bara til fyrir 15-tommu felgur.

[sakkiboy]

Eru þessi 37 tommu dekk á 16 eða 17 tommu felgum?

Jú mikið rétt, þetta eru 17" felgur

Er þá ekki spurning um að nota þær og fara beint í 40 tommu dekk?
Ef það er ekki búið að breyta bremsunum á bílnum til að koma 15-tommu felgum undir er það aukapakki upp á ca. 100 þúsund, plús nýjar felgur ef þú ætlar í AT dekkin sem eru bara til fyrir 15-tommu felgur.

Já þú hefur lög að mæla!
Þarf að skoða það betur, ætla að fá að máta 15 tommu felgur hjá félaga mínum á næstunni og sjá hvort þær komist undir.

[Axel Jóhann]

Færi frekar í Cooper 40" dekkin, þau eru líka ódyrari 82.990kr vs 108.650kr fyrir AT dekkin. Annars reffilegur Hilux!

[sakkiboy]

Fórum norður til Akureyrar í smá strákaferð
Skellti bílnum í smurningu á fimmtudag en hundurinn á n1 skrúfaði hráolíusíuna eitthvað skakkt í svo það míglak úr henni

20210121_225213.jpg (4.17 MiB) Viewed 15039 times

Leiðinlegt að lenda í en við skrúfuðum hana bara aftur rétt í og málið dautt og við leggjum í hann norður á föstudagsmorgun

received_446102999894978.jpeg (552.59 KiB) Viewed 15039 times

Löguðum einnig kastarana sem vildu ekki kviknast á, relíið hafði þá bráðnað vegna rangarar tengingar á einum vír og ég kláraði að skifta um seinni handbremsubarkan.

received_446607579805027.jpeg (402.53 KiB) Viewed 15039 times

Átti nokkuð erfiðan akstur norður í miklum skafrenningi og mátti litlu muna tvisvar í sömu brekkunni hjá húnaveri þegar allt í einu birtist stór ford pikki með bílakerru og stefnir beint í andlitið á mér en nær að sveigja frá og sveiflar kerrunni harkalega til við viðbragðið. Svo aðeins ofar í brekkunni birtist range rover á fleygiferð á röngum vegarhelmingi og stefnir beint í flasið á mér en nær rétt að forðast árekstur. Það var svo blint að ég skreið bara upp brekkuna og fór mjög varlega og var mjög óþægilegt að fá þessa rasshausa í andlitið á allt of mikilli ferð miðað við aðstæður, en það voru bara allir heppnir þarna

20210122_214233.jpg (2.78 MiB) Viewed 15039 times

Tókum bústað í kjarnaskógi og létum fara vel um okkur, ferðin átti að snúast um snjóbretti en það er ekki búið að vera veður í það og lokað í fjallinu, svo við keyrðum bara um og höfðum gaman í snjónum. Fórum ekkert út fyrir siðmenninguna enda einbíla og vitlaust veður en rúntuðum slatta bara um akureyri og kjarnaskóg í djúpum snjó og fékk að prófa bílinn svolítið og kynnast honum og við náðum að renna okkur eitthvað aðeins á brettunum. Svo var gaman að hjálpa nokkrum föstum bílum

received_738323990124155.jpeg (425.54 KiB) Viewed 15039 times

received_1334333493601764.jpeg (448.54 KiB) Viewed 15039 times

received_1358840211135266.jpeg (708.24 KiB) Viewed 15039 times

Festi hann aðeins þarna en með hörð dekk svo það var bara hleypt niður í 4 pund og bakkaði úr þessu

Fékk mjög góða reynslu á bílinn í dag og er bara mjög ánægður

Við vorum að djöflast mikið í snjó og hoppa mikið inn og útúr bílnum snjóblautir og bévítans tau áklæðið á sætunum allt blautt og út í vatnsblettum sem mér þykir ekki vera nógu verklegt. Pantaði mér á ebay áklæði úr gervi leðri og hlakka til að sjá hvernig þetta kemur út, þetta ætti allavega ekki að drekka í sig vatn og drullu eins og tau ruslið.

Screenshot_20210124-015340_Chrome.jpg (195.77 KiB) Viewed 15039 times

Gleymdi að seigja í fyrri pósti varðandi raflásinn en hann nær ekki að kveikja á heldur blikkar bara ljósið í mælaborðinu sem er víst algengt vandamál. Planið er að græja lofttjakk á lásinn sem ég hef heyrt að maður kaupi í borgarnesi, vinur minn þekkir til og við ætlum að græja þetta á næstunni ásamt að útbúa loftkút undir bílinn. Úrhleypibúnaður er samt aðeins lengra í framtíðinni en rökrétt að byrja á loftkút sem fyrsta skref í þá áttina

Ég þarf líka að fara með hann í hjólastillingu sem allra fyrst, hægra framdekkið er með rugl halla og sést bersýnilega á stilliboltunum hvað þeir snúa alveg í sitthvora áttina

[Járni]

Fínasta ferð hjá ykkur, þetta hefur verið frískandi =)

[sakkiboy]

Jæja kominn tími á update

Blessuð 37 tommu dekkin sem voru undir honum eru öll ónýt!
Var að lenda í leka á 3 dekkjum og lét skoða það, kom í ljós að naglarnir sem voru í dekkjunum voru röng gerð fyrir þessi dekk og voru farnir að stinga í gegn. Naglinn var jafn langur og kubbarnir á dekkjunum.

[ Play Quicktime file ] 20210213_204921.mp4 [ 9.56 MiB | Viewed 14342 times ]

Ég fann fínan gang af negldum AT38" á fínum felgum með úrhleypi spöngum og hnjám á flottu verði svo ég skelli mér bara á þau

received_860120664765170.jpeg (42.96 KiB) Viewed 14342 times

Fór í hjólastillingu í lok jan en fæ þær fréttir að það sé ekki hægt að hjólastilla vegna þess að naf/spindil armarnir báðum megin voru kengbognir. Þá var ekkert annað að gera en að redda því

Keifti notaða arma frá partasölu og lét sandblása

20210209_130904.jpg (3.12 MiB) Viewed 14342 times

og lét styrkja armana hjá breyti

20210212_172539.jpg (4.05 MiB) Viewed 14342 times

20210212_172549.jpg (4.3 MiB) Viewed 14342 times

Við vinirnir hentum örmunum í easy

Screenshot_20210214-002848_Snapchat.jpg (1.14 MiB) Viewed 14342 times

Munurinn á gömlu/nýju

received_1526163137773286.jpeg (80.1 KiB) Viewed 14342 times

Þegar bílnum var slakað niður varð hann svona innskeifur

20210213_233827.jpg (3.07 MiB) Viewed 14342 times

Stýrisendi var bara lengdur í botn svo hægt væri að keyra hann í hjólastillingu, einnig var ca 5cm munur á hæð frá dekki í kant að framan en það jafnaðist aðeins út við hjólastillingu en hann er samt ennþá svolítið siginn bílstjóramegin og rekst 38 tomman í bæði framan sig og aftur fyrir sig í fullri beygju.
Ég fór með bílinn í hjólastillingu hjá bifreiðaverkstæði kópavogs og var stýrismaskínan núllstillt og liðkuð upp

Armarnir sem komu úr bílnum voru greinilega sitthvor smíðin, annar var frá breyti síðan bílnum var breytt en hinn var með öðruvísi styrkingu soðna svo það hefur eitthvað gerst hjá fyrrv eigenda til að hann hafi skift um annan arminn þannig að bíllinn er kanski ekki alveg eins ofur heillegur og ég hélt en þetta er allavega allt komið í toppstand núna og allt beint og fínt

Er búinn að láta skifta um framrúðu og búinn að setja þokuljós og húddpumpur frá ali sem koma bara ágætlega út

20210222_181617.jpg (3.68 MiB) Viewed 14342 times

20210222_181604.jpg (3.95 MiB) Viewed 14342 times

[íbbi]

er alltaf v eikur fyrir þessum lúxum á 38"

eitthvað finnst mér bílaplanið þarna kunnulegt. er ekki frá því að ég hafi "byrjað" að búa í þessu húsi

[sakkiboy]

er alltaf v eikur fyrir þessum lúxum á 38"

eitthvað finnst mér bílaplanið þarna kunnulegt. er ekki frá því að ég hafi "byrjað" að búa í þessu húsi

Gaman af því, ég byrjaði sjálfur að búa hérna fyrir um 3 árum :)