stýristjakkur í stað millibilsstangar

[isak2488]

Sælir. Langar að setja steering Ram tjakk í stað millibilsstangar.Veit einhver hvort þessi búnaður sé löglegur.

[Sævar Örn]

engar breytingar á stýrisgangi eru beinlínis ólöglegar, allar samsuður á stýrisíhlutum þurfa hinsvegar að fara í prófun á verkfræðistofu og vottorð að fylgja hlutnum í skoðun

[-Hjalti-]

Nú er þetta orðið mjög algengt. Er stórmál að fá þetta skoðað?

[Stjáni Blái]

Þetta er löglegt ef að stýrismaskínan er notuð sem deilir fyrir tjakkinn

[grimur]

Ég stend í þeirri meiningu að mekanísk tenging þurfi að vera(togstöng) til staðar ásamt vökvatengingunni, burtséð frá hvernig gengið er frá glussanum. Það þarf allt að uppfylla skilyrði um mekaníska burðargetu, sem er skoðað með tilliti til suðusamsetninga(myndun/vottun) og svo almennra tenginga með gengjum, boltum og kónum t.d.
Hvað raunverulegt álag/styrk varðar í þessu samhengi hef ég ekki séð almennilegar skilgreiningar, enda erfitt að setja fram almennar kröfur sem ættu að gilda í þeim efnum þar sem upphaflegur stýrisgangur hannaður af framleiðanda er jafnan að sjá töluvert breytt álag bara við stærri dekk með aðra miðjustaðsetningu en gert var ráð fyrir í hönnun. Reynslan hefur hins vegar sýnt að original búnaður sem klikkar í breyttum bílum á íslandi endar í innköllunarmálum á óbreyttum bílum innan fárra ára, ég þekki allnokkur dæmi um það. Búnaður sem þolir breytingarnar hjá okkur virðist ekki útsettur fyrir hinu sama.
Almenna reglan ætti því að vera mekanískur búnaður sem er að minnsta kosti sambærilegur í styrk og original fyrir sama bíl.
Ég hugsa að það sé í öllu falli skynsamlegt að hafa það að leiðarljósi sama hvað skoðun varðar, enginn vill missa stýrið við verstu aðstæður. Ég hef sjálfur tapað stýrinu vegna hönnunargalla í original búnaði(Galloper stýrisendi sem þreytusprungutærðist, þetta var held ég allavega innkallað erlendis í Mitsubishi en ekki Hyundai), það var ekki skemmtileg upplifun en sem betur fór gerðist þetta á litlum hraða í beygju eins og oftast þar sem álagið er jafnan mest við lítinn hraða í mikilli beygju.

kv
Grímur

[jongud]

Sjáðu hérna;
http://www.jeppaspjall.is/viewtopic.php?f=5&t=17319&p=163906&hilit=tjakkur#p163906
Það var settur svona tjakkur í Hulkinn og á þræðinum er rætt um 80 cruiser, patrol og ford 7,3.
Einnig veit ég um einn sem setti svona í 44" Hilux og jeppaveikin hvarf.