Bremsupedall víbrar á Vitara ´98

[hobo]

Bremsupedallinn víbrar þegar hemlað er á ferð, aðallega þegar verið er að hægja á bílnum á þjóðvegahraða.
Búið er að skoða allt í bremsum, dælur og færsluboltar liðugir og ástand á klossum, diskum og skálum mjög gott.
Einnig eru hemlakraftarnir mjög góðir.
Hvað getur þetta verið? Gæti þetta mögulega tengst höfuðdælunni?

[biturk]

Góð spurning volvoinn minn gerir þetta líka og stundum alveg hrikalega random og af miklum krafti

Ég hef spáð í því hvort lélegir abs hringir eða ónýtur skynjari geti valdip þessu eða abs mótor eða álíka

[Kristinn]

Bremsudiskar geta verið undnir þótt ekkert sjái á þeim.. Ég myndi byrja að setja nýja diska og klossa að framan.. Kv Kristinn

[hobo]

Diskar og klossar eru nýir. Einnig eru sætin hrein sem diskarnir leggjast að.

[hobo]

Kannski er þetta gallaður bremsudiskur, manni finnst eins og þetta hljóti að vera tengt diskum.

[olei]

Hvað með slit í færsluboltum, eða dælugimmikinu, sætum fyrir klossana?
Skipti nýverið um diska og klossa í Opel dós sem ég á. Byrjaði að víbra skömmu síðar. Nú er hann tekinn upp á því að festast í bremsu en virðist losna ef ég hristi stýrið til og frá á ferð. Hef ekki nennt að rannsaka þetta, dettur helst í hug slit í bremsuklabbinu.

[svarti sambo]

Getur prófað að setja hann á búkka og láta hann snúa hjólabúnaðinum, og fá svo annan til að stíga létt á bremsuna, á meðan að þú skoðar, hvort að það sé kast á þessu eða eitthvað annað athugavert. svo er það líka spurning um gæði vökvans ( gamall ).
Gæti líka verið skítur, sem hefur lent á milli.

[jongud]

Ef þú hefur aðgang að míkrómæli (klukku) þá skaltu athuga hvort það er kast á diskunum. Það sem diskarnir eru nýjir þá eru kannski litlar líkur á því, en ef nafið er gamalt þá gæti verið komin skekkja í það eða eitthvað lent á milli nafs og disks þegar þú settir þetta saman.

[helgiarna]

Þú ættir að mæla þykktina á diskunum með míkrometer á 4 stöðum með jöfnu millibili jafnlangt frá brún þeirra. Ef það munar meira en 0,03mm á þykkt á milli mælipunkta þá finnst titringur örugglega í bremsupedala. það er þekkt að nýjir diskar geti verið gallaðir. Eg var með afturdisk úr 120 cruser í höndunum um daginn þar sem munaði 0,10 mm og sá diskur var nýr og eigandinn þorði varla að nota bremsurnar vegna þess hvað bíllinn nötraði mikið þegar stigið var á bremsurnar. Til þess að auðvelda leitina þá er hægt að fara í prufutúr á fáförnum vegi með visegrip töng að vopni og loka fyrir eina bremsuslöngu í einu. Þegar bremsupedalinn hættir að titra þá er bilunin í því hjóli sem lokað er fyrir.

[hobo]

Já þetta hlýtur bara að vera gallaður diskur, en þetta byrjaði þó ekki strax eftir diskaskiptin..
Skoða þetta betur þegar/ef ég fæ bílinn aftur í hendurnar.
Takk fyrir hugmyndirnar!

[olafur f johannsson]

Lenti í svona með lancer evo sem ég átti ég setti nýja diska frá AB og þeir entust 3000km þá fór allt að skjálfa þegar bremsað var það kom í ljós að þeir diskar voru gallaðir fékk nýja hjá Ab og allt gott eftir það.