Jeppi í sporðöldulóni

[Óskar - Einfari]

Þarna hafa einhverjir komist í hann krappan og sloppið naumlega. En sem betur fer urðu engin slys (amk ekki alvarleg) og það er fyrir öllu. Ég sé að þetta er breyttur bíll. LC80 að mér sýnist. Veit einhver hvað það var sem gerðist?.... hvort það sé eitthvað fyrir okkur hina að varast?

Leiðinlegt að svona skildi fara..... bíllin er total loss geri ég ráð fyrir

http://www.mbl.is/frettir/innlent/2016/02/23/nadu_bilnum_upp_ur_loninu/

Kv.
Óskar Andri

[Járni]

Úff, vonandi verður þeim ekki meint af.

Í sambandi við svona óhöpp er ég búinn vera allt of lengi á leiðinni að kaupa mér neyðarhamar/beltaskera.

[jongud]

Ég heyrði af því að jeppinn var á leið á móti sjúkrabíl(um) með veikan farþega, en fór inná vitlaust trakk sem var frá því áður en lónið og búðarhálsvirkjun komu.
Það voru þrír í jeppanum heyrði ég, en þeir komust upp úr og á þurrt með hjálp félaganna. Svo skilst mér að þeir hafi heyrt af þyrlunni sem var á æfingaflugi í nágrenninu og höfðu þá samband við sjúkrabíl sem var að koma á móti þeim og hann hafði samband við þyrluna. Hún breytti æfingaflugi í alvöru í hvelli og mætti tíu mínutum seinna og tók þá til byggða.

EDIT
Þessi frétt segir nærri nákvæmlega það sama og ég frétti.
http://www.mbl.is/frettir/innlent/2016/02/21/hofnudu_i_spordolduloni/

[biturk]

Hvar í lónið fóru þeir

[grimur]

Eins og svo oft þá segir fréttin á MBL ekki alveg alla söguna, miðað við það sem Jón lagði inn.
Það er ógerningur að skilja af frétt MBL að mennirnir hafi verið að fara á móts við sjúkrabíl þegar óhappið átti sér stað.
Um leið og hlutirnir eru settir í það samhengi fara til dæmis hugleiðingar um fíflaskap alveg út af borðinu, það er enginn að fíflast neitt með veikan farþega í áttina á móti sjúkrabíl, en óhöpp geta sannarlega átt sér stað.

Það hefur nú ekki átt af þessum blessaða manni að ganga að vera það illa haldinn að þurfa sjúkraflutning og lenda svo í þessu í ofanálag, alveg með ólíkindum að ekki fór mikið verr.

[Brjotur]

Eitthvað hefur nú stressið samt verið , því hann er að keyra uppi á varnargarði og fer útaf honum

[jongud]

Eitthvað hefur nú stressið samt verið , því hann er að keyra uppi á varnargarði og fer útaf honum

Það var afar blit og ekkert skyggni og keyrt eftir trakki.
Jeppinn var líka hífður upp á öðrum stað en þar sem hann fór niður, þannig að myndin af krananum er e.t.v. villandi hvað það varðar.

[risinn]

AÐVÖRUN AÐVÖRUN!

Kæru félagar.

Af gefnu tilefni vil ég vekja athygli ykkar á Sporðöldulóni, uppistöðulóni Landsvirkjunar fyrir Búðarhálsvirkjun. Þetta lón er um 7 ferkílómetrar að flatarmáli en er víða ekki merkt í þeim kortagrunnum sem við erum að nýta. Til að mynda sýnir nýjasta Íslandskortið frá Garmin ekkert lón á þessum slóðum, heldur eingöngu vegslóðann sem þar var fyrir. Sá vegslóði er að sjálfsögðu á kafi í vatni eftir að lónið kom til sögunnar.

Síðastliðinn Sunnudag fór bíll niður um ís á Sporðöldulóni. Ökumaður bílsins taldi sig vera að keyra á fyrrnefndum slóða. Veður var vont og skyggni lítið og því þurfti að treysta á tækið til rötunar með fyrrgreindum afleiðingum. Allir þrír sem í bílnum voru sluppu heilir, eins og komið hefur fram á vefmiðlum undanfarið, og mega teljast heppnir með það. Það er því af biturri reynslu sem ég skrifa þessi orð hingað inn.

Ég hvet ykkur því til að vera meðvituð um þær kortaútgáfur sem þið eruð að nota, bæði persónulega og hjá ykkar einingum. Og vera sérstaklega á varðbergi gagnvart þessu ef þið hyggið á ferðalög á þessum slóðum að vetri til. Ég hvet ykkur einnig til að vekja máls á þessu í þeim ferðahópum sem þið kunnið að vera meðlimir í, svo sem 4x4, jeppaspjöllum hér á Facebook og svo framvegis.

Tekið af faecbook síðu öllum til viðvörunnar.

Kv.
Ragnar

[arnthor]

Þetta óhapp sýnir manni hve hættulegt það getur verið að vera með gamlan og úreltan kortagrunn í gpstækinu. Þetta er mjög alvarlegt mál. Mikil mildi að ekki fór verr í þetta sinn. Í hugann kemur ferlasafn F4x4, sem er aðgengilegt öllum á vef ferðaklúbbsins. Eru þar hugsanlega ferlar sem nú liggja beint út í Sporðöldulón eða önnur lón?
kv Arnþór

[jongud]

Þetta óhapp sýnir manni hve hættulegt það getur verið að vera með gamlan og úreltan kortagrunn í gpstækinu. Þetta er mjög alvarlegt mál. Mikil mildi að ekki fór verr í þetta sinn. Í hugann kemur ferlasafn F4x4, sem er aðgengilegt öllum á vef ferðaklúbbsins. Eru þar hugsanlega ferlar sem nú liggja beint út í Sporðöldulón eða önnur lón?
kv Arnþór

Ferlasafnið er reyndar ekki lengur aðgengilegt á vef Ferðaklúbbsins, það finnast síður í leit en þær enda í 404.

[eidur]

Það er reyndar aðgengilegt hér: http://www.f4x4.is/um-ferdaklubbinn/gps-grunnur/

Ferlasafnið er reyndar ekki lengur aðgengilegt á vef Ferðaklúbbsins, það finnast síður í leit en þær enda í 404.

[jongud]

Það er reyndar aðgengilegt hér: http://www.f4x4.is/um-ferdaklubbinn/gps-grunnur/

Ferlasafnið er reyndar ekki lengur aðgengilegt á vef Ferðaklúbbsins, það finnast síður í leit en þær enda í 404.

Takk fyrir þetta Eiður, mig vantaði eitthvað af skránum.
En ég athugaði kortið mitt sem er frá gpsmap.is (10-2015) og sporðöldulónið er allavega inni á því.