Jeep CJ-7 langtíma verkefni.

[Finnur]

Ég náði ágætum tíma í þetta verkefni um helgina. Kláraði að fara í gegnum rafkerfið og lóðaði saman þá víra sem verða saman á öryggi. Allir spíssar saman á öryggi, öll 8 háspennukeflin saman á öryggi, nokkrir skynjarar saman o.s.frv. Þetta er að mestu eftir uppskrift þessarar vefsíðu http://www.lt1swap.com/2000harness.htm sem menn vitna mikið í.Hér eru nokkrar myndir.



Því næst ákvað ég að kíkja á kjallarann. Þar var allt í standi. Ég þreif pönnuna vel og skoðaði o-hringinn í pick-up rörinu. Hann var í lagi og því var öllu lokað og gert klárt fyrir Start. Ég tók öll kertin úr, fyllti allt af rándýrri mótorolíu og snéri mótornum með startara til að sjá hvort hún næði upp olíuþrýsting. Það gerði hún ekki.
Eftir miklar bollaleggingar ákvað ég að rífa pönnuna aftur undan og drekkja o-hringnum í koppafeiti og dæla eins og ég gat af olíu upp í dælu. Í þetta skiptið náði hún upp olíu og allt klárt fyrir start. Þessi o-hringur er víst vandræða gripur í þessum vélum.Nokkrar myndir.




Því næst tengdi ég bráðabirgða útgáfu af bensín- og rafkerfi og prufaði að stara. Vitir menn hún datt í gang í fyrsta starti þessi elska. Hún gengur reyndar bara í nokkrar sek. og depur svo á sér en það gæti verið vegna þess að ég er ekki búin að tengja pedalann. Það kemur í ljós seinna. En þetta var virkilega ánægjulegur áfangi og fargi af mér létt.




En þetta er svona alvöru standalone kerfi þegar vélin er ein útá gólfi og fer í gang á 4 vírum tengda við 12 volt. :)


kv
Kristján Finnur

[jongud]

Gengur í nokkrar sekúndur og drepur svo á sér?
Þetta hljómar eins og þjófavörnin sem sumir hér á spjallinu hafa verið í veseni með.

[Freyr]

Tek undir þetta með þjófavörnina, það er hægt að forrita hana úr orginal tölvunum.

[Finnur]

Já ég var líka farin að gruna það, en þessi tölva var keypt sérstaklega vegna þess að hún átti að vera forrituð fyrir standalone LQ9 mótor, með þjófavörnina fjarlægða. Kemur í ljós.

KV
KFS

[andrib85]

Vel gert. Ég að ég lendi ekki í veseni með þennan o-hring þegar ég fer að setja í gang

[jhp]

Like á vélavalið,það eru komnir nokkrir LQ9 í svona bíla núna.

[Finnur]

Sælir

Ég er viss um að LQ9 mun standa undir væntingum.

En smá uppfærsla á þetta verkefni.

Ég kláraði að teikna milliplötuna og lét vatnskera hana út úr 15 mm álplötu. Útkoman er ljómandi fín og ég held að þetta komi vel út. Næst þarf ég að renna út millihólk sem miðjusetur converter og sveifarás saman. Á milliplötunni eru göt fyrir stýripinna bæði fyrir mótor og skiptingu.



Á sama tíma og þessi vélaskipti standa yfir ákvað ég að smíða upp alla afturfjöðrunina. Teiknaði allt upp í Inventor og geri ráð fyrir slanglangri fjöðrun. Allir turnar voru svo skornir út eftir teikningum. Nýjar fóðringar og hólkar frá ET í allt.





Framundan er því að skera burt allt gamalt og stilla nýju upp. Ég þarf trúlega að breyta köntum að aftan til að geta fullnýtt samsláttinn auk þess sem bensíntankurinn þvælist fyrir mér og þarf að breytast.

kv
KFS

[Magnús Þór]

Vel gert, bara metnaður .

[villi58]

Hvaða gúmmí notar þú í stífurnar og hvar fæst það ? Lítur virkilega vel út hjá þér, greinilega metnaður að gera þetta vel. Hvað þykkt efni ert þú að nota í stífuvasana (festingarnar)?

[Finnur]

Takk

Ég er að nota stífugúmmí frá ET ( http://www.et.is/user/cat/14), þeir eiga líka til stálhólkana. Stífuvasar eru allir úr 5 mm efnisþykkt.

[Finnur]

Kvöldið

Ég eyddi smá tíma um helgina í þetta verkefni.
Milliplatan er tilbúin, ég boraði út fyrir undirsink boltum sem festa hana við skiptinguna.


Flex platan var boruð fyrir aðra gerð af converter.

EFtir miklar vangaveltur milli rafmagnsviftu og mekaniskar viftu ákvað ég að fara öruggu leiðina. Keypti heavy duty kúplingu og stóran spaða ásamt push rafmagnsviftu. Þetta ásamt góðri trekt ætti að tryggja kælingu á góðum kassa.


Mótorinn var mátaður í vélarsalinn og viti menn hann passaði eins og "´biíbb" í feita vinnukonu. Nóg pláss og engir augljósir árekstrar. Reyndar verður pústið nálægt grindinni en allt vill lagið hafa. (Ekki að tala um vinnukonuna :))





Mótorinn er á sýnum endanlega stað og ég kláraði að smíða aðra mótorfestinguna.

Þetta potast hægt og rólega.

[Hjörturinn]

Alltaf jafn yndislegt að komast að hlutunum í þessum willysum, tala nú ekki um þegar búið er að lengja framendann :)

verður gaman að heyra í þessum þegar hann vaknar til lífsins :)

[Finnur]

Jæja það er kominn tími á uppfærslu. Verkefnið var í dvala frá vormánuðum og fram á haust. En nú í haust er það búið að þokast áfram og eru verklok áætluð í janúar 2016.

Ég er búinn að ganga frá mörgum endum sem fylgja svona verkefnum.
Allt rafmagn fyrir mótorinn, öryggi og relay eru tengd og frágengin.

Ég smíðaði nýtt 3" sílsapúst undir bilinn.


Nýtt kælikerfi fyrir mótorinn var sett í bílinn. Keyptur var nýr koparkassi, Steam port frá heddum LQ9 voru tengd inn á þar til gerðan "skiljukút" sem á að auka kælingu á heddum til muna. Skiljukúturinn er svo tengdur við vatnskassa með fittings og hitaþolinni slöngu með pressuðum endum.



Ég breytti skiptinum á Dana 300 kassanum í twin-stick.

Drifskaft að aftan og tvöfaldi liðurinn fengu upptekt.

Ég teiknaði nýja viftuhlíf og fékk félaga mína Hilmar og Steinar Pál til að smíða fyrir mig út ryðfríu, miklir snillingar báðir tveir.





Kantar að aftan voru lengdir um 8 cm.

Ég kláraði að smíða upp alla fjöðrunina að aftan. Loftpúða fjöðrun endaði í 36 cm travel sem takmarkast á púðunum. En ég smíðaði allt miðað við 50 cm svið sem kemur kannski seinna.


Ég víraði upp ljós og aukarafmagn í bílinn. Ég er sérstaklega spennur yfir "Zombie lights".


Prufukeyrsla á nýja mótornum leiddi í ljós að spíss var ónýtur og annar lélegur. Ég skipti því um alla spíssa og nú er nóg af afli.

Ryðfrír aukatankur er í smíðum. Þegar ég er búinn með tankamálin og annað smálegt þá er bíllinn klár á götuna eftir vélaskiptin.

[ellisnorra]

Þvílík fegurð. Þetta er geggjað hjá þér Finnur. Hvenær og hvert verður vígslutúrinn?

[Finnur]

Takk fyrir það Elli.

Ætli maður byrji ekki á léttum "spóla í brekku túr" á Nesjavallaleið í Jan. til þess að prófa alla nýsmíðina. Svo er stefnan tekin á alvöru helgarferð í febrúar.

kv
KFS

[Stjáni Blái]

Ég sé engar myndir..

[jeepcj7]

Geggjað flott orðið hjá þér Finnur ertu kominn með bumpstop í fjöðrunina eða ertu með púða?

[Finnur]

Ég er með púða en Bumpstop er klárlega á óskalistanum :)

[Einar Hlöðver]

Flottur lítur vel út, verður gaman að sjá hvernig allt á eftir að virka :)

[Jonasj]

Flott Project hjá þér. Tókstu eldgreinina í sundur til að koma pósti ut fyrir grind? Ef svo er hvernig gekk að sjóða hana?

[Finnur]

Já ég skar greinarnar í sundur og sneri flangsinum til þess að koma pústinu útfyrir grind. Þær stefndu beint ofan í grind. Ég fékk færan suðumann Gulla JÚl til að sjóða þetta saman fyrir mig. Það er erfitt að sjóða þetta en það tókst.

[Sævar Örn]

Eg se ekki nýjustu myndirnar??!

[Dannyp]

Myndirnar sjást bara í Google Chrome

[Járni]

Kristján Finnur, ég sé að þú ert að linka í albúm hjá Google. Það væri æææðislegt ef þú myndir setja myndirnar beint hingað inn á síðuna. Það kemur alveg í veg fyrir að þær annað hvort birtast ekki öllum eða hverfi í framtíðinni.

Eins og þetta er núna virðist notandi þurfa að vera skráður inn hjá Google til að myndirnar sjáist.

[Finnur]

Ég gerði smá mistök með myndirnar notaði ekki rétta slóð. En nú ættu allir að sjá myndirnar:)

kv
KFS

[Óttar]

Snildar verkefni hér á ferð. Og ekki laust við að það taki sig upp gömul willys veiki þegar maður skoðar þennan þráð :)

[Finnur]

Takk fyrir það Óttar. Skilyrði fyrir svona verkefnum er að menn hafi gaman af því að smíða þetta þvi smíðin er ansi stór hluti af þessu hobbýi :)

[Finnur]

Í siðustu viku dundaði ég mér við að sjóða saman nýjan ryðfrían tank í Wyllis. Þessi verður aðal tankurinn en hinir tveir tankarnir dæla yfir í hann. Hann er úr 1,5 mm 316 ryðfríu stáli. Ætlunin var að TIG sjóða hann en ég ákvað að pinnasjóða því það er eina suðuvélin sem ég er með í skúrnum ásamt því að vera skemmtileg áskorun. Það gekk ljómandi vel með 1,6 mm vír. Hér eru snapchat myndir.



Mynd af nýju fjöðruninni að aftan.


Fer að verða klár á fjöll


Við Hlynur bróðir skelltum okkur á rúntinn til þess að meta niðurstöðuna. Við erum sáttir. Mótorinn er algjörlega frábær.




Nú er maður orðinn spenntur fyrir næstu ferð :)
kv
KFS

[Stjáni Blái]

Þrælflott !
Hvernig er vinnslan í samanburði við gömlu 360 vélina ?

[Finnur]

Takk Stjáni.

Það var fyrir fram vitað að vinnslan væri mun betri í LQ9 en 74 módel af AMC 360, en AMCinn var þó að virka mjög vel upp á snúning þegar allt var í lagi , ég hef ekki náð að botna nýju vélina svo ég er ekki með góðan samanburð. En mesti munurinn hingað til er á mid og low rpm. Þar er himin og haf á milli þessara mótora. LQ9 togar rosalega skemmtilega og er frábær í umgengni. Mallar hægaganginn á 600 rpm heitur og er með rosalega gott viðbragð. Aflið er meira en ég get komið til jarðar við þessar aðstæður í borginni. Ég mun ekki geta reynt á mótorinn fyrr en á fjöllum. Virkilega hrifin af þessum mótor og hann stendur vel undir nafni.

kv
Kristján Finnur

[Heiðar Brodda]

Hvernig gengur

[Finnur]

Vel :)

[Finnur]

Smá uppfærsla

Föstudagurinn fyrir viku síðan var góður dagur, því ég fór með willys í skoðun og að sjálfsögðu fékk hann fulla skoðun. :)

Til þess að halda uppá áfangann hringdi ég í Steinar félaga minn á Grand Cherokee 38 og plataði hann með mér í smá skrepp upp Nesjavalla leið.

Með í hópinn slógust svo Héðinn og Gulli á LC 120 38 og Hilmar á Patrol 35.

Þetta var hin mesta skemmtun. Mikill nýfallinn snjór var á svæðinu og færið nokkuð þungt. Við náðum allir að festa okkur eitthvað og höfðum gaman af. Ég var hrikalega ánægður með nýja mótorinn, en hann vinnur fyrir allan peninginn og er frábær jeppa mótor.







Þessi ferð var líka prufukeyrsla á nýrri afturfjöðrun. Ég var mjög ánægður með útkomana eftir að demparar voru stilltir á stífustu stillingu.


Í ferðinni reyndi einnig á nýja kælikerfið en það stóð fyllilega undir væntingum. Þrátt fyrir að hafa tekið vel á mótornum þá fór hitamælirinn aldrei upp fyrir 90°C. Góður sigur að vera laus við hitavandamál.

Þessi ferð gekk þó ekki alveg átakalaust hjá mér því í seinnihluta ferðar fór stýrismaskínan að mótmæla sem endaði með því að hún nánast festist. það tók verulega á að beygja og koma bílnum heim. En heim fórum við án hjálpar og maskían var rifin úr daginn eftir. Maskína úr grand er á leiðinni í bílinn og verður vonandi eins og ný.

[Valdi B]

flott hjá þér þetta er orðin alvöru græja :)

hvaða skiptingu ertu með aftan á lq ?

[Finnur]

Takk fyrir það.

Ég er með 727 trukka skiptingu í honum. Var áður með 998(904) sem var alltof lítil í þessa notkun. 727 hentar ágætlega í þetta því hún er stutt en á sama tíma er hún hraust.

kv
KFS

[Finnur]

Sælir

Við skelltum okkur nokkrir saman á fjöll helgina 12-14 feb. Willysinn stóðst prófið með mikilli príði og er ég virkilega ánægður með bílinn. Mótorinn er frábær og eyðslan kom þægilega á óvart. Hér að neðan er myndband sem ég klippti saman úr ferðinni.

https://www.youtube.com/watch?v=LRkLHE3fv4A&feature=youtu.be



kv
Kristján Finnur

[jongud]

Bíddu við?
Er powerstroke í hvíta Patrolnum?

[Finnur]

Já Númi er með 6.0 Powerstroke. Hann er nýbúinn að klára þetta swap. Kemur virkilega vel út hjá honum.

[olei]

Ég fæ léttan streng í diesel-fótinn, sem var einu sinni bensínfótur, við að sjá þessa græju hjá þér Finnur. Mjög verklegt tæki og vel smíðað.

[jongud]

Já Númi er með 6.0 Powerstroke. Hann er nýbúinn að klára þetta swap. Kemur virkilega vel út hjá honum.

Það þarf að fá myndaþráð um þessi líffæraskipti hérna á spjallið !!