Isuzu Trooper 38"

[-Hjalti-]

sæll , gerðist eitthvað með gömlu túrbínuni ? boostaði hún eitthvað ? þetta er alveg gjörónýtt :O

[Hfsd037]

Gaman að þessu :)

Hvað kostaði settið fyrir túrbínuna, léstu balancera öxulinn?

[hobo]

sæll , gerðist eitthvað með gömlu túrbínuni ? boostaði hún eitthvað ? þetta er alveg gjörónýtt :O

Svona var þetta bara. Fyrir utan hve blásturshjólið er ljótt, þá er hún líka vel slitin. Gott slag í allar áttir.
Já það var bara fínn kraftur í bílnum. Veit ekki hvað hún var að blása, en ég setti venjulegan mæli(0-6 bar) inn í bíl meðan ég var að prufukeyra nýju bínuna og hann sýndi um 14 psi. Veit ekki hvað er normal, þarf að kanna það.

[hobo]

Gaman að þessu :)

Hvað kostaði settið fyrir túrbínuna, léstu balancera öxulinn?

Settið kostaði ekki nema einhver 8500 kall ca.

Já svo lét ég Framtak ballansera öxulinn.
Ég hefði getað merkt þetta upp áður en ég tók í sundur, en mér fannst betra að hafa þetta 100% rétt, ef einhver túrbónörd væri búinn að krukka eitthvað í henni.

[Sira]

Sæll
Ég var líka með þetta vandamál að intercoolerinn á mínum bíl. Hann var alltaf óhreinn að innan " þetta var olíudrulla" . Svo eg aftengdi öndunarslönguna á ventlalokinu við rörið sem liggur á milli lofthreinsara og Túrbínu og leiddi það í gruggglas sem ég gerði úr múffu úr 70 mm PP röri með 2 lokum á hvorum enda með stútum og það er ótrúlegt hvað olíudrulla kemur í þetta.

k.v
S.L

[hobo]

Já það er rétt hjá þér, maður ætti að skoða þetta.
Það sagði mér einn að smurolían skemmir/tærir túrbínuhjólið með tímanum, þannig að þetta ætti að vera til bóta á nokkra vegu.

Hvað ertu að fá mikla olíudrullu í hylkið á hve löngum tíma?

[-Hjalti-]

Er ekki alveg ótrúlegur aflmunur með nýju turbinuna ?? þessi gamla hefur ekki verið að gera neitt

[hobo]

Hef ekki komist í að prófa aflið almennilega, þarf að komast úr bænum..
En hún er klárlega ekki síðri og nú er ég farinn að heyra túrbínuhvin innan úr bíl, eitthvað sem ég gerði ekki áður.

[Sira]

Þetta er ca 1 glas á mánaða fresti.
Finnst að hafa aukist aðeins í haust
Setti þetta á í Júní
sendi mynd af þessu einhvertímann

k.v
S.L

[hobo]

Varðandi öndunina á ventlalokinu, þá leiddi ég hana í líters brúsa sem ég kom fyrir. Það hefur ekki komið einn einast dropi hingað til. Túrbínan hlýtur að ná að sjúga olíuna meðan þetta er tengt.
En nóg um blessaða vélina.

Er búinn að vera duglegur um helgina, kláraði að koma kastaragrind og prófílbeisli fyrir og kemur það bara vel út.
Splæsti í skúffur í skottið og spottakassa frá Árna Braga, asskoti flott smíði bara.
Búinn að mála skúffurnar og setja höldur, skipadregill ofan á.
Spottakassinn er að þorna og bíða eftir málningarumferð nr 2.

[Árni Braga]

asskoti kemur þetta vel út hjá þér.

[Karvel]

Flott þetta !

Einhver möguleiki að þú gætir reddað öðru uppgerðarsetti í bínuna ?
hvar fékkstu túrbínuhjólin ?

[hobo]

Það er til nóg á ebay.
Þarf reyndar að fara kaupa annað sett og hjól líka til að gera upp aðra bínu.
Þurfti ekki ný hjól í uppgerðinni hjá mér um daginn, þau voru í góðu lagi.

http://www.ebay.com/sch/i.html?_odkw=rh ... l&_sacat=0

http://www.ebay.com/sch/i.html?_odkw=rh ... +&_sacat=0

[ellisnorra]

Flott project hjá þér Hörður og bíllinn allur að verða alveg fjandi góður.

[Sira]

Sæll
Geturu tekið mynd af vélarsalnum hjá þér

Annað veistu um ljóskastara sem passa í götinn neðan á stuðarahornunum á Trooper
eg er með göt þarna það var búið að skera rifflunar útúr hornunum hjá mér þetta er opið

k.v
Sira

[hobo]

Nú geng ég með það í maganum að losa mig við olíutankinn sem er staðsettur fyrir aftan hásingu og smíða mér tvo, jafnvel þrjá aðra tanka framar í bílnum. Já alveg rétt, ég er orðin el loco.
Þegar bíllinn er með fullan tank og fjölskyldan innanborðs, þá viktar hann akkúrat 1300 kg á hvorum öxli fyrir sig.
Svo þegar draslið safnast í skottið er hann orðinn ansi rassþungur. Hentar snjóakstri illa þannig.
Tankarnir verða smíðaðir úr 1,5mm riðfríu stáli.

[Kiddi]

Það er bráðsniðugt!
Hef einmitt ferðast talsvert á Patrol með 3 tanka og þá er aðaltankurinn aftast... svo dælir maður af fremri tönkunum í þann aftasta og bíllinn er orðinn rassþungur og þessi litla drifgeta sem var til staðar er nánast horfin!

[hobo]

Nákvæmlega!
Datt í hug hvort maður gæti ekki haft hæðina á einum aukatanknum svipaða og á núverandi tank til að geta notað mótstöðuna?
Ég sá einn góðan stað fyrir einn tank ca. 40 ltr beint fyrir ofan hásingu, ofan á grindinni vegna 10cm boddíhækkunar. Sá tankur getur verið hátt í 10cm á hæð, 40cm á breidd og meter á lengd. gróflega ágiskað.
Svo getur maður örugglega komið öðrum tönkum fyrir framar, þarf að skoða það betur og teikna þetta upp.

Svo ef mér myndi detta í hug að færa afturhásinguna seinna meir, þá verður gott að vera laus við núverandi tank.

[Kiddi]

Jú og ég myndi mæla með því að nota original pickupið ef hægt er.

[hobo]

Nú er ég búinn að komast yfir annan tank úr Trooper. Hafa menn ekki verið að breyta orginal tönkum eitthvað í fortíðinni, skera og sjóða? Eða er þetta húðað í gegn með einhverri drullu?

[Subbi]

flottur trooper og fín vinnubrögð hjá þér

[hobo]

Takk fyrir það.
Búinn að laga margt en á samt eftir að laga meira. Manni hefnist fyrir að kaupa ódýran bíl ;)

[hobo]

Best að hífa þennan þráð aðeins upp.
Er að ljúka við að setja loftlás í aukadrif sem ég átti. Nýjar legur, nýr ARB frá benna og notuð orginal hlutföll.
Á bara eftir að þrýstiprófa lofthlutann og þá er drifið klárt(ef lásinn stenst prófið).

Komst yfir notaðan millikassa í vor með 50% lægra lága drifi. Hann er bara algjör snilld og réttlætir annars há drifhlutföll í bílnum.



Næst á dagskrá er að koma loftinntakinu betur fyrir. Fékk mér snorkel hatt, og er að gæla við að útbúa eitthvað snyrtilegt upp úr frambrettinu.

[hobo]

Jæja, best að yngja þennan þráð aðeins upp.
Síðan síðasti póstur var skrifaður þá hefur þessi loftlás verið settur í og virkar eins og skildi.
Bjó til tölvuborðsfestingu sem kemur í gegn um mælaborðið þar sem loftpúðinn var farþegamegin(var ekki til staðar). Baulaði festinguna við stálrörið sem er þar fyrir innann.
Kláraði úrhleypibúnaðinn í síðustu viku og fór í smá bíltúr til að prófa og kemur þetta bara vel út. Snúningshnéin eru ættuð frá Siglufirði, mekka jeppamannsins.
Sauð 1/4" múffu í röragrindina framan á bílnum og setti 8 bör inn á hana og heldur hún lofti. Nýtist það því vel sem aukaforði.
Þá er þriðji loftkúturinn á leið undir, ætti þá að vera kominn með langleiðina í ca 15 lítra loftrými.

Framtíðaráform eru að setja vakúmlás í framdrifið sem ég á von á, á hverri stundu.
Svo þarf ég að útbúa festingar fyrir skúffusystemið í skottinu, þær eru ekki áfastar bílnum og er ég frekar smeykur við það svoleiðis ef kæmi að óhappi.
Þarf að endurnýja pústið, engin göt en orðið ljótt að sjá og of hávært fyrir minn fágaða smekk.
Hækka meira í öndun fyrir drifin (þórsmerkurferð í vændum).
Hef ekki ennþá farið í snorkelsmíði, bíður betri tíma.
Og svo helling í viðbót....

[hobo]

Þessi alíslenski Algripslás er á leiðinni í framdrifið.

[hobo]

Þetta potast í rólegheitum, svona þegar maður fær vinnufrið.
Hlutföllin sem fylgdu lásnum voru ekki rétt þannig að ég fékk annað framdrif með réttum hlutföllum. Seinna drifið var með mjög góðum legum og langaði mig að nota þær áfram. Pinioninn lét ég ósnertann, hann er það þéttur og flottur viðkomu og fær að vera í án yfirferðar. Vona bara að pakkdósin sé góð.

Þessi legukló var ekki að virka án þess að skemma ytri hlutann á legunni.


Þar sem ég fann ekkert sem passaði ofan í stubbinn sem legan situr á, þá rak ég augun í 1/2" topp sem passaði flott ofan í og 12mm bolta ofan í toppinn, kjörnaði svo í boltahausinn.


..og var þá kominn með góða aðstöðu til að brúka þessa flottu afdráttarkló sem ég fékk mér fyrir stuttu síðan í Verkfærasölunni. Hún klemmir saman um leið hún togar, mjög gott í þessu tilfelli. Og af fór legan án mikils átaks.


Kamburinn sem var á lásnum var festur með orginal boltum 17mm löngum, en flangsinn er 2mm þykkari en orginal flangsinn. Fannst mér aðeins of fáar gengjur því ganga inn í kambinn.
Fékk 20mm langa 10.9 bolta í Fossberg sem ganga hæfilega langt inn, og er því orðinn nokkuð sáttur með það sem komið er.

[hobo]

Skipti um púst í gær. Það gamla var 2,5" svert og án kúta. Ægilegt prumphljóð er ekki svalt á ferðalögum.
Átti orginal kerfi til í fínu standi, en þurfti að breyta afstöðunni á stútnum aftast vegna boddíhækkunar.
Mikil framför að geta talað saman inn í bílnum án þess að hrópa.

[hobo]

Nú er verið að gera klárt í að skipta um legur í millikassanum, hann syngur fyrir mig í 4wd þegar slegið er af á ferð.
Þar sem kassinn sem er undir bílnum er með 50% lægri hlutföll í lága en normalt er, þá reyni ég að undirbúa aðgerðina með því að taka einn af aukakössunum mínum í sundur. Stúdera hvernig hann virkar og hvernig best er að bera sig að, þá kemur vonandi ekkert á óvart og leguskiptin ganga vonandi hratt fyrir sig.

[halendingurinn]

Getur ekki verið að vacuum lásinn heiti Meca . Mér skilst að svoleiðis búnaður hafi verið settur í all marga Troopera hér.
Flottur þráður.
kv.Tr.

[hobo]

Kannast ekki við það, mér skildist að þetta væri íslensk framleiðsla.
Vonandi getur einhver staðfest þetta.

[atli885]

http://www.f4x4.is/spjallbord/umraeda/algrip/

[halendingurinn]

Ég held að Fjallasport hafi flutt þetta inn.
Kv Trausti

[halendingurinn]

Ég held að Fjallasport hafi flutt þetta inn.
Kv Trausti

Meca vacuum lásana.

[hobo]

Eftir að hafa lítið sinnt Sússa síðustu 3 ár átti hann skilið að fá nýuppgerða 3.1 vél ofan í sig.
Aðgerðin gekk vel og eru lífslíkur góðar.

[Cobro]

Veit að þetta er gamall þráður. Er með einn Trooper sem ég þarf að fara yfir hjá mér 2004 árg algjörlega topp jeppar.