Eldgos Holu­hrauni

User avatar

Höfundur þráðar
eyberg
Innlegg: 438
Skráður: 16.júl 2011, 22:07
Fullt nafn: Elvar Eyberg Halldórsson
Bíltegund: Toyota 4Runner V6

Eldgos Holu­hrauni

Postfrá eyberg » 29.aug 2014, 06:37

Hbar er best að sjá þetta elgos og hvaða leið er best að fara .
Veit að þeða er mikið lokað norðan megin.

Ætla einhverjir að fara á laugardaginn?


Elvar Eyberg Halldórsson
S:869 7454

User avatar

Polarbear
Póststjóri
Innlegg: 868
Skráður: 31.jan 2010, 23:15
Fullt nafn: Lárus Rafn Halldórsson
Bíltegund: Toyota

Re: Eldgos Holu­hrauni

Postfrá Polarbear » 29.aug 2014, 08:16

þú kemst ekkert að þessu og þetta er að fjara út.

þú sérð mest með því að horfa á vefmyndavél mílu, og það kostar líka minnst :)

User avatar

jongud
Innlegg: 2106
Skráður: 29.mar 2012, 08:39
Fullt nafn: Jón Guðmundur Guðmundsson
Bíltegund: Toyota Land Cruiser

Re: Eldgos Holu­hrauni

Postfrá jongud » 29.aug 2014, 08:17

Þetta er á miðju lokunarsvæðinu, það er líklega bara hægt að sjá þetta í vefmyndavélunum.


ivar
Innlegg: 686
Skráður: 13.aug 2010, 09:03
Fullt nafn: Ívar Örn Lárusson

Re: Eldgos Holu­hrauni

Postfrá ivar » 29.aug 2014, 10:33

Ég var mjög áhugasamur um að fara á morgun að skoða þetta, en eins og fram hefur komið þá er mjög erfitt að komast að þessu og hugsanlega lítið að sjá.
Ef engar breytingar verða hugsa ég að tímanum verði varið í breytingar frekar en ferðir um þessa helgi.


Rangur
Innlegg: 30
Skráður: 22.mar 2013, 09:29
Fullt nafn: Þorsteinn Þorsteinsson
Bíltegund: Range Rover

Re: Eldgos Holu­hrauni

Postfrá Rangur » 29.aug 2014, 10:42

Ef engar breytingar verða hugsa ég að tímanum verði varið í breytingar


Vona að Ívar sé ekki of viðkvæmur fyrir púkahúmornum í mér, en þó ég viti að sjálfsögðu hvað er átt við, hljómar þessi setning býsna skemmtilega....

kv.

ÞÞ


ivar
Innlegg: 686
Skráður: 13.aug 2010, 09:03
Fullt nafn: Ívar Örn Lárusson

Re: Eldgos Holu­hrauni

Postfrá ivar » 29.aug 2014, 11:15

Engin viðkvæmni. Ég fattaði þetta ekki fyrr en eftirá :)
Mjög broslegt.


stebbiþ
Innlegg: 304
Skráður: 26.feb 2010, 17:14
Fullt nafn: Stefán Þ. Þórsson

Re: Eldgos Holu­hrauni

Postfrá stebbiþ » 29.aug 2014, 11:28

þetta er nú meira móðursýkiskastið og forræðishyggjan. Það er allt í lagi að hafa takmarkanir á umferð í nágrenni gosstöðvanna í fyrstu, en þessi móðursýki keyrir um þverbak. Íslendingar hafa og vilja enn fá að upplifa eldgosin með berum augum, en það á greinilega að hafa það af fólki. Þessi þróun og hugsunargangur, sem felst í því að líta á alla sem ósjálfbjarga túrista, er óþolandi og verður ekki liðinn af útivistar- og fjallafóki sem hefur oft áratuga reynslu af fjallaferðum. "Veriði bara heima og alls ekki koma hingað, þið kunnið hvort eð er ekkert né getið bjargað ykkur" - þetta eru skilaboðin.
Ákveðin hroki og mannfyrirlitning fólgin í þessu. Lágmarksviðleitni væri að hleypa vel útbúnum jeppum að gosstöðvunum.
Ef þetta bíður okkar sem viljum upplifa eldgos, þá verður einfaldlega að útbúa eyðublöð þar sem fólk afsalar sér og gerir ekki tilkall til björgunar ef það lendir í þeirri aðstöðu. Fullorðið fólk ber ábyrgð á sjálfum sér, engin annar. Þar að auki er nánast aldrei um að ræða lífshættulegar aðstæður.
Þessar lokanir eru án rökstuðnings og má segja að banna ætti allar jöklaferðir ef eitthvað samræmi væri í þessu, það sama má segja um gönguferðir á Heklutind þar fyrirvarinn er 30-60 mínútur ef gos er að hefjast.
Það verður hreinlega að útbúa einskonar passa fyrir þá sem hafa reynslu og þekkingu á fjallaferðum, svo einhver sátt skapist um þetta. Það væri sjálfsagt að sitja stutt námsskeið, til þess að fá svona passa. Ef fólk er algerlega vanbúið og í tómu rugli, þá verður passinn tekinn af þeim + há sekt, þ.e.a.s ef það er það var með passa á annað borð. Ég held að þetta gæti orðið góð lausn.

Kveðja, Stebbi Þ.
Síðast breytt af stebbiþ þann 29.aug 2014, 12:10, breytt 2 sinnum samtals.


emmibe
Innlegg: 250
Skráður: 20.mar 2013, 08:43
Fullt nafn: Elmar þór Benediktsson
Bíltegund: ssangyong musso

Re: Eldgos Holu­hrauni

Postfrá emmibe » 29.aug 2014, 11:35

Er svona fínn slóði upp að Holuhrauni?
BwMIDIoCYAAuRMl.jpg large.jpg
BwMIDIoCYAAuRMl.jpg large.jpg (33.07 KiB) Viewed 16162 times

Tekið héðan. https://twitter.com/fencingtobba/media
Elmar Þór Benediktsson
emmibe@gmail.com
SsangYong Musso E32


ivar
Innlegg: 686
Skráður: 13.aug 2010, 09:03
Fullt nafn: Ívar Örn Lárusson

Re: Eldgos Holu­hrauni

Postfrá ivar » 29.aug 2014, 12:47

Ég verð að vera sammál þér Stebbi. Þessar lokanir skila litlu öðru en aukningu á utanvegaakstri og aukinni áhættutöku.
T.d. langar mig að benda á að skv. lokunum máttu koma jökulleiðina að gosstöðvunum og engin að passa það. Hinsvegar veit ég ekki hversu skynsamlegt sé að keyra niður Dyngjujökul að kverkfjöllum eða kistufelli á þessum tíma og tala nú ekki um m.v. þær jarðhræringar sem hafa orðið þar undir.

Þegar og ef kemur fallegt hraungos svipað og á fimmvörðuhálsi t.d. þá ætla ég mér þangað að þar sem ég komst ekki að fimmvörðuhálsi fyrr en of seint. Best væri að gera það í samstarfi við þá sem standa vakt við hvern afleggjarann á fætur öðrum en það eru alltaf leiðir...

User avatar

jongud
Innlegg: 2106
Skráður: 29.mar 2012, 08:39
Fullt nafn: Jón Guðmundur Guðmundsson
Bíltegund: Toyota Land Cruiser

Re: Eldgos Holu­hrauni

Postfrá jongud » 29.aug 2014, 14:44

Eina ástæða þess að fjöldi manns drap sig ekki á Fimmvörðuhási var að það var öflug gæsla á svæðinu.
Bárðabunga og Holuhraun eru lengst úti í rassgati og erfitt að vakta svæðið, og það er ansi langt til byggða. Björgunarsveitirnar unnu afrek við gæslu á Fimmvörðuhálsi en þar var bara einn vegslóði og ein gönguleið að gosstöðvunum.

Til að komast að gosstöðvunum norðan við Vatnajökul er hægt að fara allavega FIMM leiðir (ég held að þær séu líklega sjö) og flestar eru þær ansi langar frá byggð.
Það er ekki fræðilegur möguleiki að hægt sé að tryggja öryggi fólks á þessum leiðum, allavega miðað við reynsluna frá gosinu á Fimmvörðuhálsi þar sem hver sótraftur reyndi að komast þangað hvernig sem viðraði.


ivar
Innlegg: 686
Skráður: 13.aug 2010, 09:03
Fullt nafn: Ívar Örn Lárusson

Re: Eldgos Holu­hrauni

Postfrá ivar » 29.aug 2014, 14:56

jongud wrote:Það er ekki fræðilegur möguleiki að hægt sé að tryggja öryggi fólks á þessum leiðum, allavega miðað við reynsluna frá gosinu á Fimmvörðuhálsi þar sem hver sótraftur reyndi að komast þangað hvernig sem viðraði.


En hvaða forræðishyggja er þetta að tryggja öryggi alls fólks sem ferðast?
Eigum við ekki þá líka að raða björgunarsveitum vítt og breitt um jökla til að tryggja öryggi allra sem þangað fara. Hvort heldur sem er fáfróður útlendingur á óbreyttum jeppa (eins og dæmin sýna) eða ég á mínum trukk í vondu veðri.
Lokum bara hálendinu með öllu í september því þá getur verið hætt við vondu veðri og fólk farið sér að voða og látum mennska gæslu passa uppá þetta ???

Sé ekki stóra muninn á því að keyra hringinn í kringum Grímsvötn á jökli núna í vor v.s. það að keyra Gæsavatnaleið núna, nema þá að það sé síst hættuminna.

Við verðum að muna að við erum að ferðast á eigin ábyrgð og reynum eftir bestu getu að taka skynsamlegar ákvarðanir, sem er mismunandi mat manna hvar liggur, hvort heldur sem er þegar gos er í gangi eða þegar aðstæður eru meira "venjulegar".

Frábært framtak að rölta jökulsárgljúfur og ásbyrgi og vara fólk við og benda því á að fara, en að vera með gulan lögregluborða umhverfis mörg þúsund ferkílómetra svæði er dapurlegt :/


kjartanbj
Innlegg: 899
Skráður: 06.jún 2011, 18:30
Fullt nafn: kjartan Björnsson
Bíltegund: Ford Ranger
Staðsetning: Reykjavík

Re: Eldgos Holu­hrauni

Postfrá kjartanbj » 29.aug 2014, 18:55

Halda menn að þetta sé bara eitthvað túristagos eða? þeir höfðu enga vitneskju fyrr en þeir sáu þetta í vefmyndavél að það væri hafið gos þarna, engin órói, núna er kvika þarna á 40km löngum kvikugangi neðanjarðar, algerlega óvíst hvað getur gerst , tildæmis getur opnast fyrirvaralaust 40km löng sprunga sem nær undir jökul, með tilheyrandi hamförum , flóðum og öskufalli, ég er allavega ekki tilbúin að vera staddur einhverstaðar á miðju hálendinu í engu skyggni vegna fyrirvaralauss öskufalls og vera í raun bara dauðans matur, held þið séuð að stórlega vanmeta hvað er í gangi þarna, ef að kvikugangurinn nær í megineldstöð Öskju, þá er þar súr kvíka sem getur valdið öflugu sprengigosi ef hún blandast kvikunni sem er á ferð þarna núna

ég held að menn séu bara í ruglinu að vilja komast þangað og á þetta ekkert skylt við eitthvað ferðafrelsi

þarna getur í versta falli orðið það miklar hamfarir að þær séu sambærilegar Skaftáreldum eða Eldgjár gosinu , já eða jafnvel síðasta Öskju gosi sem varð til þess að stór hluti þjóðarinnar flutti til Kanada sem vestur íslendingar.. en svo getur vel verið að það bara gerist ekkert meira þarna eða verði bara eins og Kröflu eldar með litlum gosum hér og þar
Ford Ranger 91 351w 39.5" -Seldur-
Dodge Ram 2500 5.9 Cummins -Seldur-
-Seldur- Land cruiser 80 VX 44" -Seldur-


ivar
Innlegg: 686
Skráður: 13.aug 2010, 09:03
Fullt nafn: Ívar Örn Lárusson

Re: Eldgos Holu­hrauni

Postfrá ivar » 29.aug 2014, 19:44

Sæll Kjartan.

Ég held ekki að ég viti neitt meira um þetta en þú, sem er sennilega í báðum tilfellum umþaðbil ekkert. Það getur vel verið að ég sé að vanmeta hættuna við að fara nær en nýjidalur en það er þá amk upplýst ákvörðun. Rétt eins og þegar ég fer á vatnajökul í febrúar þar sem góðar líkur eru á snjóbil sem gerir mig fastann í bílnum í viku, tvær eða jafnvel lengur.
Það er hinsvegar mitt val og ég vona að ég fái að hafa það val með jöklanna áfram.

En eins og við báðir erum að ég held sammála um, að hafa enga nákvæma forsjá um næstu skref, gæti allt eins verið að þetta væri eins og kröfueldar og verði órói næstu 10 ár. Vilt þú þá að þessi landsfjórðungur verði meira og minna lokaður allt það tímabil? Hvað ef virknin færist vestur? Þarf þá ekki líka að rýma allt vatnasvæði Tungnár og þjórsár?
Hvar er réttast að draga línunna? Hún er dreginn á mismunandi stað eftir áhuga og áhættusækni hvers og eins okkar. Ég t.d. vil ekki keyra ofaná þessari 40km löngu sprungu til lengdar, en hef litlar áhyggjur par km frá henni. Finnst ég t.d. ekkert svo óöruggur inná miðri gæsavatnaleið sem liggur töluvert hærra en allt þetta svæði svo flóð og hraun verða mér lítil hætta.

Ferðafrelsið gengur að miklu leiti út á að fá að fara um það landsvæði á íslandi þegar þú vilt. Vissulega, almannahagsmuna vegna þarf stundum að takmarka eðs stýra þeirri traffík landinu og okkur til varnaðar en þetta hefur gengið full langt núna.
Lokað svæði er um 5600km2 (gróft reiknað) meðan það svæði sem ég almennt tala um sem ferðafært hálendi er 30.000km2. Tæplega 20% af því er núna bannsvæði? Finnst okkur þá eðlilegt að hafa það lokað í 10 ár, 1 ár, mánuð, á meðan gos er virkt, minnka svæðið o.s.fv.

Mér finnst þetta margt minna á bandaríkin þar sem alltaf er spurt "don't you feel safe" og öllum skólum lokað við fyrsta snjókorn því enginn vill bera ábyrgð á mögulegu slysi eða tjóni.

Upplýsum ferðalanga um mögulegar hættur, gefum bækling við lokunarstöðvar og skráum fólk inn og út. Hvernig væri það sem málamiðlunarleið. Þá taka amk allir sem þangað fara "upplýsta" ákvörðun.

Stýrum og fræðum en ekki banna og loka


kjartanbj
Innlegg: 899
Skráður: 06.jún 2011, 18:30
Fullt nafn: kjartan Björnsson
Bíltegund: Ford Ranger
Staðsetning: Reykjavík

Re: Eldgos Holu­hrauni

Postfrá kjartanbj » 29.aug 2014, 19:47

ekki bara flóð eða hraun sem þarf að hafa áhyggjur af.. það getur komið svo mikið öskufall að þú myndir ekkert sjá hvar þú værir á gæsavatnaleið og það gæti varað í marga daga og þú bara fastur, sæir ekki augunum úr og ekkert víst að GPS myndi hjálpa þér
Ford Ranger 91 351w 39.5" -Seldur-
Dodge Ram 2500 5.9 Cummins -Seldur-
-Seldur- Land cruiser 80 VX 44" -Seldur-


villi58
Innlegg: 2108
Skráður: 10.maí 2011, 10:51
Fullt nafn: Vilhjálmur Reynisson
Bíltegund: Toyota Hilux
Staðsetning: Ittoqqortoormiit

Re: Eldgos Holu­hrauni

Postfrá villi58 » 29.aug 2014, 19:59

Ég sé það að sumir eru langt frá því að hafa skilning á því sem getur gerst, þess vegna gott að hafa fólk til að stoppa skilningslausa menn af svo þeir fari sér ekki að voða.
Hvernig væri ef sumir mundu ná sér í bækur eða notað tölvuna og fræðast aðeins hvað getur verið í húfi fyrir land og þjóð ef alvöru gos færi að stað, held að margir séu frekar fáfróðir hvað sé í húfi.


stebbiþ
Innlegg: 304
Skráður: 26.feb 2010, 17:14
Fullt nafn: Stefán Þ. Þórsson

Re: Eldgos Holu­hrauni

Postfrá stebbiþ » 29.aug 2014, 21:05

Ég sat nú námskeið í eldfjallafræði hjá Páli Einarssyni þegar ég var í HÍ, og hef fylgst náið með þessum hræringum frá upphafi. Auðvitað getur allt gerst, en menn búast alls ekki við neinu stórgosi og ekkert sem bendir til þess sem stendur. Annars snýst þetta ekki um hve stórt hugsanlegt eldgos gæti orðið, heldur hve langt á að ganga í forræðishyggju. Minnka ætti þetta bannsvæði/hættusvæði og vara við því að innan þess séu menn alveg á eigin vegum og ekki megi búast við björgun ef allt færi á versta veg, sem litlar líkur eru á.
Þetta snýst um það, hvort þú ráðir því sjálfur, ef þú vilt setja þig í mögulega lífshættu fyrir eitthvað sem þú verður hreinlega að gera. Hversu mikið vit er í því, það er annað mál.
Fólk hefur vissulega hagað sér eins og fífl í kringum eldstöðvar í gegnum tíðina, en þrátt fyrir það hefur engin látist né stórslasast við þá iðju. Sá eini sem látist hefur af beinum völdum eldstöðvar, var Steinþór Sigurðsson jarðfræðingur, en hann lést við Heklu árið 1947 þegar hraunmoli hrundi yfir hann.

Ég keppti í kvartmílu í mörg ár og keyrði meðal annars 8 sekúndu dragster, sem ég hafði litla stjórn á við endamarkið. Til hvers? Ég hefði alveg getað sleppt þessari vitleysu.
Bönnum kletta- og ísklifur, flúðasiglingar, fallhlífastökk, mótorsport, base jumping og fleiri vitleysu sem er lífshættuleg. Fólk þarf jú ekkert að vera að þessu.

kv, Stebbi Þ.
Síðast breytt af stebbiþ þann 29.aug 2014, 21:30, breytt 1 sinni samtals.


ivar
Innlegg: 686
Skráður: 13.aug 2010, 09:03
Fullt nafn: Ívar Örn Lárusson

Re: Eldgos Holu­hrauni

Postfrá ivar » 29.aug 2014, 21:29

Sammála Stebba. Leyfum okkur fáfróðum lýðnum að taka okkar eigin ákvarðanir. Takk fyrir að vara mig við að fara inná norð-austurland að það gæti verið hættulegt, mig langar samt.
Sé ekki hvernig það kemur öðrum við hvort ég fer eða ekki frekar en í fallhlífastökk eða ísklifur eins og Stebbi bendir á.


grimur
Innlegg: 802
Skráður: 14.mar 2010, 01:02
Fullt nafn: Grímur Jónsson

Re: Eldgos Holu­hrauni

Postfrá grimur » 29.aug 2014, 22:14

Ég held að megin punkturinn í þessu sé að það er varasamt að fara að filtera fólk inn á svæðið umfram það sem nú er. Sérfræðingar í jarðfræði fara þarna um til að gegna sínum störfum, ekki mikið umfram það.
Hver er dómbær á hvaða mörk á að setja um aðra varðandi að vera á svæðinu?
Er hægt að setja gæslu- og björgunaraðila í þá stöðu að gera ekki neitt vitandi af fólki "á eigin ábyrgð" inni á svona svæði ef illa fer?

Að mínu viti er skynsamlegast akkúrat núna að gera nákvæmlega það sem verið er að gera: Banna alla umferð um þetta svæði, þó að það sé stórt.
Ef svonalagað fellur í einhverja rútínu eins og Kröflueldar gerðu á síum tíma má að sjálfsögðu endurmeta stöðuna og tilheyrandi gæslu. Það segir sig eiginlega sjálft, en á meðan þetta er í svona algerri óvissu og hlutirnir gerast hratt og ófyrirséð, þá er engin ástæða til að leyfa fólki að koma sér í aðstöðu sem getur komið björgunaraðilum í nánast vonlausa aðstöðu.

Ferðafrelsi er þáttur í þessu öllu, ekki misskilja mig, en við verðum að virða sjónarmið þeirra sem taka öryggi almennings alvarlega.

kv
Grímur

User avatar

jongud
Innlegg: 2106
Skráður: 29.mar 2012, 08:39
Fullt nafn: Jón Guðmundur Guðmundsson
Bíltegund: Toyota Land Cruiser

Re: Eldgos Holu­hrauni

Postfrá jongud » 30.aug 2014, 08:25

stebbiþ wrote:...
Fólk hefur vissulega hagað sér eins og fífl í kringum eldstöðvar í gegnum tíðina, en þrátt fyrir það hefur engin látist né stórslasast við þá iðju. Sá eini sem látist hefur af beinum völdum eldstöðvar, var Steinþór Sigurðsson jarðfræðingur, en hann lést við Heklu árið 1947 þegar hraunmoli hrundi yfir hann.

kv, Stebbi Þ.

RANGT !
Ég man ekki betur en þrjár manneskjur hafi orðið úti eftir að hafa álpast á bílaleigubíl inn á rangann veg og fest hann. Ætlunin var að skoða gosið á Fimmvörðuhálsi.
Að auki lést einn maður í Vestmannaeyjum vegna gaseitrunar.


stebbiþ
Innlegg: 304
Skráður: 26.feb 2010, 17:14
Fullt nafn: Stefán Þ. Þórsson

Re: Eldgos Holu­hrauni

Postfrá stebbiþ » 30.aug 2014, 09:44

Já, það lést maður af völdum gaseitrunar í heimaeyjargosinu, ég gleymdi því. En að segja að fólkið sem varð úti á Fjallabaki, hafi látist vegna gossins í Eyjafjallajökli er fráleitt.
Með sömu rökum mætti segja að banna ætti fjallafólki að skoða framhlaup jökla og jöklaferðir almennt, því hætta er á að einhverjir muni æða af stað á fólksbíl úr bænum og villast og verða úti á leiðinni.

Allir geta komið sér í glórulausa lífshættu án nokkurra vandræða. Ég get t.d. ákveðið á morgun að rölta einsamall yfir Svínafellsjökul, það eru yfirgnæfandi líkur á því að ég sæi börnin mín ekki aftur eftir þann göngutúr.
Ég gæti róið hér út á Faxaflóann á kayak, einn á ferð, alveg óvanur. Myndir þú tengja dauða minn við það, að kayakróður sé hættulegt sport, sem ætti að banna.

User avatar

Bokabill
Innlegg: 51
Skráður: 31.mar 2011, 11:02
Fullt nafn: Jóhannes Jensson

Re: Eldgos Holu­hrauni

Postfrá Bokabill » 30.aug 2014, 16:21

Erum við að tala um utanvegaakstur í Vatnajökulsþjóðgarði?
https://twitter.com/fencingtobba/media
http://natturan.is/samfelagid/efni/6902/

Image

Image

User avatar

jongud
Innlegg: 2106
Skráður: 29.mar 2012, 08:39
Fullt nafn: Jón Guðmundur Guðmundsson
Bíltegund: Toyota Land Cruiser

Re: Eldgos Holu­hrauni

Postfrá jongud » 30.aug 2014, 16:58

Þau voru í ferð með lögreglu...


Ofsi
Innlegg: 278
Skráður: 31.jan 2010, 22:32
Fullt nafn: Jón Garðar Snæland

Re: Eldgos Holu­hrauni

Postfrá Ofsi » 31.aug 2014, 11:54

Í ferð með lögreglu hum hum það gerir nú meintan utanvegaaksturinn eiginlega verri ef eitthvað er. Gæti þó verið að þau séu á slóð rétt vestan Vaðöldu. Þar verður slóðin oft ógeinileg í roki


fridfinnur
Innlegg: 34
Skráður: 06.júl 2010, 13:57
Fullt nafn: Friðfinnur Fr. Guðmundsson

Re: Eldgos Holu­hrauni

Postfrá fridfinnur » 31.aug 2014, 12:38

Vísindamenn geta með leyfi UST ekið utan vega samkæmt lögum um náttúruvernd nr 60 frá 2013.

"31. gr. Akstur utan vega.
Bannað er að aka vélknúnum ökutækjum utan vega. Þó er heimilt að aka slíkum tækjum á jöklum og snævi þakinni jörð utan vega utan þéttbýlis svo fremi jörð sé frosin eða snjóþekjan traust og augljóst að ekki sé hætta á náttúruspjöllum. Heimilt er að leggja vélknúnum ökutækjum þétt við veg ef það veldur ekki náttúruspjöllum eða slysahættu, þó þannig að samræmist ákvæðum umferðarlaga og fyrirmælum yfirvalda um umferðaröryggi.
Þrátt fyrir ákvæði 1. málsl. 1. mgr. er við akstur vegna starfa við landbúnað heimilt, ef nauðsyn krefur, að aka utan vega á ræktuðu landi. Heimilt er bændum og búaliði að aka utan vega á landi, utan miðhálendisins, sem sérstaklega er nýtt til landbúnaðar ef ekki hljótast af því náttúruspjöll. Við eftirleitir er bændum heimilt að sækja sauðfé inn á miðhálendið á léttum vélknúnum ökutækjum, svo sem fjórhjólum, enda verði þeim gripum ekki náð með öðru móti og ekki talin hætta á náttúruspjöllum. Einnig er heimilt, ef nauðsyn krefur, að aka vélknúnum ökutækjum utan vega vegna starfa við landgræðslu og heftingu landbrots, vegalagnir, línulagnir og lagningu annarra veitukerfa, björgunarstörf, lögreglustörf, sjúkraflutninga, rannsóknir, landmælingar, landbúnað og viðhald skála og neyðarskýla með sérstöku leyfi Umhverfisstofnunar, enda sé ekki unnt að vinna viðkomandi störf á annan hátt."

User avatar

Seacop
Innlegg: 43
Skráður: 09.mar 2013, 12:33
Fullt nafn: Óskar Þór Guðmundsson
Bíltegund: 90 Cruiser

Re: Eldgos Holu­hrauni

Postfrá Seacop » 31.aug 2014, 13:22

Á íslandi er líknardráp ekki leyfð...... og á íslandi er lagaumhverfið líka sniðið að þeirri hugsun okkar að við hjálpum náunganum ef hann kemur sér í vandræði og því er ekkert til hérna í okkar samfélagi sem opnar á það að við leyfum misvitrum ferðamönnum (hvort sem þeir eru vanir 4x4 ferðum eða ekki) að fara sér að voða og horfum aðgerðarlaus á.

Á meðan svo er þá er svona ábyrgðalaust tal ekki til neins. Lokanir á svæðum þar sem náttúruvá er yfirvofandi gengur út á tvennt. Annars vegar að vernda borgara þessa lands fyrir náttúruöflunum en ekki síður að til að koma í veg fyrir að björgunaraðilar þurfi að leggja sig í stórhættu við að reyna að koma einhverjum vitleysinum til hjálpar sem héldu að "ekkert kæmi fyrir þá".

Þó menn geti verið með stór orð fyrir framan tölvuna sína í rólegu og öruggu umhverfi heima hjá sér þá ætla ég nú að leyfa mér að efast um að menn þæðu ekki björgun þegar lífshættan blasti við mönnum. Stórir karlar verða oft að litlum drengjum þegar maðurinn með ljáinn stendur fyrir framan þá.

Látum þá sem vita meira en við um að leiðbeina okkur, virðum lokanir og sýnum náttúrunni þá auðmýkt sem hún á skilið.

Góðar stundir.

User avatar

Kiddi
Innlegg: 1109
Skráður: 02.feb 2010, 10:32
Fullt nafn: Kristinn Magnússon
Bíltegund: Wrangler 44"

Re: Eldgos Holu­hrauni

Postfrá Kiddi » 31.aug 2014, 14:44

Friðfinnur er á réttri braut, vísindamenn hafa heimild til að aka utanvega en eru bundnir þessu ákvæði að ekki sé unnt að framkvæma störfin á annan hátt. Þarna myndi ég segja að það eigi við, ekki væri skemmtilegt að vera fótgangandi á flótta undan eldgosi sem hefði breytt hegðun sinni. Alla jafna er ég samt á móti utanvegaakstri.

Það er stundum erfitt að átta sig á því hvar býr að baki þegar menn eru að benda á og gagnrýna utanvegaakstur sem þennan, mann grunar jafnvel stundum að einhver öfundssýki búi að baki þar sem menn vilja fá að gera þetta sjálfir (af hverju má hann þetta en ekki ég). Mér hefur reyndar fundist ferðafrelsisbaráttan vera svolítið skrítin þar sem menn eru sumir hverjir að berjast gegn lögum sem voru sett árið 1999 og Vatnajökulsþjóðgarður breytti engu um hvort utanvegaakstur væri bannaður þar eða ekki.

Nú svo er hitt með almannavarnir og lög um almannavarnir (http://www.althingi.is/lagas/139b/2008082.html) segja þetta nokkuð skýrt:

I. kafli. Almenn ákvæði.
1. gr. Markmið almannavarna.
Lög þessi taka til samhæfðra almannavarnaviðbragða til þess að takast á við afleiðingar neyðarástands sem kann að ógna lífi og heilsu almennings, umhverfi og/eða eignum.
Markmið almannavarna er að undirbúa, skipuleggja og framkvæma ráðstafanir sem miða að því að koma í veg fyrir og takmarka, eftir því sem unnt er, að almenningur verði fyrir líkams- eða heilsutjóni, eða umhverfi eða eignir verði fyrir tjóni, af völdum náttúruhamfara eða af mannavöldum, farsótta eða hernaðaraðgerða eða af öðrum ástæðum og veita líkn í nauð og aðstoð vegna tjóns sem hugsanlega kann að verða eða hefur orðið.
2. gr. Umsjón almannavarna.
Ríkið fer með almannavarnir á landinu öllu, hvort heldur sem er á landi, í lofti eða á sjó. Sveitarfélög fara með almannavarnir í héraði, í samvinnu við ríkisvaldið, svo sem kveðið er á um í lögum þessum.


Þannig að... ef menn vilja fá þessu breytt þá þarf lagabreytingar til. Ég fæ ekki betur séð en að Almannavarnir séu að fylgja þessu markmiði. Ef sú staða kæmi upp að gos yrði þarna undir jökli og manntjón yrði þá væru Almannavarnir að bregðast hlutverki sínu og maður skilur vel að menn þar á bæ vilji ekki taka séns á því.


stebbiþ
Innlegg: 304
Skráður: 26.feb 2010, 17:14
Fullt nafn: Stefán Þ. Þórsson

Re: Eldgos Holu­hrauni

Postfrá stebbiþ » 31.aug 2014, 15:10

Ég verð að fá að svara þessu innleggi frá "Seacop".
Þú hefðir átt að lesa betur það sem skrifað hefur verið hérna, þ.e. gagnrýni á þetta gríðastóra lokunarsvæði. Þar er verið að tala um þann tvískinnungshátt sem fylgir því að loka mörgþúsund ferkílómetra svæði meðan allir jöklar landsins eru opnir öllum, allan ársins hring við hvaða aðstæður sem er. Það má færa góð rök fyrir því að stórir hlutar jökla landsins séu dauðagildrur hluta úr ári. Auðvitað er það illa séð ef menn æða þangað upp, vanbúnir og skeyti ekkert um allar sprungur og svelgi. Það er ekki bannað, en illa séð og mælst til þess að menn geri ekki slíkt og komi björgunarfólki í stórhættu við björgun á slíkum bjánum. Hver er munurinn?? Auðvitað ætti að banna slíkar ferðir og gæta samræmis í þessu öllu. Hvernig myndum við sía alvöru jöklafara frá hálvitum sem keyra beint í lífshættuleg sprungusvæði. Það er erfitt, þar sem bjánar eiga líka stóra vel útbúna jöklajeppa.
Að kalla menn bjána í sjálfsvígshugleiðingum, ef þeir gagnrýna ofsafengin viðbrögð almannavarna, er með ólíkindum. Þú talar um fólk sem heldur að ekkert geti komið fyrir það við í nálægð við eldstöð, það sama mætti segja um þúsundir manna sem æða um jökla landsins allan ársins hring. Sá sem fer að eldgosi býst alveg eins við því að eitthvað geti komið fyrir, rétt eins og jöklafarinn. En fólk fer samt og kemur sér sjálfkrafa í hættu, með því einu að leggja í fjallaferð um landið okkar.
Þetta snýst um að það, að almannavarnir geti sýnt yfirveguð viðbrögð við eldgosum, sem munu fylgja okkur um alla tíð og verða á nokkurra ára fresti. Auðvitað verður að hafa einhverjar takmarkanir, en þær þurfa ekki að vera svona miklar og einhver rök þurfa að fylgja með.
Sjáiði til, ef þessi þróun fær að halda áfram óáreitt, þá verður ekki langt í það að jöklaferðir verða bannaðar eða verulega takmarkaðar, nema björgunarsveit haldi í hendina á þér og leiði þig um jökulinn. Þá fyrst mun eitthvað heyrast í mönnum.

User avatar

Seacop
Innlegg: 43
Skráður: 09.mar 2013, 12:33
Fullt nafn: Óskar Þór Guðmundsson
Bíltegund: 90 Cruiser

Re: Eldgos Holu­hrauni

Postfrá Seacop » 31.aug 2014, 15:35

Sæll StebbiÞ.
Ég kallaði að vísu engan bjána í sjálfsvígshugleiðingum í mínum pistli en við skulum láta það liggja á milli hluta. Ég held að vísu að það sé alvega sama hvað ég skrifa hérna... þú munnt ekki taka rökum.

Það sem ég vil aftur á móti benda á að ef þú þykist vera betur heldur til þess fallinn að ákvarða stærð lokunarsvæðinsins heldur en vísindamannaráð Almannavarna þá hvet ég þig til að hafa samband við þá stofnun og skýra þitt mál.

Ég hef lokið máli mínu og mun ekki blanda mér meira í þessa umræðu.


stebbiþ
Innlegg: 304
Skráður: 26.feb 2010, 17:14
Fullt nafn: Stefán Þ. Þórsson

Re: Eldgos Holu­hrauni

Postfrá stebbiþ » 31.aug 2014, 16:29

Ég mun taka við rökum þegar þau koma fram. Ég bíð spenntur. Lokunarsvæðið er einungis byggt í kringum vegamót, þ.e. afleggjarana/vegina sem liggja upp á hálendið af Sprengisandi og Þjóðveginum fyrir norðan. Lokunarsvæðið er að því leyti ekki vísindalega ákvarðað. Þetta hef ég frá fyrstu hendi þar sem konan mín hefur verið að vinna hjá samhæfingarmiðstöðinni sem sérfræðingur í kortagerð.
Sjálfur Magnús Tumi hefur einnig sagt að hann treysti sér ekki í Heklugöngu, en hann væri óhræddur við að fara fara í Öskju við núverandi aðstæður. Eins og margir vita, þá er fyrirvari vegna Heklugoss kannski 30-60 mínútur.


Dammi
Innlegg: 5
Skráður: 27.apr 2014, 01:38
Fullt nafn: Adam Eiður Óttarrsson

Re: Eldgos Holu­hrauni

Postfrá Dammi » 31.aug 2014, 16:40

Ég ætla rétt að vona að menn sé ekki að bölva björgunarsveitar fólkinu sem stendur við þessar lokanir og gera lítið úr því starfi sem þær gegna. Auðvitað er leiðinlegt að banna umferð og banna hitt og þetta en það þarf ekki mikið til að mikil hætta skapist og þá sérstaklega þegar haugur af forvitnum ferðalöngum er á svæðinu og þarf hugsanlega að forða sér snarlega í svörtu öskuskýi undan öllu því vatnsmagni sem gæti orðið. En auðvitað er þetta fullt af "ef-um" og ef til vill væri kannski skynsamlegt að opna sér bara rauðan eldgosa bauk og fylgjast með útsendingu Mílu þar til óvissan er að mestu liðin og hugsanlegri umferð verði hleypt nær gosinu. Bestu kveðjur.

User avatar

gummij
Innlegg: 31
Skráður: 18.apr 2011, 10:50
Fullt nafn: Gudmundur jonsson

Re: Eldgos Holu­hrauni

Postfrá gummij » 31.aug 2014, 19:20

""Ég ætla rétt að vona að menn sé ekki að bölva björgunarsveitar fólkinu sem stendur við þessar lokanir""
Nei ekki ferkar að kenna vörðunum í Auschwitz um hvernig farð var með Gyðinga.
En þessi della að loka öllu og banna allt nema það þóknist stórabróðir er óframkvæmaleg nema með "fornfúsri" aðstoð fótgönguliðanna.


Dúddi
Innlegg: 198
Skráður: 13.feb 2010, 12:57
Fullt nafn: rúnar ingi árdal

Re: Eldgos Holu­hrauni

Postfrá Dúddi » 31.aug 2014, 20:19

Min skoðun er sú að ætla að fara að sigta úr hverjir eru vanir 4x4 ferðalangar og geti farið og skoðað gosið er álíka gáfulegt og maður geti tekið ser bílpróf og geti þa keyrt löglega á 110km/h
Þetta er bara lokað og þannig er það, eg væri alveg til i að sja þetta gos og ef það verður opnað inna svæðið fer eg örugglega og kíki a þetta.
Að bera þetta við jöklaferðir er að mér finnst ekki sambærilegt, þar er áratuga reynsla að baki og byrjað i stuttum ferðum og svo framvegis og nu er komin reynsla i þvi sem þeir reyndari miðla til nýgræðingana. Ef menn fara að skoða eldgos sem þetta með öllum þeim hættum sem þvi fylgir þa fara menn beint i djúpu laugina, það er venjulega ekki hægt að fara og æfa sig að skoða eldgos eins og menn byrja a styttri fjallaferðum og svo framvegis.
Ég er fullkomlega sammala þvi sem Kjartan, Óskar og Jón G eru að segja her fyrir ofan


fridfinnur
Innlegg: 34
Skráður: 06.júl 2010, 13:57
Fullt nafn: Friðfinnur Fr. Guðmundsson

Re: Eldgos Holu­hrauni

Postfrá fridfinnur » 31.aug 2014, 20:22

Æ Guðmundur Jónsson þetta komment er eiginlega ekki í lagi. Eiginlega bara eins ósmekklegt og hægt er. Ég mundi skora á þig að laga þetta komment aðeins til svona áður en einhverjir sem þekkja þig sjá þennan óskapnað og taka af þér tölvuna. Það má alveg ræða þessi mál en það verður að gera með nokkuð yfirveguðum hætti en svona innlegg leggja ekkert til málsins.

User avatar

gislisveri
Stjórnandi
Innlegg: 1054
Skráður: 30.jan 2010, 23:08
Fullt nafn: Gísli Sverrisson
Bíltegund: Suzuki Fox
Staðsetning: Mosó
Hafa samband:

Re: Eldgos Holu­hrauni

Postfrá gislisveri » 31.aug 2014, 20:30

Loksins er eitthvað líf í umræðunum hérna. Og hvar er svo helvítis skjaldborgin?

User avatar

Járni
Stjórnandi
Innlegg: 1229
Skráður: 30.jan 2010, 22:43
Fullt nafn: Árni Björnsson
Bíltegund: Land Rover
Staðsetning: Selfoss
Hafa samband:

Re: Eldgos Holu­hrauni

Postfrá Járni » 31.aug 2014, 20:31

Takk fyrir þetta Friðfinnur, við skulum endilega halda umræðunum á betra plani.
2000 Land Rover Defender 130 38"


ivar
Innlegg: 686
Skráður: 13.aug 2010, 09:03
Fullt nafn: Ívar Örn Lárusson

Re: Eldgos Holu­hrauni

Postfrá ivar » 31.aug 2014, 20:43

Nú er staðan þannig að mig langar að skoða þetta gos og vil fara næst þegar veður leyfir að því gefnu að gosið sé enn í gangi.

Hvernig er best að standa að því. Ég vil helst ekki gera það í trássi við yfirvöld og standa í leiðindum en ég er samt ekki alveg til í að horfa á gosi frá nýjadal.

Mér dettur í hug sú hugmynd að senda lögreglustjórnaum á húsavík (sennilega er þetta það sýslumannsumdæmi) erindi og óska eftir ferðaleyfi frá nýjadal yfir gæsavatnaleið að flæðunum. Þar stöndum viuð uppá hæð og sjáum yfir og sennilega gosstöðvarnar (leiðréttið mig eftir þörfum) án þess að vera í flóðahættu né að hraun renni yfir okkur. Þá hefur ekkert bent til þess að gos hefjist á þeim hálsi utan þessarrar kvikuganga sem um ræðir.

Er menn með betri hugmyndir?

User avatar

Bokabill
Innlegg: 51
Skráður: 31.mar 2011, 11:02
Fullt nafn: Jóhannes Jensson

Re: Eldgos Holu­hrauni

Postfrá Bokabill » 31.aug 2014, 20:48

Eins og komið hefur fram þá mega vísindamenn skv. lögum aka utanvegar. Það er nátturlega fáránlegt að gefa einhverjum hóp opið leyfi til að aka utanvega án allrar tilkynningarskyldu eða skráningar.
Hins vegar þá bjóða núgildandi lög upp á það að ef slóð er sjáanleg þá má aka þar, það gildir einnig um löglegar utanvegaakstursslóðir vísindamanna.

User avatar

Kiddi
Innlegg: 1109
Skráður: 02.feb 2010, 10:32
Fullt nafn: Kristinn Magnússon
Bíltegund: Wrangler 44"

Re: Eldgos Holu­hrauni

Postfrá Kiddi » 31.aug 2014, 20:57

Bokabill wrote:Eins og komið hefur fram þá mega vísindamenn skv. lögum aka utanvegar. Það er nátturlega fáránlegt að gefa einhverjum hóp opið leyfi til að aka utanvega án allrar tilkynningarskyldu eða skráningar.
Hins vegar þá bjóða núgildandi lög upp á það að ef slóð er sjáanleg þá má aka þar, það gildir einnig um löglegar utanvegaakstursslóðir vísindamanna.


Það er hægt að taka undir að það er ekki fullkomin staða að þeir megi þetta og geri þetta, en eins og annað þá er það hluti af stærra máli. Flestir raka förin eftir sig og alla jafna eru þeir ekki að gera þetta að óþörfu. Tek það fram að ég er ekki vísindamaður en ég hef starfað sem landvörður (2012 og 2013) og aðeins pælt í þessu enda finnst mér þetta ekki alveg óskastaðan en svona er þetta.

Mér þætti síðan vænt um að sjá hvar núverandi lög bjóða upp á að ef slóð sé sjáanleg, megi aka þar. Ég held að það sé mikill misskilningur.


stebbiþ
Innlegg: 304
Skráður: 26.feb 2010, 17:14
Fullt nafn: Stefán Þ. Þórsson

Re: Eldgos Holu­hrauni

Postfrá stebbiþ » 31.aug 2014, 21:10

Af hverju er búið að flytja þennan þráð hingað? Mega menn ekki skiptast á skoðunum?
Já já, leyfum gosinu að malla í nokkra daga, meðan móðursýkiskastið rennur af yfirvöldum. Samanburðurinn við jöklaferðirnar var einungis til þess að benda á þá staðreynd að menn geta ætt upp á jökul í gallabuxum á slyddujeppa ef þeir eru nógu heimskir, en ekki er hægt að girða af jökla landsins út af þeim möguleika.
Nú gæti farið svo að sleða-og jeppamenn fjölmenni upp á Vatnajökul til að komast inn á Dyngjujökul og berja gosið augum. Þá fyrst gæti myndast hættuástand, ekki vegna gossins, heldur vegna hættulegra aðstæðna á jöklinum. Það gefur auga leið að ekki verður hægt að girða Vatnajökul af, og enn síður vera með einhverja gæslu upp á jökulbreiðunni.
Það væri mun hættuminna að leyfa t.d. umferð að vegamótunum (slóðamótunum?) fyrir sunnan Kattbeking, suðvestur af Öskju.

User avatar

jongud
Innlegg: 2106
Skráður: 29.mar 2012, 08:39
Fullt nafn: Jón Guðmundur Guðmundsson
Bíltegund: Toyota Land Cruiser

Re: Eldgos Holu­hrauni

Postfrá jongud » 31.aug 2014, 21:38

stebbiþ wrote:Af hverju er búið að flytja þennan þráð hingað? Mega menn ekki skiptast á skoðunum?
Já já, leyfum gosinu að malla í nokkra daga, meðan móðursýkiskastið rennur af yfirvöldum. Samanburðurinn við jöklaferðirnar var einungis til þess að benda á þá staðreynd að menn geta ætt upp á jökul í gallabuxum á slyddujeppa ef þeir eru nógu heimskir, en ekki er hægt að girða af jökla landsins út af þeim möguleika.

Nú gæti farið svo að sleða-og jeppamenn fjölmenni upp á Vatnajökul til að komast inn á Dyngjujökul og berja gosið augum. Þá fyrst gæti myndast hættuástand, ekki vegna gossins, heldur vegna hættulegra aðstæðna á jöklinum. Það gefur auga leið að ekki verður hægt að girða Vatnajökul af, og enn síður vera með einhverja gæslu upp á jökulbreiðunni.
Það væri mun hættuminna að leyfa t.d. umferð að vegamótunum (slóðamótunum?) fyrir sunnan Kattbeking, suðvestur af Öskju.


LOKSINS flutti einhver þráðinn inn á "barnaland".
stebbiþ wrote:Nú gæti farið svo að sleða-og jeppamenn fjölmenni upp á Vatnajökul til að komast inn á Dyngjujökul og berja gosið augum.


Dyngjujökull og svæðið allt í kringum Bárðarbungu er lokað hættusvæði...
Ég fer svo að dæmi félaga Óskars og tjái mig ekki frekar á þessum þræði...


Til baka á “Umhverfis- og hagsmunamál”

Tengdir notendur

Notendur á þessu spjallborði: Engir skráðir notendur og 1 gestur