2003 Ford F350 Yfir á ?

[svarti sambo]

Jæja.
Þá er loksins komið að því.
Keypti þennan bíl í des 2013. og hann er með 7,3L vélinni. Algjör sleggja. Og nýjum 35" dekkjum.

Mynd 1.jpg (66.31 KiB) Viewed 41997 times

Hann var reyndar með pallhýsi sem ég mun taka af honum. Finnst það ekki fara honum.

Mynd 3.jpg (66.04 KiB) Viewed 41997 times

Keypti þennan bíl upphaflega sem vinnubíl, en er bara orðinn svo skotin í honum að hann var tekinn af vinnumarkaðinum.
Þar sem að það var ákveðið að taka hann og breyta honum í einhvern mini hulk á hraða snígilsins, þannig að þá ákvað ég að leyfa ykkur að fylgjast með og vera með í þessu game-i.
Mun alveg örugglega eiga eftir að þurfa að fá einhverjar ráðleggingar frá svona reynsluboltum, eins og ykkur til að þetta takist vel til og þar sem að þetta er minn fyrsti bíll í breytingu. Þó svo að maður sé búinn að vera að vinna við að smíða allt úr járni og gera við vélar í 25+ ár. Þá er þetta alveg nýtt fyrir mér. Þar sem að ég hef ekki haft neinn tíma í svona hluti, þó svo að löngunin hafi verið til staðar.
Er svo sem lagður af stað í þetta verkefni og mun reyna að uppfæra þráðinn í tímaröð.

[svarti sambo]

Jæja þá byrjar game-ið.
Í jómfrúar feðinni vorum við á leið úr borg óttans (Reykjavík) á leið vestur á snæfellsnes, þegar að það komu þessi ægilegu óhljóð allt í einu,og það var eins og það hafði verið settur stór víbrador í gólfið. Ég sló strax af og hjóðið hvarf. þetta var alveg stór merkilegt, þar sem að það fannst ekkert að í stýri eða akstri bílsins. Síðan var bætt við aftur og á svona 80-90 km hraða, að þá komu þessi ólhjóð svona random. Stöðvaði ég bílinn og tók eftirlitsferð í kringum hann og undir, en sá ekkert athugavert við hann. Þar sem að ég og fjölskyldan vorum stödd á þjóðvegi 1 (held ég) og án allra verkfæra að þá var bara tekinn sunnudags rúntur vestur í sveitina og þetta yrði bara að skoðast við betra tækifæri. Þegar vestur var komið var bíllin hífður upp og hjólalegur skoðaðar. Það fannst ekkert athugavert við hjólalegurnar, sem skýrði þessi óhljóð. Bílnum hent út aftur og gefið allt í botn og beðið eftir ólhjóðunum. Vitir menn, óhljóðin komu aftur. Bílinn inná verkstæðið aftur og framdekk tekin undan og hubbin rifin af. Í ljós kom að legan sem er stýring fyir ytri öxulinn í hubbinu var í salla og sallinn var að grípa í öxulinn á keyrslu, og þar sem að ég þurfti ekki að nota frammdrifið, að þá kom þetta sem betur fer í ljós strax. Skipt var um bæði hubbin. En það sem að ég tók eftir líka, var að þetta var skíta búnaður fyrir stór dekk. Er búinn að útfæra nýja útfærslu á þessu og mun lýsa henni hér síðar.

[svarti sambo]

Eins og sést hér á myndinni að ofan, að þá vantaði afturhlerann á bílinn, þar sem að honum hafði verið stolið af á einhverri bílasölunni. Skyldist að það hafi verið á selfossi. Sel það ekki dýrara en ég heyrði það. En sem betur fer, að þá fékk ég annan hlera hjá Kjartani í mosó fyrir sanngjarnt verð, að vísu af 250 bíl, en það er kannski bara betra fyrir yngri kynslóðina ( ef löggan er fyrir aftan) og svo er bílinn bara 250, þegar að konan er á honum og 350, þegar að ég er á honum. En síðan tók félagi minn hlerann og sprautaði hann fyrir mig.
Nýr hleri kominn á.

[svarti sambo]

Mér til mikillar gremju, að þá surgaði alltaf í bremsunum að aftan, og það var ekkert að fara. En þar sem að ég hélt að þetta gæti verið vegna mikillar stöðu á bílasölunni, þar sem að hann stóð ca: eitt ár á sölu og var ný kominn úr skoðun hjá Frumherja, þá varð ég að skoða þetta frekar. Í ljós kom að það vantaði annan bremsuklossann, öðru megin að aftan og dælubrakketið var búið að renna diskinn og sjálft sig. Ég skil ekki hvernig þessi bíll gat fengið athugasemdar lausa skoðun svona. Það var ekki einu sinni járnplattinn á klossanum eftir. Þetta hefði væntanlega átt að sjást í hemlaprófuninni. Keypt var ný dæla+klossar og bremsudiskur hjá ljónunum. Dótið komið saman og surgið farið.
Þar sem að fyrstu byrjunar gallarnir voru farnir, að þá var ákveðið að fara og prófa fram drifið (gleymdist á sölunni). Í ljós kom að hann fór ekki í fram drifið. Bíllinn settur inná verkstæðið (smiðjuna mína) aftur og settur á fjóra búkka, millikassinn skoðaður og rafmagn að mótor mælt. Allt virtist eðlilegt í fyrstu, en svo kom í ljós að stöðuskynjarinn fyrir mótorinn var ónýtur. Nýtt júnit sett í, þar sem að það var ekki hægt að fá skynjarann, einan og sér. Jæja, Nú hélt ég að þessu byrjunar veseni væri lokið. Bíllinn settur út og farið að pófa. Ætt var í gegnum hina ýmsu skafla og allt virtist eðlilegt, þangað til að hann fór á gler, þá virkaði ekki tregðulæsingin að aftan. Kökkulinn tekin úr og diskarnir skoðaðir. Kom þá í ljós að þeir voru svo vitlaust raðaðir, að þetta gat ekki annað en svikið. Diskunum raðað upp aftur og sett smá auka millilegg (shim) með til öryggis, til að eyða sliti og auka pressuna á diskana. Bíllinn settur út aftur og farið að prófa. Tregðulæsingin virkaði vel, eða bara of vel. Hann varð 100% læstur að aftan. Setti aðeins of þykkt millilegg (1,3mm hvoru megin ). Hefði sennilega verið fínt að setja ca: 0,6mm hvoru megin. Þessu leyft að vera tímabundið, þar sem að það er bara snjór og fljúandi hálka úti, ásamt því að bílinn er bara í innanbæjar skjökti (hugsað á þessum tíma).

[gislisveri]

Það er mikið á þig lagt. En frásögnin er góð og væri enn betri ef þú splæstir myndum á okkur lesendurna.
Kv.
Gísli.

[svarti sambo]

Nei, Nei.
Það fylgir bara bras með gömlum bílum sem hafa fengið misjafnlega gott viðhald frá fyrri eigendum. Var svo sem búinn að reikna með einhverju brasi, sérstaklega þar sem að bíllinn var búinn að standa svo lengi. En kannski ekki alveg þessu brasi sem ég lenti í.
Varðandi myndirnar, að þá var ég ekki á leiðinni í sögugerð um bílinn, fyrr en að ég tók þessa ákvörðun um að taka hann af vinnumarkaðinum og nota hann í leiktæki (fjölnota tæki). En ég mun bæta úr því, þegar að sagan er kominn á þau tímamót, þegar að ákvörðunin um að breyta honum í fjallabíl, var tekin. Á bara ekki myndir fyrir þann tíma og mun taka myndir af því sem ég geri, jafn óðum. Er sjálfur hrifinn af sögum með myndum.

[svarti sambo]

Þegar að hér er komið við sögu, þá átti nú aldeilis að njóta þess og fara í borgarferð á drossíunni. En hvað kom fyrir ekki, Þegar að konan ætlaði að hlýja sér á tánum, þá virkaði ekki spjaldið í miðstöðvarstokknum. Þannig að henni varð bara að vera kallt á tánum í þeirri ferð. Þegar heim var komið aftur, var bílinn settur inn á verkstæðið og þetta skoðað betur. Í ljós kom að það hafði einhver tímann komið gat á vacumslönguna fyrir lokurnar að framan ( sem voru ekki til staðar, þar sem að það var búið að setja manual lokur) og vacumdælan gengið, þangað til að hún brann yfir. Ný dæla sett í og óþarfa vacumslöngur blindaðar. Loksins var allt farið að virka eðlilega og konan orðin alsæl með bílinn.

[svarti sambo]

Þar sem að konan var búinn að taka bílinn í sátt, var ákveðið að setja hann í smá andlitslyftingu og kantarnir sem voru á honum, voru ekki fyrir minn smekk, ásamt því að vera of litlir. Keyptir voru nýjir 38" brettakantar og þeir settir á, þar sem að það stóð ekki til að fara með hann á stærri dekk, en 37-38". Kantar fengnir hjá Gunnari Yngva. Á ekki betri myndir, en verður að duga að sinni.

Brettakantar.jpg (126.88 KiB) Viewed 41801 time

Skorið úr eins og hægt var og tölva í innra bretti, færð ofar. Klætt að innan með þunnu trefjaplasti (2,5mm) og grjótvarnar kvoða sett yfir á eftir, ásamt því að skurðarsárið var grunnað og lakkað.

DSC04646.JPG (149.07 KiB) Viewed 41792 times

DSC04647.JPG (152.35 KiB) Viewed 41792 times

DSC04648.JPG (152.12 KiB) Viewed 41792 times

Ekkert grjót hljóð frá þessu. Var hræddur um það.

[ihþ]

Á Elín ekki Súgfirska ullasokka á tærnar á sér Elías :-)

En annars flottur bíll hjá ykkur og það verður gaman að fylgjast með breytingunum.

Kveðja frá Suðureyri.

[svarti sambo]

Á Elín ekki Súgfirska ullasokka á tærnar á sér Elías :-)

En annars flottur bíll hjá ykkur og það verður gaman að fylgjast með breytingunum.

Kveðja frá Suðureyri.

Takk fyrir það. Ingólfur
Hún erfði heilu kassana frá ömmu sinni, annars er hún alltaf að stæra sig á því hvað hún þolir vel kulda, þannig að ég vorkenndi henni ekki neitt, þó að einn kassinn hafi ekki verið með í för :-)

[svarti sambo]

Þar sem að það gekk erfilega að finna dekk og felgur, að þá var splæst í nýjan dekkjagang og felgur frá N1. Fyrir valinu varð, Trexus 38,5x14,5x17LT. Og svo voru felgutunnurnar og miðjurnar sendar í breikkun og pólyhúðun til Smára í skerplu.
Dekk og felgur komið heim.

Dekk 001.jpg (160.56 KiB) Viewed 41656 times

Dekk 008.jpg (134.85 KiB) Viewed 41656 times

[StefánDal]

Ég myndi senda konuna í "litla meiraprófið". Réttindaleysi er ekki bara spurning um sekt, heldur eru bíllinn og konan alveg ótryggð ef eitthvað kemur upp á.
Bara vinsamleg ábending :)

Flottur trukkur. Á eftir að prufa að eiga svona einhvern daginn.

[svarti sambo]

Ég myndi senda konuna í "litla meiraprófið". Réttindaleysi er ekki bara spurning um sekt, heldur eru bíllinn og konan alveg ótryggð ef eitthvað kemur upp á.
Bara vinsamleg ábending :)

Flottur trukkur. Á eftir að prufa að eiga svona einhvern daginn.

Takk fyrir þetta.
Þegar að konan komst að því að hún hefði ekki réttindi til að keyra djásnið, þá var hún fljót að kalla mig araba :-)
Hef svo sem litlar áhyggjur af hennar réttindum, þar sem að hún er mjög sátt við að hafa einkabílstjóra (þykist það allavega), teygir bara úr sér og lætur fara vel um sig. Annars er hún búin að vera á leiðinni í vörubílaprófið, til að vera save það sem eftir er, þess á milli er hún með 33" breyttan terrano.

[ellisnorra]

Mjög skemmtilegur þráður. Ég mun fylgjast spenntur með hér. Væri gaman að fá kostnaðartölur líka.

[svarti sambo]

Mjög skemmtilegur þráður. Ég mun fylgjast spenntur með hér. Væri gaman að fá kostnaðartölur líka.

Takk fyrir það.
Veit ekki hversu gott og skemmtilegt það er að taka saman kostnaðartölur, svona sálarlega. Svo ekki sé nú minnst á það , ef konan kemst í þær :-)
Hvað um það.
Bíll: 1.250.000
Dekk: 480.000
Negla, migróskera og setja dekk á felgur: 80-90.000 ( hérna varð mér ill í rassgatinu )
Felgur: 250.000
Kantar: 120.000
Sprauta kanta: 15.000
Aftur hleri: 30.000
Nýjar olíur og allar síur í bíl: 50.000
vacumdæla: 17.000
mótor á millikassa: 36.000
Legusett í afturkökkul: 25.000 ( minnir mig)
2 stk Hubb: 90.000
1 stk ytri öxull: 46.000
Trukkalakk: 50.000
Bremsudæla,diskur og klossar: 50.000 ( minnir mig)
Pumpur á efri afturhlera: 15.000

Og einhvað fleira sem ég man ekki og vill ekki muna meira :-(

Kemur kannski seinna.

[muggur]

Flottur þráður og flottur bíll.
Eins og einhver sagði þá myndi mig langa í svona trukk einhverntíma. Finnst einmitt F350 looka mjög 'passlegur' á 38tommu, svona eins og þeir Japönsku á 35 tommu.

Eitt sem ég hef oft vellt fyrir mér er: Hvernig er F350 á 38 tommum miðað við t.d. pajero eða LC90 á t.d. 35 tommum? Fordinn myndi náttúrulega mala þá í Krossánni en hvað um í snjó? Japönsku jeppanir á 35 tommu er náttúrulega takmarkaðir í snjó en vel nothæfir á 38 tommu. Fordinn er nokkrum númerum stærri og þarf væntanlega stærri dekk. En kannski er þetta bara eins og að bera saman epli og appelsínur.

Flott að setja kostnaðinn inn, þetta hjálpar öllum að réttlæta vitleysuna sem jeppamennska er :-)

[svarti sambo]

Einhver staðar þarna í innkaupa gleðinni, var ákveðið að fá sér tölvukubb í bílinn, þar sem að ég var ekki alveg sáttur við eyðsluna á honum, þó svo að hann væri kannski ekki að eyða miklu miðað við stærð og þyngd. Var að eyða 18,1 í langkeyrslu á 35" og bara í afturdrifinu og með 4,10:1 hlutföll.
Þar sem að ég var kominn á kaf í ruglið, að þá var kubbur settur í og bakkmyndavél (í bónus) Frá Edge.

Tölvukubbur.JPG (139.18 KiB) Viewed 41353 times

Set bara inn þá dekkjastærð sem ég er að nota hverju sinni og hann sýnir mér þá réttan hraða bílsins, ásamt ýmsu öðru sem ég get séð og lesið bilanakóta og eytt út kótum.

Backmyndavél.JPG (136.74 KiB) Viewed 41353 times

Eyðslan datt niður í 14,5 á 35" í langkeyrslu og í fjórhjóladrifinu á towing prógramminu.
Á 38,5" og fjórhjóladrifinu á langkeyrslu fór hún í 16,7 á race programminu.
Og svo mældi ég hann um daginn á 37" og race prógramminu í langkeyrslu, þá var eyðslan 12,4 í langkeyrslu og bara í afturdrifinu.Og það sem meira er, að konan hélt að tankmælirinn væri bilaður.
Finnst þetta engin eyðsla miðað við fjögurra tonna bíl. Þarf að svera upp sog og útblásturslagnir til að geta sett hann í exdreame prógrammið. Tankur alltaf fylltur uppí stút, til að mælingin væri marktæk og enn á 4,10 hlutföllunum.
Algjör snild þessi kubbur, borgar sig sjálfur í minni eyðslu og er einfaldur í uppsetningu.
Kostaði 130.000 með öllum gjöldum og bakkmyndavél (aukabúnaður), hingað kominn frá ameríku.

[svarti sambo]

Flottur þráður og flottur bíll.
Eins og einhver sagði þá myndi mig langa í svona trukk einhverntíma. Finnst einmitt F350 looka mjög 'passlegur' á 38tommu, svona eins og þeir Japönsku á 35 tommu.

Eitt sem ég hef oft vellt fyrir mér er: Hvernig er F350 á 38 tommum miðað við t.d. pajero eða LC90 á t.d. 35 tommum? Fordinn myndi náttúrulega mala þá í Krossánni en hvað um í snjó? Japönsku jeppanir á 35 tommu er náttúrulega takmarkaðir í snjó en vel nothæfir á 38 tommu. Fordinn er nokkrum númerum stærri og þarf væntanlega stærri dekk. En kannski er þetta bara eins og að bera saman epli og appelsínur.

Flott að setja kostnaðinn inn, þetta hjálpar öllum að réttlæta vitleysuna sem jeppamennska er :-)

Takk fyrir þetta.
Mér finnst fordinn á 38,5" lúkka eins og terrano á 33". En hann samsvarar sér mjög vel á þessari stærð. Má ekki vera minna, miðað við stærð bílsins.
Varðandi drifgetu í snjó, þá fer maður í engar fjallaferðir á 38". Lágmark 44" í fjallaferðir, vegna þyngdar bílsins, held ég. En ég gerði heiðarlega tilraun til að festa hann í vetur og ég gat alltaf bakkað, ef ég missti hann ekki í mikið spól. stoppaði strax og hann byrjaði að spóla, bakkaði og lét vaða aftur. Var að vísu ekki með úrhleypt. Gaf mér ekki tíma í það, Vegna anna í vinnunni.
Það er eigilega ekki hægt að bera saman japanskan bíl og amerískan bíl, þegar kemur að þægindum. Finnst japanskir bílar vera hálf gerðar sardínudósir með gluggum, varðandi rými og þægindi, en þeir hafa aðra kosti eins og léttleika og annað. En fínir bílar samt sem áður. Þetta er bara spurning hvernig manni vill líða í bílnum og svo er smekkur manna misjafn. Reyndar held ég að stóri crúserinn (200) sé farinn að nálgast amerískan bíl í þægindum. Er kominn með amerísku veikina.

[svarti sambo]

Þegar hérna er komið við sögu, þá var komið að því að máta dekkin og skera úr stuðara.

mátun.jpg (86.17 KiB) Viewed 41307 times

mátun..jpg (78.37 KiB) Viewed 41307 times

Þar sem að það var búið að snúa við fremmri fjaðrafestingunum og færa aftari undir grind ( 37" breyting) þegar að ég keypti bílinn, Þá þurfti ég bara að taka aðeins úr stuðaranum. Nær reyndar aðeins að narta í handbremsubarkann í fjöðrun og mikilli vinstri beygju. Þarf að breyta því.

[svarti sambo]

Stigbretti tekin og færð aðeins aftar og led ljósum fjölgað. 4 Led ljós í setti, keypt í bílanaust 5000

Stigbrettarljós.JPG (137.79 KiB) Viewed 41277 times

Hef þau kveikt á annari mynd.

[svarti sambo]

Þar sem að ég var byrjaður að skreyta bílinn, að þá voru skúffuljósin tekin og led ljós sett í staðinn. 4 ný Led ljós keypt á brall og brask fyrir 5000.

Gamla ljósð.JPG (125.21 KiB) Viewed 41089 times

Nýja ljósið.JPG (116.78 KiB) Viewed 41089 times

[svarti sambo]

Jæja, þá fer nú að styttast í það að menn fari að sjá heildar myndina, en ekki bara part og part. Þarf að setja bomsurnar undir fyrir myndatöku, þar sem að hann er á strigaskónum núna.

[Fordinn]

Ég er búin að eiga svona bíl síðan 2006. setti ´hann fyrst á 40" dekk enn i dag er hann á 38" tommu.... svo er ég buin að snúast marga hringi með hvað ég átti að gera.... langaði i stærri dekk eða minni bil á 44".

Eftir að hafa keypt mer bronco og verslað helling i hann... var hann seldur og ákvað loksins að eiga pikkann.... svo hann verður settur á 46" og camper á pallinn.

Þessir bílar eru ekki að eyða mikið miðað við afl og þyngd. þeir eru einfaldir og auðvelt að gera við flest allt i þeim og varahlutir eru á fínu verði frá usa. Ef upp kemur bilun þá er nánast undantekningarlaust hægt að fara á netið og finna lausnir og jafnvel myndbond hvernig á að gera hlutina.

Ég hef aldrei átt þægilegri bíl... plássið er yfirdrifið og madur situr vel. svo þegar eg var buin að hugsa lengi... skipta nokkrum sinnum um skoðun og svona .... þá var þetta ákveðið... kominn med dekk og kannta og ymislegt smálegt.... þegar eg kem til landsins i sumarfríinu verður svo farið á fullt i að skrúfa =)

[svarti sambo]

Ég er búin að eiga svona bíl síðan 2006. setti ´hann fyrst á 40" dekk enn i dag er hann á 38" tommu.... svo er ég buin að snúast marga hringi með hvað ég átti að gera.... langaði i stærri dekk eða minni bil á 44".

Eftir að hafa keypt mer bronco og verslað helling i hann... var hann seldur og ákvað loksins að eiga pikkann.... svo hann verður settur á 46" og camper á pallinn.

Þessir bílar eru ekki að eyða mikið miðað við afl og þyngd. þeir eru einfaldir og auðvelt að gera við flest allt i þeim og varahlutir eru á fínu verði frá usa. Ef upp kemur bilun þá er nánast undantekningarlaust hægt að fara á netið og finna lausnir og jafnvel myndbond hvernig á að gera hlutina.

Ég hef aldrei átt þægilegri bíl... plássið er yfirdrifið og madur situr vel. svo þegar eg var buin að hugsa lengi... skipta nokkrum sinnum um skoðun og svona .... þá var þetta ákveðið... kominn med dekk og kannta og ymislegt smálegt.... þegar eg kem til landsins i sumarfríinu verður svo farið á fullt i að skrúfa =)

Sammála og líst vel á loka niðurstöðuna.
Búinn að taka ákvörðun um það að þessi bíll verður aldrei seldur, allavega ef ég skifti, þá fer ég sennilega í 6,7 vélina. Þar sem að 6.0 vélin er framleidd ónýt ( of fáir heddboltar í kringum hvert gat ) og ég veit ekki með 6,4 vélina. Varðandi 7,3 vélina, að þá er allt til um hana inná youtube og ekkert mál að fá varahluti frá hinni stóru Ameríku, á fínu verði. Svo er hún svo stór í lítrum, miðað við hestöfl, að það er endalaus orka og engir póný hestar þar á ferð, og allt í lagi að fjölga hestunum, án þess að maður sé að ofgera vélinni. Hengdi sex tonna bát aftan í hann og dró á milli bæjarfélaga, og hann vissi varla af því, að hann væri að draga þetta á 38,5" og með orginal hlutföll (4,10). Svo er þetta bara, eins og að sitja inní stofu að keyra þetta. Finnur ekki fyrir 400km akstri strait away. Ég kalla það ekki eyðslu, að eyða 12,4/100 á fjögurra tonna flikki á 37" dekkjum, allavega er terranoinn í 14-15/100 á 33" dekkjum, og ég, ónýtur í baki eftir 400km keyrslu. En það var eitt sem ég tók eftir með fordinn, það þarf að setja svona 400 kg lóð undir hann, þar sem að varadekkið á að vera, til að jafna út þyngdarhlutföllin á milli vélar og skúffu. Þá verður hann mikið skemmtilegri í snjó, þar sem að hann er of framþungur með þessa sleggju. Já, þar sem að ég datt á höfuðið um daginn og sló höfðinu of fast í vegg, þá er ég farinn að hugsa um 46-49" breytingu. Vildi nefnilega sjá til, hvernig mér myndi líka við bílinn fyrst, áður en að ég færi að gera einhverja vitleysu. Varðandi plássið, þá liggur við að maður þurfi gjallhorn til að tala við konuna og fólkið í bílnum.

[svarti sambo]

Jæja. Þá er nú biðin á enda. Hér koma myndir úr kvöldsólinni.

DSC04658.JPG (96.58 KiB) Viewed 40828 times

DSC04657.JPG (76.99 KiB) Viewed 40828 times

DSC04656.JPG (79.17 KiB) Viewed 40828 times

Og ein svona uppá funnið, þar sem að snjórinn er uppá jökli núna. Vildi ekki rífa afturstuðarann af, þar sem að dráttarkúlan var kominn á kaf.

DSC04655.JPG (115.98 KiB) Viewed 40828 times

[StefánDal]

Hann samsvarar sér ótrúlega vel á þessum dekkjum. Fyndið hvað þetta hefur mikið að segja. Hann verður meira að segja flottur með pallhúsið :)

[svarti sambo]

Hann samsvarar sér ótrúlega vel á þessum dekkjum. Fyndið hvað þetta hefur mikið að segja. Hann verður meira að segja flottur með pallhúsið :)

Það finnst mér líka varðandi dekkin. En pallhúsið verður sett í geymslu og sérsmíðað, rifflað,seltuþolið ál-lok, sett í staðinn, þegar að ég hef tíma. Held að hann verði mun gæjalegri, án hússins. Er ekki að fíla þetta hús á honum. En vissulega ber hann það mun betur á þessum dekkjum. Maður getur svo prófað að setja það aftur á, á 46-49" dekkjunum, þar sem að ég er gjörsamlega kominn á kaf í ruglið, og kominn með alvarlega jeppaveiki, á háu stigi.

[Stebbi]

Hvenær fáum við svo að sjá myndir af þessum Ford F350 fara yfir á? :) :)

[svarti sambo]

Þetta er staðan á bílnum í dag, og ég er bara búinn að vera að rumsa út úr mér, ferlið á þessu. Er bara búinn að taka ákvörðun um frekari hækkun.
Þar sem að ég hef aldrei gert þetta áður, þá mun ég eiga eftir að leita aðstoðar, hjá ykkur reynsluboltunum, til að klára dæmið. Er byrjaður að sanka að mér efnivið, eins og t.d. eldri gerðina af legustút og leguhub, og ætla að byrja á því að útfæra það, yfir í spyntech, útfærslu. og bolta það á núverandi liðhús. Þar sem að þetta er dually bíll, með dana 80 að aftan og sennilega dana 60 að framan, þá eru hásingarnar mis breiðar og því var eytt út með felgumiðjunum. Það munar 1 3/4" hvoru megin, á backspace-inu, á milli fram og aftur felga. Sennilega mun planflöturinn á hubbinu að framan, færast um einhverja 4-5 cm, við þetta, og þá verður hægt að vera með sama backspace að framan og aftan, og hægt að rótera dekkjunum, ásamt því að álagið á spindlana minnkar, þegar að backspace-ið er orðið rúmar 6".
Nú er sagan búin að ná mér í tíma, og ég mun reyna að vera með betri myndir, af því sem á eftir kemur.

[svarti sambo]

Hvað er að frétta. Þora menn ekki að kommitera, eða hvað. Það er allt í lagi að fá að heyra bæði slæmar og góðar skoðanir, en sleppa öllum skítköstum, þau eru leyfð á facebook. Eða er þetta bara allt æðislegt. Þögn er sama og samþyggi.

[Fordinn]

Ég keypti bílinn minnn um mitt ár 2006.... búin að keyra hann i kringum 100 þus siðan þá. eg hef skipt um eina afturhjola legu og einn framhjolalegu hub. skipt um styrisenda 2 og spindilkulur, svo hefur verið soldið bremsu viðhald á honum.... annars hefur hann bara gengið blessaður. Enn eg ætla að splæsa i allt nytt undir að framan fra spynetec þegar hann fer á 46" sennilega kominn timi á legurnar og svona. svo þarf eg að fá mér tölvu og opna pústið út... veitir sennilega ekkert af smá auka afli þegar madur fer að leika sér =) Annars synist mer ég verði bara að fara gera mer ferð ut til usa að versla =)

[svarti sambo]

Ég keypti bílinn minnn um mitt ár 2006.... búin að keyra hann i kringum 100 þus siðan þá. eg hef skipt um eina afturhjola legu og einn framhjolalegu hub. skipt um styrisenda 2 og spindilkulur, svo hefur verið soldið bremsu viðhald á honum.... annars hefur hann bara gengið blessaður. Enn eg ætla að splæsa i allt nytt undir að framan fra spynetec þegar hann fer á 46" sennilega kominn timi á legurnar og svona. svo þarf eg að fá mér tölvu og opna pústið út... veitir sennilega ekkert af smá auka afli þegar madur fer að leika sér =) Annars synist mer ég verði bara að fara gera mer ferð ut til usa að versla =)

Mæli eindregið með kubb frá Edge. http://www.edgeproducts.com/product.php?pk=124&pvk=347
Veður sennilega að svera bæði sog og útblástur, til að nota alla hestana, sem þetta bíður uppá. Ég gæti leyft þér að prufa bílinn minn og skoða möguleikana sem að hann bíður uppá, ef ég er á ferðinni, þegar að þú ert kominn í sumarfrí. Það er eins og ég hafi skift um vél. þessi kubbur, breytir vélatölvunni og tölvunni fyrir skiftinguna. Hef mist hann uppí spól á malbikinu á 37", ef ég stíg of fast á pinnann. Átti aldrei von á þessu, á fjögurratonna flikki, á 37" dekkjum og 4,10 hlutföll.

[ellisnorra]

Mér finnst þetta einn af mest spennandi þráðum sem hér eru virkir núna og þögn er sennilega sama og samþykki :)
Ég hef lítið til málanna að leggja enn sem komið er, ég er rétt að byrja í stóru deildinni sjálfur og hef ekkert átt við hásingar hjá mér, enda búið að breyta þeim alveg ágætlega (fjöðrun, læsingar og diskar að aftan)

Vertu duglegur að uppfæra, ég mun fylgjast spenntur með og commenta ef mér finnst við hæfi :)

[svarti sambo]

Nú er það ljótt.
Skiptingin er gengin í barndóm. Hún neitar að sleppa snuðinu og skiptir sér bara eftir hentuleika. Þannig að það er búið að rífa skiptinguna úr og fara með hana til ljónanna. Það sem á að gera við skiptinguna í leiðinni, er að það á að styrkja hana + converter fyrir ca: 500 hö. Mér skyldist svo sem á ljónunum að þetta væri bara eðlilegur tími á skiptingunni, miðað við akstur. Það væri kominn tími á þær við 250-300 þús akstur. Þannig að ég ætla sennilega að nota tímann og reyna að breyta framhásingunni í leiðinni, þar sem að bíllinn er orðinn stopp.

[svarti sambo]

Jæja, Þá er ég búinn að taka fram dótið. Og er að fara að endurhanna þetta hubb system.

Þetta er gamla hubbið.

Gamla hubbið.JPG (79.32 KiB) Viewed 39686 times

Svo er það nýja, gamla dótið, sem verður boltað á núverandi liðhús.

árg. 78-97.JPG (79.75 KiB) Viewed 39686 times

Svo er það spurningin með ytri öxulinn, hvaða lengd þarf að vera á honum og hvaða disk ég get notað.
Á svo eftir að setja inn myndir af ferlinu og fá vonandi feedback.

[jongud]

Það er til alveg ótrúlega fjölbreytt úrval af bremsudiskum. Þegar ég var að dtyrkja klafahásinguna undir Ranger á sínum tíma
(sjá hér http://www.f4x4.is/myndasvaedi/styrking-a-dana-35-reverse-ttb/ )
þá fór ég í Bílanaust og fletti upp á mismunandi málum á bremsudiskum í allþykkri skræðu hjá þeim. Sá sem passaði fyrir mig var framdiskur fyrir 60-Land-cruiser, enda var ég að breyta í 6-gata.

[svarti sambo]

Það er til alveg ótrúlega fjölbreytt úrval af bremsudiskum. Þegar ég var að dtyrkja klafahásinguna undir Ranger á sínum tíma
(sjá hér http://www.f4x4.is/myndasvaedi/styrking-a-dana-35-reverse-ttb/ )
þá fór ég í Bílanaust og fletti upp á mismunandi málum á bremsudiskum í allþykkri skræðu hjá þeim. Sá sem passaði fyrir mig var framdiskur fyrir 60-Land-cruiser, enda var ég að breyta í 6-gata.

Flott verkefni hjá þér Jón.
Já, mér skyldist það hjá stál og stönsum á sínum tíma, þegar að ég var að hugsa um þessa breytingu, að diskurinn yrði ekki vandamál. En ég var að vona jafnvel að ég gæti notað sama diskinn aftur, þar sem að hann er að utan í dag, en verður sjálfsagt fyrir innan flangsinn eftir breytingu. Á eftir að mæla það og skoða betur. Ætla að byrja á því að koma legustúnum á liðhúsið og leguhubbinu, og þá get ég farið að mæla þetta út og suður. Og svo lánaði Hrólfur mér ytri öxulinn, sem er ca: 2" lengri en sá gamli, til að átta mig betur á þessu. En það er eitt sem ég skil ekki. Af hverju menn vilja hafa þennan öxul 35 rillu. Ég veit að það er sterkara, en þá er drifið orðið í hættu og ég myndi frekar vilja stúta loku og öxli, heldur en drifi.

[Þorsteinn]

Þó að þetta sé 35 rillu, þá ferðu samt með lokuna á undan drifinu.

[olei]

En það er eitt sem ég skil ekki. Af hverju menn vilja hafa þennan öxul 35 rillu. Ég veit að það er sterkara, en þá er drifið orðið í hættu og ég myndi frekar vilja stúta loku og öxli, heldur en drifi.

Þetta er ekki alveg svona einfalt. Ef bílar eru læstir að framan geta hæglega myndast þær aðstæður að nánast allt snúningsvægið er á öðrum öxlinum. Dana 60 á í engum vandræðum með að klippa 1 stk 30 rílu öxul og raunar ekki heldur 35 rílu.

Það verður feiknarleg framför hjá þér að losna við þessar ein-nota rasspútulegur úr framhjólunum. Líst vel á það!

[svarti sambo]

Takk fyrir þessi comment.
Það er flott. Þá er bara að fá og setja 35 rillu öxul, þegar lengdin er komin. Þarf hvort eða er að kaupa nýja öxla. Það svo sem togaði í mig, þegar að ég vissi að það væri hægt að fá hann 35 rillu.