MMC 2,5 diesel snúningshraðamælir

[Freyr]

Ég var að eignast '96 pajero, 2,5 vél og beinskiptur. Snúningshraðamælirinn er dauður og var það einnig í fleiri svona bílum sem ég prófaði. Því dreg ég þá ályktun að þetta sé algeng bilun og lausnin þekkt, einhverjar ábendingar?

Kv. Freyr

[HaffiTopp]

Er það ekki alternatorinn? Einhverjir vírar á honum.

[Freyr]

Nei, það er skynjari á/við olíverkið. Það sem ég er að leita eftir er að fá svar frá einhverjum sem raunverulega þekkir þetta vandamál...

Kveðja, Freyr

[HaffiTopp]

Ég biðst innilegrar afsökunar á afskiptaseminni

[Ingójp]

Ég er með 97 pajero 2.5 stuttan bsk og ég er að lenda í þessu hraðmælirinn er að detta inn og út og bíllinn neitar stundum að fara í gang og bíllinn eyðir eins og andskotinn

[Aparass]

Sendirinn skrúfast inn í hliðina á olíuverkinu og þú þarft að taka olíuverkið úr til að skipta um hann. Fjandi leiðinleg aðgerð.
Þetta er lítill og ræfilslegur hall sendir sem skynjar tannhjól inn í olíuverkinu og þessi sendir er solldið duglegur að fara.
Þessi mikla eyðsla og gangtruflanir tengjast þessu ekki, það er eitthvað annað að valda því.
Mundi byrja á að kippa spíssunum upp, beygja spíssarörin aðeins á miðri leið svo þú getir skrúfað spíssana aftur á og fá síðan einhvern til að starta á meðan þú horfir á úðann koma úr spíssunum, þá sérðu strax hvort einhver eða einhverjir af þeim senda bara massíva bunu eða hreinlega leka allann tímann.
Einn ónýtur spíss getur valdið alveg svakalegri eyðslu máttleysi og truntugang í svona fjögura cylendra kettling.
Þá ertu kominn með eitthvað sem þú getur byrjað að skoða hjá þér.
Gangi þér vel.

[jongud]

Er ekki aðeins betra að fara með spíssana í Blossa eða eitthvað annað verkstæði og láta tékka á þeim frekar en að hætta á lek spíssarör eftir svona beygjuæfingar?

[Aparass]

Auðvitað er það alltaf hægt en spíssarör í svona bílum eru bara ekkert viðkvæm. Þau eru svona svipað og bremsurör sem maður getur beigt aðeins fram og til baka, ekki oft auðvitað því þetta er ekki slanga en það er ekkert mál að gera þetta og þarf ekki neinn skaði að hljótast af enda er það sáralítið sem þarf að teygja á stæðstu beygjunni svo hægt sé að festa spíssana aftur á.

[Freyr]

Ég biðst innilegrar afsökunar á afskiptaseminni

Hmm, biðst afsökunar á fyrra svari mínu til þín, sé eftirá að það er leiðinlega orðað.

Kveðja, Freyr

[khs]

Minn dó/bilaði/eitthvað gerðist fyrir nokkru síðan. Hekla sagði að það væri dýrt að laga hann og spurði ég ekki um verð. Lét setja annan snúningshraða mæli sem var keyptur í Bílanaust. Það var frekar ódýrt allt saman.

[Stebbi]

Minn var svona dettandi inn og út í tíma og ótíma, það var sambandsleysi í lúminu þar sem það fer frá olíuverki yfir vélina. Prufa að djöflast á lúminu á meðan einhver fylgist með mælinum.

[Subbi]

miklu minni aðgrð að fá sér segul á sveifarástrissuna og skynjara fyrir hann og tengja í Snúningsmælinn fæst víða svoleiðis búnaður til að mynda í Vélasöluni held ég örugglega

[HaffiTopp]

Ég biðst innilegrar afsökunar á afskiptaseminni

Hmm, biðst afsökunar á fyrra svari mínu til þín, sé eftirá að það er leiðinlega orðað.

Kveðja, Freyr

Ekkert mál :) Ætlaði að hafa þetta olíuverk, ekki alternator. Hefur eitthvað skolast til í hausnum á mér, sem er svo sem algengt hehe. Ég hef bara verið svo hvumsa þar sem ég hélt að MMC bilaði ekki neitt ;)
En gott að þú hafir séð ljósið og sért með tvo almenninlega jeppa í heimkeyrslunni :P

[Sævar Örn]

Ég átti galloper og þá var spansgræna í tenginu ofan á olíuverkinu, það er samskonar og í Pajero og fékk ég akkurat tengi úr pajero og lóðaði vírana (2) frá skynjaranum í nýja tengið og plöggaði saman og allt fór að virka.

Ég ákvað að fara þessa leið því ég sá enga góða leið til þess að ná nemanum úr öðruvísi en að taka olíuverkið af vélinni...


Skoðaðu þetta allavega fyrst og leiðnimældu yfir tengið ef einhver vafi er