Vandræðalegt!

[Subbi]

Tengist kannski ekki Jeppamennsku en um tíma átti ég nýjan Skoda 120 Ls og bjó þá út í garði og þurfti að Skjótast í Keflavík

Lagði ég bílnum fyrir utan verslun eina á Hafnargötuni í Keflavík og skaust inn og Lauk svo erindum mínum og rölt út með það sem ég var að kaupa og er eitthvað að skoða það og sest inn í bíl og starta og ek af stað.Fín músic í útvarpinu og hækka aðeins í henni og er kominn hálfa leið í Garðinn aftur þegar ég átt mig á að minn bíll var ekki kominn með útvarp og leit snöggt aftur í og þar var enginn Barnabílstóll sneri við í Skyndingu við Golfskálann skilaði þessum bíl sem var líka Skoda að sama lit en 105L og hafði staðið um tveim stæðum neðar við götuna en minn með lyklana í svissinum

Ég gékk frá Bílnum í sama stæði fór yfir í minn og heim og hef ladrey verið spurður út í þetta atvik :)

[bjarni95]

Ég lenti í því 17 ára gamall, tók prófið á fimmtudegi en átti afmæli daginn eftir svo ég þurfti að bíða í nánast sólahring eftir prófinu (sem ég gerði ekki). Á sunnudeginum er ég tekinn fyrir ofhraðan akstur, 113 á 80 svæði, með fullan bíl af fólki, þmt fyrrverandi kærustunni. Það grín kostaði mig 60 þúsundkalla. Það fyndna við þetta er að fyrr sama dag hafði einn farþeginn minn farið þennan sama veg á eins bíl (Toyota Corolla) á 140 kmh.

Svo á fimmtudeginum í sömu viku erum við vinirnir að "tjilla" á ónefndum stað þegar ein stelpan úr hópnum vill láta skutla sér heim aðeins fyrr, ekkert mál, hún (þá orðin fyrrvernadi kærastan) og besti vinur minn fara á 2ja manna bíl að keyra hana heim. Við hin ákváðum svo eftir að þau voru farinn að elta þau og vera á undan þeim heim til hennar. Við hoppum öll í corolluna mína og brunum af stað, rétt missum af hinum á ljósum en náum þeim fljótt aftur. Erum núna kominn á 30 kmh svæði með fullt af hraðahindrunum, ég bruna þetta á corollunni og tek frammúr hinum yfir hraðahindrum á örugglega 60 kmh, tek svo handbremsubeygju inná planið hjá stelpunni (fyrrvernadi) sem endar þannig að ég næ ekki beyrgjunni, lendi á kannti og stúta flegunni, ballansstangarenda og lendi svo á trégrindverki, grindverkið stútar hægra framljósinu, grillð helst ótjónað, brettið ónýtt, húddið aðeins beyglað og rispur eftir öllum bílnum að afturljósinu. Ég bakka aðeins frá og fer út, tek svo eftir því að vélin gengur ennþá svo ég er fljótur að svissa af, fer út og sé að það logar enn á hægra framljósinu en samt stendur hálfur meter af 2x4 spýtu út úr því. Ég var heppinn að spýtan fór að milli bremsbúnaðarins og viftureimar og endaði í mótorpúða.

Þarna stend ég eins og fífl, búinn að rústa grindverki hjá nágranna fyrrverandi sem kemur öskuillur út og hringir á lögguna og er með vesen. Tryggingarnar eru fengnar í málið og kostaði viðgerðin á þessum 4 metrum sem ég eyðilagði 346 þúsund...

Framendinn


Hvar spýtan endaði undir húddinu


Felgan og stuðarinn lafandi niður


Grindverkið sem kostaði svo 346 þúsund að laga




Ég stend enn í viðræðum við tryggingafélagið um að þetta sé fáránlega hár kostnaður

[Hfsd037]

mátulegt á þig :)

[Sævar Örn]

Jæja hafa menn ekkert verið að lenda í neinu vandræðalegu upp á síðkastið?

[íbbi]

ég gæti gefið út 3ja binda bókaseríu með asnaskapnum sem ég hef afrekað, enda keyrði ég eins og fáviti aðeins of lengi,

mér er minnistætt þegar ég hoppaði sem farþegi með kunningja mínum sem var að keyra bakarísbíl, nýtt subaru bitabox, gott ef þetta var ekki á aðfangadag, og rúnturinn var ísó-þingeyri-suðureyri,
á leiðini til baka frá þingeyri tók bitaboxið upp á því að festast af því virtist í fullri gjöf og sama hvað bílstjórinn reyndi þá virtist ekkert fá því breytt,

við ákváðum samt að klára túrinn og þegar við komum á suðureyri og ætluðum að beygja hægri beygju í því sem kallast væntanlega miðbærinn, og var dáldið af fólki að labba yfir götuna, bílstjórinn (hinn æstasti) spurði mig hvað hann ætti eiginlega að gera og ég sagði honum að kúpla bara og bíða eftir fólkinu og kúpla svo frá,
hann kúplar og bitaboxið rýkur svoleððis í redline, og ef við vorum ekki nógu hallærislegir á rauðu bitaboxi í svona 7þúsund snúningum að bíða þá bætti ástandið ekki að honum fimaðist eitthvað á kúplinguni og bitaboxið rýkur beint í brjálæðislegt hringspól og spólar inn í miðja þvöguna. hann var náttúrulega fastur í botni og sama hvað hann reyndi þá náðist bíllinn ekki úr gír, þannig að fólk hljóp eins og fætur togaði í allar áttir og við spólandi í hringi eins og brjálæðingar á eftir þeim og bakkelsið byrjað að fljúga út um allan bíl eins og það væri í þeytivindu.
þegar þarna var að komið þorðum við varla að drepa á, þar sem að það var orðið hóppur af snarbrjáluðum pólskum verkakonum búnar að hlaupa undan sér jólaskóna, þannig að á endanum náðum við að spóla aftur í burtu og komum ekkert þangað aftur á næstuni

[Burtondude]

Thad var alveg semi vandraedalegt tegar hvellsprakk hja mer fyrir utan kaffi ak....a biladogum

[Hr.Cummins]

Eflaust bjánalegasta atriði sem að ég hef tekið... þá var maður 15ára að reyna að heilla skvísurnar í sama bekk upp úr skónum... ég var á Suzuki TS50... kom fretandi út í sjoppu... og við sjoppuna sátu "aðal skvísurnar"...

Þá hallaði ég mér fram á hjólið, ætlaði að taka burnout á því, sem að heppnaðist ekki betur en svo að hjólið skaust undan mér... inn í sjoppuna og þarna sat ég á rassgatinu með kvennastóðið hlæjandi og skellinöðruna í gangi inn á miðju sjoppugólfinu... mér leið svo mikið eins og asna að ég hljóp burt og beint heim... og vitaskuld mætti "fævó" eða "tugti" á næstu mínútum til að spyrja hvað mér hefði gengið til :')

[bfmagnusson]

eftir marga vel heppnaða björgunartúra síðustu ára.. þá fóru einhverjir hálf illa..

Eitt skiptið (árið 2005) þá hringir félagi í mig (þá er ég staddur í stærðfræðitíma , Borgarholtskóla ) segist vera búinn að spóla sig niður og sitji fastur í sandinum á leið út í Geldinganes, og það sé að flæða að.
Ég afsaka mig pent , segist þurfa að fara á klósettið , hnýti skikkjuna um hálsinn og hoppa út í 38'' Hiluxinn og ætlaði heldurbetur að rífa hann úr fjörunni á mettíma og skila mér svo aftur á skólabekkinn , enginn yrði var við neitt.
Ég er kominn niðureftir á mettíma , kaðlinum hent á milli og bundinn enn hraðar , og þegar átti að negla félaganum uppúr festunni........ þá er Hiluxinn bensínlaus.... náði ekki einusinni slakanum úr reipinu.......
Bækurnar mínar fékk ég svo seinna frá kennaranum sem vorkenndi mér svona líka að hafa orðið svona brátt í brók í miðjum tíma...

Annað atvik er að þá hringir félagi í mig ... alveg svona líka fastur uppí Úlfarsfelli. Wrangler alveg pikkfastur og hann búinn að heyra hetjusögur af þáverandi Dakotunni minni ( bíll sem fór 1000 vatna leið stuttu áður á 32'' í þungu færi , í fylgd með fullorðnum auðvitað) og hélt að þarna væri hann að hringja í mann sem líklegast væri að bjarga Björgunarsveitum alla daga á þessum líka ótrúlega mikla Dodge..
Ekki þekktur fyrir að neita mönnum um hjálp og með uppskrúfað egó á 32 tommunni eftir 1000 vötnin rýk ég af stað.. elti malarveginn uppeftir og sé glitta í Wranglerinn þar alveg lengst uppí brekku , búinn að læðast hlykkjóttann og vel valinn slóða upp...
ég stoppa og virði aðstæður aðeins fyrir mér og sé að besta leiðin fyrir svona hetju eins og mig er þráðbeint strik upp brekkuna..
þegar ég hafði lokið mér við að koma sjálfum mér og ÖLLU egóinu aftur inn í 32'' Skoffínið , bakkaði og tók mér tillhlaup , ætlaði að reyna ef ég gæti að stökkva hreinlega ekki yfir helvítis fjallið..
Svo er allt flatstaðið , ferðin svo mikil að sjónsviðið er varla neitt.. allt í móðu..
þegar snjósrykið sjatlaðist niður og þögnin tók við.... menn og dýr kíktu uppúr holum sínum og skjóli og uppgvötuðu að lífið héldi áfram þrátt fyrir þennan epíska viðburð..... áttaði ég mig á því að við það að hamra í fyrsta skaflinn hafði rafgeymirinn hrokkið til og rifið sig úr sambandi , dautt á bílnum , húddið ofaní skurð.. PIKK fastur og ekki farinn lengra en það að skúffan er enn uppá vegi...
sem betur fer var einhver Wrangler þarna stutt frá til að aðstoða hetjuna......