Utanvega akstur !!!

[Brynjarp]

þetta er nátturulega bara rugl..hvað er að mönnum !! Magnað að það þurfa alltaf að vera svartir sauðir sem skemma fyrir öðrum sem sinna mótorsporti á íslandi með virðingu gangvart íslenskri nátturu


http://www.mbl.is/frettir/innlent/2013/ ... map=%5B%5D

[Brjotur]

Þetta er svo lysandi fyrir vel FLESTA torfæruhjolamenn þeir eru alverstir i þessu ,og um allt halendi ma sja ummerki a faranlegustu stöðum eftir svona hegðun a torfæruhjolum :( svo rifa þeir bara kjaft og hota að ganga i skrokk a manni ( hef personulega reynslu af þvi ) Ja þessir aðilar þurfa aðeins að taka til i hausnum a ser , svo eru hjolamenn hissa að þeir seu litnir hornauga , dæmi nu hver fyrir sig

kveðja Helgi Brjotur

[jongud]

Mig grunar að þetta séu sömu strákpjakkarnir og eru að rúnta á krossurum í tíma og ótima um Grafarvogshverfið á göngustígunum.

[Izan]

Sælir

Ég legg ekki í vana minn að taka upp hanskann fyrir menn sem brjóta lög um utanvegaakstur en mér finnst þetta myndband ekki sýna neitt hræðilegt. Ég verð að viðurkenna að ég þekki Úlfarsfellið ekki vel en það eru mjög fáar sekúndur af þessu myndbandi sem sýnir að verið sé að stunda utanvegaakstur svo ekki verður um villst. myndirnar af þessum hrikalegu spólförum eru örlítið klór í gönguleið eða kindatroðning og ég sé ekki allann muninn á þessu. Menn verða að átta sig á því að ef það er bannað að keyra á grasinu er kannski undantekning ef það er slóði sem grasið hefur ákveðið að vaxa í. Mér sýnist að mestu umhverfistjónin þarna vera eftir göngufólk sem greinilega labbar alltaf allir í sömu slóðinni og þar undir er grasið steindautt.

Hafi þeir stundar þarna utanvegaakstur get ég alveg glaðst yfir því ef þeir eru gómaðir en mér finnst það ekki að góma einn eða neinn að ná vídeómynd af þeim, heldur ef þeir þurfa að mæta örlögum sínum fyrir dómara. Það kalla ég að vera gómaður.

Ég ætla líka að vera ósammála Helga (rétt eina ferðina) og minna hann á að við jeppamenn höfum barist við það að vera ekki allir settir undir sama hatt því að eins og annarsstaðar leynast sauðir í okkar hópi eins og öðrum, jafnvel menn sem hóta barsmíðum. Það þýðir að við getum ekki með nokkru móti gert öðrum ferðahópum það, og ég þekki líka mótorhjólamenn sem haga sér skikkanlega þó að ég viti líka um aðra sem gera það ekki.

Kv Jón Garðar

[Brjotur]

Jon þar skilur a milli okkar eg þekki þetta svæði mjög vel og þeir eru að spola þarna i hlið sem er ekki einu sinni gengið i, en ja sumsstaðar eru þeir a göngustig en ekki nema að litlu marki , og Jon eg sagði flesta ekki alla , og Jon eg ver ekki heldur jeppamenn sem eru i svona bulli þu veist það alveg.

kveðja Brjotur

[Brynjarp]

það afsakar ekki hvort þeir séu á göngustíg eða ekki þarna á úlfarsfellinu því síðast þegar ég gáði er þetta svæði ekki svæði til að spóla niður gróður og annað. Og svona krosshjól eiga heima á slóðum eða brautum þar sem þau eru leyfð ... !!! En þetta á nátturulega alls ekki við alla mótorhjóla menn því það eru eflaut margir sem haga sér þegar þeir eru að hjóla og stunda ekki svona utanvegaakstur

kv Brynjar :)

[oddur]

Brjótur, þetta er ekki lýsandi hegðun fyrir flesta mótorhjólamenn. Þó að þú hafi slæma reynslu af einhverjum að þá gildi það ekki yfir flesta. Það eru svartir sauðir í öllum sportum. En klárlega er þetta kolólöglegt, ekki á númerum og ekki á vegi. Hinsvegar er nú ekki stórt umhverfistjón þarna eins og Jón segir.

Einnig ætti að fara varlega að tala niður til mótorhjólamanna, það er ekki langt síðan að Súkka var föstu þarna í hlíðinni og einnig var Patrol pikkfastur á mel þarna fyrir neðan.

Úlfarsfell er útsporað, hvort sem er að göngufólki, fjórhjólum, mótorhjólum eða jeppum. Ég get ekki talið hvað það eru margar gönguleiðir þarna upp og síðan er menn að fara upp þarna á óbreyttum jeppum, sjá stórt grjót og þá er bara keyrt útfyrir veginn. Síðan hefur maður tugi jeppa fulla af túristum og leggja bílunum langt fyrir utan merktan veg.

Það væri farsælast að merkja betur svæðið í stað þessa að vera úthúða útivistahópa eins og Brjótur gerir.

[Adam]

Amen hefði ekki getað orðað þetta betur enn Oddur ;)

[jongud]

þetta er vel sagt hjá Oddi.

En það er eitt sem maður verður að hafa í huga.
Þetta er Úlfarsfellið.
Það er eins og bent var á ansi mikið notað sem gönguleið og er "heimafjall" ansi margra Reykvíkinga.
Og það er hætta á því að þeir taki því persónulega ef einhver er að stunda utanvegaakstur á því.
Sem aftur þýðir að þessir eðjótar á hjólunum gatu ekki fundið sér verri vettvang til að dulla upp á bakið á sér og öllum öðrum mótorhjólamönnum.
Og hætta er á að eitthvað slettist á aðra útivistarhópa á vélknúnum tækjum, þar með talið jeppamenn.

[magnusv]

nú spyr ég eins og fífl en meiga menn ekki alveg fara uppá krossurum upp vegina þarna?? man ég var alltaf að þvælast þarna sem pjakkur og drap alltaf á hjólinu td ef fólk var með hunda að labba þarna niður ef þau fóru slóðan sem jepparnir fara alltaf (sem var mjög sjaldan samt)

[Brjotur]

Oddur lestu betur og lattu ekki svona , þu hlytur að vera hjolamaður , viðbrögðin eru slik , og ja Oddur ef þu skoðar posta um sukkurnar þa serðu að þeir eru ekkert undanskildir hja mer, þetta er ekki gagnryni bara a hjolamenn,
og þu segir ,,,
, Hinsvegar er nú ekki stórt umhverfistjón þarna eins og Jón segir. ,,,,,,,,,,,

En umhverfistjon byrjar einmitt svona með einum förum og svo kemur næsti og ser förin og keyrir þar lika og svo næsti og ....svo af þvi þu nefnir turistajeppana eg er nu einmitt einn af þeim og við keyrum einfaldlega upp veginn sem buið er að ryðja þarna upp og upp a holinn þar sem vindpokinn er eða hefur verið :) litið eftir af honum, ef að þu hefur seð turistajeppa i hopferð fara eitthvað annað þa væri gaman að fa utlistun a þvi, Vinsamlegast spjallverjar hættið svo að gera mer það upp að vera alltaf brjalaður eða að uthuða einhverjum i hvert sinn sem eg skrifa um það sem mer er kært, það er ferðafrelsi og almennileg hegðun i sambandi við það .

kveðja Helgi Brjotur

[olafur f johannsson]

Krosshjól á rauðum númerum meiga hvergi vera nema á lokuðu svæði eða einkalandi hverki anarstaðar

[Polarbear]

þessi comment frá Helga Brjót eru ekki svaraverð.

Hinsvegar er það staðreynd að hjólamenningin verður að ná til þessara barna sem gera svona lagað, því ég trúi því passlega að um fullorðið fólk sé að ræða þarna. Ég hef hef hjólað þarna upp og fer veginn ef ég geri slíkt, sem og allir aðrir sem ég þekki sem annað hvort hjóla eða keyra þarna upp.

Virðingu fyrir landinu er aðeins hægt að kenna fólki ef við náum til þess, hvort sem það eru útlendingar eða íslendingar. Börn, fullorðnir eða gamalmenni... það verður einfaldlega að gera betur! Spurningin er aðallega hvað getum við gert til að sporna betur við þessu í stað þess að stimpla (og ég vitna í Helga Brjót vin minn) "vel FLESTA" hjólamenn sem fávita og kenna þeim um allt sem miður fer í utanvegaakstursumræðuni hérna.

Staðreyndin er sú að hjólafólki er ekkert minna annt um ferðafrelsið en jeppamönnum. Umræðan þarf hinsvegar að vera á gáfulegum nótum en ekki full af fordómafullum og þröngsýnum upphrópunum og fingrabendingum á sökudólga.

Ég skrifa hérna sem jeppamaður, hjólamaður og unnandi íslenskrar náttúru.

[Brynjarp]

ég er sammála síðasta ræðumanni,,þessi póstur er ekki til að hrauna yfir vélhjólamenn, heldur til að vekja athygli á utanvegaakstri svo til dæmis menn geti lært af óförum annara...

[hobo]

Senda bréf á menntamálaráðuneytið, og koma þessu í grunnskólakrakkana.

[oddur]

Rétt Helgi, ég er hjólamaður og reyndar margt annað. Veit fátt betra en að ferðast um landið á ólíkan ferðamáta. En ágætt að þú sért ekki sérstaklega á móti hjólafólki, heldur eingöngu þessum utanvegarakstri og viðhorf þeirra manna sem framkvæma slíkt. En ef maður pælir í því að þegar jeppahópur með túrista er að fara þarna upp og leggja á hólnum þá er í raun vera að keyra utanvegar. ekki rétt?. Því að á kortinu að þá er ekkert bílastæði þarna á hólnum fyrir 10 jeppa í einu. Ég er alls ekki að segja að það sé slæmt heldur þarf að skipuleggja Úlfarsfell sem útivistarsvæði fyrir alla hópa.

Einnig hef ég lesið nokkrar greinar þar sem að göngufólk vill loka veginum þarna upp vegna náttúruspjalla og hávaða. Því eru svona hegðun mjög slæm fyrir alla.

[kubburnr1]

Það er eitt sem mér hefur alltaf fundist skrítið við þessa utanvegar aksturs umræðu. Er að gangangi fólk og hestafólk má búa til nýja slóða allstaðar og skemma nátturana þannig og svo þegar hjólamenn fara eftir þeim slóðum sem fyrir eru þá verður allt brjálað það er mjög lítið um að hjóla menn séu að gera nýja slóða en gangandi fólk og hestamenn gera það mjög mikið og þá er allt í lagi að skemma nátturuna... og það eru engar skemmdir eftir þessa menn þarna á þessum myndum sem fara ekki eftir næstu rigningu. Og það eru líka til prófmál í dómsmálum að menn sem hafa verið að hjóla í slóðum sem fyrir voru eftir hestamenn og gangandi fólk þá voru ákærur feldar niður því þeir voru ekki að skemma neitt. slóðarnir voru til staðar....

[Izan]

Sælir

Helgi svaraði mér því að þarna hafi þeir verið að hjóla utan allra leiða s.s. gönguleiða og troðninga og ég get þá ekki annað en verið sammála því að þetta myndband sýni algera óhæfu. Mér finnst það samt ekki sýna það vel en látum það vera.

Þessi umræða er skemmtileg og sérstaklega nú þegar við Helgi erum ósammála því að það er ekki svo langt síðan hann kallaði mig öfgasinna í náttúruvernd. Mér finnst mjög jákvætt að dæmið sé að snúast við því að þá hljótum við að vera að nálgast kjarna málsins.

Ég setti út á Helga að hann mætti ekki setja alla, eða flesta, hjólamenn undir sama hatt og ég stend við það. Við vitum alveg hvernig okkur jeppamönnum líður þegar einhver segir að flestir jeppamenn séu sauðdrukknir spólandi hér og þar o.s.frv. Það er ekki hvetjandi að fylgja lögum ef maður er dæmdur fyrir gjörðir annara.

Á myndbandinu eru myndir sem sýna einhvert rót klárlega á göngustígum og troðningum og ég velti fyrir mér hvort þarna sé komið grátt svæði í annars mjög sannfærandi lögum s.s. að utanvegaakstur er bannaður nema á snæviþakinni frosinni jörð. Lög um utanvegaakstur eru hluti af náttúruverndarlögum sem er ætlað að koma í veg fyrir náttúruspjöll. Ætli menn gætu verið sakfelldir fyrir náttúruspjöll vegna utanvegaaksturs með því að keyra á t.d. kindatroðningi eða göngustíg? Göngustígnum er ætlað að vera þarna og er gróðurlaus af átroðningi, mótorhjólaklór breyta engu. Menn hafa sjaldan verið sakfelldir ef engin spjöll verða á náttúrunni (það er samt kannski mat hver og eins hvað spjöll eru og hvað eru ekki spjöll). Annar vinkill á þessa umræðu er dómur sem ég las um tvo menn sem voru staðnir að utanvegaakstri á vegi. Þetta var á Fljótsdalsheiði og þeir voru á rjúpnaveiðum og höfðu lagt bílnum þarna í áraraðir. Þetta sumar hafði verið lagður nýr vegur inn heiði og enginn tenging gerð við gamla slóðann sem þeir voru á þannig að það sannaðist á þá að hafa ekið utanvega til að komast á gamla slóðann. Sá hluti var gerður með jarðýtu þannig að það var tæplega verið að vernda náttúruna. Þeir voru sakfelldir, ég man bara ekki hvort það var fyrir brot á náttúruverndarlögum eða lögum um veiðar á villtum dýrum (það er ákveðinn munur þarna á, t.d. má ekki keyra utanvega á snjó á veiðum eða leið að veiðistað og lögunum er ætlað að vernda dýrin en ekki jörðina).

Þetta eru hugleiðingar sem væri gaman að fá álit ykkar á því að ef við ætlum að taka þennann slag um utanvegaakstur þurfum við að vera þokkalega samstilltir og snúa bökum saman í stað þess að glíma hver við annann. Svo þarf að finna svörtu sauðina og dæma til þegnskylduvinnu við að lagfæra tjón sem verður af utanvegaakstri.

Kv Jón Garðar

[lecter]

hvernig nennið þið þessu ,og að eiða heilum þræði i svona væl ,, talið frekar um úttraðkað þíngvelli sem eingin vill eða i eða laga aðstöðu og nú keppast allir i ferða bransanum að sýna forina og skítinn við alfriðaðar náttúru perlurnar ,,hafið þið komið td að silfru þar er slik fegurð sem i dag minnir á fjóshaug ,,

hvernig dettur ykkur i hug að þessi jól á þessu myndbandi skemmi landið eitt og eitt svona hjól rispar smá við og við og varla hægt að rekja slóðina ,,, ekkert meira en gangandi maður sem dregur lappirnar eða skrensar á leið niður

[andrijo]

Sælir.
Ekki endilega tengt úlfarsfellinu en utanvegaakstri samt.
Var um helgina ad keyra veginn sem er austur af skorradal. Hann er á köflum ansi þröngur og ekki gott að mætast. Á einhverjum tímapunkti mæti ég hóp af lítið breyttum jeppum og það vildi svo vel til að akkurat þar var útskot hægra megin við mig sem ég skaut mer inn í svo þessir ágætu menn kæmust framhjá.
Það næsta sem gerist er að tveir úr þessum hóp sjá sér ekki fært að nota veginn sem var auður og breiður og spæna framhjá hægra megin við mig, þ.e. Mæta mér öfugt án nokkurrar sjáanlegrar ástæðu með tilheyrandi skemmdum.
Ég veit ekki hvort menn vita ekki betur eða er bara skítsama, en þetta skemmir fyrir öllum, þetta er jú okkar land og þetta voru alls engir stráklingar heldur fullorðið fólk sem á að vita betur.

[Stebbi]

Þeir voru bara hræddir við Ford á 44". Lendi oft í þessu. :)

[Einfari]

Það skyldi þó aldrei vera að vegna svona umhverfissóða þá settu stjórnvöld fram nýtt frumvarp um náttúruverndarlög. Þó svo að það frumvarp hafi verið dregið tilbaka þá skemma svona vitleysingar fyrir fjöldanum. Sá sem ekki sér að þeir eru að aka utanvegar hlýtur að vera blindur á báðum með hvítan staf.

[Polarbear]

nýtt frumvarp um boð og bönn (aðallega bönn) í umhverfisfasisma bitnar bara á þeim sem fara eftir lögum nú þegar. þetta bítur ekkert á þá sem ekki fara eftir núverandi lögum hvort eð er... það er tilgangslaust að herða og herða reglur ef ekki er farið eftir þeim.

það þarf að efla virðingu fyrir landinu og ósnortinni náttúru og höfða til samvisku þeirra sem hægt er. ég veit svosem ekki hvað er hægt að gera við samviskulausa partinn í þessu sporti... skjóta með salti? það verða alltaf einhverjir fávitar innanum sem eyðileggja fyrir fjöldanum. það er þannig í öllu sporti og hreinlega öllu lífinu bara.

Lausnin er samt ekki að banna allt. það þarf að finna betri lausn.

[ivar]

Bönnum erlenda ferðamenn utan þéttbýlis og njótum hálendisins og ósnortinnar náttúru sjálf!

[Polarbear]

það er bara ekki erlendu ferðamennirnir sem eru vandamálið. það eru svörtu sauðirnir (hvort sem þeir eru erlendir eða innlendir) sem eru vandamálið. það er það sem við verðum að fara að horfast í augu við.