Gangtruflanir í Pajero 2005 3.2 DiD

[olimagg]

Olíutankurinn í Pajero fór að leka fyrir stuttu og var dæmdur ónýtur, er kominn með nýjan tank í fyrir nokkrum vikum síðan. Fljótlega eftir að nýi tankurinn er kominn í fara gangtruflanir að gera vart við sig en eingöngu í hægagangi. Bíllinn drepur á sér t.d. á ljósum eða þegar farið er úr P í R eða D og öfugt. Ég þarf þá að starta honum nokkrum sinnum til þess að hann fari almennilega í gang og kemst þá aftur af stað. Mér finnst einnig að það taki lengri tíma að starta honum en áður, sérstaklega ef að ég set hann í gang heitann. Ég skipti fljótlega um hráolíusíu sem var nokkuð óhrein, líklega ryðdrasl úr gamla tankinum, og hélt að hann myndi lagast en hegðunin er tiltölulega óbreytt. Ég er búinn að fara með hann í Bílson (sem að skipti um tankinn fyrir mig) og ekkert óeðlilegt finnst, það eina sem var gert f.u. hráolíusíuskipti var að EGR ventillinn var hreinsaður. Hann er ekki kraftlaus (fyrir utan það sem eðlilegt er í Pajero).
Er líklegt að skítur hafi komist áfram í gegnum hráolíusíu og sé að valda vandræðum? Einhverjar tilgátur um hvað sé í gangi ?

[grimur]

Þetta lyktar svolítið eins og hann sé að draga falskt loft einhvers staðar.
Er dæla í tanknum eða sogar hann sjálfur upp að vél?

[olimagg]

Hann sogar sjálfur upp að vél þ.s. dælan er. Menn vilja meina að olíuverkið sé að gefa sig, hann er nokkuð seinn í gang þegar drepið er á honum og jafnvel þótt hann sé heitur. Vil helst ekki trúa því...

[svarti sambo]

Það er spurning hvort að hann sé að draga loft með slefinu og svo rennur til baka, þegar dautt er á vél. Eða orðinn slappur mótþrýstiloki.

[olimagg]

Skoða það, en þetta gerist líka þegar bíllinn er í gangi...og vinnslan í honum er alveg þokkaleg. Takk fyrir ábendingarnar