Hið íslenska jeppaspjall

Það er alltaf eitthvað, í fyrstu ferð vetrarins þá fór að koma smá sláttur frá afturdrifinu, svo að ég kippti skaptinu undan að aftan og keyrði heim í framdrifinu, opnaði svo lokið og þessi skemmtilegheit komu í ljós, ég geri mér eiginlega ekki alveg grein fyrir því hvað hefur gerst enn loftlæsingin slapp svo að ég kemst upp með nýtt hlutfall allavega.



Að vísu á ég til hásingarpar með 4.88 hlutföllum og loftlásum svo að ég hugsa ég setji það undir allavega í bili, og ef það er alveg ömurlegt með 38 - 42" dekkjum þá græja ég bara nýtt 5.38 hlutfall í þessa hásingu, enn 4.88 eru sterkari svo það heillar alveg svolìtið miðað við fyrri reynslu.

Fór og náði mér í hásingar með 4.88 hlutföllum og er að vinna í því að smella því undir, ákvað í leiðinni að græja 42" dekkin undir líka, verður fróðlegt að sjá hvernig þetta kemur út saman, mér fannst hann heldur lággíraður á 5.38" og svo auðvitað eru nýju hlutföllin sterkari sem er sennilega ekki verra, verandi með dana 30 að framan.



Bíllinn er full hár að aftan eins og er enn ég ætla lækka hann þegar ég fer í það að breyta köntunum.








Er núna að vinna í að koma framendanum saman og er að fara skera úr til að búa til pláss fyrir framdekkin.

Áfram gakk með þetta verkefni, drifið komið í að framan ásamt nýjun spyrnufóðringum og núna búið að máta til að sjá hvar þarf að skera.

Kom mér á óvart þegar ég tók kantinn af, það hefur verið gengið vel frá breytingunni á sínum tíma, þetta lìtur allt ágætlega út ennþá verandi 20 ár rúmlega síðan þetta var gert.


Það er alveg klárlega þörf á nýjum brettaköntum með þessu, það verður seinnitíma vandamál í bili




Það er meira en nóg pláss í framanverðri hjólskálinni, þarf einungis að skera af framstuðaranum sjálfum.



Hérna þarf hins vegar að skera svoldið úr, enn sem betur fer er pláss fyrir það, því búið er að færa boddýfestingar upp svo þetta er bara bodyi sjálft og smávegis horn af hurðunum.




Meira síðar :)

Þá er búið að klippa aðeins úr svo að núna ætti bíllinn að vera orðinn ökufær, svo mér til mikillar ánægju þá mátaði ég gamla kanta sem ég átti og þeir eru svoldið breiðari en það sem var á bílnum svo ég reikna með að nota þá og svo þegar búið er að prófa og sjá að ég sé kominn með það pláss sem þarf þá er hægt að sjæna þessa kanta til.

Þá er gripurinn orðinn ökufær, þá er bara smávegis frágangur eftir, enn dekkin hafa nóg pláss núna.

Svo mér til MIKILLAR ánægju hafðist það loks að laga rafmagns skiptinguna á millikassanum, svo það verður ákveðinn lúxus að þurfa ekki að leggjast alltaf undir bílinn til að skipta á milli drifa! :)

Loksins að maður komst prufutúr, skrapp upp að Langjökli og svo uppá Eyjafjallajökul síðustu helgi og ég get ekki sagt annað enn að þessi dekkjastækkun hafi verið breyting til hins betra, þvílíkur munur á drifgetu :) Það magnaða við þessi dekk að maður gat keyrt þangað til að hann stoppaði og í staðinn fyrir að grafa sig niður þá virtist hann alltaf ná að klóra sig áfram og aldrei var hann tæpur á því að setjast á kviðinn eins og gerðist iðulega á 38" dekkjunum.

Komst þó endanlega að því að núna er ekki lengur hægt að vera án úrhleypibúnaðs, það virðist vera að bókstaflega ALLIR sé komnir með þann búnað, svo að það er næsta mál á dagskrá fyrir næsta túr :)




Þarna eru circa 3 pund í dekkjunum

Við Goðastein

Það er kominn svo mikill hugur í mann að ég varð að byrja græja bílinn fyrir veturinn.



Það voru nokkur verkefni sem voru aðkallandi, meðal annars að skipta út boginni efri spyrnu eftir að ég fór full geyst yfir langjökul með engan samsláttarpúða hægra megin sem endaði með þessari snilld.


Bíllinn var orðinn ansi furðulegur í akstri.



Svo kom loksins að því! ÚRHLEYPIBÚNAÐUR ala Aliexpress, það er búið að taka smá tíma að sanka öllu að sér enn þetta er allt að smella núna, og ég áætla að ég sé að ná að græja þetta allt með snúningshjám fyrir um það bil 25kall.

Þetta verður bara alveg eins einfalt og hægt er, allt manual. Nema mælirinn í kistuna.


Er mjög ánægður að hafa náð að koma þessu fyrir þarna með góðu, gott aðgengi og nóg pláss fyrir lagnir beint niður þarna.

Skipti líka um pressóstat á loftdælunni svo að núna ætti ég ekki að skemma AC Dæluna þó svo ég gleymi að slökkva á henni eins og ég lenti í, í fyrra.







Svo er ýmislegt fleira sem þarf að græja fyrir fyrstu ferð, svosem að fjarlægja allskonar aukarafmagn sem var illa frágengið eða óvirkandi.

Laga nokkur skoðunaratriði, og græja brettakantana til.

Svo er aðal málið það er að koma 5.38 hlutföllum aftur í, þarf annaðhvort að þrjóskast aðeins við og læra stilla inn drifið sjálfur eða fá einhvern með mér í lið með það.


Það veitir eiginlega ekkert af því að vera á 5.38 núna eftir að 42" fór undir, tala nú ekki um að fá loftlásana aftur í.

hvernig er almennt að keyra á þessum dekkjum bæði á vegi og í snjó?

Ég er mjög ánægður með þau, virka vel undir þessum bíl í snjó, og merkilega fín í akstri á malbiki, enn þau eru auðvitað ekki radial, svo það er svoldið hopp í þeim fyrstu mínuturnar í akstri á malbiki enn það hverfur svo.

Smá meira, ætlaði að fara græja 5.38 hásingun mína, enn kom í ljós að ég fékk vitlaust hlutfall í hana svo ég skilaði því og pantaði nýtt sem lendir vonandi sem fyrst.


Það má segja að þetta hafi séð betri daga sem var í.

Það kom smá babb í bátinn með hlutföllon sem ég keypti hér heima, þau voru víst eldri gerð og yokinn passaði ekki á pinion svo ég fékk að skila þeim og pantaði ný Dana hlutföll af rockauto fyrir litlu meira. Svo þau verða sett í sem fyrst.

Það lá hinsvegar fyrir um daginn að klára ganga frá hjólskálum að framan eftir úrklippuna fyrir 42", græja úrhleypibúnaðinn og græja bílinn fyrir skoðun sem hafðist af um daginn.

Ryðbætti bæði frambrettin undir brettaköntum, smíðaði úrhleypispangir í felgur og skipti um öxulhosur sem er orðið mjög reglubundið viðhald.

Náði líka að hækka kantana að framan og koma þeim á í bili, þeir grásleppa við 42" dekkin enn ég er að fara eignast mót fyrir 44" kanta bráðlega þá kemur þetta til með að líta betur út.

Hann fékk líka nýja Range Rover gorma að aftan, svo núna fjaðrar hann eitthvað.


Afsaka myndirnar, þær eru ekki í réttri röð.


Enn fyrsti prufutúr var farinn síðustu helgi og bíllinn kom vel út, þvílíka snilldin sem svona úrhleypibúnaður er, mér fannst bíllinn drífa svo miklu betur og svo eyddi hann minna og orkaði betur líka því maður nennti að pumpa upp aftur þegar ekki var þörf á lágum þrýsting

Sæll

Gæti verið kostur að centrum bora 1" blindlok á nipplana, svo þetta geti ekki dregist út í einhverjum hamaganginum.

En baráttukveðja í Mússó krabbameininu. Góðir hlutir gerast hægt.

Já varðandi snúningshnén, ég límdi leguna og pakkdósina í og ég fylgdist vel með því hvort einhver hreyfing væri á þessu og það virðist ekki vera, enn ég lenti í smá krapa og það virðist eitthvað hafa klikkað í einu hné, lekur stundum, þarf eiginlega að rífa það og skoða hvað klikkaði, annars kemur þetta bara vel út.


Ég gæti reyndar trúað því að ég færi spangirnar innar í felgurnar, ég var ekki með neitt viðmið þegar ég var að græja þetta, mér finnst þetta vera svona full utarlega eins og er, og væntanlega viðkvæmara fyrir hnjaski.

Ég sett svona lok á þetta til að hlífa pakkadósinni.

Væri nóg að setja plastlok með rörasnitti (BSP) yfir?
https://www.ebay.com/itm/122674415135?hash=item1c8ff7061f:g:4wkAAOSwOjBZYNlJ

Já ég hugsa það væri alveg nóg, ég er með kút og hann er í 120psi fullur, þessi hné eins of þau eru þola það alveg, haggast ekki pakkdósin né legan, enn eins og ég sagði þá notaði ég legulím á þetta líka.

Var meira að hugsa um til að hlífa dósinni fyrir aflögun vegna t.d. klaka.
Ef þú skyldir lenda í pitt eða þess háttar.

Axel Jóhann wrote:Já ég hugsa það væri alveg nóg, ég er með kút og hann er í 120psi fullur, þessi hné eins of þau eru þola það alveg, haggast ekki pakkdósin né legan, enn eins og ég sagði þá notaði ég legulím á þetta líka.

Ertu að setja 120 psi inn á dekkin?

Það má þrýstiprófa með að setja fullt trukk inn á slöngurnar með kranann í felgunni lokaðann, þannig sápubólutestaði ég mitt stuff, en ég setti einmitt lok yfir bara til að hlífa draslinu veit ekkert hvort það hefur einhverja þýðingu, lokið kostaði 200kr stk og er bara cool :)

jongud wrote:

Axel Jóhann wrote:Já ég hugsa það væri alveg nóg, ég er með kút og hann er í 120psi fullur, þessi hné eins of þau eru þola það alveg, haggast ekki pakkdósin né legan, enn eins og ég sagði þá notaði ég legulím á þetta líka.

Ertu að setja 120 psi inn á dekkin?

Já sennilega í svona 1-2 sekúndur þar til litli loftkúturinn minn tæmist, svo dettur það bara niðrí 10-15psi frá ac dælunni inná öll 4 í einu. Svo það er ekkert að fara klikka við það.


Ég hugsa að èg opni þetta og bætti við annari legu í hnén og jafnvel splæsi í lok líka, enn svo er annað, þessae legur eru lokaðar svo þær halda loftinu alveg einar og sér án pakkdósar.

Lenti í smá brasi í síðustu ferð, vorum stopp og þá kom í ljós að framdekkið H/m var eitthvað undarlegt, og þá kom þetta í ljós, enn ég hafði það að strappa saman og koma bílnum niður á malbik svo það væri auðveldara að sækja hann.





Demparaturn/stífufesting efri rifin frá alveg. Hefur greinilega verið sprunga í þessu lengi því þetta lak bara í sundur í engum átökum.



einnig var búið að sjóða styrkingar innan á þetta svo að sennilega hefur þetta brotnað einhverntímann áður. Og sást greinilega á brotinu að þetta hékk bara sitthvoru megin yst á circa 2 cm suðum.

Hér er búið að hreinsa gamla ruslið í burtu og stilla "nýja" upp, það var ekkert sérlega gaman að ná þessu stykki heilu, þar sem það var soðið ansi vel í og aðgengið ekkert frábært.



Og Grilla fast.



Ég skar stykkið úr grindarbita sem ég átti til svo að tjónið var nú ekki nema dempari, öxulhosa og smá handavinna. :)


Allt að smella saman aftur og orðið þokkalegt.




Svo núna er bara raða saman með nýrri hosu og dempara og fara aftur út að leika.

Geiflast þetta ekki í sundur aftur án einhverra styrkinga?
Ætli sé komandi fyrir einhverri slá uppfyrir mótor, eins og er sett á demparaturna í fólksbílum? Þá þarf það ekki að vera efnismikið...

Ég hef ekki miklar áhyggjur af þessu.

Það var gömul viðgerð þarna sem var illa framkvæmd svo að þetta var veikt fyrir.

Síðasta vor fór ég í ferð yfir Langjökul inná Hveravelli. Það var þungt færi og maður varð að halda hraða til að fljóta, svo við Þursaborgir kom svoldið djúp alda og ég tók smá stökk.

Það var enginn samsláttarpúði hægra megin svo aæ ég kenf beygði efri spyrnuna.

Svo þegar ég skoðaði þetta eftir þá ferð þá sá ég ekkert að þessum stífuturni svo ég setti bara nýja spyrnu í og hélt áfram að keyra.

Svo að èg tel að þetta hafi verið megin ástæðan fyrir því að þetta fór svona.

Núna er èg með nýja öflugri samsláttarpúða og búinn að yfirfara allt saman svo ég á ekki von á því að þetta verði til vandræða.

Enn það kemur í ljós um helgina.

Annars er þessi eðal musso kominn á ellilìfeyri og orðinn fornbíll svo það ýtir bara enn undir það að halda honum góðum áfram!

Allavega er orðið aðeins praktískara að reka hann núna.
Fèkk að máta 40" Toyo á 17" felgum undir hann, og núna er ekki aftur snúið.

Ég trúði því ekki hvað það er mikill munur á að keyra bìlinn á þessu, bara einn putti á stýrið og eins og hugur manns í akstri á þessu.

Þannig að núna vantar mig 40" eða 42" dekk fyrir 17" felgur!

Það er ekki um auðugan garð að gresja þegar dekk eru annarsvegar akkúrat núna.
Einu dekkin sem voru til í kringum jólin voru Pro-Comp hjá Arctic-Trucks, dýrustu dekkin í 40-tommum, en bót í máli að það þarf ekki að valsa felgur fyrir þau.

Já, ég er ekki viss um að fjárlög þessa árs leyfi ný dekk í bili, svo ég þarf að þrjóskast við og sjá hvað býðst notað.