Hið íslenska jeppaspjall

það er hamast öll kvöld þessa dagana. en ætlunin er að bíllinn yfirgefi skúrinn á mánudagskvöld.

er að tæta af honum framendann þessa stundina, þarna sést vel hvaða pælingar voru með frambrettin, að þrátt fyrir allann skurðinn þá væri hægt að kippa brettinu af með innra brettinu

ætlunin er svo að fara huga að hásingunum þegar bíllinn kemur aftur heim. ég þarf að rétta framhásinguna, reyna styrkja húsið á henni eitthvað. sjóða strkingar á öxlana við krossana. setja hlutföllinn í og flr

einnig ætla ég mér að færa hásinguna fram um einhverja cm. ég er ekki búinn að ákveða hvort ég fer í að breyta stífufestingunum og færi þær niður og fram eða lengi bara stífurnar og færi gormasætið.
hallinn á stífunum er ekki góður eins og bíllinn situr núna. svo mikið er víst

afturrúðan úr, toppáklæðið úr. þá get ég lagað ryð í gluggakarminum

hennti svo vinnuvélalakki á gólfið. jafn ljótt og það er á grindini en hjálpar vonandi til við að halda þessu í lagi á komandi árum

jæja eftir ansi svæsna törn þá er þessi tilbúinn til að yfirgefa föðurhúsin.. orðinn gangær á ný

og þá er hann búinn að yfirgefa hreiðrið í bili..

Maður er farinn að hlakka talsvert til að sjá hann þegar verður búið að raða honum saman aftur

já segjum tveir.

en það er nú dáldið í það. ég skelli pallinum á hann þegar hann kemur aftur. þá sér maður nú svona vísir af því sem koma skal

Já það verður alveg komin mynd á þetta þegar pallurinn verður kominn á, þá fer að sjást fyrir alvöru hvernig liturinn kemur út, ég er svolítið spenntur fyrir því.

já ég verð nú að viðurkenna að ég tel littlar líkur á að hann komi ekki til með að virka. þessir bláu ltiri eru afskaplega öruggt val. sem er líklegast ástæðan fyrir því að allir og amma þeirra mála bílana sína í bláum litum. sem reyndar hefur gert það að verkum að það mætti færa rök fyrir því að það sé afskaplega þreytt dæmi að mála bíla í flottum bláum litum.

þetta mallar

þá er það heimkoma á morgun

Úllala, þetta verður flott.

þetta lofar ansi góðu

jæja þá er hann mættur aftur í hellinn, einhverntímann lét ég hafa eftir mér að ég teldi seinni helminginn hefjast á þessum tímamótum. ætli það sé ekki nokkuð nærri lagi.

Hrikalega flottur til lukku

takk fyrir það, þó ég segi sjálfur frá þá finnst mér liturinn algjör negla. þetta var góð skyndiákvörðun, en ég skipti um skoðun korter í málningu

Það er gaman að skoða fyrsta innleggið þitt í þessum þræði og svo þetta síðast, gríðarlegur munur á bílnum og þessi litur er svo að smellpassa á þetta boddý. Nú bíður maður í ofvæni eftir að sjá gamla Raminn kominn saman og með endanlegt look :-D
mbk
Gæi

já það er ekki laust við því að það sé orðið hálf spaugilegt að renna í gegn um þráðinn og sjá hvernig þetta hefur stigmagnast frá því að vera vinnubíll sem ég ætlaði að snýta hressilega yfir í að verða eitthvað sem ég held að geti ekki orðið talist sem annað en full blown uppgerð

henti afturköntunum á. gaman að sjá þetta svona nær endanlegri mynd

Gaman að eitthver skuli vera að mála í lit já eða mála yfir höfuð ekki vara gluða þessari raptor kvoðu yfir allt.

nei raptorinn fer nú ekki út fyrir innanverðann pallinn á þessum, ég er ekki mikill aðdáandi þess að mála heilu bílana með þessu.

en get þó skilið að þetta sé hentugt á jeppa sem eru notaðir sem slíkir.

hengdi eitthvað að dóti á hann, svona áður en við förumst öll úr corona vírus

jæja ég var sendur í sóttkvi, þá gafst manni smá tími til að huga af eilífðarverkefninu

á dagskrá i þessari törn eru að taka bílstjórahurðina aftur. en eins og ég hafði áður sagt frá þá var ég aðeins og graður á suðuni þegar ég smíðaði botnin og neðra byrðið síðast og þetta verptist allt til andskotans. ég millitíðini fjárfesti ég í voða fínni suðu, hún er sérstaklega ætluð í boddývinnu og pjátur, er búinn að prufa hana á brettunum og hún er alveg dúndur..

ég skar svo úr framstuðaranum á honum, en tók nú reyndar ekki myndir af því.. sem er ekki mér líkt

ég ákvað svo að ráðast á frambrettin aftur. þar sem það er á dagskrá að fara ráðast á framfjöðru og m.a færa framhásinguna fram, þá ákvað ég að skera opin fyrir demparaturninn úr innri brettunum og færa þau framar um því sem nemur hásingafærsluni, þetta er auðvitað óþarfa vinna og allt það, en ætti nú að lvera meira fyrir augað heldur en ef ég hefði bara skorið úr optinu og kallað það gott

Sæll
Þetta er flottur þráður og gaman að lesa um allt þetta stúss þitt. Hef sjálfur verið að fikta aðeins í að sjóða og maaan djöfull ertu harður í þessari bodysuðu núna síðast. Mín eina tilraun í body-vinnu er að smíða bretti á jeppakerruna mína og vá hvað mér langaði oft að bara hnoða/bolta blikkið fast eftir að hafa brennt í gegn og verpt plötunar.
Takk fyrir góðan þráð og takk fyrir að halda jeppaspjallinu á lífi, það er svo miklu skemmtilegri vettfangur en facebook.
kv. Muggur

takk fyrir það.

ég starfa sem vélsmiður, og er því sjóðandi alla daga, það hjálpar auðvitað. en þetta blikk eins og er í bílunum er alveg sér kapituli og ég kem ekkert nálægt því í vinnuni, þannig að meðhöndlunin á þessu er eitthvað sem ég hef bara þurft að kynnast jafnóðum og ég kem sjálfum mér út í nýjar vitleysur til að þurfa reyna koma skikkanlega frá.

að því sögðu þá gat ég ekki látið gott heita með brettin. í hjólaskálunum er tekið niður fyrir öryggjaboxinu, og er eins í báðum skálunum. þegar ég var að brasa við að skera úr síðasta vetur og smíða var ég mikið að spá í hvort þetta kæmi til með að vera vandamál í fullri beygju/samfjöðrun, en ákvað að láta þetta eiga sig.
en þar sem rokkurinn var kominn á loft og suðan í stuði þá ákvað ég að vaða bara í þetta og skera þetta úr og sníða plötur í.

eflaust er þetta óþarfi, en ætli það gildi ekki um flest sem ég hef gert við þennan bíl hvort sem er..

ákvað að ráðast líka á framstuðarann.

þetta er kannski full þvert. en m.v hvað dekkið rakst í hann eins og hann var og að hásingin á ennþá eftir að fara 4cm framar, þá þorði ég ekki öðru en að taka eins mikið úr þessu og ég gat. það er stálstuðari þarna á bakvið sem nær ekki jafn langt aftur og plastið, og ég fór eins langt og ég gat á meðan það var hægt að halda einhverjum halla á þessu.

fyrst ég var byrjaður þá gat ég ekki sleppt neðsta hömpinum líka..

og þar með eru komnir rúmir 4 metrar af suðu í þetta bretti.. er það ekki voða normalt bara?"?

eins gott að ég þurfi ekki að skipta um bretti á honum einhverntímann.. það tæki mig viku að græja þau á bílinn

þvílíkur dugnaður
hvar endar þetta eiginlega
en það verður gaman að sjá þegar hann verður tilbúin

takk fyrir.

ætli það sé ekki hægt að segja bara að ég vona að þetta a.m.k endi einhverntímann :D

Verður gaman að sja hann koma útí dagsbyrtuna og sja litin njota sín eftir alla þessa þrotlausu vinnu virkilega gaman að fylgjast með verst hvað FB hefur drepið þetta spjall

juddi wrote:Verður gaman að sja hann koma útí dagsbyrtuna og sja litin njota sín eftir alla þessa þrotlausu vinnu virkilega gaman að fylgjast með verst hvað FB hefur drepið þetta spjall

Öss, bara vera meira eins og Ívar! Neglið inn öllu sem ykkur dettur í hug eða eruð að bralla! Skellið svo bara inn link á það á Facebook :-)

hvernig væri það, þá hefðum við allir nóg að skoða

Haha!

jæja þá er búið að breyta og skera meira úr báðum frambrettum, og ég svo sannarlega kominn með minn skammt af þeim.. dró smá p70 yfir suðurnar, málarinn fær að fínvinna þetta

Gaman að fylgjast með þessu verkefni, þetta verður einn eigulegur trukkur eftir þetta allt saman.

já það er ekki laust við að manni sé farið að hlakka örlítið til að sjá hann í endanlegu formi

það hefur nú ekki þótt til fyrirmyndar að vera kippa honum út á almannafæri. ég gerði það nú engu síður, og hafði gaman af

svona fyrst ég var að hafa fyrir því að taka bílinn út.. til að snúa honum. þá gat ég ekki annað en hjólað aðeins í skúrinn svona fyrst ég hafði tækifæri til.. búið að henda saman nokkrum borðum. mála og gera fínt

jæja eftir 5 daga törn þá er garmurinn kominn aftur inn til sín

og eftir að hafa snýtt skúrnum þá er ekkert annað í stöðuni en að halda áfram

byrjaður að tæta framan af honum

eins ágætt og það getur verið að hafa gryfju, þá er hún sérlega lúnkinn við að vera alltaf fyrir þegar mig vantar að koma búkkum fyrir.
þá var tilvalið að smíða búkka undir hann , ég fann ekki alveg nennuna í að smíða búkka eins og ég smíðaði undir hann að aftan, þannig að ég smíðaði bara einfalda búkka sem ég sauð svo létt í boddýfestinguna fremst á grindini. hann situr þá tryggur á þessu og ég þarf ekki að hafa áhyggjur af því