Þar sem ég ligg í einhverjum flensufjanda hef ég fátt betra að gera en að búa loksins til þráð um það sem ég er búinn að brasa undanfarið.
Alveg síðan "nýi" Wranglerinn kom 2007 hef ég verið þónokkuð skotinn í þessum jeppum en ég lét loksins verða af því að eignast einn slíkan síðasta sumar. Það var eitthvað takmarkað úrvalið af þeim á Íslandi þá þannig að ég fann mér einn góðan í Oklahoma og sótti hann í ágúst og keyrði 2100 mílur frá Tulsa, Oklahoma til Portland, Maine.
Þetta er 2012 árgerð af Wrangler Unlimited Sport, með 285 hestafla 3.6 V6 vélinni og 6 gíra beinskiptum kassa. Valdi að taka ekki Rubicon af því að þeir eru töluvert dýrari, og með leiðinlegra hlutfall í millikassa (4:1 í stað 2.72:1). Keypti svo bara 44 framhásingu.
Hérna er mynd af bílnum á leiðinni, þarna er ég í White Mountains í New Hampshire
- 002.jpg (67.44 KiB) Viewed 10736 times
Þegar jeppinn var kominn heim í byrjun september var ekki annað hægt en bruna á Fjallabak!
- 003.jpg (67.97 KiB) Viewed 10736 times
Síðan var bara byrjað að breyta. Planið var svosem ekki flókið, klippa eins mikið úr og hægt væri og koma 44" hjólum undir, helst þannig að fjöðrunin kæmist í upphaflegan samslátt. Bæði gefur það mikið skemmtilegri bíl í akstri hvort sem á vegum eða í snjó, síðan verður betra að ganga um hann og síðan held ég að það sé mjög mikið unnið með því að fikta sem minnst að óþörfu í fjöðrun og stýri.
Eftir smá mælingar og pælingar ákvað ég að byrja á að færa afturhásinguna um 60 mm. Tók boddýið af til þess að komast almennilega að þessu en það er líka ótrúlega auðvelt að kippa því af ef maður er með lyftu. Skar svo allt sem tengdist afturfjöðruninni laust og sauð fast 60 mm aftar.
- 20170930_094421.jpg (41.66 KiB) Viewed 10736 times
- 20170930_094429.jpg (101.46 KiB) Viewed 10736 times
- 20171001_113305.jpg (81.2 KiB) Viewed 10736 times
Þarna er hásingin komin í mitt afturbrettið
- 20171001_181303.jpg (148.81 KiB) Viewed 10736 times
Þá var komið að því að klippa úr. Græjaði mér máta með þversniði dekksins og byrjaði að skoða hvað þyrfti að gera.
- 20171005_210213.jpg (116.04 KiB) Viewed 10736 times
Sá fljótlega að bitinn væri svolítið fyrir. Endaði á að klippa í efri línuna og smíða síðan nýjan bita sem fór hærra upp. Finnst það mikilvægt að halda styrknum í boddýinu.
- 20171008_174613.jpg (125.64 KiB) Viewed 10736 times
- 20171014_074203.jpg (110.69 KiB) Viewed 10736 times
- 007.jpg (73.8 KiB) Viewed 10736 times
Það þurfti að gera ótrúlega lítið að aftan, bara einföld úrklippa.
- 20171014_074226.jpg (83.02 KiB) Viewed 10736 times
Til þess að klára dæmið að framan þurfti að smíða nýja rafgeymafestingu, nýja festingu fyrir öryggjaboxið og nýja festingu fyrir ABS heilann en það hafðist allt að lokum. Eina sem ekki komst áfram fyrir var loftsíuhúsið svo ég setti K&N síu með sokk.
- 20171215_150506.jpg (49.85 KiB) Viewed 10733 times
- 20180110_225747.jpg (92.06 KiB) Viewed 10733 times
Þá var komið að hásingunum. Ég notaði afturhásinguna áfram, það er Dana 44 undir öllum Wrangler JK með 8.9" drifi. Af gefinni reynslu þá treysti ég hjólalegunum samt ekkert rosalega vel (búinn að fara í gegnum einhver 10 stk að minnsta kosti af nákvæmlega sömu legu í Musso hásingu undir eldri 44" Wrangler) þannig að ég keypti 35 rillu öxla frá Currie með stærri legu og passandi leguhús, skar hásinguna í sundur og sauð nýja stútinn á.
- 20180116_224153(0).jpg (57.96 KiB) Viewed 10733 times
Nýi stúturinn kominn á, bremsurnar passa á þennan stút
- 010.jpg (59.41 KiB) Viewed 10733 times
Ég keypti síðan nýja Dana 44 framhásingu frá Mopar, sem er eitthvað aðeins sterkari en Rubicon 44 hásingin. Styrkti liðhúsin en þau eru veikur hlekkur.
- 20180129_221902.jpg (57.97 KiB) Viewed 10733 times
Setti síðan 5.38:1 hlutföll og ARB læsingar.
Setti Fox IFP bumpstop og Internal bypass dempara
- 20180204_090910.jpg (102.14 KiB) Viewed 10733 times
- 20180213_230350.jpg (151.73 KiB) Viewed 10733 times
Þarna er farin að koma mynd á þetta. Klippti aðeins úr grillinu til að búa til meira pláss fyrir dekk og síðan finnst mér það flottara svona.
- 20180215_214455.jpg (89.99 KiB) Viewed 10733 times
Fór í smá bremsubreytingu fyrst það er nóg pláss í 17" felgunum
- 20180216_004133.jpg (75.27 KiB) Viewed 10733 times
Henti síðan í bráðabirgðakanta úr 4 mm plasti og brunaði á fjöll!
- 20180223_130029.jpg (62.36 KiB) Viewed 10733 times
- 018.jpg (119.01 KiB) Viewed 10733 times
Ég er vægast sagt hæstánægður með útkomuna! Fjöðrunin og allar hreyfingar í bílnum eru mjög skemmtilegar, aflið er þrælfínt (þó það megi auðvitað vera meira...) og dekkin koma mjög vel út. Þegar ferðafiðringurinn minnkar aðeins þá förum við síðan í það að koma köntum og stigbrettum á, en ég fæ mig bara ekki til þess að slípa trefjaplast á miðju keppnistímabili þannig að það fær að bíða aðeins.
Vona að einhver hafi haft gaman að því að fletta í gegnum þetta.
