Ný jeppategund

[Ýktur]

Varðandi driflokur sem hægt er að stýra innan úr bíl myndi ég halda að lokur með nettum lofttjakk væri einfaldast. Tjakkurinn væri með lítið slag en þvermál það sama og lokan. Loftið væri tekið sömu leið og úrhleypibúnaðurinn. Stýringu á loftið er hægt að útfæra á nokkra vegu.

Það væri hægt að hafa þetta sjáflvirkt, þegar dekkjaþrýstingur fer undir segjum 15 pund þá færi lokan á :)
Svo væri hægt að setja lokurnar handvirkt á líka ef þyrfti.

[Ísar]

Er búið að teikna upp framstellið ?
Já.
Drifið fest á stífuna .... er til teikning af því ?
Já.
Hvaða stýrismaskinu á að nota ?
Saginaw Cherokee 2 stk
Hvað er maskínan breið ?
Man ekki, en nett með stuttum legg
Hvað á að ná langri fjöðrun á framan ?
40cm
Hver á að vera breidd á hjólastelli ?
Mitt dekk í mitt dekk 2m
Hvaða spindla á að nota ?
Ford F-450/550
Hvað sverir öxlar ?
[i]Veltur á endanlegu liðavali. Ekki undir 35 ríllu
[/i]Hvaða hlutfall í drifum ?
5,13

[Dúddi]

Hvað er að frétta af þessu verkefni, er eitthvað að gerast eða eru menn bara rólegir.

[Kalli]

Hafið þið heirt hvernig gengur ?

[ellisnorra]

Gaman væri að heyra eitthvað af þessu. Hefur eitthvað gerst undnfarið?

[ellisnorra]

Að detta í ár síðan síðustu fréttir komu héðan, what's up?

[Ísar]

Takk fyrir að spyrja um gang mála. Okkur vannst vel fram á vor, á sviðum hönnunar og sjónrænnar framsetningar sérstaklega, í þeirri trú að boðað fé til fullnustu áætlana væri að koma. Það kom ekki, og önnur peningaplön brugðust líka. Var umsjónarmaðurinn orðinn salt-í-grautlitill og lagðist svo lágt að fara í borgandi vinnu.

Nýlega datt Ísarvinna aftur í gang í kjölfar afbragðs símtals frá útlöndum. Mjög spennandi dæmi. En þótt sitthvað sé í gangi skiptir nú bara eitt máli: Er fjármögnun í húsi? Nei. En önglar eru úti og fleiri í beituskúrnum á leið í sjó.

Freistandi er að sýna hér myndir og myndbönd af endanlegum Ísar All Terrain Supercar, sem hafa legið hjá okkur í um hálft ár. Því miður má ekki birta slíkt opinberlega fyrr en við opinbert "launch". Meginástæðan er að það myndi spilla fyrir erlendri sölu sem okkur féll í skaut. Þeir sem áhuga hafa á að skoða það nýjasta geta þó hitt á Ara Arnórs, sem gengur um með mynd(band) af bílnum í vasanum, eins og skáldið sagði.

Staðan er að búið er að undirbúa alla anga og vinkla fyrir frumgerðarsmíði, utan samningasmíði og vinnuteikningar. Topp menn klárir í það þegar fé fæst. Fjármögnun er klár fyrir framleiðsluna. Kaupendur klárir, og ekki bara á Íslandi. Hvað vantar þá? Ca RangeRoververð til að setja prótótýpuna saman og koma í löngu undirbúið prófunarferli sitt svo hægt sé að smíða bíla fyrir kaupendur.

Þótt búið sé að ganga frá endanlegri mynd fyrsta bíls þýðir það þó ekki að við getum ekki haldið áfram að finna heimsins nýjustu og bestu lausnir hér á Jeppaspjallinu. Til dæmis: Er einhver hérlendis með reynslu af gasglussafjöðrunarsmíði (sbr Citroen, JCB Fastrack ofl) ?

[dadikr]

Er óraunhæft að taka Karolina fund (https://www.karolinafund.com/) á þetta? Sjálfsagt talsverður hópur sem væri til í að styrkja framkvæmdina og sjá þetta verkefni verða að veruleika.

Kv Daði

[Ísar]

Sælir jeppagúrúar góðir. Það tók sko tímann sinn. En, nú í sumar fékk Ísar verkefnið loks fjármagn til að komast af stað. Og núna í dag fékk verkefnið það fjármagn sem upp á vantaði til að klára frumgerðarsmíðina.

Þetta þýðir að við getum skipt í háa drifið og vantar til þess 1-3 ofursmiði, og reynda 3d cad menn, á verkefnagrunni. Núna.
Við vitum vel að það er allt á yfirsnúningi í málmsmíðagreininni. En ef einhver veit um úrvals menn, sem að auki gætu skilað á tíma - og eru þar að auki eru lausir, eru ábendingar vel þegnar, í síma 694-1974 eða ari@isar.is. Eða eftir öðrum leiðum.

Veitum allar upplýsingar um Ísar verkefnið, stöðu þess og þátttakendur með mikilli gleði. T.d. á skrifstofunni okkar, eða í síma, bara ekki á Alnetinu.

[íbbi]

Úff, það væri nú ekki amalegt að taka þátt í svona verkefni

[Ísar]

Já, Ibbi, það hefur oft reynt á þolinmæðina að draga þessi verk áfram á tómum tanki. En nú er komið að skemmtilegasta kaflanum. Bara gaman.

[biturk]

Hvenær hentar best að hringja í ykkur?

[Ísar]

Best hentar að svara jeppasímtölum milli kl 7 og 24 :)

[Ísar]

MYNDAGÁTA: Hvað er Hörður Sæmundsson að sjóða??

https://photos.google.com/u/1/photo/AF1 ... 8NSiwkgTw0

[ellisnorra]

MYNDAGÁTA: Hvað er Hörður Sæmundsson að sjóða??

https://photos.google.com/u/1/photo/AF1 ... 8NSiwkgTw0

404. That’s an error.

The requested URL was not found on this server. That’s all we know.

[Ísar]

Ææ. Hver kann að gera myndbandsbúta sýnilega hér? Jútjúb vildi ekki leika.

[Ísar]

Er þetta sýnilegra?

https://goo.gl/photos/q8FYxukJnQ7UybHe7

[biturk]

Loftpúðaturn eða gormaturn sýnist mér

Eða geimsins öflugasta mótorfesting ;)

[Ísar]

Nebb. Fleiri uppástungur?

[olei]

Neðri spyrnur - sýnist mér. Ansi veglegar :)

[Ísar]

Góðir, en nei.
Önnur vísbending:

Vona að myndin birtist :)

[Ísar]

Arg, önnur tilraun:

[Nenni]

Ég vona að það gangi aðeins betur að smíða en að birta myndir :)

[BrynjarHróarsson]

Er þetta ekki hjólnaf?

[ellisnorra]

Hvernig setja skal inn mynd - skref fyrir skref ----> viewtopic.php?f=12&t=19266 :)

[jeepcj7]

Spyrna/klafi?

[olei]

Steering knuckle á ensku. Veit ekki hvað skal kalla það á íslensku.

[biturk]

Er þetta hluti af aftur stýfukerfi?

[sukkaturbo]

Sýður með smjör vírnum.Ég forvitinn hvernig vír er þetta og þarf gas með honum

[Kalli]

:O

[svarti sambo]

Hann er að sjóða part úr flexitor.

[Járni]

Sérstyrktur glasahaldari fyrir ferðamenn í hæsta gæðaflokki.

[Ísar]

Spindill.jpg (251.63 KiB) Viewed 34729 times

Ólei er meððetta. Spindill, heldur af stærri gerðinni, til að ná stýrismiðju í mitt 46" dekk, legu í mitt hjól, 40 cm slagi og 30° beygju, auk bremsa sem standast 2016 kröfur um hægjunarvirkni. Og bognar vonandi ekki of glatt. Gert úr Weldox. Sést betur á myndinni sem ég er vonandi búinn að læra að setja inn - með góðri hjálp.

[Ísar]

Og smjörvírinn, já, það er nýjasta kærastan hans Harðar Sæmundssonar. Soðið með gasi en flúxkjarni í vírnum gefur örlitla skel sem nánast er hægt að blása af. Best að spyrja Hörð beint frekar en suðuálfinn mig, en jafnvel ég sé muninn.

[Ísar]

Og af þvi að það er gaman að sjá myndir:

Spindlar tveir.jpg (231.15 KiB) Viewed 34718 times

[hobo]

Mikið er nú gaman að sjá smíðamyndir af þessu einstaka verkefni :)

[Sævar Örn]

Þetta er bara ansi mikið töff hjá ykkur, gangi ykkur vel!

[juddi]

Svo er bara að splæsa í Siegmund suðuborð alglörlega nauðsilegt í svona verkefni

[Ísar]

Mmmm, svona Siegmund fjölskylduborð gætu allir betri helmingar samþykkt sem nauðsyn undir sunnudagslærið, og morgunmatinn barnanna. Svo hásingar í hádeginu. Sgnilld.
Og takk fyrir falleg orð, sem ég beini til Harðar og allra hinna sem vinna hina raunverulegu vinnu. Hörður er búinnn að sjá út uppstillinguna fyrir boddísamsetninguna, býsna snjallt finnst mér, með leysigeislum og alles, James Bond stæl.
Vona að ég tjóni ekkert þótt hér birtist ein mynd úr FEM reikningunum hans Guðmundar Jónssonar í GJJárn. Bara grunn álburðarvirkið, án hjálparramma fjöðrunar og drifrásar, án áhangs. Full lestun farþega, + 5G álag á móti 6 punktum þar sem loftpúðarnir halda á móti.

5GBodyStress1.JPG (140.88 KiB) Viewed 34508 times

Erum annars komnir með dagsetningu á fjallaferð, á númerum, á næsta ári. Það pressar á okkur alla daga. Afmælisdagur telpu. Ekki í boði að klikka á því :)
Sem áður er allri gagnrýni, hver sem hún er, tekið feginshendi. Ótal ábendingar frá ótal aðilum hafa bætt hönnunina, og verður svo áfram.

[mrgard]

Sælir,

This looks like a really cool project, good luck with the development!

Just for inspiration and maybe for more ideas: some time ago I saw on Internet a really crazy custom jeppa-bil made in Romania, Ghe-O Rescue, see videos here:

https://www.youtube.com/watch?v=GT94QZ664qk

https://www.youtube.com/watch?v=6hQkMiIdiR0

https://www.youtube.com/watch?v=pX2Nt0uCfg0

Something for Iceland :)

Gard