Felgustærðir

[petrolhead]

Sælir félagar.

Eftir að vera búinn að skoða talsvert af síðum þar sem menn eru að selja notuð dekk og felgur þá fór ég að velta fyrir mér hvað væri algengasta felgustærðin í dekkjum 38"og stærri, fyrir utan 15" sem mér virðist vera mest af í umferð. Hvað er mest notað 16", 16.5", 17" ?
Og er eitthvað sem menn telja að sé að detta út af þessum felgustærðum ?

Ástæðan fyrir að ég fór að velta þessu fyrir mér er sú að ef maður fer að fá sér breyðar felgur eða láta breykka fyrir sig þá þá kostar það sitt og kannski betra að fara í stærð sem er algeng eða líklegt að verði fáanleg til frambúðar.

MBK
Gæi

[makker]

Ég held að 38" og minna sé gagnslaust í snjójeppamensku ef það er stærri felga en 15" en ef maður er kominn í 40"+ sé það fínt

16,5 felgur eru mestmegnis undir amerískum trukkum og leiðindarstærð af mínu mati sem þarf ekki að endurspeigla mat þjóðarinnar

Flest 46" mt dekkinn eru á 16" en nokkur til á 15"

Það eru aðalega nýjustu dekkinn sem eru framleidd fyrir 17" felgur og flest öll 44"+

Persónulega myndi ég vilja fá fleiri 38" og 44" dekk á 15" felgur þar sem úrvalið er ekki merkilegt í þeim stærðum en kanski er ég fastur í gamla tímanum

[jongud]

15-tommu felgur voru algengastar undir jeppum fyrir ca. 15 árum. En það var oft vandamál hvað það var erfitt að koma þeim undir suma bíla, sérstaklega nýrri sem voru með stærri bremsudiska. Land cruiser 90 er t.d. með of stóra diska að framan til að 15-tomma komist undir, en það er lítið mál að setja aðeins minni diska undir, enda algengir bílar og hlutirnir fyrir minnkunina eru til uppi í hillu hjá ArcticTrucks og fleiri fyrirtækjum.
16- og 17 tommu felgur eru að verða alsráðandi undir jeppum (trukkum) sem nota stærri dekk en 40-tommu. Og sum dekk eru ekki til fyrir 15-tommu eins og Iroc 41-tommu radial.
Og eftir að hætt var að framleiða radial Mudderinn og Ground-Hawg dekkin þá hefur framboðið af 38-tommu dekkjum fyrir 15-tommu varla verið neitt annað en AT-dekkin. :(

[petrolhead]

Ég er nú búinn að vera fjarverandi þetta jeppadót í nokkuð mörg ár, en "í den" voru þessir minni jeppar allir á 15" og svo voru Econoline og annað í þeim stærðar flokki á 16,5" en eftir þessa yfirferð mína á netinu þá fannst mér einmitt vera orðið lítið af 16,5" á ferðinni og kom mér líka á óvart að úrvalið í nýjum dekkjum fyrir 15" virðist hafa minnkað, t.d. Mickey Thompson 38x15,5/15 eins og er undir bílnum hjá mér í dag er ekki á listanum hjá MT dekk.
Ég er kannski fastur í gamla tímanum eins og Makker og er voðalega hrifinn af 15" en þar sem ég er að fara í hásingaskipti þá kem ég ekki til með að geta notað minna en 16" eftir það svo ég var í fljótu bragði búinn að sjá fyrir mér 16,5" en það er kannski ekki rétta stærðin til að festa sig í eftir á að hyggja???

[draugsii]

ég myndi ekki fara í 16,5 það fylgir því bara vesen þær eru með skáhallandi kanti eins og vörubílafelgur og henta þessvegna ílla til úrhleipinga

[sukkaturbo]

Jamm framtíðin er 17" og stærra bremsur eru að stækka í öllum nýjum bílum finnst mér.

[jongud]

ég myndi ekki fara í 16,5 það fylgir því bara vesen þær eru með skáhallandi kanti eins og vörubílafelgur og henta þessvegna ílla til úrhleipinga

Var einmitt að pæla í þessum mun, og fann þetta;
http://www.barrystiretech.com/165tires.html
Og þetta;

dekk-5-vs15gráðu.png (30.94 KiB) Viewed 9870 times

Munurinn er að 16,5 tommu dekkin eru með 15° halla á kanntinum í stað 5° á öðrum dekkjum. Þess vegna eru 16,5-tommu dekk ómöguleg í úrhleypingu, haldast mjög illa á felgunum.
Maður er að vísu að spá í hvort að það sé hægt að búa til kannt með völsun sem myndi halda við 16,5-tommu dekk?

[petrolhead]

Þannig að það væri líklega heppilegast að fara í 17" ef maður er að fara að koma sér upp góðum felgugang.
Takk fyrir fróðleikinn félagar.

MBK
Gæi

[juddi]

Samt eru bestu orginal felgur sem hægt er að fa fyrir úrhleypingar 16.5" eða Hummer felgur sem eru boltaðar saman svo ekki er hægt að affelga beadlock að innan og utan

[jongud]

Samt eru bestu orginal felgur sem hægt er að fa fyrir úrhleypingar 16.5" eða Hummer felgur sem eru boltaðar saman svo ekki er hægt að affelga beadlock að innan og utan

Já, ef maður er með gömlu 8-bolta deilinguna á felguboltum. Er hægt að valsa þessar felgur fyrir 16 eða 17 tommu dekk, eða er skipt um kantinn?

[grimur]

Er búinn að vera að gúggla slatta eftir 17x13" felgum fyrir 6gata. Finn bara andskotann ekki neitt!
Það breiðasta sem ég hef fundið er 10.5" í 17", og það álfelgur sem ég var svona ekkert endilega að leita að.
Vitið þið hvaða framleiðandi/merki gæti verið með svona í Ameríkuhrepp?
Ástæðan er sú að 40x13.5R17 er orðin algeng stærð og hlutföllin í þannig dekki held ég að henti ótrúlega vel, og samkvæmt mínum heimildum eru þannig radial dekk jafnvel næstum kringlótt og hæf til malbiksaksturs.

Kv
Grímur

[jongud]

Er búinn að vera að gúggla slatta eftir 17x13" felgum fyrir 6gata. Finn bara andskotann ekki neitt!
Það breiðasta sem ég hef fundið er 10.5" í 17", og það álfelgur sem ég var svona ekkert endilega að leita að.
Vitið þið hvaða framleiðandi/merki gæti verið með svona í Ameríkuhrepp?
Ástæðan er sú að 40x13.5R17 er orðin algeng stærð og hlutföllin í þannig dekki held ég að henti ótrúlega vel, og samkvæmt mínum heimildum eru þannig radial dekk jafnvel næstum kringlótt og hæf til malbiksaksturs.

Kv
Grímur

Það er ekki hægt að fá neitt breiðara en 10-tommu. Allavega ekki úr stáli. Eitthvað til af breiðum álfelgum en þær kosta augun úr. Ég held að flestir ef ekki allir sem eru á breiðum 17-tommu felgum hér á klakanum hafi látið breikka eða smíða fyrir sig.

[grimur]

Ég hélt áfram að gramsa með þetta innlegg bak við eyrað og komst að þeirri niðurstöðu að original 17" stálfelgur undan 2010-2017 4Runner, sem eru eitthvað um 7" breiðar séu skásti kosturinn í breikkun. Fást á $72 stykkið ónotaðar og eru pottþétt kringlóttar. Ekkert alltof efnismiklar en allt í lagi undir léttari bíla hugsa ég.
Var að vona að ég þyrfti ekki að breikka felgur eina ferðina enn...neibbb. Í gamla daga gerði maður það vegna þess að maður hafði ekki efni á öðru, en núna fæst bara ekki það sem mig langar í þó að ég væri til í að henda smá pening í þetta. Magnað.

Kv
Grímur

[juddi]

Samt eru bestu orginal felgur sem hægt er að fa fyrir úrhleypingar 16.5" eða Hummer felgur sem eru boltaðar saman svo ekki er hægt að affelga beadlock að innan og utan

Já, ef maður er með gömlu 8-bolta deilinguna á felguboltum. Er hægt að valsa þessar felgur fyrir 16 eða 17 tommu dekk, eða er skipt um kantinn?

[juddi]

Það er allavega hægt að breyta þeym með því að nota tunnur ur öðrum felgum það hefur verið gert her heima=16" svo er spurning hvort hægt vlri að setja þykkingu a kantinn og ná 17"

[juddi]

Veit að kanarnir hafa skipt grimt um botna i þessum felgum