Aukasía við sjálfskiptingar

[villi]

Eru menn að setja svona síur aukalega á lagnirnar hjá sér

http://www.ebay.com/itm/INLINE-3-8-MAGN ... f7&vxp=mtr

[jongud]

Frekar en að setja tvær auka hosuklemmur á kælilögn (og fjölga veikum hlekkjum) myndi ég frekar setja segul á pönnuna á skiptingunni, jafnvel utaná.

[grimur]

Jaaaaá held að þetta sé líklegra til að valda vandræðum heldur en hitt. Skipta frekar aðeins oftar um vökvann, hann slappast með tímanum og hefur mikið að segja um alla virkni og endingu á sjálfbíttara.
Kæling á vökvanum hefur svo mikið að gera með hvernig hann endist, ef hann er alltaf alveg á mörkunum við að vera of heitur má búast við að hann endist verr og þjóni ekki eins vel sínu hlutverki. Held að auka sía sé meira fix sem tekur á afleiðingum heldur en lagfæring á orsök...

Kv
Grímur

[grimur]

En svo til að fylgja þessu aðeins eftir...afhverju eru svona síur til? Fyrir utan það augljósa, til að einhver láti glepjast til að kaupa, má gera ráð fyrir að í keppnis tækjum sé allt annað álag á skiptingum. Þar má búast við að diskarnir tætist niður frekar ört og ekki vanþörf á að sía drulluna frá jafnóðum til að draslið hætti ekki að virka í miðju kafi.

Takk samt fyrir að smella þessari spurningu inn, það má allt í pælingum, til þess eru þær!

[jeepcj7]

Ég held að auka sía sé bara af hinu góða en myndi vilja hafa hana stærri og vera viss um að hún hefti ekki flæði,sé ekki mjög dýr og sé til á smurstöðvum þannig að regluleg skipti séu ekki vandamál.
Að setja svona inn á lögn er ekki vandamál ef sæmilega er gengið frá því með góðum klemmum eða þrykkingum og aukamagn á skiptingu er alltaf betra sérstaklega í breyttum jeppa þar sem álagið er oft talsvert meira en skiptingin er gerð fyrir,aukakælar eru líka alveg nauðsyn í breyttan bíl ef þú ert ekki með svoleiðis hiti er það sem stútar skiptingum.
Hjá mér td. eru 2 stk. aukakælar ca.20x30 cm hvor.

[villi]

Þessi í linknum hér að neðan þjónustar bara 6 og 7.3 ford og mælir eindregið með þessum Magnafine aukasíum. Hann talar um í einhverju videóinu hjá sér hálfgerð dóminó áhrif, noti menn ekki aukasíu, að það síist ekki allt frá í orginal síunni og (og orginal seglinum) svo fari þetta aftur í gegnum skiptinguna og við bætist meira drasl og svo framvegis.

https://www.youtube.com/watch?v=SUrE16bknlU

[villi]

Persónulega væri ég til í að losna við að þessi drulla hringrásist um skiptinguna hjá mér :)

https://www.youtube.com/watch?v=u6pFct7Zrgs