Ná lykt úr bíl

[stebbi83]

Splæsti mér í bíl um daginn sem greinilega hefur innihaldið blautann hund oftar en einusinni.
Nú er ilmspjald og góð útloftun í 3 vikur ekki að gera sitt gagn svo mig vantar eitthvað undraefni til að eyða gamalli hundalykt úr bílnum?

[Sævar Páll]

hef notað lyktareyðandi svamp heitir held ég air sponge eða eitthvað svoleiðis. Fékkst einhvertíman á bensínstöðum eða N1 stöðvunum. Það eru leiðbeiningar á boxinu en ég hef bara látið hann standa í bílnum með smá rifu yfir nótt. notaði þetta á bíl með reykingarlykt, er nokkuð sáttur með útkomuna

[Stebbi]

Ef að þetta er slæmur hundabíll þá er því miður ekkert annað í stöðuni en að taka góðan dag í það að spæna bílinn í sundur að innan og djúphreinsa öll sæti og teppi og ryksuga hvern krók og kima. Gætir þurft að rífa klæðningu úr skotti og hreinsa innan úr boddýi þar sem þessi fjandans úldnu hár komast allstaðar á milli og safnast fyrir á ótrúlegustu stöðum. Svo þegar þú heldur að allt sé komið þá er toppklæðningin eftir. ;)

[harnarson]

Gamalt og gott húsráð er að nota edik til að eyða ólykt. Getur prófað að setja smá slurk af venjulegu borðediki í 2 eða 3 skálar og látið standa í bílnum í nokkra klukkutíma, t.d. yfir nótt.

[siglar]

Eg hef notað lyktareyðir fra wurth og hef ekki enn fundið lykt sem þettað efni hefur ekki raðið við

[jongud]

VÁ!
ég las þetta sem Nálykt úr bíl

En ég mæli með djúphreinsun og að spæna sæti úr og e.t.v. teppi. Notaðu tækifærið og lagaðu allt undir þeim sem þú kemst að og nennir.


Ef það er hinsvegar nálykt í bílnum þá þarf líka að spæna allt úr honum og þú gætir e.t.v. fengið hjálp frá lögreglunni til að sjá um erfiðið :)

[baldur]

Eitt sem virkar djöfull vel á allskonar lykt er óson. Getur eflaust leigt iðnaðar ósontæki hjá Besta og þessháttar sjoppum sem leigja út skúringargræjur. Hendir framlengingarsnúru út í bíl og setur tækið í samband inni í bílnum og lætur það malla í einn dag eða svo.

[villi58]

Númer eitt, skíturinn verður að fara annars verður þetta áfram síðan djúphreynsa eins vel og hægt er.
Svo er ráð að tala við aðila sem vinna við alskonar þrif, væntanlega þeir sem hafa bestu reynsluna.

[Haukur litli]

Númer eitt, skíturinn verður að fara annars verður þetta áfram síðan djúphreynsa eins vel og hægt er.

Pabbi keypti Hilux af bónda fyrir mörgum árum og losnaði aldrei við helvítis hesta/skíta/fjósalyktina úr bílnum. Þetta var Hilux með vinyl í öllu nema sætum og þau var búið að dauðhreinsa, en ennþá stinkaði bílinn. Þegar verið var að laga eitthvað fannst drulla eða skítur með heyi í liggjandi við miðstöðvarelementið. Lyktin hvarf þá með það sama.

Skítur getur leynst allstaðar.

[Óttar]

Eg hef notað lyktareyðir fra wurth og hef ekki enn fundið lykt sem þettað efni hefur ekki raðið við

Hef notað þetta og alveg svínvirkar

[StefánDal]

Ég hef náð hundalykt úr bíl með Cilit Bang með bláa tappanum. Það inniheldur klór. Hundalykt stafar af bakteríum. Ef þú getur drepið bakteríuna þá losnarðu við lyktina.

[olei]

Olíuhreinsir er ansi magnaður!
viewtopic.php?f=2&t=25946

[Izan]

Sælir

Það er ekki stórmál að taka sætin og teppin úr bílnum og þrífa. Annaðhvort senda í hreinsun eða bara úða yfir sápu sem efnið þolir og þvo t.d. teppin með háþrýstitæki. Ég hef gert þetta bæðii við teppin og sætin og það virkar ágætlega.

Ef lyktin fer ekki var eitthvað gamalt húsráð að geyma dós með matarsóda opna einhversstaðar í bílnum. Þetta var gert í ísskápum t.d.

Ósonmeðferð eða ensím eins og eru notuð í reykvélar á böllum skilst mér að virki til að eyða lykt og er notað t.d. við að þrífa húsgögn eftir bruna. Ætti ekki að vera flókið að framkvæma t.d. með því að leigja reykvél hjá Exton og teipa við rúðuna og bara pusa inn í einhvern tíma. Ég hinsvegar veit ekki hversu langann tíma eða hvernig þetta fer með anað í bílnum t.d. rafeindabúnað o.s.frv.

Kv Jón Garðar

[Wrangler10]

Consume fæst hjá Besta. Þetta er lífhvati (náttúrulegur) sem eyðir öllum bakteríum. Hef notað það með mjög góðum árangri.

[Stebbi]

Ég er búin að þrífa þónokkuð marga hundabíla í gegnum árin og það eina sem virkar er að tæta bílinn eins mikið í sundur og maður þorir og þrífa bæði með teppahreinsivélum og tuskum. Svona spreybrúsalausnir virka bara ef maður ætlar að selja bílinn fljótlega eftir þrif en ef þú ætlar að eiga bílinn eitthvað þá er bara að taka frá helgi í þetta og byrja að tæta.

[villi58]

Sammála Stebba.

[svarti sambo]

Sammála Stebba og Villa. Lyktin hættir ekki að koma fyrr en skíturinn er farinn. Lenti í svipuðu dæmi með fyrrverandi hestabíl, og ekki var hesturinn inní þeim bíl. Myndi byrja á því að djúphreinsa bæði sæti og teppi, ásamt góðri sápu og tusku á rest.

[Hrannifox]

Best er að taka sætin og teppin úr, djúphreinsa þrifa undir teppunum, í besta fæst efni til að eyða lykt svo hjá málingarvörum er til efni sem heitir exit, það er gerla og bakteríudepandi og hef ég náð reykingalykt og hundalykt úr bílum með því að djúphreinsa þau og svo úða þessu efni yfir, svo hef ég þrifið innréttinguna og svo strokið yfir hana með tusku og þessu efni leyft að standa i nokkra tíma.

Kv, Hrannar

[jonket]

Það var fiskilykt í bíl sem ég keypti. Konan mín sagði mér að nota matarsóda. Strá honum í teppin, leyfa honum að standa í sólarhring og svo ryksuga.

Virkaði flott, öll fiskilykt hvarf. Matarsódi er ótrúlegt efni.

[Holanes]

Ég veit að þetta hérna virkar.

https://www.facebook.com/ozone.island

Tekur reykingalykt, brunalykt og ég veit ekki hvað og hvað.

Endilega prófa þetta. Kostar 8.000 að ozona bíl.

Hann kemur með tækin á staðinn, 4 - 6 tímum seinna er ólykt horfin.