Að handmála bíl ?

[aggibeip]

Ég ætla mér að handmála jeppann minn og var að spá hvað er best að nota?

Hvaða grunn?
Hvaða lakk?
Þarf að glæra?
Ef svo er, hvaða glæru?

Hvaða aðferð er þæginlegust?

Grunnurinn - Spreyja/Rúlla/Pensla ?
Lakkið - Rúlla/Pensla?
Glæra - Spreyja/Rúlla/Pensla?

Bíllinn er svolítið ryðgaður, er einhver grunnur sem er betri en annar hvað varðar að koma í veg fyrir ryð ?

Takk Fyrir !

[jeepson]

Enginn grunnur stoppar ryð. Það er best að sandblása og grunna svo með tveggjaþátta grunni. epoxy grunnurinn er mjög góður.

[hrappatappi]

Farðu niðrí slippfélag og fáðu akryl þakmálninguna og grunnin sem fylgir henni. Alveg dúndur efni en þú verður að vera snöggur að mála því hún þornar á no time. :)

[Oskar K]

fínnt svo að henda lakkdollunni á ofn áður en hún er notuð (ofn til húsahitunar þá) og skrúfa alla ofna í botn í húsnæðinu sem þetta er gert í og hafa nógu andskoti heitt þar
svo nota bara fína svamprúllu

[aggibeip]

Þegar þú segir að það sé ekki til ryðstoppandi grunnur þá langar mig bara að spyrja: hvað er þá ryðvarnargrunnur ? er það kanski ekkert sniðugt eða ?

[jeepson]

Ryðvarnar grunnur að minni bestu vitund er settur á þegar að það er búið að sandblása En hann stoppar ekkert ryð sem að þú málar yfir. Stjáni hérna á spjallinu getur frætt þig um þetta alt þar sem að pabbi hans er bílasprautari og stjáni hefur nú einnig brasað í þessu í mörg ár.

[aggibeip]

Já okei, það var einmitt það sem ég var að pæla í, að ná öllu ryði í burtu og nota ryðvarnargrunn svona sem einskonar ryðgetnaðarvörn :) Pælingin var ekki að mála yfir ryðið :) ætla að vanda mig við þetta svo hann verði fallegur næstu árin :)

[Startarinn]

Ég byrjaði að handmála minn bíl í áföngum, bara til að stoppa ryð eftir því sem ég hafði tíma.

Ég nota Hempels unigrunn undir á sandblásnu blettina og mála svo yfir með Hempathane, tveggja þátta epoxy málningu.
Þegar ég var að mála toppinn rak ég handlegginn í blauta málninguna, það var ennþá málning á hárunum á handleggnum eftir 2 mánuði, svo ég er nokkuð sáttur við valið á málningunni

Ef þú ferð þessa leið skaltu skaltu vera viðbúinn því að það er SVAKALEGA sterk lykt af málningunni, mæli með loftskipti grímu, eða MJÖG vel loftræstu húsnæði

[Stebbi]

........svo nota bara fína svamprúllu

Ekki nota svamprúllu hún ýrir upp lakkið þegar þú ert að rúlla og skilar verri áferð. Það eru til sérstakar lakkrúllur og það er það sem þú átt að nota, byrjaðu á því að tala við einhvern fagmann.

[gaz69m]

ekki nota svamp rúllu nema að þú viljir hafa túngl áferð á bílnum þínum , og þú verður að sandblása allt ryð í burtu , setja svo tveggjaþátta grun yfir þá er alveg lokað fyrir raka , einþátta grunnar anda , td gerði tilraun á að hreinsa ryð af plötu og svo málaði ég yfir með bit ætigrunn og það ryðgar undir svoleiðis . lakk rúlla er málið , ég svamprúllaði fyrstabílin minn og hann var kallaður tungli á eftir

[Oskar K]

ég náði nú bara flottri áferð á gamlan subaru með skipalakki og svamprúllu

[Stjáni]

Það eru til ótal margar gerðir af grunn sem er góður yfir bert stál td. þar sem ryð hefur verið hreinsað burt en ég nota helst
bara einhvern 2ja þátta epoxy grunn td. frá dupoint eða glasurit þetta er nú allt ósköp svipað held ég þegar kemur að gæðum þegar um er að ræða stálgrunn "ætlaðann" bílum og já bara fínt að nota skipalakkið td frá hempel þar yfir til að loka grunninum en mundu bara að grunnurinn sem einn og sér gerir ekkert gagn það verður að loka honum með lakki hvaða lakki sem þú kýst að nota :)

ps. Annars mæli ég hiklaust með bílaverkstæðinu (Reddum Bílnum) við vagnhöfða 7 á sama plani og stál og stansar

kv. Stjáni

[Ofsi]

Stálgrunnurinn sem Kristján talar um er öðru nafni kallaður Wash primer (sýrugrunnur) stundum stálgrunnur, þar sem hann er málaður eða sprautaður á bletti sem hafa verið slípaðir niður á beran málminn. Grunnurinn er mjög þunnur til þess að hann smjúgi betur inn í efnið. Af þessum grunn þarft þú lítið, enda bara borinn á þá bletti sem eru opnir eftir spörslun. Síðan ættir þú að nota þann grunn sem passar við það lakk sem þú hefur valið þér að nota til þess að rúlla bílinn. (þekki þau efni ekki) enda eru 30 ár frá því rúllaði síðast og þá með Kraftlakki. Þá tókum við reyndar eina 5 pikkuppa í röð fyrir vestan, máluðum þá alla Kraftlakk bláa :-) , Svo notar þú litla rúllu með stuttum og þéttum hárum, með því móti er minnst af loftbólum. Og eins og Stebbi segir, gott að hafa góðan yl í skúrnum svo lakkið fljóti vel. Svo getu þú bara komið við Aggi minn, þú ratar er það ekki :-)
kv J Snæland

[Startarinn]

Það sem hefur vikrað best fyrir mig með Hempathane málninguna er svamprúlla, ég hafði einmitt áhyggjur af loftbólumyndun og byrjaði með fínni lakkrúllu, húddið lítur út eins og hraun.
Toppinn tók ég með svamprúllu og heppnaðist bara vel, hempathane er MIKIÐ þynnra en gömlu vinnuvéla og kraftökkin

[StefánDal]

Ég hef oft viðrað þá hugmynd við hann karl faðir minn að rúlla bíla. Hann er gamall bílasprautari með meiru og heldur því fram að það sé svipað mikil vinna fólginn í því að rúlla bíl eða sprauta. Að sprauta sé fljótlegra ef eitthvað er.

Nú trúi ég yfirleitt öllu sem hann segir en hvað segið þið sem hafið reynslu af hvoru tveggja?

[reyktour]

Eru menn ekki að handmála vegna þess að það virkar fljòtlegra.
ef menn gefa sér tíma og vanda til verka er miklu betra að sprauta.

[aggibeip]

Einhvernveginn held ég bara að handmálun sé margfalt ódýrari bæði efnislega séð og maður getur gert þetta sjálfur án aðkeyptrar vinnu.. Tíminn er ekki málið hjá mér í þessum efnum heldur peningarnir :)

Já og Nonni, ég kíki við hjá þér um leið og ég fæ númerin á hann :)

[Startarinn]

Ástæðan fyrir því að ég ákvað að rúlla minn bíl er að mér dettur ekki í hug að leggja þá vinnu í undirvinnuna sem þarf að gera fyrir sprautun, bíllinn er 22ja ára gamall og fjallabíll.

Ég get þá líka get þetta í áföngum án langra stoppa eftir því sem ég hef tíma til að sinna þessu

Ég hef ekki nokkurn áhuga á að vera á bíl sem er búið að leggja svo mikla vinnu í útlitið á að maður leggst í fósturstellinguna og sýgur þumalinn ef það kemur rispa, bíllin er gamall, notaður sem slíkur og má alveg sjá á honum, svo lengi sem hann ryðgar ekki, þetta er vinnuhestur, ekki sunnudagsrúntari

[StefánDal]

Nú spyr ég enn eins og sauður. Er hægt að bóna svona rúllaða bíla og hafa þá sæmilega?

[joisnaer]

varðandi ryð, þá prófaði ég að rust converter sem fæst í N1. pússaði ryðið svona létt upp með vírbursta (á slípirokk reyndar)
setti rust converter efnið á með pensli, eða setti góða slummi yfir blettinn og dreifði með pensli. málaði svo yfir.

mér fannst þetta svoldið auðveld leið til að gera þetta með "rassgatinu" en þetta virðist halda ryðblettnum alveg nokkuð góðum, ótrúlegt en satt.

mæli með þessu efni ef maður er bara að bjarga ryðblettum ef maður ætlar ekkert að vera að gera þetta mjög fagmannlega og er ekki mikið að pæla í útliti.

[Raggi B.]

Hef notað svona Rust-Converter frá N1 (Bílanaust), hreinsaði stálið niður í hreint stál (sandblés) smellti svo smá skvettu af rust convertenrum á. Svo epoxy grunn, svo lakki og þar næst glæru. Þetta hljóp upp aftur á bílnum þar sem þetta var gert, skil ekki því þetta gékk ekki því það var dundað full lengi í að gera þetta ágætt.

Já það var notaður sandpappír, trefjamottur og silikonhreinsir á milli umferða....

[joisnaer]

Hef notað svona Rust-Converter frá N1 (Bílanaust), hreinsaði stálið niður í hreint stál (sandblés) smellti svo smá skvettu af rust convertenrum á. Svo epoxy grunn, svo lakki og þar næst glæru. Þetta hljóp upp aftur á bílnum þar sem þetta var gert, skil ekki því þetta gékk ekki því það var dundað full lengi í að gera þetta ágætt.

Já það var notaður sandpappír, trefjamottur og silikonhreinsir á milli umferða....

þetta efni er náttúrulega hannað til að vinna með ryði, virkar eflaust ekki á hreint stál.
það verður víst einhver efnabreyting þegar þetta kemst í snertingu við ryð sem myndar sterka og góða vörn gegn ryði og hindrar að
hlutinn fari ekki að ryðga meira.

[Raggi B.]

Hef notað svona Rust-Converter frá N1 (Bílanaust), hreinsaði stálið niður í hreint stál (sandblés) smellti svo smá skvettu af rust convertenrum á. Svo epoxy grunn, svo lakki og þar næst glæru. Þetta hljóp upp aftur á bílnum þar sem þetta var gert, skil ekki því þetta gékk ekki því það var dundað full lengi í að gera þetta ágætt.

Já það var notaður sandpappír, trefjamottur og silikonhreinsir á milli umferða....

þetta efni er náttúrulega hannað til að vinna með ryði, virkar eflaust ekki á hreint stál.
það verður víst einhver efnabreyting þegar þetta kemst í snertingu við ryð sem myndar sterka og góða vörn gegn ryði og hindrar að
hlutinn fari ekki að ryðga meira.

Já það var notað líka á ryð sem var búið að kroppa mesta lausa af og skvett svo á.

Þetta virkar bara illa finnst mér, það gæti verið rétt að þetta virki alls ekki vel á bert stálið.

[Gunnar]

rust converter virkar ekki á bert stál, bara ryðgað, það þarf sýrugrunn held ég til að loka beru stáli fyrir málningu.