Project "Háfjallahjólhýsi"

[btg]

Tók eftir því að þessi var ekki með neitt skráninganúmer. Hvernig er gangurinn með það hjá þér Polarbear?

[juddi]

Hefði ekki verið gæfulegast að skrá þetta meðan þetta var bara flatvagn ?

[Polarbear]

juddi, ef maður ætlar að fara eftir lögum og vera pottþéttur með að fá þetta bæði tryggt fyrir sanngjarna upphæð og actually fá eitthvað útúr tryggingunum ef eitthvað skeður..... þá er bara ein leið til að gera þetta.

ég er búinn að hugsa þetta fram og til baka og ætla bara að fara löglegu leiðina í þetta sinn. Sjá svo hversu sanngjörn (eða ekki) hún er... það er svona æskilegast í samfélagi eins og okkar að sem flestir fari eftir lögum og reglum :)

[juddi]

Getur varla verið ólöglegt að byggja yfir löglega kerru með skráningu

[Polarbear]

það stendur í lögunum að allir ferðavagnar skuli vera skráðir og skoðaðir, hvort sem þeir eru með bremsur eður ei. Ef maður er með gasbúnað þarf að taka hann út sérstaklega o.s.frv.

það er víst liðin tíð að kerruskráning og kerruskráning sé það sama...

mig minnir að skilgreiningin á ferðavagni vs. kerru sé að í ferðavagni er aðstaða til að hafast við í, s.s. svefn og/eða íveruaðstaða ekki ætluð til flutnings á varningi.

[helgis]

Ef kerran er eins og pallbíll og húsið eins og nokkurskonar camper. Ekki getur það talis ólöglegt. Svo eru margir flutningabílar þannig útfærðir að vörukassarnir eru festir með gámalásum, vegna gjaldflokka, er víst mun ódýrara og eru aldrei teknir af.
Kv. Helgi

[Polarbear]

þetta er áhugaverður punktur... ef hægt er að taka kassann af á fljótlegan hátt, ætli það sé nóg? verst að það er nánast vonlaust að fá svör við svona spurningum. einn segir eitt meðan annar segir eitthvað allt annað, allavega er það mín reynsla meðan ég hef verið að reyna að leita mér að upplýsingum um hvernig ég á að skrá þetta hús og bera mig að því að gera þetta löglega. þetta er frumskógur sem enginn virðist rata almennilega um, ekki einusinni umferðarstofa eða skoðunarstöðvarnar.

[Polarbear]

jæja. fullt búið að gerast....

Flasningar (ál-vinklar) límdir á hornin til að fela samskeyti

flasningar á horn

Búið að glerja kvikindið :)

gluggar komnir í

ooooog setja topplúgu!

þaklúga

Dýrið er orðið fokhelt! hell yes.... styttist í fyrstu útileguna :)

[btg]

Allt að gerast, það styttist í innflutningspartý þarna :-)

[Polarbear]

Brettakantar límdir á húsið :) þetta gengur sæmilega hjá mér þessa dagana....

brettakantar

[Polarbear]

Húsið er tilbúið í fyrstu ferð :)

loksins..... það er ekki 100% tilbúið að utan, en svona því sem næst. Nóg til þess að það verður útilega um helgina :) Skelli hérna inn einni mynd sem sýnir svona c.a. loka-lookkið á húsinu eins og það verður notað í bili.... vantar gúmmíkant á hurð, annað er búið.

hjólhýsið reddí

[AriS]

Þetta er alveg grjóthart hjólhýsi :)

Ég er mjög forvitin að vita hvað það er þungt, ertu eitthvað búinn að vigta það?

[Polarbear]

heyrðu já.. vigtaði það fyrir fyrstu útilegu.

tómt (og ekki aftaní bílnum) vigtaði það 950 kg. Ætli það verði ekki 1050 kg með innréttingum, rafgeymi og gasi....

húsið vigtað

gaman að þessu :)

[AriS]

Jahérna, ég er alveg steinhissa á að það sé ekki þyngra, enn þetta er bara flott þyngd.

[btg]

Búinn að fara fyrstu ferð? Ef svo, hvernig var? :-)

[ellisnorra]

Ertu með vökvabremsur?

[jeepson]

Snilld :)

[Polarbear]

Búinn að fara fyrstu ferð já. Keyrði húsið austur fyrir fjall í ausandi rigningu og roki og það var bara draumur. lekur ekkert og fínt að draga það. Algjör eðall að sofa í þessu. mjög stöðugt eftir að maður setur lappirnar niður og hlýtt.

ég er með vökvabremsur já.... en það á eftir að stilla þær eitthvað því húsið bremsar rammskakkt ennþá :) þarf að laga það fyrir næsta sumar hið minnsta.

[ellisnorra]

Búinn að fara fyrstu ferð já. Keyrði húsið austur fyrir fjall í ausandi rigningu og roki og það var bara draumur. lekur ekkert og fínt að draga það. Algjör eðall að sofa í þessu. mjög stöðugt eftir að maður setur lappirnar niður og hlýtt.

ég er með vökvabremsur já.... en það á eftir að stilla þær eitthvað því húsið bremsar rammskakkt ennþá :) þarf að laga það fyrir næsta sumar hið minnsta.

Frábært :) Innilega til hamingju með þetta Lalli.
Hvar keyptiru vökvabremsudæluna? (beislisjúnitið) Ertu bara með original frambremsubúnaðinn úr krúsernum út við hjól?

[Polarbear]

Takktakk Elli, þetta var mjög notaleg ferð, frábært að fá að njóta árangurs erfiðisins.... þetta er búið að vera löng fæðing.. vantar bara innréttingar og miðstöð og ljós og rafkerfi og...og...og... hehe :) þú veist hvernig þetta er. Aldrei búið

fékk vökvabremsudæluna í Stál og Stansar

ég er með eldgamlar og flakónýtar súbarúdælur útvið hjól sem enginn veit nákvæmlega úr hverju eru og svona... ætlaði að nota þær því þær eru með innbygðu systemi fyrir handbremsuna, en ég er meira og meira að spá í að henda þeim í sjóinn og reyna að fá mér eitthvað betra.

ég reyndi mikið að fá einhverja til að hjálpa mér að kaupa upptektarkitt og þessháttar í þessar dælur en þar sem ég var ekki með bílnúmer sem þær komu úr var það gersamlega vonlaust. meiraðsegja umboðið vildi ekkert fyrir mig gera (sem er reyndar eðlilegt fyrir IH).

er að spá í að reyna að ná mér í Transporter afturdælur sem mér skillst að séu vökvadælur fyrir diska með handbremsujúniti áföstu.... en ef þú hefur betri hugmynd, endilega skjóttu henni að mér.

[-Hjalti-]

Mazda 626 88 - 92 afturbremsur til útum allt á og mjög auðvelt að fá uppgerðarsett í þær

[ellisnorra]

Ég er í vökvabremsuhugleiðingum með bílakerruna hjá mér, ég er með saab 9000 hubba sem eru með diska og handbremsuútbúnaði. Ég á enn sem komið er bara hjólasystemið en á eftir að plana meira :) Ég skal taka mynd af þessu handa þér við tækifæri og senda þér í mailið þitt.

[Krúsi]

Datt í hug að pósta þessu ef einhverjum langar í "tear drop"

[olei]

Þetta er glæsilegt.
Þú átt skilið alveg helling af Thule fyrir þetta Lárus!

[gislisveri]

Gamli bara kominn í fjölmiðla, vel gert. Var nú ekki hægt að splæsa í plögg fyrir jeppaspjallið sitt?

Hvað er annars að frétta af vagninum?

[Polarbear]

já takk, þeir eltu mig uppi héðan úr jeppaspjallinu. sá partur af viðtalinu var því miður klipptur út, sem og myndin af mér :) en það var svosem alltí lagi, þetta með myndina allavega.

Hýsið fer inní nýtt húsnæði núna um mánaðamótin og þá hefst lokasmíðin, gera innréttingar og klára ljósabúnað og bremsumál. Svo hefst vonandi skráningarferlið á fullum krafti þar á eftir, það verður gaman að sjá hvernig það fer.... ég plana enn sem komið er að fara með það í sumarfríið í ár. (c.a. 4. árið í röð sem ég plana það)

ég mátaði 38" dekk undir það um daginn og það kemur lygilega vel út...

p.s. ef maður gúglar "háfjallahjólhýsi" þá er jeppaspjallið eina síðan sem poppar upp :)

[Örn Ingi]

Þetta er virkilega flott hjá þér, ég var einmitt að pæla í þessu um daginn eftir að ég horfði á Top Gear USA (sem eru reyndar ekki hátt skrifaðir hjá mér) enn þar voru þeir einmit að þvælast með nauðaómerkileg hjólhýsi, ekki misskilja það svo að ég sé að gera lítið úr þínu síður enn svo heldur átti ég við afhverju í ósköpunum íslendingar fari ekki meira út í eithvað svona einfalt ódýrara (hef reyndar ekki hugmynd um kostnað hjá þér) og eithvað sem að þolir brölt.

Eins af því að við erum nú búnir að fylgja þessu eftir frá upphafi hjá þér væri rosalega flott framtak ef að þú endaðir þennan þráð þegar þar að kemur með því að taka saman kostnað og vinnu frá a til ö öðrum til viðmiðunar

[Polarbear]

JÆJA! stór áfangi í hjólhýsasmíðum. Kominn með skoðun og húsið löglegt!!

kominn með skoðun

Varðandi að taka saman kostnað er það ótrúlega breytilegt, eins með tímana sem fara í svona frumsmíði. Ég myndi gera þetta á allt annan hátt í dag verandi með þá reynslu og vitneskju á bakinu sem ég hef eftir þetta ævintýri! :) því er þó hvergi lokið því innivinna er nánast öll eftir, sem og að koma á þetta ýmsum aukabúnaði eins og miðstöð og sólarsellu.

Ég hugsa að ég taki ekkert saman kostnaðinn þannig séð. Hálft í hvoru langar mig ekkert að vita hvað þessi vitleysa er búin að kosta mig í peningum :) ég ætla bara að njóta þess að eiga þetta.

ég mun halda áfram að senda inn myndir eftir því sem ég held áfram að dunda í húsinu... en þið getið allavega átt von á því að sjá mig á ferðinni næstu vikurnar með þetta í eftirdragi :)

[Óskar - Einfari]

Glæsilegt! til lukku með þetta. Það hefur verið mjög gaman að fylgjast með þessu og manni hlakkar til að fá að fylgjast með áframhaldinu.

Þetta er klárlega einn að skemmtilegri þráðunum hérna finnst mér :)

[nobrks]

Hamingjuóskir með númeraplötuna!

Eftir alla þessa sögu og pælingar, þá held ég að margir séu forvitnir hvað þú þurftir að greiða í aðfinnslugjöld??

[Polarbear]

takk fyrir :) þetta er búið að vera mjög gaman, en jafnframt reynt allverulega á athyglisbrestinn minn því yfirleitt lýk ég ekki við verkefni ef þau taka mikið lengri tíma en korter.

það kom í ljós eftir allt saman að þegar maður gerir upp gamalt hjólhýsi sem hefur skemmst, þá þarf ekki að borga aðvinnslugjöld, heldur bara fara í breytingarskoðun :) svipað og með breytingar á jeppum og þessháttar. Hefði ég ekki stytt það aðeins og skipt um dekkjastærð hefði ég geta farið í venjulega aðalskoðun!

þannig er nú það....

[Polarbear]

rafgeymakassi og gaskútageymsla sett á beislið, nú er maður kominn í pjatthlutann :) þarna verður grillið og fleira stöff geymt.. styttist í að maður fari að huga að innréttingum!!

geymslukassar

[HaffiTopp]

Glæsilegt, til hamingju með þetta.
Þú hefur ekki viljað hafa það aðeins lægra að framanverðu? Sem sagt til að það tæki á sig aðeins minni vind :D Það er varla þörf á svona mikilli lofthæð í öllu húsinu eða hvað?

[Polarbear]

kassalaga form er bara auðveldasta smíðin... ég hugsaði með mér að setja bara á það hestakerrunef (fiberglass trjónu) ef þetta pirrar mig eitthvað. vissulega er það ekki beint straumlínulaga eins og er.

en það er allavega ekki á dagskrá næstu vikurnar :)

[ellisnorra]

Þetta er mjög flott hjá þér Lalli. Innilega til hamingju, vonandi reynist þetta vel eftir alla þessa vinnutíma og þúsundkalla :)

[Polarbear]

takktakk, já maður getur bara vonað. ég veit nú þegar að ég þarf að smíða hjólabúnaðinn uppá nýtt. þetta er ekki nógu sterkt hjá mér og ég þarf að nota öflugri loftpúða. ég nenni því þó ekki fyrir þetta sumar, svo vagninn verður notaður eins og hann er í sumar, maður fer bara varlega :) svo verður alveg nýtt hjólasýstem/beislisjúnit smíðað í vetur með stærri púðum og meira fjöðrunarsviði. eins verða innréttingar vonandi smíðaðar í vetur :) svona er víst aldrei búið :)

[Stebbi]

Gott að sjá að þú ert með rétta merkið á kassanum, þú átt eftir að fara langt í því einu saman.

[Polarbear]

Fyrsta alvöru útilegan afstaðin og kofinn stóð sig með prýði! dró kvikindið 1000 km og ekkert kom uppá. En það tekur alveg í :) er c.a. með 20L/100km með þetta aftaní á 35" 80 krúser... þetta er hlýtt og gott og klettstöðugt! Extra prik fyrir þá sem geta sér rétt til um á hvaða tjaldsvæði ég er staddur á þessari mynd:

[Geiri]

Þetta er tekið á tjaldsvæðinu við hótel Bjarkalund ef mér skjátlast ekki.

[Polarbear]

Þetta er tekið á tjaldsvæðinu við hótel Bjarkalund ef mér skjátlast ekki.

rokkstig fyrir þig! er þetta svona dead-giveaway? eða ertu heimamaður þarna?