Cherokee XJ - Breytingar fyrir 39,5"
Cherokee XJ - Breytingar fyrir 39,5"
Verður maður ekki líka að vera með og pósta inn myndum af breytingaferlinu á jeppanum, það er alltaf gaman að skoða myndir af breytingaferli hjá öðrum. Færði þetta af Jeepclub.is síðunni og ætla frekar að viðhalda þessu hér ......
Var lengi búinn að ganga með það í maganum að kaupa mér Cherokee XJ og lét verða af því þegar ég seldi 44" Pattann. Keypti mér óbreyttan bíl haustið 2010 og breytti honum fyrir 39,5" veturinn 2010-2011.
Þetta er 1995 módel af Cherokee XJ, hann er með 190 hestafla 4.0 High Output bensínmótor með Aisin AW-4 fjögurra þrepa sjálfskiptingu (sama og er í LC90) og NP242 Selec-trac millikassa. Hann var hækkaður um 5 cm á fjöðrun þegar ég fékk hann, búið var að stækka olíukæli fyrir sjálfskiptinguna og það var komin AirCon loftdæla í húddið en að öðru leiti var hann orginal. Bíllinn er skráður 1550 kg óbreyttur en er eitthvað um 1750 kg eftir breytingarnar á 39,5“ Irok. Stefnan var að ná honum undir 2000 kg ferðbúinn með ökumanni og farþega en líklega er hann nær 2100 kg ferðbúinn með farangri, varahlutum, verkfærum og bensíni.
Allt rifið innan úr honum
Kom fljótlega í ljós að gólfið var orðið doldið mikið riðgað
Gat á gólfi yfir fremri fjaðrafestingum
Svo keypti ég hitt og þetta frá Ameríkuhreppi til að nota í breytinguna.
4.56 hlutföll í D30 HP (reverse) framhásinguna og í Ford 8.8 afturhásingu - smá stærðarmunur :-)
Flange yoke adaptor
Handbremsubarkar sem passa á milli Cherokee og Ford 8.8
TrueTrac (Torsen) sjálfvirkur gírlás í framhásinguna.
Legusett í bæði drif
Ford 8.8 hásing sem fer undir að aftan með diskabremsum, tregðulæsing sett í, ný bremsurör, diskar renndir ofl. Keypti mér 1/2" spacer hvoru megin þar sem hún er tommu mjórri en D30 framhásingin, dekkin rákust í fjaðraklemmur og ég vildi ekki hafa of mikinn mun á breiddinni á fram og afturköntum en hún er þónokkur fyrir.
Flangsinn á Ford 8.8. Notaði ´Flange yoke adaptor´ til að láta Cherokee Drifskaftið tala við hann, get þá notað orginal Cherokee krossa í skaftið.
Unnið í að koma nýjum hlutföllum í drif
Það er orðið erfitt að finna góðar felgur með litlu 5 gata deilingunni. Lét því breyta 13" breiðum White spoke felgum sem voru með 90mm backspace, miðjurnar voru færðar í 130mm, felgusætin völsuð upp ásamt innri brún og þær síðan sandblásnar og málaðar (ekki endanlegur litur á felgunum á þessum myndum).
Klippt vel úr og soðið í
Búið að gera við gólfið, enduðum á því að skipta út öllu gólfinu frá afturhjólskál og fram í hvalbak á milli sílsa og gírkassa. Þetta ætti að duga út líftíma bílsins :-)
Hækkaður um 10cm að aftan og hásing færð um 3-4 cm, ákvað að halda fjöðrunum að aftan. Allar bremsuslöngur úr Cherokee.
Gormasæti hækkað upp að framan um 10 cm og fært aftur á hásingu um 3 cm (hásing færð fram), hásingin styrkt með þverstöng á milli spindilarma, efri stífur hækkaðar á hásingunni um 7 cm, kúlulið á þverstífu skipt út að ofan fyrir fóðringu (eins og er að neðan) og halli lagfærður, stýrisgangur hafður óbreyttur.
Neðri stífur færðar niður um 8 cm og fram um 3 cm.
Síðan var millikassa biti síkkaður niður um nokkra centimetra til að laga hallann á afturdrifskaftinu, afturdrifskaft lengt og einfalda liðnum breytt aðeins vegna aukins halla á skafti (tekið úr honum þannig að hann gæti stnúist við meiri halla á skaftinu).
Farinn að standa í lappirnar
Doldið hár að aftan, "nýju" fjaðrirnar aðeins of sperrtar .....
Unnið í köntunum, fékk þá af öðrum bíl og voru framkantarnir aðeins skemmdir, gerðum við með trebba
Mjókkaði bæði fram- og afturkantana þar sem ég jók backspace talsvert á felgunum. Merkti nú bara fyrir þessu með "auganu" og skar úr með slípirokk, kom ágætlega út :-)
Kantar grunnaðir
Verið að máta kanta á og undirbúa að festingar. Kantarnir voru einfaldlega kíttaðir á með límkítti (enginn flangsi) og styrktir aðeins með álvinklum. Þarna vantar ennþá spacera að aftan.
Kantarnir komnir á og byrjað að vinna í frágangi
Box fyrir aukarafkerfi í húddinu. Fékk mér relay box úr Subaru Legacy á partasölu, hreinsaði innan úr því og setti þar öryggjabretti og fjögur relay. kostaði allt saman um 10 þús.kr. Rændi mér stýristraum frá parkinu og háuljósunum beint úr framljósinu.
Búið að velja rofunum stað í miðjustokknum, bara nokkuð þægilegt að tengja þetta þarna, komst í jörð á festingunum fyrir stokkinn.
Setti VHF stöðina í hólf í miðjustokknum, fínn staður en þurfti að fórna miðstöðvarblæstrinum til aftursætana sem lá í gegnum rör undir stokknum. Getur verið að ég breyti þessu aftur og reyni að koma rörinu fyrir. Rofinn vinstra megin á panelnum stýrir því hvort rofinn fyrir kastarana fái stýrirstraum frá parkinu eða háuljósunum. Ansi þægilegt að geta tengt kastarana við háu ljósin á þjóðveginum en það er jafnframt pirrandi að hafa þá stillingu á fjöllum og því gott að geta svissað yfir í parkljósa stillinguna :-)
Rofar fyrir kastara, vinnuljós og loftdælu frágengnir í miðjustokki
Græjan tilbúin á 38" Mudder og búið að breytingaskoða. Bara nokkuð sáttur við útkomuna :-)
Hér er hann kominn á 39,5" Irok, samsvarar sér bara fjandi vel þó að hann sé of lágur að framan ennþá ! Þessi dekk eru hreint út sagt frábær keyrsludekk, ekki til hopp né titringur í þessu, mjög sáttur.
Hér er búið að hækka hann um 3 cm að framan, kominn í sína endanlega mynd.
Prófílbeisli komin undir að framan, hönnunin á beislinu að framan er stolin frá Frey (http://www.jeepclub.is/spjall/index.php?topic=147.0), hann fær höfundarréttarlaun seinna í formi grillaðrar pulsu á fjöllum :-) Beislið er alveg falin á bak við stuðarann nema tekið er úr honum fyrir prófíltenginu sjálfu.
Svona er staðan í dag, Xenon kastararnir komnir á með endanlegum festingum, búið að mála stuðara og kastarafestingar að framan og setja á vinnuljós, búið að smíða undir hann prófílbeisli að aftan, vinnuljós frágengin og tengd, búið að skipta út ryðguðum sílsum, skipti um spindilkúlur vm að framan og eitthvað fleira smotterí.
Næst á dagskrá er að setja loftkerfi með kút í bílinn og fasttengja loftdælu, setja lengri progressíva gorma að framan og svo er ég að spá í að setja rofa til að handstýra sjálfskiptitölvunni. Vil geta stýrt því hvort bíllinn er í 1 eða 2 gír og líka að getað slökkt á lockup-inu svo hann sé ekki setja það á í brekkum í vetrarferðum. Þetta er tiltölulega einföld aðgerð þegar búið er að finna réttu vírana frá stýringunni fyrir sjálfskiptinguna (TCU).
Þegar ég skipti um púst þá ætla ég að fara í aðgerðir varðandi öndun að og frá vélinni en það verður líklega ekki alveg strax.
Var lengi búinn að ganga með það í maganum að kaupa mér Cherokee XJ og lét verða af því þegar ég seldi 44" Pattann. Keypti mér óbreyttan bíl haustið 2010 og breytti honum fyrir 39,5" veturinn 2010-2011.
Þetta er 1995 módel af Cherokee XJ, hann er með 190 hestafla 4.0 High Output bensínmótor með Aisin AW-4 fjögurra þrepa sjálfskiptingu (sama og er í LC90) og NP242 Selec-trac millikassa. Hann var hækkaður um 5 cm á fjöðrun þegar ég fékk hann, búið var að stækka olíukæli fyrir sjálfskiptinguna og það var komin AirCon loftdæla í húddið en að öðru leiti var hann orginal. Bíllinn er skráður 1550 kg óbreyttur en er eitthvað um 1750 kg eftir breytingarnar á 39,5“ Irok. Stefnan var að ná honum undir 2000 kg ferðbúinn með ökumanni og farþega en líklega er hann nær 2100 kg ferðbúinn með farangri, varahlutum, verkfærum og bensíni.
Allt rifið innan úr honum
Kom fljótlega í ljós að gólfið var orðið doldið mikið riðgað
Gat á gólfi yfir fremri fjaðrafestingum
Svo keypti ég hitt og þetta frá Ameríkuhreppi til að nota í breytinguna.
4.56 hlutföll í D30 HP (reverse) framhásinguna og í Ford 8.8 afturhásingu - smá stærðarmunur :-)
Flange yoke adaptor
Handbremsubarkar sem passa á milli Cherokee og Ford 8.8
TrueTrac (Torsen) sjálfvirkur gírlás í framhásinguna.
Legusett í bæði drif
Ford 8.8 hásing sem fer undir að aftan með diskabremsum, tregðulæsing sett í, ný bremsurör, diskar renndir ofl. Keypti mér 1/2" spacer hvoru megin þar sem hún er tommu mjórri en D30 framhásingin, dekkin rákust í fjaðraklemmur og ég vildi ekki hafa of mikinn mun á breiddinni á fram og afturköntum en hún er þónokkur fyrir.
Flangsinn á Ford 8.8. Notaði ´Flange yoke adaptor´ til að láta Cherokee Drifskaftið tala við hann, get þá notað orginal Cherokee krossa í skaftið.
Unnið í að koma nýjum hlutföllum í drif
Það er orðið erfitt að finna góðar felgur með litlu 5 gata deilingunni. Lét því breyta 13" breiðum White spoke felgum sem voru með 90mm backspace, miðjurnar voru færðar í 130mm, felgusætin völsuð upp ásamt innri brún og þær síðan sandblásnar og málaðar (ekki endanlegur litur á felgunum á þessum myndum).
Klippt vel úr og soðið í
Búið að gera við gólfið, enduðum á því að skipta út öllu gólfinu frá afturhjólskál og fram í hvalbak á milli sílsa og gírkassa. Þetta ætti að duga út líftíma bílsins :-)
Hækkaður um 10cm að aftan og hásing færð um 3-4 cm, ákvað að halda fjöðrunum að aftan. Allar bremsuslöngur úr Cherokee.
Gormasæti hækkað upp að framan um 10 cm og fært aftur á hásingu um 3 cm (hásing færð fram), hásingin styrkt með þverstöng á milli spindilarma, efri stífur hækkaðar á hásingunni um 7 cm, kúlulið á þverstífu skipt út að ofan fyrir fóðringu (eins og er að neðan) og halli lagfærður, stýrisgangur hafður óbreyttur.
Neðri stífur færðar niður um 8 cm og fram um 3 cm.
Síðan var millikassa biti síkkaður niður um nokkra centimetra til að laga hallann á afturdrifskaftinu, afturdrifskaft lengt og einfalda liðnum breytt aðeins vegna aukins halla á skafti (tekið úr honum þannig að hann gæti stnúist við meiri halla á skaftinu).
Farinn að standa í lappirnar
Doldið hár að aftan, "nýju" fjaðrirnar aðeins of sperrtar .....
Unnið í köntunum, fékk þá af öðrum bíl og voru framkantarnir aðeins skemmdir, gerðum við með trebba
Mjókkaði bæði fram- og afturkantana þar sem ég jók backspace talsvert á felgunum. Merkti nú bara fyrir þessu með "auganu" og skar úr með slípirokk, kom ágætlega út :-)
Kantar grunnaðir
Verið að máta kanta á og undirbúa að festingar. Kantarnir voru einfaldlega kíttaðir á með límkítti (enginn flangsi) og styrktir aðeins með álvinklum. Þarna vantar ennþá spacera að aftan.
Kantarnir komnir á og byrjað að vinna í frágangi
Box fyrir aukarafkerfi í húddinu. Fékk mér relay box úr Subaru Legacy á partasölu, hreinsaði innan úr því og setti þar öryggjabretti og fjögur relay. kostaði allt saman um 10 þús.kr. Rændi mér stýristraum frá parkinu og háuljósunum beint úr framljósinu.
Búið að velja rofunum stað í miðjustokknum, bara nokkuð þægilegt að tengja þetta þarna, komst í jörð á festingunum fyrir stokkinn.
Setti VHF stöðina í hólf í miðjustokknum, fínn staður en þurfti að fórna miðstöðvarblæstrinum til aftursætana sem lá í gegnum rör undir stokknum. Getur verið að ég breyti þessu aftur og reyni að koma rörinu fyrir. Rofinn vinstra megin á panelnum stýrir því hvort rofinn fyrir kastarana fái stýrirstraum frá parkinu eða háuljósunum. Ansi þægilegt að geta tengt kastarana við háu ljósin á þjóðveginum en það er jafnframt pirrandi að hafa þá stillingu á fjöllum og því gott að geta svissað yfir í parkljósa stillinguna :-)
Rofar fyrir kastara, vinnuljós og loftdælu frágengnir í miðjustokki
Græjan tilbúin á 38" Mudder og búið að breytingaskoða. Bara nokkuð sáttur við útkomuna :-)
Hér er hann kominn á 39,5" Irok, samsvarar sér bara fjandi vel þó að hann sé of lágur að framan ennþá ! Þessi dekk eru hreint út sagt frábær keyrsludekk, ekki til hopp né titringur í þessu, mjög sáttur.
Hér er búið að hækka hann um 3 cm að framan, kominn í sína endanlega mynd.
Prófílbeisli komin undir að framan, hönnunin á beislinu að framan er stolin frá Frey (http://www.jeepclub.is/spjall/index.php?topic=147.0), hann fær höfundarréttarlaun seinna í formi grillaðrar pulsu á fjöllum :-) Beislið er alveg falin á bak við stuðarann nema tekið er úr honum fyrir prófíltenginu sjálfu.
Svona er staðan í dag, Xenon kastararnir komnir á með endanlegum festingum, búið að mála stuðara og kastarafestingar að framan og setja á vinnuljós, búið að smíða undir hann prófílbeisli að aftan, vinnuljós frágengin og tengd, búið að skipta út ryðguðum sílsum, skipti um spindilkúlur vm að framan og eitthvað fleira smotterí.
Næst á dagskrá er að setja loftkerfi með kút í bílinn og fasttengja loftdælu, setja lengri progressíva gorma að framan og svo er ég að spá í að setja rofa til að handstýra sjálfskiptitölvunni. Vil geta stýrt því hvort bíllinn er í 1 eða 2 gír og líka að getað slökkt á lockup-inu svo hann sé ekki setja það á í brekkum í vetrarferðum. Þetta er tiltölulega einföld aðgerð þegar búið er að finna réttu vírana frá stýringunni fyrir sjálfskiptinguna (TCU).
Þegar ég skipti um púst þá ætla ég að fara í aðgerðir varðandi öndun að og frá vélinni en það verður líklega ekki alveg strax.
Síðast breytt af AgnarBen þann 18.nóv 2012, 18:37, breytt 8 sinnum samtals.
Re: Cherokee XJ - Breytingar fyrir 39,5"
svopni wrote:Snilld. Reyndar búinn að liggja þónokkuð yfir þessum myndm hjá þér :) Veikir það ekkert jókann að taka svona úr honum? Ég er að spá í að gera það hjá mér þar sem að þetta leggst saman í sundurslætti.
Ég veit að þetta hefur verið gert á fleiri bílum og hefur verið til friðs, þetta er amk í lagi ennþá hjá mér :)
-
- Innlegg: 1164
- Skráður: 05.maí 2011, 14:49
- Fullt nafn: Sveinn Haraldsson
- Bíltegund: Toyota hilux
- Staðsetning: Dalvík
Re: Cherokee XJ - Breytingar fyrir 39,5"
Hrikalega flottur hjá þér.Snirtileg og flott smíð. Átt hrós skilið fyrir þetta :)
Sveinn Haraldsson
Toyota hilux 38"
Toyota hilux 38"
Re: Cherokee XJ - Breytingar fyrir 39,5"
Flott verkefni!! gaman að fá svona margar og góðar myndir og sérstaklega að sjá að þú kráraðir bíllin og ekki á nokkrum árum einsog oft vill vera hjá mönnum! það er ekki nema í 10% af svona þráðum að verkefnin klárast og að það séu myndir frá byrjun til enda:)
Flottur bíll! ;)
Flottur bíll! ;)
Ford F350 6.0 '05
Benz E55 Amg '98 til sölu
Skidoo Summit 860cc 154" '08
Til sölu varahlutir úr Patrol '02!
Jóhann - 6601605
Benz E55 Amg '98 til sölu
Skidoo Summit 860cc 154" '08
Til sölu varahlutir úr Patrol '02!
Jóhann - 6601605
Re: Cherokee XJ - Breytingar fyrir 39,5"
Þetta kemur vel út, og gaman að skoða breytingaferlið.
Kv. Villi, hamingjusamur Patroleigandi :)
Kv. Villi, hamingjusamur Patroleigandi :)
-
- Innlegg: 270
- Skráður: 01.feb 2010, 04:35
- Fullt nafn: Kristján Y. Brynjólfsson
- Bíltegund: Nissan Patrol
Re: Cherokee XJ - Breytingar fyrir 39,5"
Sæll
Flott verkefni og flott smíði hjá þér, laglegur jeppi.
Hvernig vinnuljós eru þetta hjá þér? mér sýnist þau bara nokkuð nett á stærðina að gera..
Flott verkefni og flott smíði hjá þér, laglegur jeppi.
Hvernig vinnuljós eru þetta hjá þér? mér sýnist þau bara nokkuð nett á stærðina að gera..
Re: Cherokee XJ - Breytingar fyrir 39,5"
Takk fyrir strákar, þetta er búið að vera skemmtilegt ferli að breyta græjunni og það er ennþá fullt sem mann langar til að gera í viðbót :) Þetta hefði þó aldrei gengið svona hratt fyrir sig ef ég hefði gert þetta allt sjálfur en ég fékk góðan mann til að vinna undirvagnsbreytinguna og suðuvinnuna. Restina dundaði maður síðan sjálfur í á kvöldin og um helgar.....
Re: Cherokee XJ - Breytingar fyrir 39,5"
stjanib wrote:
Hvernig vinnuljós eru þetta hjá þér? mér sýnist þau bara nokkuð nett á stærðina að gera..
Þetta voru nettustu vinnuljósin sem ég fann, keypti þetta í Stillingu http://www.stilling.is/vorur/vara/CT1510138/
Re: Cherokee XJ - Breytingar fyrir 39,5"
Er loksins búinn að ganga frá loftkerfinu í Cherokee-inum, var doldið að vandræðast með hvar ég ætti að hafa þetta en ákvað að lenda þessu svona. Ég vildi ekki hafa dæluna í húddinu út af hitanum þar, held hún þoli það ekki og það var ekki heldur pláss þar fyrir kútinn. Eini annar staðurinn fyrir dæluna var í skottinu og ég ákvað því að hafa þetta bara allt á einum stað, þetta var tiltölulega einfalt í framkvæmd svona.
Þetta er doldið "rough" svona en mér er nokk sama, þetta er jeppi :) Svo er bíllinn líka með litaðar rúður þannig að þetta sést ekki utan frá.
Frágengið í skottinu með álloftkút
Loftúttak í bensínloki
Þar sem ég fann litlar sem engar upplýsingar um hvernig ég ætti að setja þetta upp þá setti ég niður nokkra punkta um hvernig ég tengdi þetta. ATH að það óþarfi að nota tvö relay frekar en menn vilja ......
Svona virkar þetta svo:
1. Þegar ýtt er á takkan í stokknum frammi þá hleypir hann "stýristraumi" í gegnum relay (er á 7,5 A öryggi) aftur í skott
2. "stýristraumurinn" er tengdur í gegnum segulrofa annars vegar í loftloka og hins vegar í annað relay sem er í skottinu.
3. Segulrofinn er staðsettur á úttaki úr kút en hann hleypir straumi í gegnum sig upp í 7 bör (~100 psi) en slær þá út (rífur strauminn að relay og loftloka). Þegar þrýstingurinn hefur lækkað niður í 5,5 bör (~80 psi) þá slær hann aftur inn og hleypir straumi í gegnum sig.
4. Loflokinn er staðsettur á inntakslögninni frá dælunni að kútnum en einstefnuloki er á lögninni á milli loftlokans og kútsins. Þegar straumur rofnar til loftlokans hleypir hann lofti í gegnum sig og stenfur opinn en tilgangurinn með honum er að hleypa af þrýstingi úr lögninni frá dælunni að einstefnulokanum þegar hún slekkur á sér. Þetta er gert til að hlífa dælunni þannig að hún þurfi ekki að starta undnir álagi.
5. Seinna relay-ið í skottinu leiðir höfustrauminn frá 50A örygginu að dælunni og fær stýrirstraum frá segulrofanum.
6. Loftmælirinn er bara staðsettur þarna til bráðabirgða, á eftir að finna góðan stað fyrir hann. Held ég muni hafa hann í skottinu, hef engan áhuga á að fylgjast með þrýstingnum í kútnum þegar einungis er verið að nota kerfið til að dæla lofti í dekkin.
Fleiri myndir af ferlinu eru hér: http://agnarben.fotki.com/jepparnir/breytingar--cheroke/page4.html
Þetta er doldið "rough" svona en mér er nokk sama, þetta er jeppi :) Svo er bíllinn líka með litaðar rúður þannig að þetta sést ekki utan frá.
Frágengið í skottinu með álloftkút
Loftúttak í bensínloki
Þar sem ég fann litlar sem engar upplýsingar um hvernig ég ætti að setja þetta upp þá setti ég niður nokkra punkta um hvernig ég tengdi þetta. ATH að það óþarfi að nota tvö relay frekar en menn vilja ......
Svona virkar þetta svo:
1. Þegar ýtt er á takkan í stokknum frammi þá hleypir hann "stýristraumi" í gegnum relay (er á 7,5 A öryggi) aftur í skott
2. "stýristraumurinn" er tengdur í gegnum segulrofa annars vegar í loftloka og hins vegar í annað relay sem er í skottinu.
3. Segulrofinn er staðsettur á úttaki úr kút en hann hleypir straumi í gegnum sig upp í 7 bör (~100 psi) en slær þá út (rífur strauminn að relay og loftloka). Þegar þrýstingurinn hefur lækkað niður í 5,5 bör (~80 psi) þá slær hann aftur inn og hleypir straumi í gegnum sig.
4. Loflokinn er staðsettur á inntakslögninni frá dælunni að kútnum en einstefnuloki er á lögninni á milli loftlokans og kútsins. Þegar straumur rofnar til loftlokans hleypir hann lofti í gegnum sig og stenfur opinn en tilgangurinn með honum er að hleypa af þrýstingi úr lögninni frá dælunni að einstefnulokanum þegar hún slekkur á sér. Þetta er gert til að hlífa dælunni þannig að hún þurfi ekki að starta undnir álagi.
5. Seinna relay-ið í skottinu leiðir höfustrauminn frá 50A örygginu að dælunni og fær stýrirstraum frá segulrofanum.
6. Loftmælirinn er bara staðsettur þarna til bráðabirgða, á eftir að finna góðan stað fyrir hann. Held ég muni hafa hann í skottinu, hef engan áhuga á að fylgjast með þrýstingnum í kútnum þegar einungis er verið að nota kerfið til að dæla lofti í dekkin.
Fleiri myndir af ferlinu eru hér: http://agnarben.fotki.com/jepparnir/breytingar--cheroke/page4.html
Síðast breytt af AgnarBen þann 25.nóv 2011, 11:24, breytt 2 sinnum samtals.
-
- Innlegg: 322
- Skráður: 02.feb 2010, 12:55
- Fullt nafn: Þorvarður Lárusson
- Bíltegund: Musso cherokee ofl
Re: Cherokee XJ - Breytingar fyrir 39,5"
Laglegur bíll hjá þér. Ég hef verið að velta fyrir mér að vekja minn svona aftur til lífsins. Fannst hann alltaf þræl skemmtilegur sérstaklega eftir að ég setti 350 vélina í hann. Samhliða þeirri aðgerð færði ég stýrismaskinuna niður og fékk þannig orginað halla á stýrisganginn við það varð bíllinn æðislegur í akstri á 38" aldrei vottur af jeppaveiki eða neitt þessháttar samt var enginn stýrisdempari eða nein hjálpartól.
Re: Cherokee XJ - Breytingar fyrir 39,5"
Takk fyrir það, ég er með orginal halla á stýrisganginum og hann er flottur í akstri á þessum dekkjum. 4 lítra vélin er ágæt þó meira sé alltaf betra, V8 er amk frekar neðarlega á listann ennþá :) Vil frekar að halda áfram að þróa bílinn sem góðan ferðabíl áður en ég bæti við meiri krafti.
Re: Cherokee XJ - Breytingar fyrir 39,5"
svopni wrote:Afhverju ekki bara að leggja vírana úr rofanum á dælunni framí?
Það er eina rétta leiðin.
Ástæðan fyrir því að ég gerði þetta svona var að ég ætlaði fyrst ekki að vera með takka, ég ætlaði bara að slökkva á dælunni með takkanum á henni aftur í þegar ég vildi ekki að kerfið væri "virkt" en svo þegar ég var búinn að tengja þetta þá fattaði ég að í hvert skipti sem ég svissaði á bílinn þá klikkaði alltaf í relay-inu aftur í. Ég ákvað því að nota takka og relay sem búið var að leggja fyrir áður til að stýra straumi að seinna relay-inu :) ....... Núna hef ég takkann á dælunni bara alltaf á on en kveiki/slekk á kerfinu með takkanum frammí.
Síðast breytt af AgnarBen þann 01.des 2011, 11:12, breytt 1 sinni samtals.
Re: Cherokee XJ - Breytingar fyrir 39,5"
Sæll Agnar
Ein ábending varðandi loftkútinn. Það væri betra ef þú gætir snúið honum í festingunum þannig að kúlulokinn snúi beint niður, eins og þetta er hjá þér núna situr alltaf eitthvað vatn eftir í kútnum þó þú hleypir undan honum.
Kv. Freyr
P.S. Það er hrikalega töff að eiga og breyta grænum XJ fyrir snjóakstur ;-)
Ein ábending varðandi loftkútinn. Það væri betra ef þú gætir snúið honum í festingunum þannig að kúlulokinn snúi beint niður, eins og þetta er hjá þér núna situr alltaf eitthvað vatn eftir í kútnum þó þú hleypir undan honum.
Kv. Freyr
P.S. Það er hrikalega töff að eiga og breyta grænum XJ fyrir snjóakstur ;-)
Re: Cherokee XJ - Breytingar fyrir 39,5"
Freyr wrote:Sæll Agnar
Ein ábending varðandi loftkútinn. Það væri betra ef þú gætir snúið honum í festingunum þannig að kúlulokinn snúi beint niður, eins og þetta er hjá þér núna situr alltaf eitthvað vatn eftir í kútnum þó þú hleypir undan honum.
Kv. Freyr
P.S. Það er hrikalega töff að eiga og breyta grænum XJ fyrir snjóakstur ;-)
Já, ég er búinn að snúa honum niður eins og hægt er, ég var ennþá að stilla þetta af þegar ég tók myndina.
Við verðum svo að taka góðan túr eftir áramót þegar þú ert kominn aftur á lappirnar, leyfum kannski einhverjum japönskum þungarvigtarmönnum að koma með eins og Óskari Andra og Ólafi Arnari ;-)
Re: Cherokee XJ - Breytingar fyrir 39,5"
Nýjustu viðbæturnar
Keypti mér Cherry Bomb Vertex opinn hljóðkút og Flowtech RedHot 40cm túbu (opin) og lét síðan smíða 2,5" opin pústkerfi undir bílinn. Soundar flott núna en ekki of hátt og er með léttari vinnslu :) Á samt ennþá eftir að auka loftflæðið að vélinni
Keypti mér nýja progressíva gorma að framan, þeir eru frá Moog CC782 og eru ca 45 cm langir án álags (ca 2,5-3 cm lengri en orginal gormarnir) og með 1,5mm meiri efnisþykkt þannig að þeir eru mun stífari.
Gamli og nýi
Tók 3 cm hækkun sem var ofan á gömlu gormunum. Bíllinn hækkaði samt um 1 cm þegar þeir nýju voru komnir í þrátt fyrir að hafa tekið upphækkunina en væntanlega eiga þeir eftir að síga eitthvað, kemur fljótlega í ljós. Mun stífari fjöðrun að framan og hann slær ekki lengur saman. Mjög ánægður með þessa breytingu.
Keypti mér Cherry Bomb Vertex opinn hljóðkút og Flowtech RedHot 40cm túbu (opin) og lét síðan smíða 2,5" opin pústkerfi undir bílinn. Soundar flott núna en ekki of hátt og er með léttari vinnslu :) Á samt ennþá eftir að auka loftflæðið að vélinni
Keypti mér nýja progressíva gorma að framan, þeir eru frá Moog CC782 og eru ca 45 cm langir án álags (ca 2,5-3 cm lengri en orginal gormarnir) og með 1,5mm meiri efnisþykkt þannig að þeir eru mun stífari.
Gamli og nýi
Tók 3 cm hækkun sem var ofan á gömlu gormunum. Bíllinn hækkaði samt um 1 cm þegar þeir nýju voru komnir í þrátt fyrir að hafa tekið upphækkunina en væntanlega eiga þeir eftir að síga eitthvað, kemur fljótlega í ljós. Mun stífari fjöðrun að framan og hann slær ekki lengur saman. Mjög ánægður með þessa breytingu.
Re: Cherokee XJ - Breytingar fyrir 39,5"
Fínasti bíll!
Mér finnst barnastóllinn og loftkúturinn ekki lifa í góðri sambúð.
BO
Mér finnst barnastóllinn og loftkúturinn ekki lifa í góðri sambúð.
BO
Re: Cherokee XJ - Breytingar fyrir 39,5"
bjornod wrote:Fínasti bíll!
Mér finnst barnastóllinn og loftkúturinn ekki lifa í góðri sambúð.
BO
Sammála, ég nota aldrei loftkútinn þegar börnin eru í bílnum, þá fer loftið bara beint í gegn og hann er alltaf tómur í byggð og reyndar þá er ég oft með hann tómann á fjöllum líka, ég fylli hann bara svona þegar ég sé fram á að ég þurfi að fara að pumpa :)
Re: Cherokee XJ - Breytingar fyrir 39,5"
Alltaf verið að betrumbæta, flott þetta loftkerfi í skottinu. En nú verð ég að segja svolítið óvinsælt, þú verður bara að afsaka það. Nú erum við báðir í smábarnaútgerð af fullum krafti og allt miðast við blessuð börnin. Þú verður að smíða miklu betri/öflugri festingu fyrir loftkútinn í skottinu, eða færa hann. Ég fékk sjokk þegar ég sá hvar hann er staðsettur, þessar boddýskrúfur halda engu ef þú lendir í hörðum árekstri.
Þú fyrirgefur þetta Aggi minn, en ég varð bara að segja þetta. Að öllu öðru leyti finnst mér þetta frábær bíll hjá þér.
Kveðja,
Stebbi skólabróðir
Þú fyrirgefur þetta Aggi minn, en ég varð bara að segja þetta. Að öllu öðru leyti finnst mér þetta frábær bíll hjá þér.
Kveðja,
Stebbi skólabróðir
Re: Cherokee XJ - Breytingar fyrir 39,5"
Ég tek vel í allar ábendingar og skoðanir en ég held reyndar að þetta fari ekki neitt, þetta er álkútur og hann er fisléttur og þetta er allt rígfast saman sem eitt júnit með dælunni og slöngunum. Ég verð samt að viðurkenna það að þú hefur aðeins hreyft við samviskunni hjá mér ..... kannski ég endurskoði eða betrumbæti þetta.
Síðast breytt af AgnarBen þann 26.jan 2012, 17:50, breytt 1 sinni samtals.
-
- Innlegg: 3176
- Skráður: 31.jan 2010, 16:02
- Fullt nafn: Gísli J Gíslason
- Bíltegund: Nissan patrol
- Staðsetning: Þarna fyrir austan.
Re: Cherokee XJ - Breytingar fyrir 39,5"
Fyrir okkur sem eru í smábarnaútgerðinni er nauðsinlegt að hafa það altaf í huga þegar við erum að betrumbæta jeppana okkar :) Það vill svo heppilega til að það er nóg pláss á bakvið klæðninguna í skottinu á pattanum til að koma dæluni fyrir. Þá fer hún ekki neitt. Það eru 2 hólf þarna á bakvið og ég nota þau ekkert. Og hafði hugsað mér að vera með loftkerfi þar. Ég er reyndar ekki búinn að ákveða alveg hvar ég ætla að hafa loftkútinn. En dælan verður allavega þarna á bakvið. Mér datt nú reyndar í hug að koma kútnum kanski fyrir undir bílnum. Hvað segja menn við því. Ég segi eins og Aggi. Ég tek vel í allar ábendingar :)
Kv. Gísli
Nissan Patrol 1992 6.5 detroit diesel 46" Trölli
Isuzu Trooper 2003 3.1 TDI[b]37"/b] vinnu og veiði bíllinn
Audi Q7 3.0 TDI frúar vagninn
Nissan Patrol 1992 6.5 detroit diesel 46" Trölli
Isuzu Trooper 2003 3.1 TDI[b]37"/b] vinnu og veiði bíllinn
Audi Q7 3.0 TDI frúar vagninn
-
- Innlegg: 79
- Skráður: 17.jan 2012, 19:45
- Fullt nafn: Guðjón Þorsteinsson
- Bíltegund: Suzuki Samurai 92'
- Staðsetning: Borgarfjörður
Re: Cherokee XJ - Breytingar fyrir 39,5"
Ansi hreint myndarlegur jeppi og gaman að skoða myndirnar.
-
- Innlegg: 277
- Skráður: 17.jan 2012, 12:40
- Fullt nafn: Björgvin Björgvinsson
- Bíltegund: LC 80
Re: Cherokee XJ - Breytingar fyrir 39,5"
Gríðarlega flott breyting hjá þér á þessum bíl, án efa snilldarbíll í snjó
Land Cruiser 80 1991
Re: Cherokee XJ - Breytingar fyrir 39,5"
Takk fyrir strákar, ég er mjög sáttur við hann, það sem ég er búinn að prófa hann í vetur í snjó þá uppfyllir hann allar mínar væntingar :)
Tvær myndir af honum í sínu "náttúrulega" umhverfi ....
Á Mosfellsheiði í des. 2011
Á leið í Setrið jan. 2012
Tvær myndir af honum í sínu "náttúrulega" umhverfi ....
Á Mosfellsheiði í des. 2011
Á leið í Setrið jan. 2012
-
- Innlegg: 277
- Skráður: 17.jan 2012, 12:40
- Fullt nafn: Björgvin Björgvinsson
- Bíltegund: LC 80
Re: Cherokee XJ - Breytingar fyrir 39,5"
Er eitthvað hægt að bera þetta saman við Patrolinn þinn man vel eftir honum
Land Cruiser 80 1991
-
- Innlegg: 88
- Skráður: 13.apr 2011, 20:23
- Fullt nafn: mikael ekardson
- Bíltegund: Jeep, Ford
- Staðsetning: Vestfirðir
Re: Cherokee XJ - Breytingar fyrir 39,5"
(""Þetta voru nettustu vinnuljósin sem ég fann, keypti þetta í Stillingu"")
http://www.stilling.is/vorur/vara/CT1510138/
keypti petta ljos i Bílabúð Benna, engin 6000,-
http://www.stilling.is/vorur/vara/CT1510138/
keypti petta ljos i Bílabúð Benna, engin 6000,-
38" xj árg 87
Ford f 150 árg 04
Ford f 150 árg 04
-
- Innlegg: 277
- Skráður: 17.jan 2012, 12:40
- Fullt nafn: Björgvin Björgvinsson
- Bíltegund: LC 80
Re: Cherokee XJ - Breytingar fyrir 39,5"
Var með svona ljós á mínum gamla þetta kom mjög vel út og þoldi vel öll veður
Land Cruiser 80 1991
Re: Cherokee XJ - Breytingar fyrir 39,5"
lc80cruiser1 wrote:Er eitthvað hægt að bera þetta saman við Patrolinn þinn man vel eftir honum
Já og nei, Patrol-inn var betri ferðabíll, þe fjöðrunin var betri og 44" fór einstaklega vel með mann í snjó, það var hægt að fylla hann af ferðadóti án þess að hann fyndi fyrir því og viðhaldið var ekki mjög mikið (fyrir utan eina vél :) Þessi Cherokee er samt að uppfylla allar mínar væntingar, er fisléttur og flýtur hrikalega vel og Irok dekkin eru snilldardekk í snjónum. Ég held að Cherokee-inn sé bara á pari við Patrolinn í floti en Cherokee-inn hefur yfirburði í brekkum, það eina sem Pattinn hafði kannski umfram er ofurlági milligírinn en það hefur bara ekki reynt á það ennþá í vetur að ég hef eitthvað þurft á svoleiðis að halda í Cheorkee-inum.
Fun factor-inn í Cherokee er aftur á móti laaaaaangtum meiri en í Pattanum ;-)
-
- Innlegg: 374
- Skráður: 19.sep 2011, 20:14
- Fullt nafn: Hrannar Sigfússon
- Bíltegund: Musso Sport 37''
- Staðsetning: Hveragerði
Re: Cherokee XJ - Breytingar fyrir 39,5"
cherokee er góður hef verið mjög ánægður með mína tvo.
varðandi loftkútinn: hann var undir bíl hjá mér fór litið fyrir honum fyrir aftan bensintankinn, reyndar
var kúturinn ekki stór.
fallegur bíll hjá þér tók hann svolitið til fyrirmyndar með seinasta jeepinn sem ég átti :)
varðandi loftkútinn: hann var undir bíl hjá mér fór litið fyrir honum fyrir aftan bensintankinn, reyndar
var kúturinn ekki stór.
fallegur bíll hjá þér tók hann svolitið til fyrirmyndar með seinasta jeepinn sem ég átti :)
Hranni Fúsa
Ssangyong Musso sport 37''
Jeep Grand Cherokee WJ
Ssangyong Musso sport 37''
Jeep Grand Cherokee WJ
Re: Cherokee XJ - Breytingar fyrir 39,5"
Hrannifox wrote:varðandi loftkútinn: hann var undir bíl hjá mér fór litið fyrir honum fyrir aftan bensintankinn, reyndar
var kúturinn ekki stór.
Takk fyrir það, ég er einmitt að fara að í það að breyta þessu setup-i þar sem kínarafmagnsdælan frá Tryggva er eiginlega dáin núna og ég er búinn að redda mér Aircon dælu sem ég er að fara að setja í. Líklega henta betur að hafa kútinn inn í bíl þar sem ég ætla að dunda mér við að útfæra og smíða utanáliggjandi úrhleypibúnað í sumar og ég ætla bara að hafa kistuna inn í bíl með handstýrðum lokum :)
-
- Innlegg: 1160
- Skráður: 02.feb 2010, 10:32
- Fullt nafn: Kristinn Magnússon
- Bíltegund: Wrangler 44"
Re: Cherokee XJ - Breytingar fyrir 39,5"
Hvað fór í dælunni?
Re: Cherokee XJ - Breytingar fyrir 39,5"
Kiddi wrote:Hvað fór í dælunni?
Er ekki búinn að skoða það almennilega ennþá, það kom ægileg hitalykt og svo virðist takkinn vera orðinn óvirkur (hann flaksar bara laus fram og til baka). Líklega hefur eitthvað gefið sig í rafmagnsstýringunni !
-
- Innlegg: 2098
- Skráður: 31.jan 2010, 22:59
- Fullt nafn: Stefán Stefánsson
- Bíltegund: Eitthvað blátt
- Staðsetning: Hafnarfjörður
Re: Cherokee XJ - Breytingar fyrir 39,5"
AgnarBen wrote:Kiddi wrote:Hvað fór í dælunni?
Er ekki búinn að skoða það almennilega ennþá, það kom ægileg hitalykt og svo virðist takkinn vera orðinn óvirkur (hann flaksar bara laus fram og til baka). Líklega hefur eitthvað gefið sig í rafmagnsstýringunni !
Er ekki snertan i takkanum bara brunnin?
Hilux DC 2.4 dísel úrbræddur
Jeep Grand Cherokee 4.7 Seldur
MMC Pajero 2.5TDI 38" Seldur
Ford Econoline 44"
Jeep Grand Cherokee 4.7 Seldur
MMC Pajero 2.5TDI 38" Seldur
Ford Econoline 44"
Re: Cherokee XJ - Breytingar fyrir 39,5"
Stebbi wrote:AgnarBen wrote:Kiddi wrote:Hvað fór í dælunni?
Er ekki búinn að skoða það almennilega ennþá, það kom ægileg hitalykt og svo virðist takkinn vera orðinn óvirkur (hann flaksar bara laus fram og til baka). Líklega hefur eitthvað gefið sig í rafmagnsstýringunni !
Er ekki snertan i takkanum bara brunnin?
Kíki á það.
Re: Cherokee XJ - Breytingar fyrir 39,5"
Skruppum sunnudaginn 11.mars 2012 í Laugarfell og heim aftur á mánudegi. Fengum flott veður á leiðinni heim og hérna eru tvær myndir af gamla ofan á Laugarfelli þar sem við fengum flott útsýni.
Re: Cherokee XJ - Breytingar fyrir 39,5"
Smá update, er búinn að rífa rafmagnsloftdæluna úr og færa loftkútinn neðar í skottinu, mun snyrtilegra svona. Setti AirCon dælu í húddið sem ég er mjög ánægður með, er með smursíu eftir dæluna og smyr hana bara með smá sjálfskipti olíu fyrir hverja ferð, ætla ekkert að vera með neitt sjálfvirkt skömmtunarkerfi.
Svo er ég kominn af stað í lakkviðgerðum, fyrsti fasi var að taka sílsana í gegn, slípa af þeim allt lakk, grunna með Bit ætigrunn og sprauta síðan með grjótmassa og lakka yfir. Hérna eru nokkrar myndir.
Næst á dagskrá er ráðast á ryð sem er að byrja að myndast á þakinu og meðfram afturgluggum, það verður tekið í gegn í byrjun september, hendi inn einhverjum myndum þá líka.
Svo er ég kominn af stað í lakkviðgerðum, fyrsti fasi var að taka sílsana í gegn, slípa af þeim allt lakk, grunna með Bit ætigrunn og sprauta síðan með grjótmassa og lakka yfir. Hérna eru nokkrar myndir.
Næst á dagskrá er ráðast á ryð sem er að byrja að myndast á þakinu og meðfram afturgluggum, það verður tekið í gegn í byrjun september, hendi inn einhverjum myndum þá líka.
Re: Cherokee XJ - Breytingar fyrir 39,5"
AgnarBen wrote:Nýjustu viðbæturnar
Keypti mér Cherry Bomb Vertex opinn hljóðkút og Flowtech RedHot 40cm túbu (opin) og lét síðan smíða 2,5" opin pústkerfi undir bílinn. Soundar flott núna en ekki of hátt og er með léttari vinnslu :) Á samt ennþá eftir að auka loftflæðið að vélinni
Keypti mér nýja progressíva gorma að framan, þeir eru frá Moog CC782 og eru ca 45 cm langir án álags (ca 2,5-3 cm lengri en orginal gormarnir) og með 1,5mm meiri efnisþykkt þannig að þeir eru mun stífari.
Gamli og nýi
Tók 3 cm hækkun sem var ofan á gömlu gormunum. Bíllinn hækkaði samt um 1 cm þegar þeir nýju voru komnir í þrátt fyrir að hafa tekið upphækkunina en væntanlega eiga þeir eftir að síga eitthvað, kemur fljótlega í ljós. Mun stífari fjöðrun að framan og hann slær ekki lengur saman. Mjög ánægður með þessa breytingu.
Sæll Agnar. Gaman að skoða þetta ferli hjá þér, hvar fær maður svona progessiva gorma?
Re: Cherokee XJ - Breytingar fyrir 39,5"
Summit racing selur þetta. Í mínu tilfelli (er með sömu framgorma og Agnar) var ódýrara að kaupa þá gegnum bílabúð benna heldur en að taka þá beint frá summit.
Kv. Freyr
Kv. Freyr
Re: Cherokee XJ - Breytingar fyrir 39,5"
Freyr wrote:Summit racing selur þetta. Í mínu tilfelli (er með sömu framgorma og Agnar) var ódýrara að kaupa þá gegnum bílabúð benna heldur en að taka þá beint frá summit.
Kv. Freyr
Já ókei, takk fyrir upplýsingarnar
Re: Cherokee XJ - Breytingar fyrir 39,5"
Fór loksins í það að græja úrhleypibúnað í Cherokee en ég ákvað að vera með fátækra manna útfærslu á þessu, einungis handstýrðir lokar og ekkert rafmagn. Hér eru nokkrar myndir af minni útfærslu.
Hér er teikning af loftkerfinu eins og það lítur út hjá mér.
Hérna er ca efnið sem fór í þetta (vantar nokkra nippla, hné og T-stykki) en AC dæla og loftkútur ásamt stýringum fyrir hann var nú þegar komið í bílinn.
Loftkista með 6 úttökum, 3/8 snitti á endunum en 1/4 snitti á hliðunum. 10mm lögn að kistu, kúluloki fyrir hvert hjól og 8mm lagnir. Fann þessa nettu kúluloka í Landvélum en flest allt efnið er keypt þar.
Þrýstijafnari undir aftursætum en loftkúturinn er í skottinu.
Reif miðjustokkinn frá og búinn að stilla þessu upp eins og ég vill hafa þetta og byrjaður að þrýstiprófa.
Búinn að stilla þessu endanlega upp og byrjaður að raða saman innréttingunni.
Svona lítur þetta svo út endanlega frágengið, "haldföngin" á lokunum sjást hérna vel, þessi vinstra megin (aftari) er notaður þegar hleypt er í dekkin og þessi hægra megin (fremri) er notaður þegar hleypt er úr. Mælarnir felldir ofan í stokkinn þar sem klinkhólfið var áður.
Loftkistan (máluð svört) er svo ofan í þessu hólfi undir handfanginu fyrir handbremsuna en ég tók úr plastbotninum til að til að hægt sé að koma plötunni sem lokar stokknum fyrir. Á myndina vantar lögn frá kistunni að 0-5 PSI mæli sem ég ætla að hafa "lausann".
Lagði lagnir að öllum hjólum á bak við innréttinguna og inn í vélasalinn annars vegar og skottið hins vegar og boraði svo fyrir þiltengi í gegnum innra brettið og fyrir öðru þiltengi í brettakantinn.
Felgurnar tilbúnar og hérna er ég búinn að tylla þessu saman fyrir jafnvægisstillinguna á dekkjunum. N1 voru þeir einu sem gátu jafnvægisstillt fyrir mig með búnaðinn á felgunum !
Dekkin komin undir allt klárt. Byrjaði á því að máta 85cm slöngur en þær reyndust of stuttar þega ég teygði á honum í fullri beygju þannig að ég ætla að byrja með 95cm langar slöngur.
Aftan
Framan
Hér er teikning af loftkerfinu eins og það lítur út hjá mér.
Hérna er ca efnið sem fór í þetta (vantar nokkra nippla, hné og T-stykki) en AC dæla og loftkútur ásamt stýringum fyrir hann var nú þegar komið í bílinn.
Loftkista með 6 úttökum, 3/8 snitti á endunum en 1/4 snitti á hliðunum. 10mm lögn að kistu, kúluloki fyrir hvert hjól og 8mm lagnir. Fann þessa nettu kúluloka í Landvélum en flest allt efnið er keypt þar.
Þrýstijafnari undir aftursætum en loftkúturinn er í skottinu.
Reif miðjustokkinn frá og búinn að stilla þessu upp eins og ég vill hafa þetta og byrjaður að þrýstiprófa.
Búinn að stilla þessu endanlega upp og byrjaður að raða saman innréttingunni.
Svona lítur þetta svo út endanlega frágengið, "haldföngin" á lokunum sjást hérna vel, þessi vinstra megin (aftari) er notaður þegar hleypt er í dekkin og þessi hægra megin (fremri) er notaður þegar hleypt er úr. Mælarnir felldir ofan í stokkinn þar sem klinkhólfið var áður.
Loftkistan (máluð svört) er svo ofan í þessu hólfi undir handfanginu fyrir handbremsuna en ég tók úr plastbotninum til að til að hægt sé að koma plötunni sem lokar stokknum fyrir. Á myndina vantar lögn frá kistunni að 0-5 PSI mæli sem ég ætla að hafa "lausann".
Lagði lagnir að öllum hjólum á bak við innréttinguna og inn í vélasalinn annars vegar og skottið hins vegar og boraði svo fyrir þiltengi í gegnum innra brettið og fyrir öðru þiltengi í brettakantinn.
Felgurnar tilbúnar og hérna er ég búinn að tylla þessu saman fyrir jafnvægisstillinguna á dekkjunum. N1 voru þeir einu sem gátu jafnvægisstillt fyrir mig með búnaðinn á felgunum !
Dekkin komin undir allt klárt. Byrjaði á því að máta 85cm slöngur en þær reyndust of stuttar þega ég teygði á honum í fullri beygju þannig að ég ætla að byrja með 95cm langar slöngur.
Aftan
Framan
Síðast breytt af AgnarBen þann 16.nóv 2012, 00:06, breytt 1 sinni samtals.
-
- Póststjóri
- Innlegg: 2492
- Skráður: 31.jan 2010, 17:44
- Fullt nafn: Hörður Bjarnason
- Bíltegund: 1988 Ford Econoline
Re: Cherokee XJ - Breytingar fyrir 39,5"
Þetta er skrambi flott, ber ekkert á þessu inn í bíl en samt með góðu aðgengi að krönum.
Tengdir notendur
Notendur á þessu spjallborði: Engir skráðir notendur og 5 gestir