GMC Sierra. tilbúinn

[íbbi]

jæja er ekki kominn tími á smá uppfærslu..

þessi er ekki gleymdur þó hann komist ekki jafn mikið að og vilji stendur til. það er nú ýmislegt búið að gera, þá sérstaklega hluti aftur sem ég var búinn að gera,

ég kíkti aftur á hjólbogann og botninn/sílsann á pallinum, þetta verpti sig töluvert þegar ég gerði þetta í upphafi, þannig að ég keypti mér sett með hömrum og dollýum og dundaði mér eitt kvöld við að velgja þetta og banka til, ákvað svo að skipta alveg um botninn á pallhliðini, þetta var orðið það tært undir. gerði það beggja vegna.

kláraði sílsann farþegameginn og skipti um hornið á húsinu

ákvað að taka aðra syrpu á horninu á húsinu bílstjórameginn og skar það af og keypti tilbúið hús, tók töluvert stórann bita af, en ég hafði verið í vandræðum þegar ég smíðaði hornin beggja meginn að fá almennilegt járn til að hengja þau í, þannig að eitthvað var þetta farið að þynnast, fór báðu meginn vel upp fyrir alla tæringu,

þá var komið að framendanum. ég vissi að það var einhevr veisla undir köntunum að framan. það var líka alveg raunin, auk þess var frágangurinn á úrklippuni allur gatryðgaður og komið myndarlegt gat í hvalbakin

að endingu þá skar ég neðan af brettinu ofan við lista og smíðaði nýjan neðri part á það. brettin á hann eru í 150kallinum hjá jeppasmiðjuni þessa dagana þannig að það mátti alveg reyna, þetta heppnaðist ljómandi fínt, nú er bara að kíkja á brettið hinu meginn, ég geri ráð fyrir sama pakka þar. en þegar það er búið þá er ekki meira ryð að finna í þessum bíl. þá fær minn kæri málari að díla við hann

[hobo]

Alveg magnað, vel gert!

[íbbi]

takk fyrir það :)

nú er 3ja daga helgi, þá er hægt að brasa aðeins, kláraði hvalbakinn og er að vinna aðeins í brettinu

[íbbi]

jæja þá er frambrettið til

[íbbi]

haldiði að það sé..

[íbbi]

ef það er einhver að fylgjast með þessu ennþá!

kláraði hitt frambrettið. og er bara nokuð ánægður með árangurinn

þá er ryðbætingum lokið á þessum grip.

nú er ég bara að bíða eftir að hann komist að hjá málaranum, í millitíðini dunda ég mér við að sinna því sem ég veit af, pakkdósum út við hjól að aftan, skipta um miðstöðvamótor og mótstöðu. keypti nýtt pinnasett í lamirnar, þó þær væru óslitnar, en fyrst að hurðarnar fóru af hvort sem er

[Kalli]

like á þetta hjá þér

[Sævar Örn]

Þetta er orðið glæsilegt hjá þér, gífurleg vinna

[íbbi]

takk fyrir það!

já þetta eru orðið nokkur handtök, og hefur tekið orðið allt of langann tíma, en þetta horfir til betri vegar!

[draugsii]

já þetta er mikill dugnaður og flott vinna

[íbbi]

takk fyrir það.

það er loksins eitthvað að gerast í þessu

nú er garmurinn kominn í málningu. bílasmiðja SGB sér um málninguna, þeir máluðu raminn fyrir mig líka og flr bíla og mikil kátína með það af minni hálfu

svo er alltaf eitthvað auka dund, nýjir gúmmilistar í hurðafölsin, nýjar fóðringar og pinnar í lamirnar, nýjar felgurær og felgumiðjur. stefni svo á að henda í han nýjum miðstöðvarmótor og móstöðu á morgun, svo complete afturbremsum ásamt hlemmum og hjólalegu/pakkdós þegar hann kemur aftur heim

[Gisli1992]

Spurning hvort maður þurfi að fara skilja Pajero eftir hjá þér vinur þá kannski fer sprækari mótor í hann

[íbbi]

heyrðu.. ég hafði einmitt planað að taka mér uppgerðar pásu eftir að þessi og raminn klárast ;D

[Sævar Örn]

Þetta er almennilegt, ég get þó ekki mælt með því að taka pásu þetta er bara ongoing verkefni ef á að halda þessu góðu til frambúðar :)

Hlakka til að sjá hann í lit

[íbbi]

þetta er meira svona.. plan um að taka ekki annan bíl alveg í nefið strax.

en þetta er auðvitað sagt með það hangandi yfir sér að raunverulega projectið er ennþá óklárað.. og alveg 1 eða 2.. já eða 200.000 handtök eftir þar

en mér langar óskaplega samt orðið að prufa að hafa skúrinn minn einhverntímann lausann.. það er mörg ár síðan það gerðist síðast ;D

[íbbi]

Smá litaprufa

Þetta er original liturinn með auka skammt af perlu, það hífir hann vonandi aðeins upp

[Gisli1992]

Flottur litur en kallar þetta þá ekki á heilmálun fyrst menn eru farnir að breyta litnum
Verður gaman að sjá hann klárann

[kaos]

Er þetta verkefni ekki komið á heilmálunarstigið fyrir allnokkru hvort eð er? Og já, virkilega flottur litur!

--
Kveðja, Kári.

[íbbi]

tjahh einföld spurning, flóknara svar

liturinn er sá sami, perlan er bara grófari, þannig að það ætti ekki að vera neinn litamunur þannig, perlan í litnum upprunalega er bara svo fín að maður varla greindi það að bíllinn væri "sanseraður" nema rétt meðan maður bónaði hann

en svo er á þessu stigi orðið nánast um heilmálun að ræða, báðar hliðar complete, föls, húss og listinn á framstuðaranum. þá er bara toppurinn, pallurinn að innanverðu og bakhliðin á húsinu eftir, toppinn ætlum við að mála, og hann var í raunini það eina sem raunverulega vantaði að mála í byrjun, þar sem hann er vel freknóttur.
það er á planinu að skipta um framrúðu, og stefnan er að mála toppinn þegar við tökum rúðuna, þá er hægt að taka falsið/kantinn undir rúðuni í leiðini, þannig að ég byrja á að bletta toppinn og læt það duga í bili.

sá partur af bakliðini sem verður eftir er hvort sem er á bakvið pallinn og sést ekki, það sést ágætlega á húshorninu sme ég skipti um hversu langt við förum inn á bakhliðina.


og það skal tekið fram að þegar ég segi við.. þá meina ég auðvitað hann sindri sem er að mála bílinn, ég er bara á kaffikönnuni og andlega stuðningnum í þessum part verksins. hann á alveg heiðurinn af þessu drengurinn

[íbbi]

þetta er staðan í dag

[íbbi]

svaka fínt

[Bilaður]

Þetta er geggjað hjá þér.

[íbbi]

takk fyrir það!

jæja, búð að vera mikill gangur í þessu. hann er nú farinn að líkjast sjálfum sér aftur. þó það sé nú ýmislegt eftir ennþá, þar á meðal einhver rosalegustu innréttingaþrif sem ég hef haft hangandi yfir mér

[íbbi]

Undirvagnsvörn í hjólaskálar, inn í brettin, aftan á sílsana, og svo smá pjatt

[Gisli1992]

Hann er orðinn helvíti flottur hjá þér vel gert vinur

[íbbi]

takk fyrir það. nú er hann farinn að lýta út eins og hann hefði alltaf átt að gera m.v aldur og fyrri störf

[íbbi]

helvíti gott

[íbbi]

í þræðinum sem ég er með fyrir uppgerðina á raminum þá tók ég á einhverjum tímapunkti saman hvað ég var búinn að gera fyrir hann.

datt í hug að gera það sama fyrir þennan, það má svo deila um á eftir hvort þetta teljist hreinlega orðið uppgerð?


hjólasystem/fjöðrun/breyting
klafasíkkaði hann og hækkaði upp um 4" hjólabil aukið að framan um 2" hvoru meginn
hækkaður um 4" að aftan
nýjir lengri demparar framan/aftan
nýjar efrispyrnur/spindilkúlur
fóðringar í neðrispyrnur og neðri spindilkúlur
stýrisendar innri/ytri
nýjir timken höbbar í framhjól
nýjir breytispindlar til að rétta af öxla m.v hækkun
ballancestangarendar og gúmmí
hjólalegur og pakkdósir að aftan (ennþá í hilluni)
setti stýrisdempara í hann
allir felgubolltar nýjir

bremsur
nýjar dælur hringinn
bremsuslöngur framan beggja meginn
ný bremsurör framm/aftur
klossar framan/aftan
allt nýt í handbremsu
abs skynjarar beggja meginn
nýjir diskar framan/aftan


drif /drifrás
bíllinn er með tölvustýrðu fjórhjóladrifi með auto möguleika, þetta er ekki sídrif heldur hefðbundið 4L-4H-2H með læstum millikassa, en svo er auto möguleiki, það er kúpling á framskaptinu og hann kúplar framdrifinu inn/út eftir þörfum, snilldarjkerfi þegar það virkar
þetta kerfi er búið að hrekkja mig mikið, skellir sér sjálfur í laga drifið og allskonar bögg,
búinn að skpta um skiptimótor á millikassa,
skipta um mótor á framdrifi
takkaborð inn í bíl

þetta er ennþá að bögga mig, það er ekkert eftir nema tölvan sem stýrir þessu.


boddý
frambretti smíðuð upp og klippt úr báðum frambrettum
smíðað upp neðri part af palli og hjolboga/hjólaskál beggja vegna
skipt um ytri sílsa beggja vegna, innri sílsar lagaðir
skipt um horn á húsi beggja vegna
hvalbakur lagaður beggja vegna
málað báðar hliðar
málað hurðar
málað húdd
málað framstuðara
ný z71 merki
ný slt merki
ný original NOS GM retrofit rafdrifinn afturrúða/lúm/takki í mælaborð
nýjar koparfóðringar og pinnar í hurðalamir

dekk/felgur
felgur slípaðar niður og málar
nýjar original american racing felgumiðjur
nýjar felgurær

annað
ný afturljós
framljós slípuð niður og glæruð
ný hurðagúmmí
nýr miðstöðvarmótor, mótstaða og breytisett/fixkit á rafkerfi fyrir mótstöðu
nýjir rúðuupphalarar/mótorar beggja vegna, original gm/acdelco gold series
pústi breytt, fjarlægði original kút og smíðaði nýjann glasspack kút, mestmegnis tilraunastarfsemi

hvað er eftir?
mála topp
smíða og útbúa afturrúðu fyrir pallhúsið
klára bremsur og hjólalegur aftan.
smíða nýjann afturstuðara eða fá nýjan

þess má auðvitað geta að ég keypti þennan bíl til að hafa pallbíl meðan ég gerði upp hinn pallbílinn minn!

læt svo flakka mynd af honum frá því að ég var að byrja á honum

[draugsii]

þetta er orðin glæsilegasta bifreið en hvað er svo að frétta af þeim bláa?

[elli rmr]

Geggjað flottur hjá þér til hamingju með þetta :)

[íbbi]

takk fyrir það.

heyrðu s+á blái er bara í geysmlu, planið var að ná í hann í vor

[íbbi]

þessi heldur áfram að raðast saman í rólegheitunum svona í lausa tímanum.

innréttingin kominn í hann aftur, og mestmegnis þrifin, virðist hafa sloppið alveg heil úr drullu og neistaflugi síðasta árs

dundaði mér við að finna út úr af hverju það höfðu aldrei virkað inniljósin í honum, skipti um allar perur og ekkert gerðist, þá fór ég að rekja þetta kerfi sem er dáldil flækja mþv hverju maður á að venjast í svona bílum, engir stafrofar, heldur er signalið fyrir hurðirnar tekið úr skránni sjálfri, svo er relay í einu öryggjaboxi og öryggi í hinum. eftir að hafa rakið í mig í gegnum þetta, hreinsað upp, smurt og skipt um öryggi þá duttu ljósin inn, án þess að ég sé alveg 100% á því hvað af þessu olli því.

ljósið fyrir vélarýmið hafði aldrei virkað heldur, ég skipti um peru og það breytti engu, þá mældi ég tengð fyrir ljósið og sá að það er stöðugur straumur í því, óháð sviss, þá reif ég ljósið í sundur og sá að það er "mekanískur" búnaður inn í því sem kveikir á ljósinu þegar því er hallað, hreinsaði upp tengi og póla og það virkar á eftir

mér til mikillar furðu þá er annar rafmagnsrúðumótorinn dauður, en hann er 2 ára, og þar af hefur bíllinn staðið inn í upphituðum skúr í 1.5 ár. mótorinn er original ac delco, lítið að gera nema panta nýjann og bölva í hljóði.

skipti um miðstöðvarmótor og mótsstöðu, miðstöðin þjáðist af miklu máttleysi og óhljóðum, hljóðin komu frá neðri legu í mótornum sem var ónýt og því alltaf slátturhljóð í mótornum. máttleysið lagaði hinsvegar lítið. þá datt mér í hug að kíkja á frjókornasíurnar, þar var allt pakkað ogmiðstöðin orðin hálf stífluð. ég átti síurnar til og skipti þeim út og hreinsaði svæðið í leiðini, hún blæs töluvert betur núna, og er hætt að sprengja öryggi

[Sæfinnur]

Þetta er náttúrlega flottur þráður og frábær vinna, og hreint ótrúleg afköst miðað við að þú kvartar mikið yfir tímaleysi. Mig langar að vita hvaða efni þú ert að nota í þetta. Ertu með sömu efnisþykt í ytri og innri sílsunum. Hvaða þykt notarðu í aðra boddy vinnu eins og kantana á brettin (stálið) og hjólbogana og þessar viðgerðir.

[íbbi]

það er líklegast rétt, svona þegar þú minnist á það, að ég væli stanslaust undan að hafa ekki tíma, hehe!..

ætli svona verkefni séu ekki alltaf einhverskonar limbó á milli vinnu og meira aðkallandi heimilisstarfa, amk svona hjá okkur sem erum á þeim aldri að vera með börn og þann pakka allann,

það er nú svosum ekkert fastmótað nákvæmlega hvaða efni ég nota, það veltur nú yfirleitt á hvað var í bílnum fyrir, en ef það er eitthvað sem er frekar go to en annað þá er það 1mm, það virðist vera algeng þykkt í þessum amerísku, ég reyni að eiga yfirleitt bút af 1.25mm í hluti eins og innri sílsa. í þeim japönsku bílum sem ég hef baukað í hefur mér fundist 0.8 vera ráðandi, í ytri sílsanum á þessum bíl er hluti af sílsanum tvöfalldur og tveir innri sílsar, þetta er vegna þess að það er engin hurðapóstur. ég gerði bara eins og þetta var fyrir

ég notaði 1.25 rafgalv í innri sílsann og millimeter í flest allt annað, klippan/beygjuv/valsinn hjá mér er gerður fyrir 1mm, og ég reyni eftir fremsta megni að nota klippt stykki en ekki skorinn með rokk, en mér finnst mikill munur á að sjóða í brúnirnar eftir því hvort var gert, en égverð samt að viðurkenna að oft ef stykkinn passa afar vel þá renni ég rokknum á milli til að fá þetta ca millimeters gap á milli

ég nota bæði rafgalv og bara hreint svart smíðastál, mér finnst galvaða efnið vera stífara og erfiðara í einhverjar æfingar, en það er hinsvegargott að vita af galv húðini á bakhluta þess sem maður er að smíða, s.k minni reynslu er þessi húð ansi sterk, ég baða þetta samt yfirleitt allt í zinki e-h álíka efni áður en ég set þau í. og ef þetta var alveg svört plata þá zunk húða ég allt og leyfi að þorna, jafnvel nokkrar umferðir áður en ég sýð það í. þar sem ég punktsýð og bora göt þá zinka ég allt í drep og sýð í gegnum zinkið

[íbbi]

það er hengt einn og einn hlut á garminn. síðustu pakkarnir koma frá móðurlandinu á morgun, þá verður hægt að taka loka törnina

[íbbi]

Afturstuðara mál leyst

[íbbi]

afturstuðarinn kominn á.

tók öll bracketin og stuðarabitan og grunnaði og málaði alveg í drep, stuðarin var svo málaður inn í með harðri pallkvoðu. vonandi að þetta lengi líftímann eitthvað

[juddi]

Glæsilegt

[juddi]

Verður betri en nýr

[íbbi]

takk fyrir! hann er amk kominn mun nær því að vera eins og hann var þegar hann var nýr