Einfari fær uppgerð - uppfært 7 sept 2022

[Óskar - Einfari]

jæja löngu kominn tími á uppfærslu. Undanfarnar vikur hafa verið sandblástur, málun, samsetning, fá varahluti og allskonar önnur vinnu. Það er ánægjulegt að vera byrjaður að setja saman þótt ég hefði kanski viljað að það myndi ganga hraðar.

Á meðan grindin var í sandblæstri var farið í að ganga frá allskona lausum endum

01.jpg (436.54 KiB) Viewed 37271 time

búinn að ganga frá og sjóða allar festingar á hásingu

02.jpg (331.52 KiB) Viewed 37271 time

næst var að losa brotna bolta. Best virkaði að sjóða ró á boltan

03.jpg (460.35 KiB) Viewed 37271 time

og síðan hita draslið!

04.jpg (388.9 KiB) Viewed 37271 time

varahlutir byrjaðir að tínast inn. Pakkningarsett til að gera upp fox dempara

05.jpg (475.1 KiB) Viewed 37271 time

Grindin komin, sandblásin og máluð. Hérna má segja að það sé búið að ná ákveðnum núllpunkti og hægt að byrja að vinna í hina áttina!

06.jpg (580.44 KiB) Viewed 37271 time

Verið að sandblása spindilarma. Ég áttaði mig fljótlega á að það að sandblása í opnu rými var ekki alveg að ganga. Megnið af efninu tapaðist og sandur út um allt.

07.jpg (836.36 KiB) Viewed 37271 time

Svo ég tíndii saman afganga af allskonar tréverki og fór að smíða sandblásturskassa

08.jpg (716.21 KiB) Viewed 37271 time

Allt koma saman í ágætis kassa

09.jpg (418.31 KiB) Viewed 37271 time

Trektin komin!

10.jpg (484.06 KiB) Viewed 37271 time

Kassin að mestu tilbúin. Ég er búinn að nota hann slatta núna og það munar svakalega að vinna þetta svona. Mikið minni undirbúningstími og frágangur.

11.jpg (380.33 KiB) Viewed 37271 time

Ég ákvað að fjárfesta á sprautukönnu svona þar sem frammundan er slatt sprautuvinna

12.jpg (305.96 KiB) Viewed 37271 time

Afturhásing sandblásin og grunnuð

13.jpg (523.61 KiB) Viewed 37271 time

og síðan búið að mála

14.jpg (490.23 KiB) Viewed 37271 time

Meira komið af varahlutum og búið að mála flesta stóra hluti

16.jpg (762.56 KiB) Viewed 37271 time

Stundum milli stríða (eða varahlutasendinga) fór ég aðeins að pæla í drifskaptslengingu.

17.jpg (329.18 KiB) Viewed 37271 time

Næst er að yfirfara frammdrif. Skipta um þéttihringi í ARB lás

18.jpg (330.38 KiB) Viewed 37271 time

Frammdrifið komið á sinn stað.

19.jpg (530.24 KiB) Viewed 37271 time

Samsetning komin á fullt. Boltar fara í þetta sinn saman með koparfeiti.

20.jpg (397.65 KiB) Viewed 37271 time

Stýrismaskína fékk nýja enda og nýjar fóðringar.

21.jpg (388.5 KiB) Viewed 37271 time

Fóðringarnar í stýrismaskínuni voru vel fastar svona eins og allar aðrar fóðringar sem ég hef þurft að eiga við. Lausnin var að brenna gúmmíið þannig að ég gat náð hólknum úr og síðan stinga sagablaði í gegnum og saga fóðringuna í sundur.

22.jpg (422.66 KiB) Viewed 37271 time

Slatta af blótsyrðum síðar eru fóðringarnar komnar úr.

23.jpg (296.7 KiB) Viewed 37271 time

Fóðringarnar eru ekki þjónustaðar af Toyota svo ég notaði Ástralska poly fóðringar sem fást hjá Stál og Stönsum

24.jpg (329.17 KiB) Viewed 37271 time

Ég endurnýjaði allar spyrnur nema eina sem var í það fínu standi að ég bara sandblés hana og setti í hana nýjar fóðringar.

25.jpg (359.23 KiB) Viewed 37271 time

Afturfjöðrun að púslast saman

26.jpg (510.75 KiB) Viewed 37271 time

og frammfjöðrun komin af stað

27.jpg (396.21 KiB) Viewed 37271 time

allt komið saman í frammfjöðrun, bara bremsulagnir eftir

28.jpg (389.58 KiB) Viewed 37271 time

[Járni]

Vá, vel gert, þvílíkt upplífgandi að sjá þetta svona fínt og á leið saman, parast frábærlega með hækkandi sól =)

Áfram gakk!

[Óskar - Einfari]

og áfram heldur þetta.... styttist í sumarið og fyrstu útilegu þannig að nú þarf að láta hendur standa framm úr ermum í að púsla saman.

Bremsurör.... ekki alveg skemmtilegasta vinnan en það þurfti að smíða rör eftir færslu á afturhásingu.

01.jpg (330.7 KiB) Viewed 36998 times

Grindin stendur loksins í öll 4 hjól eftir að hafa verið alveg ber í marga mánuði. Það er ákveðið boost þegar hlutirnir fara að tínast svona saman!

02.jpg (615.58 KiB) Viewed 36998 times

Vélin komin ofaní aftur

03.jpg (614.92 KiB) Viewed 36998 times

Þessar pælingar byrjaðar... þetta verður eitthvað smá klór í hausnum að hanna í kringum þetta. Prototýpa af disk komin til að máta. Næst er að hanna festingar fyrir bremsuna.

04.jpg (502.83 KiB) Viewed 36998 times

rörin af aukatanknum voru frekar ljót enda eru þau staðsett á sama stað í grindinni og þar sem lang versta riðið var. Ég á eftir að ákveða hvort ég lappi upp á þetta eða skipti þessu út!

05.jpg (422.97 KiB) Viewed 36998 times

Ég fór í startaran. Hann var farinn að klikka endrum og sinnum. Ég var alveg viss um að þetta væru kolin og pantaði ný kol. En þau eru í fínu lagi, vandinn kom í ljós um leið og ég tók startaran úr. Snerturnar og póllin fyrir plúsinn hefur sennilega losnað þannig að leiðsluskórinn var búinn að grafa sig hálfa leið í gegnum þennan koparbolta.

06.jpg (272.36 KiB) Viewed 36998 times

Báðir tankar komnir ofaní

07.jpg (591.2 KiB) Viewed 36998 times

Fremri hlutinn af pústinu komin ofan í. Ég ætla að leyfa hvarfakútnum að vera en að öllum líkindum smíða ég sílsapúst. Kaupi bara 2.5" pústefni og smíða það sjálfur, það er alls ekki flókin leið sem þarf að fara.

08.jpg (518.48 KiB) Viewed 36998 times

[Járni]

Blessaður vertu, endurnýjaðu pikkuppið úr tanknum!

[Óskar - Einfari]

Blessaður vertu, endurnýjaðu pikkuppið úr tanknum!

Það er svona í skoðun... búinn að finna partnúmer en gengur illa að fá varahlutinn. Ég sendblés pikkubið og það eru aðalega stútarnir sem eru svona ljótir. Ef maður styttir rörin um stútana má gefa þessu frammhaldslíf þótt ég hefði kosið að fá ný rör.

[Óskar - Einfari]

Jæja nú eru alllir að skoða eldgos. Það er að verða með mig eins og með rafrænu skilríkin, alveg síðastur! En ég held bara áfram á bílasmíðinni. Það er margt að vera komið saman og nú hrúgast upp lausir endar í grindinni sem ég vill helst klára áður en kofinn fer ofaná. Ég byrjaði aðeins á vélinni og lítur út fyrir að þar þþurfi smá tiltekt. Ég er að vona að ég sleppi sæmilega úr því, kanski er það óskhyggja, sjáum til!

Til að hanna festingu fyrir bremsu á millikassan fæ ég smá liðsauk. Kristinn frá Jeppabetrun ehf kom og 3D skannaði millikassan og bremsuna. Hann ætlar síðan að teikna festingu og verður spennandi hvort þetta gengur. Það er talsverður áhugi fyrir því hvort svo rafmagn bremsa á millikassa geti mögulega gengið upp.

01.jpg (190.07 KiB) Viewed 36794 times

Ég þurfti óvart að taka millikassan í sundur. Þetta var ekki planað. En út af eigin klaufaskap þá togaði ég út frammdrifsgaffalinn þegar ég var að setja millikassan upp á borð.

02.jpg (511.33 KiB) Viewed 36794 times

Ég heyrði samstundis eitthvað detta inni í millikassanum..... það fuku nokkur vel valin blótsyrði. Þessir synchri mesh lyklar duttu ofan í kassan.

03.jpg (239.63 KiB) Viewed 36794 times

Millikassin kominn í sundur og búið að finna alla 3 lyklana.

04.jpg (244.32 KiB) Viewed 36794 times

Þetta var smá föndur, ég græjaði mér svona platta með gati fyrir afturdrifsöxulinn. Það var talsvert þæginlegra og fljótlegra að vinna þetta svona.

05.jpg (349.58 KiB) Viewed 36794 times

Millikassinn kominn saman, hann er núna kominn í aftur og allt skiptir sér eins og á að gera.

06.jpg (413.92 KiB) Viewed 36794 times

Þá er að byrja aðeins á vélinni. Fyrst var að taka úr EGR ventil og EGR kæli til að kanna sótmyndun

07.jpg (385.08 KiB) Viewed 36794 times

Það er alveg þæginlegt að vinna við þetta svona opið allt... 38" dekk í hentugri hæð til að sitja við þetta :)

08.jpg (459.97 KiB) Viewed 36794 times

Inntak/soggrein... hér er alveg slatti af sót sem er blaut/oliumettuð

09.jpg (390.44 KiB) Viewed 36794 times

EGR kælir kominn úr og þar er ekki allt alveg eins og það a að vera.

10.jpg (417.43 KiB) Viewed 36794 times

Þessi spjaldloki festist á EGR kælinn og hann var pikkfastur og ónýtur. Nýr kominn í pöntun

11.jpg (289.46 KiB) Viewed 36794 times

Hér er svo EGR ventillinn en hann er líka stappaður af sót

12.jpg (231.91 KiB) Viewed 36794 times

Búin að skafa mestu sótina úr EGR ventlinum. Ég skil svosem þegar menn sjá svona að þeir hrökkvi í kút yfir þessum EGR ventlun og vilji loka þeim. Þetta er þekkt í þessum 1KD-FTV vélum en menn þar eru menn hinsvegar sammála um að best er að hreinsa þetta frekar upp heldur en að loka fyrir EGR.

13.jpg (453.79 KiB) Viewed 36794 times

Eitthvað kemur meira af varahlutum. Þétti sett fyrir bremsudælurnar að aftan. Bremsuslöngur og síðan tók ég í leiðinni nýja HP 1/2" högglykillin frá Ryobi. Ég er búinn að eiga eldri gerðina í nokkur ár og elska þetta verkfæri. Þessi er burstalaus og talsvert öflugri. Vonandi reynist hann eins vel :)

14.jpg (454.1 KiB) Viewed 36794 times

Jæj þá er það pústsmíði. Ég ætla að smíða sílsapúst. Ég nenni ekki að smíða pústið alla leið aftur á milli tankana.

15.jpg (571.55 KiB) Viewed 36794 times

Aðeins verið að máta og pæla... hvort ég smíði nýtt eða breyti/endurnýti gamla pústið sem er ekki svo gamalt.

16.jpg (625.78 KiB) Viewed 36794 times

Niðurstaðan var að prófa og sjá hvað kæmi út úr því að breyta gamla pústinu

17.jpg (747.56 KiB) Viewed 36794 times

Þessi kútur var á milli tankana. Ég vill helst halda honum en þurfti að færa flangsin á hinn endan svo hann myndi snúa rétt. Þetta er það heilt að ég gat bara slípa upp suðurnar og slegið gamla rörið úr.

18.jpg (450.76 KiB) Viewed 36794 times

Til að koma fyrir hljóðkútnum færði ég samskeytin nær hvarfakútnum. Hér er búið að punkta flángsana á nýjan stað.

19.jpg (618.83 KiB) Viewed 36794 times

Búið að punkta saman sílsapústi úr gamla pústinu. Bara eftir að heilsjóða og setja tvær upphengjur.

20.jpg (559.74 KiB) Viewed 36794 times

ég held að þetta muni bara koma agætlega út. Það eru bara suðusamskeyti á þremur stöðum. Stúturinn vísar niður í götuna eins og lög gera ráð fyrir og upphengjur verða lítið mál.

21.jpg (395.5 KiB) Viewed 36794 times

Restarnar. Pústið styttist um 140cm og fækkar um ein samskeiti.

22.jpg (540.61 KiB) Viewed 36794 times

[elli rmr]

Hrikalega flottur metnaður :) verður gamann hjá þér að nota hann

[Óskar - Einfari]

Hrikalega flottur metnaður :) verður gamann hjá þér að nota hann

Takk fyrir það.... m.v. hvað mikið af fóðringum er illa farið eða ónýtt þá hlakkar mig doldið mikið til að vita hvernig það verður að keyra hann eftir þetta :o

[Óskar - Einfari]

Áfram vinnst smá, ég er aðeins að vinna í vélinni. Þrátt fyrir að það hafi verið ágætis gangur í henni áður en verkið byrjjað þá er hún í alveg ótrúlega þæginlegri stöðu núna til að tékka á nokkrum þekktum hvillum sem fylgja þessari vél eða bara diesel turbo vélum yfir höfuð.

Vélin komin upp úr aftur. Það hefur komið fyrir sumar þessar vélar að sigtið í olíupönnuni stappist af drullu. Þetta er keðjuverkun sem byrjaði á því að spíssaþéttingar gáfu sig frá þeim tíma sem þær voru úr kopar. Það var skipt um þessar þéttingar í innköllun sennilega þegar bíllin var 2 eða 3 ára gamall. Mér leið hinsvegar betur að skoða í pönnuna aðeins því ef þetta sigti stíflast þá er það uppskrift af endinum fyrir vélina.

01.jpg (428.86 KiB) Viewed 36204 times

Það var léttir að sjá að sigtið var allt hreint og fínt.

02.jpg (440.63 KiB) Viewed 36204 times

olíupönnur eiga það til að riðga. Ég notaði tækifærið og blés pönnuna.

03.jpg (469.37 KiB) Viewed 36204 times

Pannan komin með grunn

04.jpg (412.55 KiB) Viewed 36204 times

Næst er að taka af soggrein, ventlalok og spíssa

05.jpg (605.05 KiB) Viewed 36204 times

Soggreinin komin af. Eins og við var að búast er allt stappað af sót!

06.jpg (461.1 KiB) Viewed 36204 times

Annar þekktur hvilli er að olíuúði nær að blandast saman við sót í inntakinu. Þetta verður til þess að sót byggist upp í kringum EGR ventil og fyrstu tvö hólfin í soggreininni. Þetta var sumstaðar 10-15mm

07.jpg (434.09 KiB) Viewed 36204 times

Búinn að skrapa stæðstu klumpana og þetta er frekar viðbjóðslegt!

08.jpg (529.31 KiB) Viewed 36204 times

Sótin sem kom úr fyrstu tveimur hólfunum var bara olíublaut drulla! Hér er spurnin hvort það þurfi ekki að bæta við olíuskilju til að draga úr þessum olíuúða sem nær inn í inntakið. Það hefur verið mikið gert í Ástralíu þar sem er meira af þessum vélum en nokkur getur talið!

09.jpg (594.99 KiB) Viewed 36204 times

Næst voru spíssarnir teknir úr. Sem betur fer voru þeir allir lausir og komu úr með handafli. Það var búið að mæla einn spíss utan marka. Líklega skipti ég um hann og skipti náttúrulega um allar spíssaþéttingar í leiðinni.

10.jpg (632.83 KiB) Viewed 36204 times

Ágætis kvöldverk. Það stendur ekki til að rífa neitt meira en þetta. Nú vantar bara nýjar pakkningar til að setja saman.

11.jpg (532.14 KiB) Viewed 36204 times

Þá er búið að klára að mála pönnuna!

12.jpg (322.42 KiB) Viewed 36204 times

Vélin komin upp úr aftur, það mætti halda að það sé eitthvað áhugamál hjá mér að taka þessa vél upp úr grindinni en ég var nú bara að skella olíupönnuni í aftur.

13.jpg (473.58 KiB) Viewed 36204 times

nýmálum pannan komin í og núna búið að festa vélina á sinn stað :)

14.jpg (501.28 KiB) Viewed 36204 times

[Gisli1992]

Virkilega vel að verki staðið maður hálfgerlega skammast sín eftir að maður les yfir þráðinn hjá þér hvað maður er hrikalega latur að vinna í sínum eigin jeppa.... virkilega flott vinnubrögð bíð spenntur eftir næsta innleggi

[Óskar - Einfari]

Virkilega vel að verki staðið maður hálfgerlega skammast sín eftir að maður les yfir þráðinn hjá þér hvað maður er hrikalega latur að vinna í sínum eigin jeppa.... virkilega flott vinnubrögð bíð spenntur eftir næsta innleggi

Takk fyrir það, gott að heyra að einhverjir hafa gaman af þessu brasi!

[Óskar - Einfari]

Þetta stoppar ekkert.... flest kvöld og allur laus tími endalaus vinna! þetta skal takst. Undanfarin kvöld er ég búin að vera að klára lausa enda. Ef ég hef eitthvað lært þá er að passa sig á að vera ekki með endalaust af ókláruðu. Það getur verið freystandi að fara í næsta spennandi verkefni en þá klárast aldrei neitt. Markmiðið hjá mér var alltaf að klára allt sem þarf að gera í grindinni áður en farið er á fullt að vinna í kofanum. Þetta er nokkurnvegin að takast. Vélin er komin í og föst, pústið komið og búið að smíða pústfesingar, bremsulagnir komnar og búið að breyta/smíða bremsulagnir fyrir hásingafærsluna, tankarnir komnir í þar er búið að endurnýja allar klemmur og megnið af hosum, búinn að gera upp startaran, búið að þrífa soggrein, EGR og inntak og það er allt komið í með nýjum pakkningum, kláraði að skipta um báðar pinionpakkdósir, víralúm fyrir afturhlutan er komið í og allskonar svona fleiri lausir endar hafa safnast hafa verið kláraðir. Í gær var svo kofinn tekinn inn og mátaður aðeins ofaná. Hann er ekki festur heldur er ég bara að tilla honum aðeins á til að skoða hvað ég er að fara í þar. Ég mun svo kippa kofanum aðeins af aftur til að sandblása og mála botnin.

Búið að hreinsa uppsafna sót og drullu úr soggrein

01.jpg (505.22 KiB) Viewed 35715 times

Búið að hreinsa uppsafna sót og drullu úr EGR ventli

02.jpg (400.48 KiB) Viewed 35715 times

Enn ein sendingin komin frá PartSouq núna með pakkningum o.fl í vélina

03.jpg (444.83 KiB) Viewed 35715 times

Það er alltaf ótrúlega góður frágangur og pökkun hjá þeim í Dubai. Viðkvæmir hlutir eins og t.d. pakkningar koma hér pakkaðir inn í tvær krossviðsplötur.

04.jpg (336.36 KiB) Viewed 35715 times

Nýr loki á EGR kælinn. Þessi loki lokar fyrir hringrás inn í EGR kælinn til að flýta fyrir því að vélin nái vinnuhita.

05.jpg (365.96 KiB) Viewed 35715 times

og fleiri pakkningar komnar, þetta sinn frá Kauptúninu

06.jpg (482.18 KiB) Viewed 35715 times

Sogrein, EGR og EGR kælir komið á vélina aftur. Eina sem vantar er spíss sem er von á um miðjan Apríl

07.jpg (627.08 KiB) Viewed 35715 times

Lagnavinna í kringum tankana. Tengja saman aukatanka + aðaltank, koma fyrir áfyllingu, rafmagni, lofti, bremsum o.fl

08.jpg (748.29 KiB) Viewed 35715 times

Nýjir boddípúðar

09.jpg (508.61 KiB) Viewed 35715 times

Bremsur lagnir fyrir hásingafærsluna. Bremsuslöngurnar eru fyrir frammdælurnar.

10.jpg (581.62 KiB) Viewed 35715 times

Boddíið komið af stað

11.jpg (740.1 KiB) Viewed 35715 times

Ætli þetta passi á aftur?

12.jpg (611.56 KiB) Viewed 35715 times

Það er var óneytanlega vinalegt að sjá kofan kominn á aftur þótt mikið sé í land ennþá. Ég fann fyrir söknuði og langaði helst í bíltúr eitthvað til fjalla. Þetta eru ákveðin kaflaskipti í ferlinu, nú fer maður í boddívinnu!

13.jpg (576.77 KiB) Viewed 35715 times

[gislisveri]

Frábær þráður, hvetur okkur hina til dáða.

[Axel Jóhann]

Já, heldur betur, vildi óska þess að maður hefði tíma og nennu í svona almennilega skveringu!

[Óskar - Einfari]

Jæja þá er maður byrjaður í boddívinnu og úrklippu. Þetta fer aðeins hægt af stað að skipta svona um gír, fara að vinna og pæla í allt öðrum hlutum. En það er aðeins að koma skrið á þetta. Ég hef ákveðið að klippa úr innri brettum eins og mögulegt er. Ég hef verið að nota máta fyrir 44" Nokian dekk. Það er hinsvegar ljós að neðri hurðarlömin í frammhurðunum mun vera takmarkandi þátturinn. Ég er að reyna að hækka bílinn ekki meira, sem gæti reynst erfitt. 42" goodyear, 44" DC væri vel hægt, en Nokian dekkin eru svo hrikalega breið að sennilega mun það ekki ganga nema með 20-30mm boddíhækkun ef hann fer einhverntíman á svoleiðis dekk. Það er lítið orðið eftir af dyrastafnum, áður en ég held áfram að vinna eitthvað í boddíinu eða færa það til þarf ég styrkja dyrastafinn svo þetta fari ekkert af stað.... allt er þetta tímafrekt, mikil heilbrot og hönnunarvinna.

Komið að því að opna sílsahorn, hvalbak og dyrastaf þar sem gamla úrklippaan er til að skoða ástandið þar.

01.jpg (493.8 KiB) Viewed 35115 times

Af sjálfsögðu er komið rið eftir 14 ára notkun. En þar sem frágangurinn á gömlu breytingunni var mjög góður þá hefur það bjargað því að hér voru engin ryðgöt og ekkert farið að ryðga upp með lokuðum hólfum nema á nokkrum stöðum undir gólfinu.

02.jpg (558.47 KiB) Viewed 35115 times

Byrjað að klippa úr með máta fyrir 44" Nokian. Hérna var nú hjartslátturinn farinn að aukast aðeins þegar ég sá hvað myndi verða lítið eftir af dyrastafnum

03.jpg (470.08 KiB) Viewed 35115 times

Búið að klippa inn í vélarsal, á eftir að snyrta þetta aðeins til. Það mun þurfa að breyta geymafestingu og öryggjaboxinu.

04.jpg (542.69 KiB) Viewed 35115 times

jæja hér fóru heilastarfsemin á yfirsnúning. Neðri lína er 42" og efri línan 44" Nokian. Þetta er í fullri beygju og fullum samslætti og skilur ekkert pláss eftir fyrir dekkið. Götin þrjú eru fyrir lömina og eins og sést þá verður lömin einfaldlega bara að ráða. Jafnvel fyrir 42" mun ég þurfa að skera báða boltana í burtu, setja nýja bolta innar á lömin og einnig sjóða lömina fasta á húsið. Nýjar lamir eru komnar í pöntun þar sem það var komið smá slag í hinar.

05.jpg (381.98 KiB) Viewed 35115 times

Maður á studum aulamóment þegar langt er liðið framm á kvöld með mikilli heilaleikfimi. Ég var að bölva því að ég fann ekki hlífðargleraugun, svo ég náði mér í önnur gleraugu..... jæja þið sjáið á myndinni hvar hin gleraugun voru síðan.

06.jpg (290.74 KiB) Viewed 35115 times

Byrjað að útbúa stól/styrkingu í gólfið sem festist við styrkingu sem nær niður í síls og síðan upp með dyrastafnum.

07.jpg (527.93 KiB) Viewed 35115 times

Fyrir allar styrkingar sem þarna koma verður notað 3mm S355 stál. Þar sést hvernig styrkingin nær niður í botn á sílsinum og festist þar utan á orginal burðarbita sem er í sílsinum.

08.jpg (492.2 KiB) Viewed 35115 times

Næst er að hanna styrkingu sem kemur innan á dyrastafin og nær eitthvað upp með úrklippuni

09.jpg (486.13 KiB) Viewed 35115 times

Tímafrekt var það.. en í annari tilraun varð þessi lengja til sem nær frá styrkingunni í gólfinu, upp með dyrastafnum og aðeins upp í hvalbak.

10.jpg (254.85 KiB) Viewed 35115 times

Það er ekki í boði að spenna neitt til, þá er einfaldlega hætta á að hlutirnir fari bara af stað. Þannig að styrkingin er beyggð hingað og þangað þannig að hún dettur bara í þann stað sem hún á að vera.

11.jpg (277.99 KiB) Viewed 35115 times

Eftir alla þessa vinnu við þessa einu styrkingu er búið að punkta hana í.... þá áttaði ég mig á því að það sést ekkert utan á bílnum að nokkuð hafi gert. Stundum er það þannig.... mesta vinnan sést minnst. Þarna er búið að tilla þessu í og a myndinni ætu að sjást þrír suðupunktar fyrir ofan hvalbakinn þar sem styrkingin endar.

12.jpg (445.89 KiB) Viewed 35115 times

Hér þarf svo að snyrta til alla enda, hreinsa rið og gera fínt áður en farið að loka öllum þessum litlu hólfum. Þar nota ég líka 3mm plötustál og tengi allar þessa búta saman til að fá sem mestan styrk í þetta allt.

13.jpg (402.19 KiB) Viewed 35115 times

Ég var nokkuð ánægður með kvöldverkið bara. Vonandi gengur þetta hraðar fyrir sig núna þegar boltinn er farinn að rúlla.

14.jpg (410.09 KiB) Viewed 35115 times

[Sævar Örn]

Flott það er einmitt þetta tímafrekustu verkin er erfiðast að sýna á mynd en það veitir manni sjálfum hugarró að vita af vönduðu verki.
Þetta lítur vel út hjá þér og skot gengur alveg miðað við allt og allt.

[TF3HTH]

Ekki hugmynd hversu auðvelt/erfitt það er en kannski mætti færa báðar lamir ofar. Líka hægt að færa bara neðri, en betra að hafa svipað bil á milli og orginal annars er of mikið álag á þá neðri.

-haffi

[Óskar - Einfari]

Ekki hugmynd hversu auðvelt/erfitt það er en kannski mætti færa báðar lamir ofar. Líka hægt að færa bara neðri, en betra að hafa svipað bil á milli og orginal annars er of mikið álag á þá neðri.

-haffi

Það er auðvitað allt hægt en það er ekkert rosalega gott að færa þetta í þessum Hilux. 15-20mm kanski ef maður vill bara bora ný göt. Meira en það þá er maður kominn í vésen með hvernig þetta er stansað út. Lömin komin á loft og skinnið komið frá stansinum sem er fyrir innan. Allt er þetta vafalaust hægt að leysa. Þessi löm hefur hingað til aðalega verið skorin í sundur, boltagöt færð innar í lömin og lömin síðan soðin. Ég hugsa að ég fari þá leið bara og það verður bara það sem ræður. Ef það þarf meira en það einhverntíman fyrir einhver dekk, þá verður það bara smá boddílift :)

[jongud]

Ég veit af einni aðferð sem var notuð á 4runner (yngri en 1997)
Þá var ekkert skorið úr hvalbaknum, heldur var allt boddíið og kramið fært aftar um 8-10 cm og afturhásingin færð um þetta 20-25cm minnir mig.
Það þýddi að vísu að það þurfti að færa ALLAR boddífestingarnar aftar og upp en mér fannst þetta afar sniðug upphækkun.

[Axel Jóhann]

Ég hef einmitt velt því mikið fyrir mér, þaes að færa bara boddý allt aftar til að auka plássið, það eru samr glettilega margir hlutir sem þarf að breyta við þá aðgerð, eins og stýrisleggur og jafnvel lenga grindina aftur uppá prôfílbeislið að gera.

[Óskar - Einfari]

Þetta hefur verið gert á svona bíl skilst mér. Þá var það reyndar bíll sem var eitthvað mikið tjónaður, var gerður upp og boddíið fært einhverjum cm aftar í leiðinni.

[Óskar - Einfari]

Jæja maður er alltaf að. Þetta gengur svosem vel en manni vantar bara fleiri klukkutíma í sólahringinn. Sílsarnir og ryðviðgerðir á botninum er núna komið, búið að sandblása botnin, næt er að sandblása aðeins innri bretti og frammhluta.

Til að fá betra aðgengi að botni og sílsu skellti ég boddíinu upp á gamlan stál vinnupall svo ég gæti fært það til.

01.jpg (501.7 KiB) Viewed 34076 times

Botnin leit ekkert sérstaklega vel út

02.jpg (497.01 KiB) Viewed 34076 times

Maður hefur alveg séð það verra.... en líka mikklu betra. Þetta þarf allavega að sandblása!

03.jpg (389.62 KiB) Viewed 34076 times

Ég opnaði sílsana og var ljóst að þar var komið ryð ofan í botnin a sílsum á nokkrum stöðum. Sumstaðar þar sem ég skar hætti að koma neistaflug þannig að sílsana þarf að skipta um. Eins og sést þá var sem betur fer ekkert ryð farið að leita upp í burðin sem var ákveðinn léttir

04.jpg (356.82 KiB) Viewed 34076 times

Þá er að þurrka sand. Þar sem ég þarf að sandblása svona stóran hlut úti þá mun ég tapa efninu. Fyrir svoleiðis nota ég bara pússningarsand sem ég þurrka og síðan sigta.

05.jpg (525.59 KiB) Viewed 34076 times

Meiri sandur þurrkaður.... gólfið reyndist eiginlega best í þetta. Þótt það væri meiri hiti þar sem borðið er var það of lokað rými þannig að rakin slapp ekki út.

06.jpg (465.82 KiB) Viewed 34076 times

Boddíið komið út og allt klárt fyrir blástur

07.jpg (705.48 KiB) Viewed 34076 times

Það er aðeins annað að sjá þetta núna. Ég náði bara að klára botninn, sandurinn kláraðist áður en ég komst í innri bretti og frammhluta.

08.jpg (402.71 KiB) Viewed 34076 times

Eftir sandblástur kom í ljós að það var orðið ansi þunnt í bílstjóragólfinu. Hérna þarf að skipta um smá bút.

09.jpg (414.16 KiB) Viewed 34076 times

Þetta er subbuleg vinna svona undir bílnum og inni í þröngum rýmum. Ég skellti mér nú í sturtu áður en ég fór að sofa svo mér væri ekki bara sparkað frammúr aftur.

10.jpg (431.12 KiB) Viewed 34076 times

Þá er að skella í nýjum sílsum. Sílsana fékk ég hjá Augnablikk, þeir eru með alllt settið undir bílinn á fínu verði!

11.jpg (480.51 KiB) Viewed 34076 times

Til að láta nýja sílsinn passa skar ég í gegnum bæði sílsinn og boddíið. Það kom nokkuð vel út. Nema hérna bílstjóramegin var ég heldur nálægt brotinu, smá byrjendamistök... ekkert alvarlegt samt verður bara smá meiri vinna að vinna fyrir sprautun.

12.jpg (314.98 KiB) Viewed 34076 times

Sílsinn allavega kominn í, bara eftir að klára að sjóða

13.jpg (471.89 KiB) Viewed 34076 times

Þá er komið innri hliðinni. Bílstjóramegin var þetta ekki svo illla farið.

14.jpg (440.82 KiB) Viewed 34076 times

Þetta var nokkuð fljótgert

15.jpg (482.7 KiB) Viewed 34076 times

Farþegamegin var hinsvegar falið ryð í burðinu/innri sílsinum

16.jpg (491.75 KiB) Viewed 34076 times

Eins og sést var þessi bútur af borðinu doldið vel ryðgaður en sem betur fer var þetta bara á litlu svæði.

17.jpg (419.01 KiB) Viewed 34076 times

Þarna kom sér vel að hafa búið til beygjuvél fyrir tæpu ári síðan. Hún var hinsvegar ekki alveg nógu breið þannig að ég þurfti að gera þennan bút í tveimur hlutum..... sem var kanski pínu svekkjandi en ég var alllavega ekki stopp.

18.jpg (405.72 KiB) Viewed 34076 times

Farið að sjá fyrir endan á þessu, allir sílar komnir í og búið að sjóða!

19.jpg (493.07 KiB) Viewed 34076 times

Innri hliði farþegamegin komin

20.jpg (477.36 KiB) Viewed 34076 times

Búið að bæta í gólfið

21.jpg (676.74 KiB) Viewed 34076 times

Farþega hliðin komin líka

22.jpg (469.35 KiB) Viewed 34076 times

Alltaf þegar maður heldur að maður sé búinn finnur maður eitthvað. Smá bútar í sílsahorni, aftur mjög staðbundið en illa farið, það var ekki hægt að slæda bara frammhjá þessu.

23.jpg (503.66 KiB) Viewed 34076 times

Það var bara drifið af, beygla smá smá bút, teikna og síðan sjóða.

24.jpg (415.56 KiB) Viewed 34076 times

[elli rmr]

Þú lætur mann lýta ut fyrir að veta allveg húð latur...... en virkilega vel gert hjá þér verður svakalega flottur þegar þú verður búinn :)

[Óskar - Einfari]

Svo heldur maður bara áfram! Kláraði að sandblása, útbjú lengingu/prjón á sandblásturstækin til að komast inn í lokuð hólf. Það sem síðan náðist ekki fékk rust convert. festi pensil á prik og notaði Wurth Ryðumbreyti til að ná í einhverja bletti sem voru langt inni. Síðan fer grunnur yfir það. Það mun seint takast að ná hverjum einasta ryðblett en þetta er að verða komið helvíti gott held ég. Ég náði svo seint í gær aðeins að byrja að loka götum í innrabretti eftir úrklippingu.

Prjónn sem ég útbjó á sandblásturspottin til að ná inn í hólf þar sem var yfirborðsryð

01.jpg (388.25 KiB) Viewed 33902 times

Búið að grunna eina umferð á botnin með skipagrunn

02.jpg (466.77 KiB) Viewed 33902 times

Hluta af frampartinum tók ég líka, þar var byrjað að koma yfirborðryð á samskeyti og suður

03.jpg (496.16 KiB) Viewed 33902 times

Annar hluti af frammpartinum

04.jpg (485.88 KiB) Viewed 33902 times

Hólfin sem ég þurfti að sandblása inn í. Svo sett slanga á ryksugu til að ná sandinum úr. Næst farið með wurth ryðumbreyti á þá bletti sem ekki náður og því næst grunnað yfir.

05.jpg (427.94 KiB) Viewed 33902 times

Smá mix til að koma inn í þessu hólf, fann hatt með röri sem passaði á zink grunninn

06.jpg (478.04 KiB) Viewed 33902 times

Næst er að byrja að loka þessum hólfum en það var orðið doldið áliði en ég náði rétt að byrja.

07.jpg (403.01 KiB) Viewed 33902 times

notaði blýant til að teikna útlínurnar á blað. Ég loka hverju hólfi fyrir sig til að geta soðið saman öll þil og myndað þannig eins mikin styrk og ég get. Ekki veitir af því þarna er búið að skera mikið úr.

08.jpg (262.21 KiB) Viewed 33902 times

Efnið sem ég nota í að loka þessum litlu hólfum er 3mm plötustál S355


Það er ekki í boði að spenna neitt til þannig að búturinn þarf að detta inní

Svo kemur ró aftan á bótin til að festa annaðhvort brettakannt eða drullusokk. Svo má líka koma inn ryðvörn í gegnum þetta gat.

09.jpg (359.94 KiB) Viewed 33902 times

Svo zink grunnur á bakhliðina. Það voru bara þessar tvær sem ég gerði enda orðið frekar áliðið þegar ég byrjaði á þessu

10.jpg (269.49 KiB) Viewed 33902 times

[jongud]

Snilld að hugsa svona vel fyrir hlutunum og nota rær , bæði til að festa í OG til að geta sprautað inn í hólfin seinna.

[Óskar - Einfari]

Snilld að hugsa svona vel fyrir hlutunum og nota rær , bæði til að festa í OG til að geta sprautað inn í hólfin seinna.

Maður hefur fengið nokkur góð ráð hjá snillingum í þessu :)

[Sæfinnur]

Þvílík afköst. Maður gæti haldið að þú værir með fjölda manns í vinnu við þetta

[Óskar - Einfari]

Þetta er alltaf allt á fullu. 21 dagur til stefnu þangað til við förum að nota bílinn. Ég er búinn að taka það í sátt að ég verð að gera þetta í tveimur áföngum. Ég klára núna grind og undirvagn sem svona voru þessir hlutir sem krafðist þess að ég þurfti að rífa bílinn. Næsta haust ætla ég síðan að taka heilsprautun, brettakannta, ný stigbretti og drullusokka ásamt rafmagni og lofti. Kanski tekst að klára eitthvað af þessu núna en það er ekki mikill tími til stefnu og þegar maður vinnur svona stíft þá gengur soldið á fjárhirslurnar. En þetta hefur gengið ótrúlega vel undanfarnar daga. Búið að mála undirvagn ásamt því að sprauta með grjótvörn. Boddíið komið á aftur og þetta sinn búið að festa það á grindina. Riðvörn sett á það sem lokast af milli grindar og boddí. Spíssar komnir í og vélin öll komin saman. Allar lagnir frá boddí og aftur í grind komnar í barka og settar auka lagnir fyrir rafmagn. Búið að klára úrklippu báðu megin að framan og loka öllu sem var talsvert tímafrek vinna. Nú er frammundan frágangur í kringum úrklippuna að framan, smíða nýtt rafgeimasæti, mála úrklippur og setja grjótvörn þar yfir. Síðan koma fyrir lögnum og tengjum sem þurfti að færa við úrklippuna.

Allskonar efnadrasl frammundan áður en boddíið fór endanlega á grindina aftur.

01.jpg (535.69 KiB) Viewed 33140 times

Fluid film og barkar utan um lagnir

02.jpg (614.54 KiB) Viewed 33140 times

komin grunnur, grjótvörn, litur og fluid film á botninn

03.jpg (565.97 KiB) Viewed 33140 times

Það var ekkert verið að horfa á málninguna þorna heldur tíminn notaður annarstaðar. Spíssarnir komnir í, búið að skipta út einum spíssa og setja nýjar þéttingar.

04.jpg (662.91 KiB) Viewed 33140 times

Hér er allt komið saman

05.jpg (576.18 KiB) Viewed 33140 times

Búið að einangra allar raflagnir og loftlagnir sem liggja aftur í grind ásamt því að setja fluidfilm á tanka og annað sem lokast af.

06.jpg (665.62 KiB) Viewed 33140 times

Þá er boddíið komið á og búið að festa við grindina. En það var ekkert verið að stoppa og virða þetta mikið fyrir sér heldur dekkin strax tekin undan og bíllin settur á búkka til að klára úrklippuvinnu.

07.jpg (510.9 KiB) Viewed 33140 times

Smá dekkjamátun til að taka endanlega ákvörðun með lamirnar.

08.jpg (575.68 KiB) Viewed 33140 times

Búið að setja ný boltagöt á lamirnar og sjóða nýjar rær á bakvið. Settir sexkannt boltar sem taka minna pláss þannig að nú var hægt að skera úr löminni. Með þessu móti þurfti ég ekki að sjóða lömina fasta sem getur verið ákveðinn kostur.

09.jpg (421.54 KiB) Viewed 33140 times

Nýjir boltar komnir og búið að skera úr löminni.

10.jpg (382.41 KiB) Viewed 33140 times

Þá er hægt að fara að loka þessu drasli. Litlu hólfunum og hurðastafnum er lokað með 3mm stáli sem er allt soðið saman við öll þil til að ná sem mestum styrk.

11.jpg (525.96 KiB) Viewed 33140 times

Búið að loka hurðastaf með 3mm stáli sem er soðið við styrkinguna sem ég sett á sínum tíma á innanverðan hurðastafinn.

12.jpg (524.9 KiB) Viewed 33140 times

Stóra gatinu er síðan bara lokað með 1mm rafgalv

13.jpg (441.13 KiB) Viewed 33140 times

Brettið komið á til að klára úrklippivinnu

14.jpg (464.85 KiB) Viewed 33140 times

"kosturinn" við að klippa úr fyrir 44" er að þá hreinsast í burtu allt það sem var riðgað og ónýtt. Ég get því notað gömlu brettin aftur í stað þess að þurfa að kaupa ný.

15.jpg (698.29 KiB) Viewed 33140 times

Búið að klippa úr bretti og setja nýja brún til að festa plast í innra bretti. Þá er bílstjóra hliðin búin í grófum dráttum. Næst er að gera bara eins eða allavega næstum eins farþegamegin.

16.jpg (493.45 KiB) Viewed 33140 times

Þá er það lömin fyrst. Til að gera nýt göt fannst mér best að setja hurðina á. Silla lömina rétta með gömlu götunum. Síðan teiknar maður svona vegleg brjóst á lömina (óvart) þar sem nýju skrúfurnar koma. Þá get ég borað fyrir nýjum skrúfum með lömina á réttum og síðan soðið nýjar rær að innanverðu.

17.jpg (495.85 KiB) Viewed 33140 times

Komin ný göt og búið að hreinsa í burtu það sem ég þurfti ekki af löminni.

18.jpg (428.43 KiB) Viewed 33140 times

Þá er að búa til stensil til að skera út göt í hólfin... best fannst mér að nota bara blað og skítuga hanska :)

stenslarnir og bæturnar sem urðu til ásamt einu þili sem fer í innri síls og tengist við styrkingu á hurðapóstinum. Settar rær og málað að innanvörðu með zink grunn eins og gert var hinumegin.

20.jpg (285.17 KiB) Viewed 33140 times

Þá var bara næst að skella þessu í

Búið að loka hólfum sem er sirka eitt kvöld. Búið að loka hurðastafnum sem er tímafrekast og er svona tæpt kvöld.

22.jpg (504.29 KiB) Viewed 33140 times

í millitíðinni fékk ég sendingu af Eibach gormum sem áttu að fara í að framan... en kallin klúðraði og pantaði of granna gorma. Smá klúður en það er ekki annað að gera en að senda þá út af og fá rétta gorma.

23.jpg (507.15 KiB) Viewed 33140 times

Þá er búið að loka og sjóða innra brettinu farþegamegin

24.jpg (487.22 KiB) Viewed 33140 times

og búið að klippa úr og gang frá brettinu líka.

25.jpg (532.23 KiB) Viewed 33140 times

Það var smá púsl með bótina undir lofthreinaranum. Ég ætlaði að færa lofthreinsaran ofar en þá hefði ég lent í smá keðjuverkandi veseni með snorkelið sem ég hef eiginlega ekki tíma í. Þannig að með smá þolinmæði tókst mér að taka bótina aðeins niður og skafa aðeins af botninum á lofthreinsaranum þannig að hann sleppur á sinn upprunalega stað.

26.jpg (590.61 KiB) Viewed 33140 times

Lofthreinsarinn kominn í á sínum upprunalega stað. Þetta á að rétt sleppa. Það er eingöngu í fullri beygju og fullum samslætti sem þetta gæti hugsanlega orðið fyrir. En svoleiðis aðstæður skapast bara þegar bíllin stendur á búkkum.

27.jpg (721.35 KiB) Viewed 33140 times

[Óskar - Einfari]

áfram, áfram, áfram...

Ég þurfti að smíða geymafestingu þar sem hin fór alveg undir úrklippingu. Þegar ég byrjaði áttaði ég mig á að ég átti bara 3mm plötustál sem er alveg langtum það sem þarf en það var eiginlega ekki í boði að stoppa svo það var bara notað.... þetta endist þá bílinn og kanski næsta bíl líka

01.jpg (442.42 KiB) Viewed 32797 times

Festingin klár

02.jpg (451.18 KiB) Viewed 32797 times

hækkunin frá upprunalegu festinguni

03.jpg (479.37 KiB) Viewed 32797 times

Búið að sandblása og grunna. Þar sem geymurinn er kominn hærra upp í húddið og þetta er stór geymir þá hannaði ég festinguna þannig að hún klemmir niður botnin í staðin fyrir að klemma yfir geyminn.

04.jpg (451.16 KiB) Viewed 32797 times

hér er búið að kítta yfir allar suður

05.jpg (436.72 KiB) Viewed 32797 times

og síðan grunna

06.jpg (491.66 KiB) Viewed 32797 times

og grunna inni líka

07.jpg (433.21 KiB) Viewed 32797 times

festingin komin á sinn stað og allt grunnað

08.jpg (565.62 KiB) Viewed 32797 times

kominn tími á að raða saman bílnum aftur

09.jpg (551.32 KiB) Viewed 32797 times

mikið búið að tengja af lögnum, intercooler, vatnskassi og ac kælir komnir í. Búið að tengja allar lagnir fyrir hráolíu, kælingu o.fl

10.jpg (506.94 KiB) Viewed 32797 times

svo kom grjótvörn inn í hjólaskálar

11.jpg (515.35 KiB) Viewed 32797 times

og málað ofan í húddinu

12.jpg (660.8 KiB) Viewed 32797 times

hér má lofthreinsarinn koma þegar allt er þornað

13.jpg (668.95 KiB) Viewed 32797 times

búið að mála brúnina á brettunum

14.jpg (657.85 KiB) Viewed 32797 times

kælir fyrir sjálfskiptinguna kominn í

15.jpg (635.38 KiB) Viewed 32797 times

allt víralúmm frá vél og inn í vélartölvur komið í, tengt og klárt.

16.jpg (439.75 KiB) Viewed 32797 times

næst var að fá alla vökva á bílinn. Þegar búið er að tæma alltsaman er þetta alveg slatti af vökvum sem þarf.

17.jpg (431.39 KiB) Viewed 32797 times

Diesel sett á tankinn

18.jpg (450.63 KiB) Viewed 32797 times

Lofthreinsari kominn í ásamt, öryggjaboxi og rafgeymi.

19.jpg (634.07 KiB) Viewed 32797 times

Rafmagn komið á græjuna

20.jpg (432.84 KiB) Viewed 32797 times

og síðan endaði kvöldið svona. Fór í gang í fyrstu tilraun eftir að ég var búínn að pumpa diesel alveg þangað til pumpan stoppaði sem tók nú alveg smá tíma!. Eftir 10 mánaða vinnu er þetta eitt fallegasta hljóðið sem ég hef heyrt, engin vélarljós og bíllin gengur fínt.


og eitt í viðbót í lokinn af bílnum í gangi

[Sævar Örn]

flott Óskar þetta er frábært og vel gert hjá þér, ég hef verið í flutningum og var því fyrst að sjá þetta hjá þér núna.. er að flytja úr bænum og hætta á verkstæðinu eftir rúmlega 10 ára leigu og ýmis verkefni, en segja má að lengingin á mínum bíl frá síðastliðnum vetri hafi komið sér vel í flutningunum.

Þú nærð alveg hálendinu svona þegar snjóa leysir seinna í sumar sýnist mér! kannski sjáumst við á fjö-llum kv. sævarörn

[Óskar - Einfari]

Jæja eftir að búið var að ganga vel marga daga í röð kom smá bakslag, svo annað smá bakslag og svo endaði ég með að vinna of mikið og sofa of lítið sem endaði með að kallinn bræddi úr sér með hita, hausverk og bara verki um allt og áður en ég sofnaði með eitthvað verkfæri í höndunum neyddist ég til að taka mér sólahring í pásu. En það er löngu búið og allt komið á fullt aftur. Nú skal bíllinn saman, ég ætla taka mér frí með fjölskyldunni í júlí og ferðast. Það sem stendur út af verður klárað næsta haust.

Fyrsta bakslagið kom í ljós stuttu eftir gangsetningu. Pínulítið gat á olíupönnuni.

01.jpg (357.15 KiB) Viewed 32344 times

Ég gerði heiðarlega tilraun til að setja suðupunkta í gatið en þarna var bara ekkert til að sjóða í!

02.jpg (408.13 KiB) Viewed 32344 times

Næsta bakslag var ryð sem mér yfirsást fyrir ofan síls alveg aftast farþegamegin

03.jpg (413.14 KiB) Viewed 32344 times

Það var nú samt sem betur fer fljótlegt að laga!

04.jpg (425.59 KiB) Viewed 32344 times

Olíupannan var hinsvegar meira vesen! þá þurfti að rífa allt undan bílnum

05.jpg (608.66 KiB) Viewed 32344 times

Þarna er semsagt pittur sem hefur haldið kjafti alveg þangað til ég sandblés pönnuna.

06.jpg (443.74 KiB) Viewed 32344 times

til toppa klúðrið þetta kvöld braut ég skynjaran í pönnuni þegar ég tók hana úr.

07.jpg (358.28 KiB) Viewed 32344 times

Skemmdin skorun úr pönnuni


Bót búin til í pönnuna


og síðan soðin í

og þá er þetta mál leyst

11.jpg (657.97 KiB) Viewed 32344 times

Næst var að laga skynjaran.

Pannan stóð yfir nótt með vatni og er hætt að leka. Svona tókst mér að spara 153.000 sem þessir tveir hlutir áttu að kosta nýjir í umboðinu!

13.jpg (523.8 KiB) Viewed 32344 times

Næst var að plastera og grunna sílsana og neðst hlutan af hurðafalsinu.

14.jpg (491.31 KiB) Viewed 32344 times

og á meðan það þornaði var eitthvað annað græjað á meðan. Þegar maður vinnur hratt gleymist stundum aðeins að taka myndir. En þarna er ég búinn að skipta um ytri öxulhosuna eftir að jafnvægistöngin datt á hana og gerði gat!

15.jpg (435.47 KiB) Viewed 32344 times

Svo var að skipta um krossa í frammskaptinu

16.jpg (610.11 KiB) Viewed 32344 times

Þarna hefur á endanum komist inn vatn, en 14 ár verður að teljast nokkuð góður líftími!

17.jpg (663.86 KiB) Viewed 32344 times

Grunnurinn löngu þornaður. Þá fór næst yfir efni sem heitir Titan Shell frá 4CR sem er í raun sama efni og Raptor frá U-Pol, bara ekki eins vel markaðsett. Þetta er 2K Polyurethane húð sem er lituð í sama lit og bíllin. Munurinn er þetta er mun slitsterkara efni en bílalakk og hentar því vel á staði sem mæðir mikið á!

18.jpg (489.92 KiB) Viewed 32344 times

Þetta virðist ætla að koma ágætlega út!

19.jpg (563.42 KiB) Viewed 32344 times

á meðan efnið var þornað var gengið í allskonar lausa enda, gólfteppið hreinsað, frammfjöðrun sett undir aftur eftir að olípannan var komin í aftur og hérna er búið að setja tjörumottur í gólfið, yfir úrklippur og síðan pensilkítti meðfram öllu.

20.jpg (618.57 KiB) Viewed 32344 times

Svo var raðað saman framm á nótt, smátt og smátt fer þetta að líkjast einhverju sem kanski keyrir...

21.jpg (507.58 KiB) Viewed 32344 times

[Óskar - Einfari]

flott Óskar þetta er frábært og vel gert hjá þér, ég hef verið í flutningum og var því fyrst að sjá þetta hjá þér núna.. er að flytja úr bænum og hætta á verkstæðinu eftir rúmlega 10 ára leigu og ýmis verkefni, en segja má að lengingin á mínum bíl frá síðastliðnum vetri hafi komið sér vel í flutningunum.

Þú nærð alveg hálendinu svona þegar snjóa leysir seinna í sumar sýnist mér! kannski sjáumst við á fjö-llum kv. sævarörn

Takk fyrir það :)
Ég er búinn að sjá nokkrar myndir af þínum Hilux í vetur. Þetta lítur mjög vel út og verður gaman að vita hvernig þetta reynist með pallhýsi. Ég velti þessari leið oft fyrir mér áður, að lengja hjólabilið duglega til að fá betri þyngdardreyfingu undir pallhýsi. Afturhásingin er nefnilega heldur framarlega á þessum litlu japönsku pallbílum. En það eru komin alveg þrjú börn síðan ég var í einhverjum svoleiðis pælingum þannig að það er of seint núna haha :)

[andrig]

Hvar verslaru þetta Titan shell?

[íbbi]

þetta er þrælflott allt saman, vinnubrögðin til sóma

hörku gangur í þessu líka.

[Óskar - Einfari]

Hvar verslaru þetta Titan shell?

Poulsen selur Titan Shell frá 4CR.
Síðan er Orka líka með 2K Polyurethan kit frá MIPA
Málningarvörur eru síðan með Raptor fra U-Pol

Allir selja annaðhvort svart eða glært sem er hægt að lita.

[Óskar - Einfari]

þetta er þrælflott allt saman, vinnubrögðin til sóma

hörku gangur í þessu líka.

Takk fyrir það.... þetta er harður lokasprettur. Það verður ágætt að kynnast fjölskyldunni aftur í júlí :)

[StefánDal]

Þetta er glæsilegt og djöfull ertu búinn að halda vel áfram!
Stór plús í kladdann að nota svo raptor þar sem hann á heima :)

[jongud]

Þetta er glæsilegt og djöfull ertu búinn að halda vel áfram!
Stór plús í kladdann að nota svo raptor þar sem hann á heima :)

Einmitt, Raptor á ekki heima ofan við sílsa

[StebbiHö]

Poulsen selur Titan Shell frá 4CR.
Síðan er Orka líka með 2K Polyurethan kit frá MIPA
Málningarvörur eru síðan með Raptor fra U-Pol

Allir selja annaðhvort svart eða glært sem er hægt að lita.

Sæll, glæsileg vinna hjá þér og bíllinn hel flottur, til hamingju með hann.
Eru þessi efni svo sem Títan þá ekki upplögð á felgur, er að sanda niður orginal felgur undan LC 120 sem ég ætlaði að sprauta en væri þetta ekki heppilegra efni til að endast betur?

Kv Stefán

[Óskar - Einfari]

Poulsen selur Titan Shell frá 4CR.
Síðan er Orka líka með 2K Polyurethan kit frá MIPA
Málningarvörur eru síðan með Raptor fra U-Pol

Allir selja annaðhvort svart eða glært sem er hægt að lita.

Sæll, glæsileg vinna hjá þér og bíllinn hel flottur, til hamingju með hann.
Eru þessi efni svo sem Títan þá ekki upplögð á felgur, er að sanda niður orginal felgur undan LC 120 sem ég ætlaði að sprauta en væri þetta ekki heppilegra efni til að endast betur?

Kv Stefán

Ég hef alveg velt því fyrir mér að nota þetta á felgur og sé ekki hvað ætti að mæla gegn því!. Gæti verið talsvert ódýrara en políhúðun Þetta er orðið notað talsvert á sílsa, hurðarföls, stuðara, dráttarbeisli og fleiri staði sem mæðir mikið á. Það sem þarf kanski að passa helst með felgurnar er að setja alls ekki þykkt lag á flangsinn sem leggst upp að nafinu.
Eins og með allt.... því betri sem undirvinnan er því betur endist efnið