Húsafell að Jaka

[KÁRIMAGG]

Veit einhver hvernig vegurinn er þessa leið og hvernig jökullinn er fyrir sleða ??

[haffiamp]

Fór þarna á Sunnudaginn, þessi leið er alveg þurr og auð og slétt og jökullinn er flottur fyrir sleða, allavega á sunnudaginn...

við hittum þarna verktakann sem er að gera íshellinn og hann varaði okkur við því að fara mikið útfyrir förin (vorum á jeppum) því það væru enn vatns pittir sem væri stutt niðurá...

en svo er afturá móti kaldidalur hundleiðinlegur, enginn snjór bara drulla og leiðinleg hjólför

[scweppes]

Sælir,
varðandi Langjökul almennt langar mig að vara við aðstæðum á jöklinum þessa dagana. Vorum á sprungubjörgunaræfingu fyrir ofan túristasleðarúntinn Skálpanes-megin á laugardaginn. Það er snjór á jöklinum sem heldur engu. Misstum tvo bíla niður á þessum stutta kafla upp að svæðinu.

Fjöldinn allur af björgunarmönnum stigu í gegnum sprungur á 100-200m spotta frá bílum/sleðum að verkefnunum. Amk. tveir fóru í sprungur, í línu. Félagi minn hvarf ofan í skafl fyrir aftan mig sem ég var nýbúinn að labba yfir, fjóra metra niður og nóg eftir fyrir neðan hann.

Héldum síðan upp á jökul, það var krapi þegar ofar dró en hart og fínt færi uppi á hájöklinum, í 1100-1200 metrum. Brekkan upp í Fjallkirkju erfið og hálka í henni, rétt við núll gráður þar uppfrá.

Mætti alveg snjóa helling þarna og frjósa áður en jökullinn verður góður til ferðalaga.

Minni á sprungupælingarnar í eldri þræði, förum ekki á jökla án þess að vera með belti, línu, búnað til að hífa félaga upp og kunnáttu til þess. Búnaður líka útlistaður hér: viewtopic.php?f=2&p=119354