Lítill Hilux með fjöðrun

[Bskati]

ein spurning er hægt að nota þessa kanta annað hvort af þinum eða tacomuni á 92 4runner og kansk með smá föndri þá og hvar fást þeir

er bara að hugsa að þessir kantar eru mun ofar á brettunum minna að hækka upp eða leifir mun leingri fjöðrun

kantarnir mínir eru í grunninn 44 tommu kantar á 89-97 hilux, stundum kallaðir Freysakantar. Ég hækkaði þá hins vegar ennþá meira og breikkaði svolítið og breytti til að láta þá passa á bílinn. Ég á ekki mót af þeim.

Ef þú æltar að setja háa kanta á 92 4runner þá mæli ég bara með því að þú kaupir svona kanta, fást hjá Gunnari Ingva. Þeir passa beint á 4runner frambretti og það þarf lítið að breyta þeim að aftan. Þeir eru býsna hátt á því því boddýi. Húddið á mínum er eitthvað hærra en á gömlu hilux og 4runner, þess vegna gat ég hækkað þá meira.

[-Hjalti-]

ein spurning er hægt að nota þessa kanta annað hvort af þinum eða tacomuni á 92 4runner og kansk með smá föndri þá og hvar fást þeir

er bara að hugsa að þessir kantar eru mun ofar á brettunum minna að hækka upp eða leifir mun leingri fjöðrun

fullt af 2gen 4runner bílum með þessa kanta , meðal annars minn

[jongud]

Ef ég man rétt þá þarf vottun á öllum sérsmíðuðum hlutum í stýrisgangi, svo þetta er spurning hvort menn telja stífurnar hluta af stýrisbúnaði eða ekki.

Alls ekki.
Rökin hjá þér hitta beint í mark, það á ekki að skipta neinu máli hvort stífur snúa langsum eða þversum.

Hinsvegar sé ég að það er mun flóknara að reikna út sjálfstæða fjöðrun af því að þetta þarf að vera "speglað" nákvæmlega milli hægri og vinstri hliðar og svo koma driföxlarnir inn á milli og stýrisgangurinn þarf einnig að makka rétt.
Töluvert flóknara en þegar maður er með heila hásingu, en þú hefur sannað það að íslenskum jeppamönnum er ekkert óyfirstíganlegt.

Þetta er frábærlega VEL smíðaður jeppi og myndirnar sína vönduð vinnubrögð.

[Hfsd037]

Sammála Jóni.

Núna vantar bara gott video og reynslusögur um hvernig þessi er að haga sér upp á fjöllum í details :)

[Bskati]

Sammála Jóni.

Núna vantar bara gott video og reynslusögur um hvernig þessi er að haga sér upp á fjöllum í details :)

Ég er nú því miður bara búinn að fara eina alvöru fjallaferð á honum, og hann reyndist ágætlega þá. Svo bara eitthvað smá spól á grófum malarvegum í kringum borgina og það er bara gaman, étur vúpsur eins og ekkert sé.

En síðan þá hef ég ekkert getað notað bílinn, var erlendis að vinna, kom heim og lenti í vélsleðaslysi daginn eftir. Svo ég held að þessi bíll verði ekki mikið notaður fyrr en í sumar, því ég má ekki nota kúplingsfótinn næstu vikurnar.

[ArnarST]

nokkrar myndir úr prufutúrnum

Hvaða vél er í þessari tacomu? og hvaða vél er hjá þér?

[gislisveri]

Ertu með ballansstöng að aftan? Áttu myndir af þeirri útfærslu?

[Bskati]

Hvaða vél er í þessari tacomu? og hvaða vél er hjá þér?

Tacoman hans Gísla er með original 4.0 V6 mótor

Hiluxinn minn er með original 2.5 diesel mótor

[Bskati]

Ertu með ballansstöng að aftan? Áttu myndir af þeirri útfærslu?

nei ég er ekki með neinar ballansstangir, en það vantar eiginlega. Var að hugsa um að smíða hana uppí grind fyrir aftan afturhásinguna. Hún er nú samt ekki mjög framarlega á forgangslistanum.

[HaffiTopp]

Ég er soldið forvitinn með uppsetninguna á A-link stífunni að aftan.
Hvernig kemur þetta út með svona fóðringu á hásingunni með tilliti til vixlfjöðrunar og álíka? Gefur fóðringin eitthvað eftir eða er mikið álag á henni (að þínu mati/reynslu) Er ekki möguleiki að setja einhverskonar spyndilkúlu eða álíka í staðinn, eitthvað sem gefur meira eftir til hliðanna og leyfir meira travel?
Hvernig fóðring er þetta annars?

[Bskati]

Ég er soldið forvitinn með uppsetninguna á A-link stífunni að aftan.
Hvernig kemur þetta út með svona fóðringu á hásingunni með tilliti til vixlfjöðrunar og álíka? Gefur fóðringin eitthvað eftir eða er mikið álag á henni (að þínu mati/reynslu) Er ekki möguleiki að setja einhverskonar spyndilkúlu eða álíka í staðinn, eitthvað sem gefur meira eftir til hliðanna og leyfir meira travel?
Hvernig fóðring er þetta annars?

Þetta leyfir amk nógu mikið travel. Með þessum dempurum get ég náð 75 cm travel og þá er fóðringin enn ekki komin á damp. Ég er með mjög langar stífur svo hornið á fóðringuna verður ekki mikið.

Misfjörðun er líka mikil, í raun of mikil :) Svo ég sé ekki ástæðu til að nota spindilkúlu í staðinn út af hreyfingum.

Þetta er fóðring úr LC80, upp í grind á framstífu.

Ég fór þessa leið þar sem ég taldi þetta vera einfaldara heldur en að nota spindilkúlu og auðveldara að skipta um. Eins held ég að spindilkúla eyðileggist fyrr ef hún fer á damp, en ég hef svo sem ekkert fyrir mér í því annað en eigið mat.

Freyr vinnufélagi minn er með að mig minnir stýrisenda úr vörubíl í sama hlutverki í XJ, held að það hafi komið ágætlega út líka. Hann er hér á spjallinu og er örugglega til í að tjá sig um það :)

[HaffiTopp]

Já takk fyrir það Baldur. Kemur líka örugglega betur út að hafa fóðringuna svona á hlið frekar en að hún sé lárétt. Var að forvitnast með að setja svona svipað uppsett og er að aftan í Trooper nema þar er fóðringin lárétt/þverrt og maður gæti ímyndað sér að það sé meiri heftun í því en eins og þú ert með þetta hjá þér. Er ekki tilgangur að setja A-link uppi hjá mér þar sem það er þverstífa orginal að aftan. (Afsakar að maður skuli stela þræðinum svona:D )
Er þá ekki næst á döfinni að uppfæra bremsurnar á Tacoma-hásingunni? ;)

[gislisveri]

Ég er soldið forvitinn með uppsetninguna á A-link stífunni að aftan.
Hvernig kemur þetta út með svona fóðringu á hásingunni með tilliti til vixlfjöðrunar og álíka? Gefur fóðringin eitthvað eftir eða er mikið álag á henni (að þínu mati/reynslu) Er ekki möguleiki að setja einhverskonar spyndilkúlu eða álíka í staðinn, eitthvað sem gefur meira eftir til hliðanna og leyfir meira travel?
Hvernig fóðring er þetta annars?

Það er orginal "spindilkúla" í a-stífufjöðrun á Vitara og sjálfsagt fleirum, ekkert að því systemi.
Ef þetta er sú fóðring sem mér sýnist, þ.e. grindarfóðringin úr framstífum í LC80, þá étur hún auðveldlega allt travel sem þarf með svona langar stífur.
Það er frekar að hún hamli misfjöðrun, en "full" misfjöðrun er heldur ekki svo eftirsóknarverð í svona smíði og frekar reynt að hamla henni svo bíllinn sé ekki eins svagur.

Annars ætla ég ekki að ræna orðinu af eigandanum.

[Bskati]

Já takk fyrir það Baldur. Kemur líka örugglega betur út að hafa fóðringuna svona á hlið frekar en að hún sé lárétt. Var að forvitnast með að setja svona svipað uppsett og er að aftan í Trooper nema þar er fóðringin lárétt/þverrt og maður gæti ímyndað sér að það sé meiri heftun í því en eins og þú ert með þetta hjá þér. Er ekki tilgangur að setja A-link uppi hjá mér þar sem það er þverstífa orginal að aftan. (Afsakar að maður skuli stela þræðinum svona:D )
Er þá ekki næst á döfinni að uppfæra bremsurnar á Tacoma-hásingunni? ;)

Ég setti A-stífu í þetta til að geta sleppt þverstífunni. En með svona miklu traveli væri hliðarhreyfingin á hásingunni alltof mikil með þverstífu.

Ég sé ekki ástæðu til að uppfæra bremsurnar, bílinn er svo léttur að aftan að kloss bremsar að aftan núna áður löngu áður en hann klossar að framan, svo ég þarf að stilla bremsudeilin eitthvað betur. Mér finnst þessi bíll bremsa mikið mikið betur en gamli hiluxinn minn.

Amk er margt á undan bremsunum á listanum.

[Bskati]

Nú er ég loksins orðinn nógu frískur til að geta notað bílinn. Skrapp því í Bása á föstudagskvöld og tók svo smá gopro prufu á Djúpavatnsleið í dag.

kominn á sumardekkin og felgurnar og inn í Bása:



Fyrsta gopro prufa:
http://www.youtube.com/watch?v=hTH35jNt-HA&feature=youtu.be

[birgthor]

Virkilega flottur hjá þér og gott að heyra að þú sért að ganga saman aftur :)

[Sæfinnur]

Nú er ég loksins orðinn nógu frískur til að geta notað bílinn. Skrapp því í Bása á föstudagskvöld og tók svo smá gopro prufu á Djúpavatnsleið í dag.

kominn á sumardekkin og felgurnar og inn í Bása:



Fyrsta gopro prufa:
http://www.youtube.com/watch?v=hTH35jNt-HA&feature=youtu.be

Fyrir svona mönnum tekur maður ofan, hneigir sig djúpt og óskar mönnum til hamingju. Þvílíkar pælingar og snildar smíði.
Koma ekki fleiri myndir og reynslu sögur. Ég hef áhuga á að vita hvernig klafafóðringarnar endast thegar klafinn er orðinn svona langur.
Enn og aftur, tæra snild.

[Bskati]

jájá það er eitthvað til að myndum.

Hann hefur reynst ágætlega enn sem komið er. Ég þarf að tjúnna afturfjöðrunina aðeins til, mýkri gorma og breyta ventlum í dempurum. Svo er ég búinn að vera að dunda við að koma intercoolernum í, smíða gangbretti, afgas og boost mæli, handbremsu og eitthvað fleira. Annars er ég búinn að keyra hann rúma 7000 km og það hefur lítið komið uppá síðan í prufutúrnum.

Á Langjökli í júní:

Þetta er ennþá vörubíll:

Við Jökulsárlón:

Túristarnir vita ekkert hvað þetta er:

Hádegisgrill við Dreka:

Á flæðunum á Gæsavatnaleið:

Blátt dót:

Á 4x4 sýningunni:



Landbúnaðartæki:

Kominn með nýju gangbrettin:

[olafur f johannsson]

Magnaður vagn

[sonur]

Verulega fallegt og flott eintak af Hilux

[StefánDal]

Virkilega flott tæki.

Eru einhverjar breytingar á döfinni?

[Hfsd037]

Hann er ógeðslega svalur hjá þér!

Finnst þér afturhásingin vera á góðum stað, ég hafði hugsað mér að fara með mína aftar en hjá þér, er eitthvað vit í því?

[Wrangler Ultimate]

Mjög áhugaverð smíði , mjög verklegur bíll.

Hvað viktar bíllinn eftir breytingu ?

kv
Gunnar

[Bskati]

Hann er ógeðslega svalur hjá þér!

Finnst þér afturhásingin vera á góðum stað, ég hafði hugsað mér að fara með mína aftar en hjá þér, er eitthvað vit í því?

Ég setti hana þarna til að hafa nóg pláss fyrir demparana fyrir framanh hjól en aftan húsið. Hann er eiginlega fullléttur að aftan, svo ég myndi ekkert mæla sérstaklega með því að fara of aftarlega, þessir bílar eru framþungir original. Það verður nú að vera smá þyngd á afturhásingunni.

[Bskati]

Mjög áhugaverð smíði , mjög verklegur bíll.

Hvað viktar bíllinn eftir breytingu ?

kv
Gunnar

Takk fyrir það.

Hann er um 1900 kg tómur. Var viktaður 1860 kg án afturhlera og með c.a. 40 lítra af olíu á tönkum. Síðan þá er búið að bæta einhverju dóti í hann. Svo ég held 1900 kg tómur með tóma tanka sé ekki fjarri lagi, það er amk opinber tala hjá mér :)

[Bskati]

Virkilega flott tæki.

Eru einhverjar breytingar á döfinni?

Það sem er á döfinni er að kaupa eitthvað af gormum og fikta í afturdempurum og svo klára að koma intercoolerdótinu í samband, en ég er alltaf að bíða eftir tölvukubbnum.

Þar á eftir er að smíða stuðara, skidplötur, rasstank og fara í aukarafmagnið.

Annars er planið að keyra sem mest á næstu mánuðum og bíða frekar með dundið.

[Bskati]

Ný vél væntanleg til landsins, þetta er ónotuð, c.a. 92 árg af Toyota 1UZ-FE, 4.0 lítra V8 32 ventla álmótor.

[sonur]

Ný vél væntanleg til landsins, þetta er ónotuð, c.a. 92 árg af Toyota 1UZ-FE, 4.0 lítra V8 32 ventla álmótor.

Hvaðan ertu að versla hana?
hvað er hún að kosta heim komin?
hvaða gírkassa eða skiptingu notaru aftaná hana?

Er búinn að vera með auga á svona vél í 2ár en það finnst ekkert aftaná hana tilþess að nota
og þetta eru ódýrar vélar og öflugar fyrir peninginn :D

[fordson]

Þetta stefnir í svaðalegan hilux, sérstaklega með þennan mótor

[ellisnorra]

Glæsilegt!
En afhverju svona gömul vél? Er hún ekki barn síns tíma, mun þróaðari og betri vélar í dag?
Alls ekki skítkast, bara vangaveltur. Wikipedia segir að hún sé 256 hestöfl sem er auðvitað mjög skemmtilegt, en hvað var það sem gerði útslagið með þessa vél?
Ætlaru að keyra hana á standart ECU eða standalone? Tjúna eitthvað? Passar hún beint á kúplingshúsið hjá þér eða ætlaru að uppfæra gírana líka?

"The 1UZ-FE was voted to the Ward's 10 Best Engines list for 1998 through 2000." Vissulega eru þetta meðmæli :)

[Hordursa]

Er búinn að vera með auga á svona vél í 2ár en það finnst ekkert aftaná hana tilþess að nota

þá er bara að smíða það sem þarf til að láta hlutina passa :-)

Djöfull líst mér vel á þetta hjá þér Baldur.

kv Hörður

[Bskati]

Hvaðan ertu að versla hana?
hvað er hún að kosta heim komin?
hvaða gírkassa eða skiptingu notaru aftaná hana?

Er búinn að vera með auga á svona vél í 2ár en það finnst ekkert aftaná hana tilþess að nota
og þetta eru ódýrar vélar og öflugar fyrir peninginn :D

Já ég er búðinn að vera spá í þessum UZ og UR vélum lengi, var eiginlega búinn að ákveða að kaupa nýrri gerði af 1UZ-FE, vél sem er VVT-i. En svo bauð vinnufélagi minn í Noregi mér þessa vél til kaups á góðu verði, og ég gat bara ekki sleppt því, sérstaklega þar sem hún er ónotuð.

Ég ætla að nota R151F gírkassann sem er í bílnum mínum, það er kassinn sem strákarnir í ástralíu og nýja sjálandi vilja nota með þessari vél. En þar er mikið gert að því að setja þessa vél í hina og þessa bíla. Það er hægt að kaupa kúplingshús sem lætur þetta boltast saman, eða smíða sér milliplötu

[Bskati]

Glæsilegt!
En afhverju svona gömul vél? Er hún ekki barn síns tíma, mun þróaðari og betri vélar í dag?
Alls ekki skítkast, bara vangaveltur. Wikipedia segir að hún sé 256 hestöfl sem er auðvitað mjög skemmtilegt, en hvað var það sem gerði útslagið með þessa vél?
Ætlaru að keyra hana á standart ECU eða standalone? Tjúna eitthvað? Passar hún beint á kúplingshúsið hjá þér eða ætlaru að uppfæra gírana líka?

"The 1UZ-FE was voted to the Ward's 10 Best Engines list for 1998 through 2000." Vissulega eru þetta meðmæli :)

Vegna þess að ég veit að þetta góðar vélar, léttar og nokkuð aflmiklar miðað við stærð. Ég myndi alls ekki segja að þessi vél sé barn síns tíma, þar sem hún var mjög framúr stefnuleg þegar hún kom fyrst á markað.

Hún verður keyrð með Megasquirt, eftir því sem ég hef lesið á að vera hægt að ná henni í uppundir 300 hp bara með góðu mappi.

Ég hugsaði alveg um að kaupa LS, en mér finnst það bara ekkert spenandi, það eru allir hinir með þannig. Það sem gerði útslagið á endanum var verð og sú staðreynd að þessi vél er alveg ónotuð, og svo er þetta Toyota vél!

[Hfsd037]

Geggjað, þessi verður sennilega óstöðvandi eftir vélarskiptin!

Ég á briddebuilt grind að framan fyrir mjög lítinn pening ef þú vilt, hún er smá bogin öðru megin en hún gerir sitt gagn, leiðinlegt að vera með bílinn svona óvarinn að framan í ferðum.

Er með aðra nýrri og sverari sem ég læt á í staðinn :)

[wstrom]

Mig vantar svona grind ef Baldur vill hana ekki

[StefánDal]

Þetta verður flott. Gaman að sjá eitthvað annað í vélavali en þetta hefðbundna.

[ellisnorra]

Takk fyrir gott svar, ég er bara að spekulera í þessu því ég þekki þessar vélar ekki neitt. Hver geymir svona vél í 20 ár án þess að finna henni tilgang? :) Gamall lager kannski?

Mér líst mjög vel á þetta, þessi bíll er orðinn svo vel útbúinn að þessi dísel hækja hæfir honum engan veginn þó hún sé góð í honum original :)

[Bskati]

Geggjað, þessi verður sennilega óstöðvandi eftir vélarskiptin!

Ég á briddebuilt grind að framan fyrir mjög lítinn pening ef þú vilt, hún er smá bogin öðru megin en hún gerir sitt gagn, leiðinlegt að vera með bílinn svona óvarinn að framan í ferðum.

Er með aðra nýrri og sverari sem ég læt á í staðinn :)

nei takk, ég ælta að smíða nýjan stuðara

[hannibal lekter]

svakalega flottur þessi en hvernig hefur hann verið að koma út? átti klafa hiluz í fyrravetur og hann var bara alltaf á kviðnum að framann var svosem nokkuð góður í sumum færum en var ekki allveg nógu sáttur með hann en er vonandi að fara að gera upp Gaz 69 sem verður á 38" í vetu ef ég finn húspláss var víst nokkuð seigur hér á árum áður segja mér menn.

[Bskati]

svakalega flottur þessi en hvernig hefur hann verið að koma út? átti klafa hiluz í fyrravetur og hann var bara alltaf á kviðnum að framann var svosem nokkuð góður í sumum færum en var ekki allveg nógu sáttur með hann en er vonandi að fara að gera upp Gaz 69 sem verður á 38" í vetu ef ég finn húspláss var víst nokkuð seigur hér á árum áður segja mér menn.

kemur bara mjög vel út, en ég er svo sem vanur IFS bílum og reyndar hásinga líka. Maður þarf bara að keyra aðeins öðruvísi í snjó, mér finnst þetta bæði hafa sína kosti og galla, en heilt yfir er ég mikið hrifnari af IFS. Þessi bíll er td. hærri undir drif að framan er gamli hásinga bílinn minn, enda drifið töluvert fyrir oftan mið dekk. Aðalatriðið er samt að þetta fjaðrar bara svo mikið betur :)