Hið íslenska jeppaspjall

er hérna með patrol sem ég keypti síðasta vor. var þá á 38" og með 5:42 hlutföll og framlás og skriðgír þannig það eina sem vantaði var 44" svo ég ákvað nú að reyna að bæta úr því. var svolítið ryðgaður í kringum kantana og undir þeim. svo höfðu sílsarnir séð betri daga.



svona lítur hann út þegar ég kaupi hann.

hann var á of stórum dekkjum þannig hann hafði fjaðrað uppí kantana að aftan og brotið þá frá og einhvað.

kominn á lyftuna og kantarnir farnir að týnast af og smá ryð farið að koma í ljós.

öllu verri að framan

búið að skera úr og er þarna með 38" kantinn til viðmiðunar hvað var skorið.

búið að skera úr honum að framan og aftan

smá munur, þetta eru að vísu 44" kantarnir af bílnum hjá pabba en mínir voru lengdir um 5cm

Vertu duglegur að henda inn myndum. Ég er sjálfur í 44" hugleiðingum :)

kemurðu til með að færa hásingar einhvað ?

heyrðu já það var búið að færa hásinguna að framan um 2.5 cm fram og ætla ég að láta það duga skar bara meira úr, held annars að þeir séu að fara með þá fram um 3 cm í 44" breytingunni, svo fer afturhásingin aftur um 10 cm

ja svipað og eg er að gera. er reyndar að gera það upp við mig hvort eg eigi að lifta bodyinu i leiðinni um einhverja örfaa cm !

ég ætla allavegna alveg að láta það eiga sig að lyfta honum á boddý. sýndist um daginn þegar ég mátaði 44" undir hann að framan að hann sé vel hár.

Áttu einhverja góðar myndir af stífu síkkun og þessháttar?? Ég ætla reyndar að prufa 44" beint undir hjá mér og sjá hvort að ég þurfi að hækka eitthvað.

þarna er ein léleg mynd af því hvernig þetta er á bílnum hjá pabba, annars er ég að fara að klára að færa afturhásinguna hjá mér á næstu dögum skal bara taka myndir af því hvernig ég ætla að útfæra þetta og set inn.

jæja þá er komið að svolitlum pistli um það hvað er búið að gera fyrir þennan upp á síðkastið, en þar sem það bara snjóar meira þá þýðir ekkert annað en að rusla þessum bíl af.

en allavegna svona stendur hann, búið að mála hann að aftan eftir úrskurð og ryðbætur og einnig búið að fjarlægja af honum allar rendur.

léleg mynd en er búinn að smíða upp sílsana í bílnum báðu megin voru ekki fallegir en lét bara beygja fyrir mig efni og sauð nýja í og svo málað.

mjög léleg mynd kantarnir líta út fyrir að vera bleikir, en allavegna þeir vorur sprautaðir á sama tíma og afturendinn á bílnum og býða þess bara að vera settir á.

bílinn kominn saman að innan eftir að ég reif hann til að skera úr að framan.

sést hérna hvar ég skar úr og barði til og lokaði svo aftur.

búið að setja upphækkunarklossa í bílinn að framan.

byrjaður að smíða nýjar stífufestingar.

búið að sjóða þær undir og stífa þær í allar áttir svo þær ættu nú ekki að fara neitt.

hérna sést hvernig var búið að síkka hann niður að framan.

verið að smíða upphækkanir fyrir gormasætið, og var það smíðað svona til að koma upp á móti 10cm hásingarfærslu.

allt stífað niður svo þetta fari ekkert.

og verið að setja stífurnar í og sjá hvernig þetta lítur út.

þá er næsta stig að fá meira efni og búa til nýjar demparafestingar að aftan og fær skástífuna og þá fer að verða hægt að setja dekkin undir hann.

það verður að viðurkennast að smiðin á þessu gormasæti að aftan er algjör horbjóður hehe afhverju settirðu ekki upphækkunar klossa einsog að framan ?

49cm wrote:það verður að viðurkennast að smiðin á þessu gormasæti að aftan er algjör horbjóður hehe afhverju settirðu ekki upphækkunar klossa einsog að framan ?

Menn hafa í gegn um tíðina ekki farið neitt á lookinu :)
En mitt álit er það að ef menn komast hjá því að nota klossa þá er að betra.
Ég er búinn að fara í þessa aðgerð og færa afturhásinguna aftar um 10cm. Ég færði
skálarnar aftar og færði festinguna ofar á hásingunni. Þegar því var lokið þá áttaði ég mig á því
að ég væri kanski ekki besti suðumaðurinn og lét fagmann færa efri gormaskálina neðar
og setti skálina á hásingunni á sinn orginal stað.

Ég hef líka séð þá útfærslu að færa gormaskálarnar utar á hásinguni og smíða nýja skál undir grindina og
er það aðgerð sem ég myndi gera ef ég færi í þessa aðgerð aftur.

Við 10cm hásingarfærslu fann ég mun á flotinu og kom það mjög vel út á mínum gamla.

49cm wrote:það verður að viðurkennast að smiðin á þessu gormasæti að aftan er algjör horbjóður hehe afhverju settirðu ekki upphækkunar klossa einsog að framan ?

Þú ert dóni.

49cm wrote:það verður að viðurkennast að smiðin á þessu gormasæti að aftan er algjör horbjóður hehe afhverju settirðu ekki upphækkunar klossa einsog að framan ?

heyrðu jújú þetta lúkkar ekki en það eru klossar að ofan verðu en hásingin fór aftur um 10cm þannig einhvern veginn varð líka að koma á móti þeirri færslu með gormasætið, hefði vilja hafa þetta öðrvísi en þeir sem breyttu þessum bíl áður höfðu hálf eyðilagt gormasætið með því að hækka það upp með röri, þannig þetta var skársta niðurstaðan í málinu.

jæja smá uppdeit á þessum en allavegna kantarnir eru komnir á hann og búið að kítta þá
hásingarfærslan er klár og búið að stytta orginal drifskaft til að setja í hann og styttist því í að hann fari að keyra.


en allavegna svona líta dekkin úr orginal nema bara búinn að bora þau þarna.

og búið að skera þau

nýju olíulokin kominn í bílinn, á eftir að skipta um skrúfur í þeim við tækifæri.

og svo ein mynd sem sýnir hann aðeins að framan, tek svo betri myndir þegar hann er allur kominn saman.

Hvar fékkstu þessi olíulok?

Sæll og blessaður.

Langaði að vita varðandi neðri stífuna að aftan. Hvað síkkaðir þú hana marga cm.? Og svo efri stífurnar.? Lengduru þær bara eða síkkaðir þær líka (Eða hækkaðir festinguna á hásinguna.?

Kiddi wrote:Hvar fékkstu þessi olíulok?

heyrðu þetta eru bara áfyllingarlok í báta minnir að ég hafi fengið þau í vélasölunni.

Kölski wrote:Sæll og blessaður.

Langaði að vita varðandi neðri stífuna að aftan. Hvað síkkaðir þú hana marga cm.? Og svo efri stífurnar.? Lengduru þær bara eða síkkaðir þær líka (Eða hækkaðir festinguna á hásinguna.?

sæll. heyrðu minnir að hún hafi farið niður um sirka 14 cm, og lengdi svo neðri stífurnar líka, efri stífurnar lengdi ég bara í samræmi við færsluna á hásingunni.

MIJ wrote:

Kiddi wrote:Hvar fékkstu þessi olíulok?

heyrðu þetta eru bara áfyllingarlok í báta minnir að ég hafi fengið þau í vélasölunni.

Er ekki rétt að það er engin öndun í þessum lokum? Hvernig útfærðir þú öndunina á aðaltankinn?

Þessi lok fást í Vélasölunni og jú það er öndun á rörinu fyrir innan. Hægt að fá þau með mismunandi halla líka.


A.T.H. afsakið bullið í mér, mundi það núna ég setti öndunina á stútinn. Semsagt er ekki með öndun orginal.

ok, það er flott. Ég fór í vélasöluna fyrir jól til að ná í lok í þessum dúr en það eina sem þeir áttu þá með öndun var með þykku hvítu plastloki sem smelltist á sinn stað. Það var svo forljótt að mér datt ekki í hug að setja það á jeppann hjá mér.

jæja smá hvað var dundað í kvöld.

búið að smíða nýjan turn fyrir skástýfuna að aftan

og svo búið að mála allt sem var smíðað

verið að smíða rammann undir stigbrettið

og svo smá mátun.

hvernig vinkil járn notaðiru undir stigbrettin er að hugsa um að gera eins á min patrol
kv Heimir Páll

heimir páll wrote:hvernig vinkil járn notaðiru undir stigbrettin er að hugsa um að gera eins á min patrol
kv Heimir Páll

sæll. heyrðu ég notað 40/40 vinkil í burðinn og hann er stífaður upp í grind með flatjárni. og svo er það 30/30 vinkill sem kemur utaná

jæja þá er rétt að koma með nokkrar myndir í tilefni þess að þessi fór fyrsta rúnt áðan á 44" dekkjunum, og kom það bara mjög vel út dekkin óballenseruð en samt hvorki hoppar hann né skoppar og er bara mjög góður í keyrslu. en nokkrar myndir af honum.

skulum byrja á einni sem sýnir hvernig hann var þegar ég kaupi hann.






og svo hvernig hann er í dag
er bara mjög ánægður með það hvernig hann er að koma út, á svo eftir að klára að breyta honum að framan setja í hann nýjan stýriarm á liðhús sem þeir smíða í stál og stönsum og er ekki búinn að ákveða hvort ég hækka hann aðeins að framan eða lækka hann aðeins að aftan hvaða skoðun hafa menn á því ?

Var að skoða hjá þér gormastæðis færsluna að neðaverðu á afturhásingunni.

Þegar þú gerir þetta svona þ.e. heldur gorminum á orginal stað en færir hásinguna aftar þá ertu að auka kraftana á gorminn og þar af leiðandi að minnka virkni gormsins. En ég hélt einmitt að menn reyndu ávalt að fá aðeins stífara gorma í bíla sem mikið á að láta hreyfast.

Gerirðu þetta meða það í huga eða var þetta kannski bara þæginlegasta leiðin og hvernig finnst þér hann þá að aftan (ekkert og mjúkur)?

Sæll Birgir, tók smá prufurúnt á bílnum áðan og fannst hann lítið hafa breyst hvað varðar fjöðrun semsagt hann er bara stífur og fínn enþá, en með útfærsluna á færslunni á sætinu þá já leit þetta út fyrir að vera þægilegasta leiðin og svona í sveitinni þá notast maður við það efni sem maður hefur í svona breytingar,

hann er bara flottur !! en hvert færðirðu depmarafestingarnar að ofan ? eru þær undir rörinu sem þær stoðu upprunalega á ?

Sæll, flottur bíll hjá þér....

ertu til í að mæla eða taka myndir af hversu mikið pláss er við gólfið (hvalbaknum) í fullri beygju?
Erum með einn svona í samskonar breytingum... ásamt mikilli ryðbætingu. Sömu kantar en ákvað að færa þá aftar, fannst of lítið bil. Eigandinn er tvístígandi hvort hann fái sér DC eða Pitbull.

kv. Halldór

49cm wrote:hann er bara flottur !! en hvert færðirðu depmarafestingarnar að ofan ? eru þær undir rörinu sem þær stoðu upprunalega á ?

sæll. þær eru undir rörinu sem þær voru á .

Forsetinn wrote:Sæll, flottur bíll hjá þér....

ertu til í að mæla eða taka myndir af hversu mikið pláss er við gólfið (hvalbaknum) í fullri beygju?
Erum með einn svona í samskonar breytingum... ásamt mikilli ryðbætingu. Sömu kantar en ákvað að færa þá aftar, fannst of lítið bil. Eigandinn er tvístígandi hvort hann fái sér DC eða Pitbull.

kv. Halldór

sæll. kantarnir hjá mér eru eins aftarlega og hægt er miðað við að það sé hægt að opna hurðar án vesens, hef ekki mælt bilið á DC dekkjunum en áður en ég setti kantana á þá mátaði ég undir hann 44" super svamper sem eru stærri um sig en DC og þá voru 10 cm í fullri beygju í hvalbak.

hann er bara flottur

jæja þá var farin smá ferð í gær, annar prufurúntur á bílnum mínum og svo vorum við að prufa björgunarsveitarbílinn eftir að hann fékk nýja skó, ekki hægt að segja annað en að báðir bílar hafi komið fínt út, mjög þungt og leiðinlegt færi en annars mjög fínn dagur.


þegar verið var að leggja af stað.


björgunarsveitarbílinn eftir breytingu, var á 44" áður en núna á 46" og með úrhleypibúnar og fleira.

fórum á 2 jeppum og 5 sleðum

og svo fannst smá krapapittur.

þarna eru förin eftir mig við hliðina

ein mynd af hópnum
orðinn helvíti vígalegur og virkaði mjög vel


tókum svo eina kvöldferð uppá Lómfell,

Flott hjá þér félagi, til hamingju með flottan bíl.

hvað er lómurinn orðinn þungur

höfum ekkert mælt hann

ég sé enga sleða á þessum myndum... ég sé eingöngu bara 5 stk yamaha kafbáta...

en það eyðileggur lúkkið á þessum patrol björgunarsveitarbíl að breikka kanntinn svona...

finniði mikinn mun á 46" miðað við 44" á þessum hvíta patrol ? mikill munur á því hvernig hann var ?

valdibenz wrote:ég sé enga sleða á þessum myndum... ég sé eingöngu bara 5 stk yamaha kafbáta...

en það eyðileggur lúkkið á þessum patrol björgunarsveitarbíl að breikka kanntinn svona...

finniði mikinn mun á 46" miðað við 44" á þessum hvíta patrol ? mikill munur á því hvernig hann var ?

kantarnir eru bara ekki úr trebba þannig það þarf að kaupa nýja kanta ef það á að breikka þá víst og var þetta bara leist svona,

en það er þónokkur munur á honum á þessum dekkjum var að vísu bara fyrsta ferð á þeim en þau lofa mjög góðu

Björgunarsveitarbílar virka til síns brúks án þess að vera með flottasta lúkkið. Bara spurning um virkni, hinsvegar finnst mér skrítið að þegar spara þarf í kannta þá er samt hægt að vera með einkanúmer :)