Hið íslenska jeppaspjall

Var að kaupa þennan um daginn.

Jeep Cherokee Limited árg.´91 4.0ltr með flækjum. Á 35" dekkjum, loftlæstur að framan og aftan, sennilega á 4,88 hlutföllum. Loftstýrðir demparar allan hringin. Loftpúðar með fjöðrum að aftan. Þarf smá aðhlynningu, er nokkuð góður að mörgu leiti. Þyrfti t.d. að losna við þessa ljótu gylltu rönd. Þarf að ryðbæta toppinn á honum, laga loftpúðana að aftan og setja í hann teppi.
Bíllinn er keyrður 192.000 og vélin var víst tekin upp af umboði í 92.000 vegna einhvers galla. Hún er mjög góðu standi.
Ætla að reyna að mála hann við tækifæri.

Kveðja
Þengill

Jeppi er ekki jeppi nema að á honum standi Jeep.

Þetta eru skemmtilegir bílar, ég átti einn eins og þennan nema á gormum að aftan og beinskeittur. Það var svakalega skemmtilegt power sem hægt var að fá út úr honum svoleiðis.
Til hamingju með þennan

Já takk takk, ég seldi annan svona fyrir rúmi ári, dauðsá svo eftir honum að ég varð að kaupa mér annan. ;)
Þessi "nýji" er að vísu ekki alveg eins góður og hinn gamli var (árg´88), en aðeins betur búinn. Boddýið var allavega betra í þeim gamla.

Kv
Þengill

Mikið djöfull langaði mig altaf í þennan gamli sem að þú áttir. Drullu fallegur bíll. Þetta eru frábærir bílar. mannig langar altaf í svona aftur. :) Ég er sjálfur búinn að eiga einn svona á 38"

Jæja þá er minn búinn í yfirhalningu.
Svona lítur hann út í dag.

Ég reif allt innanúr honum, fyrir utan mælaborð. Setti nýtt teppi, ryðbætti toppinn, ryðbætti botnin, ryðbætti sílsa, skipti um bensíntank, skipti um loftpúða að aftan, skipti um hurðarhúna, skipti um topprennur, málaði allan bílinn og margt fleira. :)

Kveðja
Þengill

Ég er mjög ánægður með þig, búinn að gefa gamla bílnum mínum nýtt líf og það með glæsibrag.

Keypti þennan bíl nýjan á sínum tíma og átti hann í ein 17 ár. þetta var algjör dekurbíll og aldrei neitt til hans sparað. Ég var í vandræðum með lekann í honum og seinasta árið sem ég átti hann var hann númerslaus og stóð óhreyfður á hlaðinu heima.

Það kom til mín maður og spurði hvort ég vildi selja sér hann sem og ég gerði. Hlóð geymirinn um nóttina og viti menn, bíllinn hrökk í gang nánast á fyrsta starti. Nýi eigandinn eitthvað rétt aðeins dittaði að bílnum og síðan flaug hann í gegnum skoðun.

Konan mín varð einmitt alveg miður sín að sjá þessar gyltu renndur á gamla djásninu sínu og lá við að hún hefði samband við nýja eigandann og bæði hann að fjarlægja þessar gyltu renndur.

Þessi bíll þjónaði okkur hjónum mjög vel og farsællega þau ár sem við áttum hann og vonumst við til að hann komi til með eð þjóna þér eins vel til framtíðar.

Ánægjukveðjur,
Gummi og Alice

Hehe skemmtilegt. Lést þú breyta honum? Og er þetta þá rétt með vélina, var hún tekin í gegn af umboði? Og eru hlutföllin 4,88?

Hann var búinn að standa nærri óhreyfður í 5 mánuði þegar ég keypti hann. Allavega fann ég gamla auglýsingu frá því í október í fyrra þá var hann auglýstur að hann sé keyrður 192þús, og þeger ég keypti hann í apríl þá var hann keyrður það sama. :)

En þetta er ljómandi skemmtilegur bíll, fínt að keyra hann og vinnur vel.

En það væri nú skemmtilegt ef þú myndir týma að senda mér einhverjar myndir af honum í þinni eigu?
Senda mér þær á thengillo@gmail.com

Kveðja
Þengill