Hið íslenska jeppaspjall

Núna nýverið eignaðist ég Navöru. Hugmyndin var alltaf að finna D40 navöru annaðhvort með framenda úr titan bílnum eða þá swappa sjálfur, en þar sem ég ákvað að halda bílnum í krónuflokknum virtist það ekki vera í boði nema þá að að fá eitthvað sem var búið að keira hringinn í kringum hnöttin 20 sinnum, eða þá svo haugryðgaða að það lá við að bíllinn héngi saman á lakkinu og þrjóskunni einni saman.

úr því var þessi "stiku fallegi" D22 bíll sem hafði verið 35" breytt af óþekktum einstaklingi einhverntíman á síðustu 19 árum.
Ef einhver þekkir til sögu þessa bíls, þá má endilega deila með mér öllu sem hefur verið gert, þetta er bíll sem er upprunalega úr hinum fallega eyjafirði, en hefur haft þá ólukku í að lenda hérna í sandpæklinum fyrir nokkrum árum síðan.







Eins og ég kom að hérna áðan þá lýtur hann þokkalega út af utan ef þú stendur í stiku fjarlægð. Seljandinn er eflaust ánægður með það að ég hafi samþykkt að skoða hann í skammdeginu.

Vél gengur þokkanlega þrátt fyrir kraftleysi og það var víst búið að skipta um stanga og höfuðlegur, og þ.a.l. fyrirbyggja þetta leiðinda mál með þessar YD25 vélar sem áttu til að losa stangaboltana.

búið var að skipta út headunitinu úr kasettu spilaranum yfir í eitthvað annað nýtískulegra sem reyndar passaði engann veginn í brakkettið og hékk fronturinn því eitthvað asnalega á þessu. fronturinn var tekin af og þá leyndist fyrir aftan þessi fíni spennumælir. veit varla hvaða gagni hann hefur átt að gegna svona falinn bakvið innréttinguna. síðan neðst á frontinn var búið að mixa lítinn aignep loftloka, bíllinn er hvorki með loftlæsingar, loft pressu né úrhleypingarbúnað... þarf líklega að leggjast í það að fara að rekja þetta dæmi, það er þó allavegana búið að leggja 8mm loftrör uppí mælaborð ef til kemur að setja úrhleypibúnað í framtíðinni (þ.e.a.s ef þetta rör liggur frammí húdd eða aftur í skúffu)






Það eru svosem engin stór breytingar plön fyrir þennan bíl í augnablikinu,aðalega bara laga það sem hefur slappast niður. reikna með að halda honum á 35" fyrst um sinn.

Ef bíllinn er þetta máttlaus, þá væri kannski hægt að veðja á kínalæsingu frá HF. Verðið er 75 þúsund erlendis og ef maður fyndi eina slíka í Póllandi þá er flutningskostnaðurinn ekki upp úr þakinu. Mig minnir að ég hafi séð einhverja verslun í Póllandi með HF læsingar.
Annars er þetta fínn bíll í krónuflokkinn, og hann býður upp á þó nokkra möguleika.

...og svo fann ég verslun í Póllandi á 20 sekúndum...
https://ore4x4.pl/en/stores

Þetta er áhugavert og góðar pælingar. Hér er greinilega verið að réttlæta ákveðna skynsemi í jeppabrasinu með því að koma ódýrum jeppa í gott stand og telja sér trú um að 35 tomma dugi í flest nema eitthvað jöklabras! Ég er ekki saklaus af slíkum ranghugmyndum, "so take it from me": Held að það sé bara best að hætta í sjálfsblekkingunni og fara bara strax í 40 tommur plús, 2007 kemur aftur sannaðu til!

Sjálfsagt er það rétt hjá þér Muggur, er einmitt búinn að liggja mikið yfir þræðinum þínum með mikilli aðdáun, en já, spurning hvort lendingin verði ekki í 40+ fyrir rest. hef bæði átt 44" XJ cherokee, og 38" ZJ Grand þaning kannast við tilfinninguna um að vilja alltaf stærra og stærra. Er samt óviss hvort ég myndi fara þá í það að breyta þessum, eða þá að selja þennann og finna þá eitthvað hentugara.. það þarf allavegana eitthvað öflugara en þennan 2.5 diesel ketling ef það á að fara að snúa 42" tuðrum.
tíminn verður bara að leiða það í ljós. sýnist í fljótu bragði að mjóu 37" nankang(?) dekkin gætu sloppið með smá narti við fulla fjöðrun.
Ég er líka bara tiltölulega nýfluttur hingað á suðvestur hornið, og því margt óskoðað og keyrt áður en maður æðir uppá jökkla.

annars virðist þessi bíll vera töluvert léttari en ég reiknaði með og er ekkert langt frá GC-inum, m/v breytingavottorð er hann 1880kg, á þó eftir að fara á vigt og sannreyna það. þess má geta að ég átti 4-gen pajero á undan þessum í nokkrar vikur í sumar, og sá bíll óbreyttur var skráður 2310kg

jongud wrote:Ef bíllinn er þetta máttlaus, þá væri kannski hægt að veðja á kínalæsingu frá HF. Verðið er 75 þúsund erlendis og ef maður fyndi eina slíka í Póllandi þá er flutningskostnaðurinn ekki upp úr þakinu. Mig minnir að ég hafi séð einhverja verslun í Póllandi með HF læsingar.
Annars er þetta fínn bíll í krónuflokkinn, og hann býður upp á þó nokkra möguleika.

Það er góð pæling, vissi bara af þessum kínalásum á aliex sem nota sama vörunúmer og ARB, að vísu eru þær 90þús + 50 þús í shipping, þannig lendingin er ekkert ósvipuð original ARB hlutum,
skreið reindar undir kaggann í dag og vissulega er LSD að aftan, þarf bara að checka á olíu og diskum. leyfa þessu að vera LSD að aftan og setja loft að framan, eða er kanski lang best að henda bara í loft beggja vegna við fyrst maður er að þessu á annað borð.

gat enganveginn fundið hvar þessi loftslanga kæmi út, á endanum reif ég stokkinn frá og voru þetta þá ekki bara 2 30cm slöngustubbar sem fóru ekki neitt.
Rakst síðan líka á "digital tuningbox" í húddinu, ekki veit ég hvað þessi græja er að gera, en ef þetta er allt það afl sem er hægt að kreista úr vélinni með tuningi, þá er ég ansi hræddur um að hann fari ekki á mikið stærri dekk með þessari vél.

Staðan á þessum hreifist eitthvað hægt, lítið annað en pjatt búið að vera í gangi, ekkert mekanískt gerst svosem, en ýmislegt í pípunum



Hljóðkerfið var eitthvað funky þannig renndi létt yfir það, 3 af 4 hátölurum ýmist sprungnir eða rifnir.
endaði á að velja 6.5" 60W RMS Helix PF component hátalara að framan og 6.5" 70W RMS Ground zero coaxial hátalara að aftan. þessir GZ voru eflaust algjört overkill að aftan, en upprunalegu hátalarnir eru extra grunnir 4" (á 6" flange), og það var ekkert allt of mikið val um svona grunna. með smá þrívíddarprenntun tókst að fá þetta til að fitta svona sæmilega. reikna með að keira þetta bara frá headunit-inu til að byrja með, sé svo til hvort ég græja magnara. Kaninn fékk víst bassakeilur undir afturbekknum í 1.st gen frontiernum sínum, það er líka pæling.
fyrst ég var að vinna í hurðaspjöldunum á annað borð ákvað ég að kippa tau áklæðinu af og klæða þau upp á nýtt, notaði tækifærið líka til að raða flasningateipi(tjöruborða) innaní hurðina til smá hljóðdempunar... enda er það eins og að sitja inní 200L olíutunnu að keyra þennann traktor.



það var síðan búið að splæsa í eitthvað no-name tæki, þegar ég skrúfaði það úr kom þetta fallega neistaflug. Sá sem setti þetta tæki í hefur eitthvað verið ílla við jarðtengingar og var búinn að klippa á jarðsambandið í ISO loom-inu og teipa fyrir.
Með engann jarðvír til staðar, þá verður "húsið" á headunitinu "hot" og tækið fúnkeraði að einhverju leiti þar sem það fékk jarðsamband í gegnum skrúfuna sem festir tækið. nota bene, Volume takkinn á tækinu sjálfu var úr áli, og það mældust 12volt milli volume takkans og boddý bílssins efalust ekki mikill straumur á bakvið. útskýrir kanski afhverju tækið funkeraði svona illa, ekki það að gamla tækið virkaði eitthvað merkilegt miðað við componentana í því.
Skipti þessu tæki út fyrir skjátæki sem keyrir á opnu android, get því keyrt flest .apk öpp og get jafnvel splittað skjánum og haft oruxmap á helming og torque OBDII mónitór hinumeginn, skjárinn er "floating" þannig það er hægt að hreyfa hann og snúa honum töluvert (þannig skjárinn fer ekki fyrir AC nema í lægstu stöðu) , ættla að prufa þetta eitthvað til að byrja með. í versta falli skipti ég þessu út fyrir single din tæki og þá losnar eitt din slott fyrir vhf stöð





ljósið í mælaborðinu var síðan orðið frekar dauft, kipti því af og kom þá í ljós að settar höfðu verið 1.5W perur í stað 3W sem eiga að vera, og þar að auku vantaði allveg perurnar fyrir vinstra stefnuljósið og háaljósið, og það sem verra var að sá sem þetti gerði hafði tekið sökklana úr, sökklarnir eru mikið verðmæti, en nissan rukkar 5þús fyrir stykkið... að vísu til í stillingu á 400kall stykkið. fann reyndar ekki 3W peru bara þessar 1.5W, fékk bara nokkrar LED í staðin frá Ali frænda, koma vonandi með vorskipinu.



annars hefur ekki gefist jafn mikill tími í dund og ég hefði óskað, á enþá eftir að klára að ganga frá farþega hurð að framan, reyni að koma með myndir af bólstrun og hljóðdempunarfrágangi þar þegar ég klára, er að klára að 3d prenta festingar og annað fyrir það.

varðandi pústið, þá ætlaði ég að kippa því af og sjóða nýjann stút á , en í hvert skipti sem ég snerti það til að reyna að losa, þá hrökk það bara í sundur á nýjum stað. svona er það víst að búa í Reykjavík segja þeir mér sem eru uppaldir hér.. reikna með að ég fari bara með bílin til Einars á smiðjuveginum og láti hann skoaða þetta, fann hvergi >2,5" rústfrítt kerfi fyrir 2.5 diesel mótorinn nema í ástralíu, og bara flutningsgjaldið er liggur við kaupverð bílsins.

planið er síðan að halda áfram að leita uppi rafmagnsdrauga, búinn að finna þónokkrar groundloopur og furðulegheit, svo sem rely sem dangla bara í vírum aftur í palli og vírar sem eru bara snúnir og teipaðir saman.
sótti mér marine 11-way/6-way öryggja/rely box sem ég á eftir að koma fyrir á pallinum, hentar vel fyrir pressuhugleiðingarnar sem maður er í, meðal annars 2stk 9 lítra firestone kúta og eina hálfslappa viair 450c dælu, ætla að sjá hvort ég geti ekki hresst uppá þessari dælu og fundið aðra samskonar með.

Úr því að þessi var í Eyjafirðinum og flutti suður er um að gera að athuga RYÐ í undirvagninum.
Það er vel að merkja ókeypis ryðskoðun hjá Classic Garage í nóvember og desember og miklir fagmenn sem vinna þar.

Já hef einmitt kíkt á Nuno í classic nokkrum sinnum áður í öðrum erindagjörðum. hugmyndin var að renna við hjá honum áður en ég færi með hann í pústskipti í næstu götu fyrir ofan.


Annars eru dekkin að verða svoldið lúin. Það er búið að taka þessa dekkjaumræðuna margoft á þessu spjalli, en oftast í sambandi við stærri dekk (38+).
hvað segja menn um 35"? er 15" felgan að detta út þar líka og 35x12.5x17 & 315/70/17 að koma inn í staðin á 11" breiðar felgur?

eða eins og Muggur benti á, þá er alltaf aftaní hnakkanum á manni hugsunin um að fara bara í 38+ og ekkert múður... fæ lánuð dekk einhverntíman á næstu dögum og máta og sé til hversu mikið ég þarf að færa draslið fram. er því miður ekki lengur með aðstöðu til að fara í stórfelldar aðgerðir eins og er, líklega myndi skeyta því saman með hásingavæðingu ef það þarf að hliðra mikið fram.

Snæri wrote:Já hef einmitt kíkt á Nuno í classic nokkrum sinnum áður í öðrum erindagjörðum. hugmyndin var að renna við hjá honum áður en ég færi með hann í pústskipti í næstu götu fyrir ofan.


Annars eru dekkin að verða svoldið lúin. Það er búið að taka þessa dekkjaumræðuna margoft á þessu spjalli, en oftast í sambandi við stærri dekk (38+).
hvað segja menn um 35"? er 15" felgan að detta út þar líka og 35x12.5x17 & 315/70/17 að koma inn í staðin á 11" breiðar felgur?

eða eins og Muggur benti á, þá er alltaf aftaní hnakkanum á manni hugsunin um að fara bara í 38+ og ekkert múður... fæ lánuð dekk einhverntíman á næstu dögum og máta og sé til hversu mikið ég þarf að færa draslið fram. er því miður ekki lengur með aðstöðu til að fara í stórfelldar aðgerðir eins og er, líklega myndi skeyta því saman með hásingavæðingu ef það þarf að hliðra mikið fram.

Það er ennþá nóg til af 35 tommu jeppadekkjum fyrir 15 tommu felgur, óþarfi að fjárfesta í felgum líka.
Persónulega myndi ég halda mig í litlu deildinni á 35-tommum og vera ekki að fara í eitthvað stærra á þessum bíl. Safna frekar fyrir einhverju sem er stærra og öflugra í grunnin.

Lítið búið að gerast undanfarið , svo virðist sem að verkviljinn minnki eftir því sem daginn tekur að stytta, og hef ég eginlega verið bara að sanka að mér drasli fyrir frammtíðarplön.

Smíðaði upp pústgreinina frá túrbínu og aftur, og renndi með hann til Classic. Grindin fékk 10/10 einkun og var undirvagning því kvoðaður... og ekki sparaði hann rollu feitina, liggur við að manni kvíði við að þurfa að snerta þetta í vor.

Fékk síðan gefins 9 1/8" hásingu úr ameríkubíl og 8" framdrif sem eru hér-um-bil plug and play, þarf bara að finna lægri hlutföll þar sem orginal hlutföllin (1:4.625) eru svona ívið það tæpasta fyrir 35 tommuna.

Annars er ég aðallega búinn að vera að keyra bílin eins og hann er til að átta mig alminnilega á því hverju ég vill forgangsraða fyrir næstu skref.

Eyddi jólunum fyrir norðan og við skelltum okkur nokkrir saman í laugafellið og sá littli stóð sig skemmtilega vel m/v stærð og var ekkert ógurlega mikill dragbítur með 38 og 40" bílunum. lennti reyndar í svaka whoops-u á leiðinni og það eitthvað hefur skrölt rosalega síðan sem mér gengur enganveginn að finna uptökin á. annars er næsta littlubílaferð 4x4 í Apríl ef ég skil rétt, og er stefnan tekin á að klára meira smotterí fyrir það og renna með þeim áður en farið verður í stærri framkvæmdir.

Þar sem styttist í skoðun var ýmislegt sem þurfti að yfirfara.

Slökkvitækið sem kom með bílnum var með síðustu skoðun 2012, og sjúkrapúðinn var bara búið að troða plastpoka inní til að hann virkaði fullur.
Ég sá flottan sjúkrakassa í þræðinum hanns Muggs þannig að ég skellti mér í þannig ásamt að bæta við SAM álspelku efni og Blizzard teppi. teppið kemur sem betur fer vel vacuum pakkað þannig að það fer lítið fyrir því. sótti síðan akrýlplast plötu og græjaði brakkett fyrir þetta sem festist fyrir aftan afturbekkin, ásamt því að endurnýja slökkvitækið.




Spindlar, fóðringar og legur virðast vera sæmilegar, keypti mér síðan D-lás í prófílbeislið ásamt spottalásum og teygjuspotta




Varðandi framdrifspælingarnar, M205 drifið sem ég var búinn að eignast var eins nálægt plug-and-play / bolt on og það gæti verið og , en því miður ekki mikið after-market support og þ.a.l. ekki til þau hlutföll sem mig langar í, að mér sýnist þá er 4.56 það lægsta sem ég gat séð, en ég stefni á að fara allavegana í 5.14.

Rakst síðan á fyrir slysni einn Nissan Titan eiganda sem var til í að skipta við mig, hann fengi M205 drifið í skiptum fyrir Dana60 drif sem hann sagðist eiga. Ég sá fyrir mér að ég gæti skorið kúluna frá og smíðað flotta D60 eða Jana 76 miðju úr þessu.


þegar ég mætti síðan til að sækja gripin var mér afhennt þetta, útlitslega séð mætti eflaust rugla þessu saman við D60, en þetta er AAM 9.25" drif, líklega úr dodge RAM, og því miður er ég álíka vel settur með það og Titan framdrifið þegar kemur að úrvali drifhlutfalla.
Datt í hug að skella þessu samt í fræsarann og fórna drifinu í að gera tilraunir með að smíða stakstæða drifkúlu en drifið fann eiganda sem gat nýtt það as-is áður en úr því varð.

Allt þetta er tilkomið vegna tilrauna til að halda í sjálfstæðu fjöðrunina, og er ég því á höttunum á eftir D44 (úr ford skærahásingabíl)/d60/ford 9" miðjum.
Rökréttast væri að gefast upp á IFS og fara bara í rör. Wagoneer 1980-1991 væri þá einfaldasta swappið, en grunar að menn sitji á þeim eins og drekar á gulli ef það sé eitthvað eftir af þeim.

Hvernig myndi framköggull úr Ford F150 passa? Yrði það of breitt? Það er hægt að fá 5.13 hlutfall í þann köggul og það eru flangsar á öxlunum þar sem þeir koma út úr kögglinum. Þetta er Ford 8.8 og með háum pinjón þannig að það ætti að vera álíka sterkt og Dana 44.

Var reyndar ekki búinn að skoða það drif, bara Dana44 drifið sem að f150 bílarnir komu með í TTB útfærslunni, núverandi drif er með flöngsum inn og út eins og gamli musso og ég veit að einhverjir voru búnir að smíða þannig kúlu á þá.

Er ekki alveg búinn að ákveða loka staðsettningu á drifinu, en mig langar að færa það framar og nær miðju ef pláss leyfir.
það er eitthvað vitlaust við núverandi upsettningu, veit ekki hvort það séu aðrar spyrnur/spyndill eða stýrisendi en original, eða að það sé skekkja í einhverju sem ég er ekki að sjá. Allavegana er töluvert bumpsteer, eða u.þ.b. 7°hvora leið.. sem skýrir afhverju hann verður svona leiðinlegur í stýri stundumm og scrub-radíusinn er bæði stór og neikvæður, þarf líklega að endursmíða annaðhvort spyrnur,spindil eða bæði.

það ætti að fara að rýmkast um á verkstæðinu á næstu vikum og þá get ég tekið hann inn og farið að skoða þetta af viti.

Ég á hásingar undan Wagoneer. 4.56 hlutföll og no spin að framan og aftan. Þeas ef þú vilt fara þá leiðina.

80-91 módelið? sem sagt drifkúlan bílstjórameginn og ekkert vacuum disconnect. Mátt endilega senda mér verð í framdrifið ef þú vilt selja stakt, drifið sem ég er með að aftan er töluvert sterkara en D44 þannig þarf það ekki.

Hvernig er Dana44 annars að reynast mönnum á 40"? er það kannski í veikari kanntinum. Navaran er í svipuðum flokki og Hilux og L200 varðandi þyngd/stærð

Er búinn að þurfa að nota þennan sem daily driver síðustu vikurnar þar sem venjulegi fjölskyldubílinn er búinn að vera óökuhæfur.
þ.a.l. hef ég lítið getað stoppað navöruna til að dunda í henni.
Þar sem Navaran er kominn á síðasta mánuð fyrir skoðun, tók ég smá hring um hana og skipti um perur og þess háttar. Meðal annars var stöðuljósapera farþegameginn farin. til að skipta um þá peru er einfaldast að taka grillið af og ljósið úr, við þá aðgerð rak ég augun í frekar leiðinlegann vírafrágang.
Ég svosem vissi að það kæmi að því að ég þyrfti að taka rafmagnið í gegn þar sem aftan á palli var víraspaghettí í opinni tengladós allt hraukað saman í krónutengjum ásamt því að allt of grannir vírar væru settir beint á plús pól án þess að öryggi væri neinstaðar fyrir þá.
En fyrst ég var kominn með bílinn inn og búinn að taka kastaragrindina/grillið og ljósið úr, lét ég bara verða af því og reif allt auka rafmagn sem ég fann úr bílnum.
Þar sem þetta er nú 20 ára gamall bíll, þá hafa trúlega komið þó nokkuð margir að rafmagninu í honum, enda var frágangurinn mjög mismunandi. Sumt var í straumþjóf, annað var í krónutengjum og sumum vírum var bara snúið saman og límdropi settur yfir og allt teipað í drasl.

eins og alltaf, þá fattaði ég ekki að taka myndir af þessu fyrren að það var orðið of seint.


Hérna er svo vírahaugurinn sem endaði á gólfinu eftir að allt var komið úr.


og að sjálfsögðu mundi ég líka eftir að setja nýja peru í þegar ég var að púsla honum saman aftur.


En á meðan ég neyðist til að nota þennan sem daily driver verða allar frekari breytingar að lifa eingöngu í autocad og inventor. það er allavegana enþá stefnan að klára að uppfæra frammendann á þessu sumri.

þá var loksins lagt af stað í skoðun með gripinn. þegar ég kom að honum var farið að myndast olíubrák undir honum, þannig bílnum var kipt inn og kom í ljós að það var að leka með pönnunni. Pannan var tekin undan, þvegin og sniðin ný pakkning á hana og hún sett aftur undir, og allt bara himneskt að ég hélt.

Aðalskoðun var hinsvegar á öðru máli og kom útásettning á hina ýmsu spindla sem og handbremsu (lítil sem engin virkni öðrumeginn).
rokið var til og skipt um efri og neðri spindilkúlur beggjavegna við. Svo skemmtilega vill til að ekki er hægt að ná spindilkúlum úr neðri spyrnum á þessum bílum nema að draga öxulinn úr og nafið frá, þar sem öxulliðurinn liggur bara nokkrum MM fyrir ofan rónna sem heldur kúlunni í.
Ég týmdi ekki að fórna stóra 50mm fasta lyklinum með því að þynna hann þangað til að hann passaði, og því var nafið og hjólalegan tekin úr og öxullinn frá til að hægt væri að losa rónna og berja kúluna úr. Spyrnan sjálf kom ekki úr þar sem vindustöngin var gróin svo föst við hana að annað eins hef ég ekki séð.

einnig var ný millibilsstöng keypt þar sem ekki er hægt að skipta bara um spindlana í . við þessa aðgerð kom svo reyndar í ljós að stýrisendar voru við það að syngja sitt síðasta, og ballansstangar endar búnir líka. fyrst allt var komið í spað var stýrisstjakkurinn einnig tekinn úr, ryðhreinsaður og epoxygrunnaður í leiðinni, enda þurfti ég að flytja kóníska sætið fyrir tjakkin yfir á nýju stöngina.











með bremsurnar var þetta bara þetta klassíska, ryð og allt fullt af bremsuryki og drullu. Fyrst ég var að opna skálarnar, þá var skipt um borða í leiðinni. og að sjálfsögðu glentist önnur dælan allaleið út þegar ég var að koma borðunum á og fékk loft inná kerfið... sem hefði ekki komið að sök nema að þegar ég reyndi að losa loft skrúfurnar þá brottnuðu þær bara af, rokið var til og keyptar nýjar dælur og að sjálfsögðu var bremsurörið í sama skapi og afloftunarnipplarnir, þannig það þurfti að smíða ný rör frá báðum dælum, en sem beturfer slapp T-stykkið sem rörin tengjast í.






síðan var splæst í ný appelsínugul hliðarstefnuljós þar sem þau gömlu voru bæði glær og farin að leka og þá loksins fékk hann vilyrði fyrir einu ári í viðbót.

Vel gert. Tengi mikið við þessa frásögn. Er núna að skipta um öxul hjá mér og þá endar þetta í nýjum bremsurörum, handbremsukjömmum og börkum og fullt af gúmmíum. En það þarf þá væntanlega ekki mikið að kíkja á þetta aftur hjá þér næstu árin!

Eflaust væri þetta til friðs næstu árin, en ég er eiginlega búinn að setja stefnuna á töluvert stærri dekk og var búinn að teikna upp breytingar að framan til að styðja við það, þannig að því miður verður þessu líklega skipt út löngu áður en það kemur tími á endurnýjun, en þetta er gott meðan það er :)

annars er ég í miðjum sætaskiptum akkurat núna, fann ansi fín sæti sem passa nánast beint á milli með því að svissa löppum.
Fór síðan að sjá örlítið olíu smit sem gengur illa að staðsetja, sýnist það vera að koma frá túrbínunni, en intercoolerinn er líka farinn að blása (algengt vandamál með þessa intercoolera sem voru bara krumpaði saman í stað þess að vera soðnir) það verða svona næstu punktar þegar tími leyfir.. og já að koma fyrir loftdælu og VHF tæki. þessir bílar bjóða ekki uppá neitt allt of mikið af auðu aukaplássi.