Overlander Súkka eða Landrover eða annað...

[Toti2282]

Daginn,,,

Langar að koma mér upp svokölluðum Overlander til að þvælast um hálendið og þess háttar, líklega að mestu að sumri/hausti.
Ég er að velta fyrir mér hvort sé betra að nota í það t.d. lítið keyrðan Vitara 2015-ish eða fara í eitthvað stærra, þyngra og líklega dýrara eing og LandCruiser, LandRover etc.......

Ég bý að mikly leyti erlendis og nenni ekki að vera í verkstæðisveseni í hvert skipti sem ég kem heim, en vil líka geta komist svo gott sem hvert sem er þegar mér dettur það í hug, þarf ekki að komast upp á jökul samt...

P.s. ég var á Isuzu D-Max 2014 sem ég breytti lítillega og komst svosem allt sem ég þurfti en hann var ægilega hastur á löngum leiðum og eiginlega hættulegur ef ég lenti á þvottabretti.... þannig að búinn að prufa það...

Einhverjar hugmyndir?
Doddi

[jongud]

Maður þyrfti eiginlega aðeins meiri upplýsingar til að svara almennilega.

Ertu einn á ferð eða með einhverja farþega?
Hvað er veskið þitt djúpt?
Ertu með mikinn farangur meðferðis?

[Toti2282]

Sæll

Líklegast yfirleitt 1 eða 2 í bílnum, stundum 3-4 eða gott að hafa möguleika á því allavega.
Farangur líklega ekki mikill, myndi líklegast splæsa í toppgrind.

Hef verið að gæla við 1M-1.5M fyrir bílinn sjálfan áður en ég geri nokkuð við hann.

[jongud]

Fyrir 1,5 millu er hægt að fá nothæfan Land Cruiser 90 eða 150, að vísu töluvert ekið eintak, en kramið í þessum kvikindum endist lengi.
Það er hægt að útbúa þá þannig að tveir geti sofið í honum ef viðkomandi eru ekki þeim mun lengri í annan endann.
31 tommu dekk passa beint undir og 33 tommu með skóhorni.
Þetta eru skemmtileg kvikindi til að keyra og fara vel með mann.
Toppgrind er lítið mál, og hægt að draga kerru/tjaldvagn/fellihýsi ef margir eru í ferð.

[Toti2282]

Þakka fyrir þetta, hef verið að kíkja á þessa 90 bíla þegar þeir detta inn, kostur að 90 bíllinn er dottinn í fornbílaflokk... hef augun opin.
Hvernig eru annars Bensín Cruiserar að koma út eða t.d. Pajero 3.2 dísel.

[muggur]

Alltaf spurning hvað þú vilt setja í þetta. Varðandi gamla jeppa í fornbílaflokki þá er það ryð sem þarf að hafa áhyggjur af. Sérstaklega grind, sílsar, innri bretti, hvalbakur og gólf. Ef þú finnur heillegan bíl þá myndi ég skoða sérstaklega pajero 1990-2000. Notaði svoleiðis sem overlander lengi á 33-35 tommu dekkjum en svo endaði hann á 42 tommu. Pajero er yfirleitt mun ódýrari en toyota og ekki síðri. En annars er þetta svo sem allt ágætt svo framarlega sem þessu hefur verið vel við haldið.

[smaris]

Land Cruiser 100 eru frábærir ferðabilar. Vökvafjörðunin étur vonda vegi og svo mæli ég með að þú finnir þér gott eintak af bensínbíl. Þá ertu kominn með traustann og vesensfrían bíl. Vandamálið er bara að finna bíl sem er ekki mikið ryðgaður.

Kv. Smári.

[StefánDal]

Ef þú nennir (og hefur kunnáttu og rökhugsun) að setja þig inn í hvernig á að halda Isuzu Trooper gangandi, þá færðu ekki betri bíl fyrir peninginn.
Sterkbyggðir og rúmgóðir bílar. Auðvelt að útbúa 190x130cm svefnpláss afturí og fara vel með mann á slóðum.
Eyða mjög litlu. Ég er að mæla 33” bíl undir 10 lítra á 100km í langkeyrslu.
Einnig eru þeir margir orðnir 25 ára og lausir við bifreiðagjöld. Eru ekki eins ryðsæknir og aðrir japanar.
En þeir eru ekki allra og ég skil það alveg. En það hefur hinsvegar einnig þau áhrif að verðið er algjörlega í lágmarki.

[Elvar Turbo]

Ég er á 2001 35" rooper er alveg hæstángæður með hann, er með 3.1 úr crew cab og hefur ekkert klikkað
Þeir ryðga merkilega lítið, grind og boddy er alveg í toppstandi