Hið íslenska jeppaspjall

Náði mér í þennan öndvegis Patrol síðasta föstudagskvöld, Bíllinn var búinn að standa í nokkur ár en rauk í gang og keyrði flott.
Byrjað var á því í gær að koma park ljósum í lag og rífa mest megnið af innrettingunni úr til að skoða ástand á gólfi og það er smá sem þarf að laga þar sem gólf og hjólaskál mætast annars er það flott.
Síðan var byrjað að ryðbæta bílinn í dag, Frambretti voru svo gott sem ryðlaus en það var komið ryð í hjólbogan að aftan en það fór að mestu úr við skurðinn

Greinilega ágætis efniviður.
En hvernig er hann ofan við framrúðuna? Það er alltaf ryðsækinn staður á öllum tegundum.

jongud wrote:Greinilega ágætis efniviður.
En hvernig er hann ofan við framrúðuna? Það er alltaf ryðsækinn staður á öllum tegundum.

Það eru komnir blettir þar en skillst að það sé auðvelt að taka hana úr og verður það gert einhverja helgina

nice!

Ekki kominn jafn langt og ég vonaði en svona er þetta, svo gott sem klaraði farþega brettið í kvöld og stefni á að klára bílstjóra brettið á morgun.
Helgarplanið er gírkassaskipti og sjá hvort ekki sé hægt að klára aftur brettin og jafnvel byrja að ryðbæta skottgólf og hjólaskál.

Áfram heldur vinnan, fékk lánuð dekk til að máta undir og lookar hann betur en búist var við, frambrettin eru tilbuinn undir kanta og vinstri aftur bretti fer að verða klárt líka.
Næst er það hægra aftur bretti og síðan gírkassa skipti og gólfið eftir það, eins og sést á myndum þá er smá ryð í kringum hjólaskálar og skottgólfi

Flott þetta.
Ég mæli með að taka grindina í gegn með ryðbankara, 2ja þátta skipalakki og rollufeiti við tækifæri.

jongud wrote:Flott þetta.
Ég mæli með að taka grindina í gegn með ryðbankara, 2ja þátta skipalakki og rollufeiti við tækifæri.

planið er að fara yfir grindina meðan hann stendur á lyftu næstu helgi i Gírkassa skiptum

Jæja áfram heldur smíði, buið að festa framkanta á þannig að framendinn er búinn, vinstri aftur er nánast búinn vantar smá vinnu á síls og body festingu á body.
en á hægri hlið kom skemmtilegt tjón í ljós, öll hliðin er spartl en það er bíll hérna sem ég get skorið stykkið úr.

Síðan er planið að skjótast með hann í skoðun í næstu viku

Á föstudaginn var hann settur á lyftu og gamli kassinn tekinn úr og annar settur í ásamt nýrri kúpplingu og pressu, gamli virkaði en það voru ekkert sérlega skemmtileg hljóð í honum.
Og fyrst hann var á lyftunni var farið í að laga eina svæðið sem fannst á grindinni og silsa og svo verður almenn yfir ferð fyrir skoðun þar sem hann á tíma 10 nóv.

Þessi verður fjandi góður þegar að hann verður klár :)

Lítið gerst en nokkrir stuttir prufutúrar. Stuttu eftir fyrsta túrinn á 33" voru mudder garmarnir settir undir hann, þar fann ég út að þau virðast standa hærri en AT dekk þar sem þau rekast mikið fyrr í.
Svo nuna í kvöld var byrjað á tilraunaverkefni og hann er núna með sirka 13cm hækkun að framan og á eftir að klára að græja að aftan en hann kemur mun betur út núna fynnst mér

Tekinn rólegur dagur í dag, reif dempara turnana úr og stytti þá um 10 cm, sandblés þá, grunnaði og málaði.
Svo var gírstöngin hundleiðinleg þannig að því var reddað og byrjað að hugsa fyrir drullusokkum og stigbrettum, og stuðarinn plus breikkanir voru teknar inn líka fyrir málun