Hið íslenska jeppaspjall

Keypti þennan núna í nóvember. Ekin 139 þúsund mílur, stendur á 33 tommu dekkjum (285/75r16)
Varla einn depill af ryði í yfirbyggingunni.

Veit ekki með þessa kastaragrind, spurning um að bæta prófílengi á hana og drullutjakksgripum?


Virðist vera ágætt viðhald á grindinni.

Einhverjir möguleikar á upphækkun eins og hann stendur núna.

til hamingju með þennan. þetta eru flottir bílar. gríðarflottir breyttir

Skreið loksins undir hann til að athuga af hverju læsingin að aftan fer ekki á.

Allir pinnar í tenginu á læsingamótornum eru brotnir.

Svona á tengið að líta út


Nú er bara að athuga hvort svona 6-víra toyota kubbur sé eihversstaðar til.
Annars held ég að ég rífi læsingamótorinn úr fyrst til að athuga hvort hann virki yfirhöfuð.
Það kom fínn straumur inn að hinn kubbinn í tenginu, og hann var eftir bókinni eftir því hort læsingarrofinn var af eða á.

Reyndar á tengið ekki að líta út eins og á neðstu myndinni, en það eiga allavega að standa pinnar upp úr botninum.

Ný loftsía sett í enda sú gamla orðin skítug.
Gróf svo djúpt ofan í minnið á heilanum og fann nokkrar athugasemdir sem næstum því kveiktu vélarljósið. (lean, rich, random misfire)
Hreinsaði MAF skynjarann og ný kerti eru á leiðinni.

Vel að merkja, það er ísóprópanól í spreybrúsanum, ekki tjöruhreinsir (sem færi örugglega illa í loftflæðiskynjara).

Fara með hann hingað og verður enþá skemmtilegri bíl á eftir. https://www.facebook.com/HPtunerIceland/

Pakki frá Summit kom loksins í gær.
Stjórntölvan henti kóðum eins og vitlaus væri niður í "djúpminnið" eftir að ég hreinsaði loftflæðisskynjarann.
Það er svona minni fyrir <ég var alveg að fara að kveikja vélarljósið út af þessu>

En kertin fara í ásamt smurolíu í öll þartilgerð göt.

Reif þessa af til að undirbúa næsta skref.

Fékk þennan aftur eftir að honum var lyft upp um eitt hænuskref.


Fínasti frágangur


Boddífesting smíðuð upp á nýtt og færð aftar


Ég er mjög ánægður með fráganginn þarna

Af hverju raðar þessi vefsíða ekki myndunum í réttri röð!!!

Stytti aðeins stigbrettið að framan. Öll dekk stærri en 35-tommu hefðu líklega rekist í það.

að minni reynslu þá þarf maður að setja myndirnar inn í öfugri tímaröð.

flottur bíll annars. :)

jongud wrote:Pakki frá Summit kom loksins í gær.
Stjórntölvan henti kóðum eins og vitlaus væri niður í "djúpminnið" eftir að ég hreinsaði loftflæðisskynjarann.
Það er svona minni fyrir <ég var alveg að fara að kveikja vélarljósið út af þessu>

En kertin fara í ásamt smurolíu í öll þartilgerð göt.

Þessi pakki hefur allavega gert eitthvað fyrir eyðsluna ásamt hreinsuninni á loftflæðiskynjaranum. Síðasti tankur var í 14,2 á hundraðið þar sem um þriðjungur var innanbæjar.

Smá innkaup og föndur, kapallinn kemur frá USA þrátt fyrir Covid, rg58 kaplar eru löngu úreltir

Langar að benda á þetta: viewtopic.php?f=5&t=12301&p=63881#p63881

allavega þess virði að pota aðeins í grindina þar sem mótorfestingarnar eru fyrst það er verið að gera þetta svona fínt :)

myndirnar dánar en svona leit þetta út:

Hjörturinn wrote:Langar að benda á þetta:

allavega þess virði að pota aðeins í grindina þar sem mótorfestingarnar eru fyrst það er verið að gera þetta svona fínt :)

myndirnar dánar en svona leit þetta út:

Fínt að vita, ég er á biðlista hjá Classic Garage, ætla að láta þá fara yfir grindina frá A-Ö. Bið þá að kíkja á þetta sérstaklega.

Búinn að þræða loftnetskapalinn í. Loftnetsfestingin bíður betri tíma.

Setti loftnetið upp í dag.

Útbjó spjald með málningarteipi öðrum megin til að grípa svarfið

Stakk spjaldinu undir klæðninguna og setti plastkubb til að kalda klæðningunni aðeins neðar

19 mm gat í toppinn

ryðvarnargrunnur kringum gatið og rispað undir til að klóin nái góðri jörð

Komið á.

...

Og síðuHELV! raðar myndunum algerlega af handahófi!!

Eitthvað meira að gerast.

Einhverntíman hafa upprunalegu brettakantarnir verið teknir af bílstjóramegin og kíttaðir aftur á.
Það verður einhver vinna og bölv við að þrífa þessa rönd af.

Það er reyndar ekki erfitt að taka kíttið af notar til þess svokallað strokleður fæst t.d í wurth til að setja í borvél skerð mertu hraukana af með góðu rakvélablaði/sköfublað ttekur svo restina með strokleðrinu

Úr því að innribrettin eru í burtu er um að gera að vinna á ryðinu undir þeim.

Já, loksins tilbúinn, sumt lætur maður fagmenn um.
En hann er svolítið hjárænulegur á þessum 33-tommu dekkjum nýklipptur og kanntaður.



En svo kom í ljós að geymirinn var orðinn eitthvað mikið slappur, en Skorri h/f reddaði því með 4X4 afslætti.

Nau Nau! Tilbúinn í veturinn, vel tímanlega!

Járni wrote:Nau Nau! Tilbúinn í veturinn, vel tímanlega!

Ekki alveg, vantar enn dekkjagang og svo er næsta skref lægri drifhlutföll, laga læsingu að aftan og lás að framan. Það verður líklega í sept-okt.

Nægur tími, súper verkefni!

Loksins fannst efni í drullusokka, og þá er bara að snikka til og búa til festingar.

Var aðeins of graður á söginni, En styrking þarna hefði komið hvort eð er.

Ég hafði svooo rangt fyrir mér varðandi grindina.
Nuno hjá Classic garage gat reddað þessu og það kostaði sitt.
En hann sagði það hreint út að þetta væri ekki gott eintak af grind, og þó að aftari hlutinn hafi verið smíðaður upp af einhverjum sem kunni til verka, þá hafi viðgerðirnar framan til getað verið betur gerðar með límkítti. Suðurnar náðu ekkert inn í efnið. En hann setti sinn besta mann í að laga þetta og nú er hún í lagi.

jongud wrote:

DSC_4600.JPG

Virðist vera ágætt viðhald á grindinni.

DSC_4601.JPG

Kláraði að setja drullusokkana undir í dag. Ef ég sé fram á mikið krapasull, hjakk eða glompur þá er hægt að losa tvo fjaðurlása, teygja sig undir með skábít og klippa 4 bensli og svo draga slánna með drullusokkunum undan að aftan.

jongud wrote:Ég hafði svooo rangt fyrir mér varðandi grindina.
Nuno hjá Classic garage gat reddað þessu og það kostaði sitt.
En hann sagði það hreint út að þetta væri ekki gott eintak af grind, og þó að aftari hlutinn hafi verið smíðaður upp af einhverjum sem kunni til verka, þá hafi viðgerðirnar framan til getað verið betur gerðar með límkítti. Suðurnar náðu ekkert inn í efnið. En hann setti sinn besta mann í að laga þetta og nú er hún í lagi.

jongud wrote:

DSC_4600.JPG

Virðist vera ágætt viðhald á grindinni.

DSC_4601.JPG

Gaman að fylgjast með þessu hjá þér.
Þetta er hvimleiður andskoti þetta helvítis rið. Ég er að fara taka minn 2007 Hilux núna í vetur, bæði grind og body. Það er grátlegt að sjá hvernig þetta fer í saltpæklinum hérna á suður horninu. Maður verður bara hálfpartin reiður þegar maður sér orðið að það er verið að krydda göturnar stundum í 4 stiga hita. Bílaframleiðendur skilja ekki varahlutina sem íslendingar eru að panta út af riðskemmdum. Þetta er ekki svona annarstaðar. En það er ekkert annað að gera en að læra af þessu, hér eftir verður allt riðvarið hátt og lágt og þvegið.

Smávegis af góðum fréttum úr óvæntri átt.
Skatturinn endurgreiðir mér virðisaukann af grindarviðgerðunum hjá ArcticTrucks.
Ég var ekkert sérstaklega bjartsýnn af því að skráningin á þessum er "sendibíll" af því að hann ber meira en flestar aðrar Tacomur.
Ekki er ég að skilja hvernig Samgöngustofa skráir samskonar bíla af sömu árgerð sitt á hvað sem fólksbíla eða sendibíla.
Það fer þá önnur umsókn til skattsins vegna viðgerðarinnar hjá Classic Garage.

Verkefni dagsins var að rífa original útvarpið úr og setja nýtt 1-DIN útvarp og talstöð fyrir neðan.
Nýji ramminn var keyptur frá USA en plastfestingarnar sem fylgdu honum fengu að fjúka. ég boraði bara ný göt í gömlu blikkfestingarnar.

Ég ætla að nota minni og nettari míkrafón, en hann er bara ekki enn kominn frá Kína þó ég hafi pantað hann í febrúar.
(Af hverju skyldi það vera?)

Ég pantaði einmitt ýmislegt frá kína í febrúar, bara sumt af því skilaði sér núna um daginn, fékk reyndar allt saman endurgreitt.

Stækkaði dekkin í dag, fór úr 33 í 37. En það er greinilega nóg pláss fyrir meira, allavega á breiddina, enda eru felgurnar bara 9-tommu breiðar



Þessar rauðu skreytingar á felgunum eru ívið of "flashy" fyrir minn smekk, en þetta verður vonandi bara þennan veturinn
lætmighafaþað,fordæmalausircovidtímar...

Ég þarf að fara að koma þessum fyrir, Núna les ég mílur á klukkustund af hraðamælinum og margfalda með tveimur, og fæ þá réttan hraða (eða aðeins minna).