Hið íslenska jeppaspjall

Ekki LÍTIÐ sem maður hafði fyrir að losa þennan andskota!
Fyrst dugði ekkert annað en slípirokkur á boltann sem hélt þessu í prófíltenginu.
Síðan fóru 7-8 skammtar af WD40 yfir heilan sólarhring og svo slaghamar í ca. 3 kortér.
En út fór helvítið!


Ég var svo heppinn að það voru verktakar að slá garða allt í kring þannig að það var hávaði í hverfinu fyrir.

Ég held að ég sé búinn að finna stað fyrir loftdæluna.
Ef ég set framlengingarslöngu á loftsíuna og kem henni fyrir frammi í grilli þá ætti hún ekki að ganga of heit.

Sæll Jón ég sendi þér skilaboð

Kominn tími á að bera á gúmmílistana, og þá meina ég Alla gúmmílista.
Ég reif upp hluta af einum listanum frammi í húddi í fyrravetur og ætla ekki að láta það gerast aftur.
Allir listar þrifnir og borið sílikon á þá.

Aðeins að safna inn hlutum í næstu skref...

Notaði góða veðrið til að koma RAM kúlunni fyrir.
Þegar maður er einu sinni búinn að spaðrífa mælaborð er maður enga stund að gera það aftur.

Gleymdi þessari mynd.

Þetta er mun meira traustvekjandi en sogskál

Í dag réðst ég á miðjustokkinn. Undir honum er 110 volta inverter sem ég hef og mun aldrei nota.
Plássið þarna undir ætla ég að nota í annað. Og ef mér tekst að fá 100 ampera segullokan frammi í húddi sem gefur straum á svera bláa vírinn til að virka, þá er ég með straum sem ég ætla að nota fyrir loftdæluna aftur á palli. Þarf bara að framlengja vírinn þangað.

Svo sem lítið að gerast í skammdeginu, en loftkúturinn er kominn á sinn stað og flestir hlutir komnir í loftkistuna.
Byrjaður að pæla í hvar og hvernig hún verður.

[imgur][/imgur]

https://www.aliexpress.com/item/3301920 ... 3czgy&mp=1

Þetta er þrælsniðugt

Kalli wrote:https://www.aliexpress.com/item/33019204905.html?spm=a2g0o.cart.0.0.486e3c00a3czgy&mp=1

Þetta er þrælsniðugt

Allt of flókið. Óþarfi að hafa eitthvað rafmagnsdót milli fingranna og loftkrananna.

Líst vel á úrhleypibúnaðinn, er þetta pantað af Ali?

Mitt er þaðan, enn ég fann ekki svona netta krana þar, hvar keyptiru þá?

Er með eins "kistu"

Og hvar keyptiru ViaAir kútinn og hvað er hann stór og hvsð kostaði hann?


Svona leysti ég mitt setup, vildi ekki hafa sjáanlegar lagnir í kistuna.

Axel Jóhann wrote:Líst vel á úrhleypibúnaðinn, er þetta pantað af Ali?
Mitt er þaðan, enn ég fann ekki svona netta krana þar, hvar keyptiru þá?
Er með eins "kistu"
Og hvar keyptiru ViaAir kútinn og hvað er hann stór og hvsð kostaði hann?
Svona leysti ég mitt setup, vildi ekki hafa sjáanlegar lagnir í kistuna.

Ég keypti úrhleypibúnaðinn á Ebay, fann ebay-verslun í Bretlandi (context-pneumatic-supplies-cpmcontext-pneumatic-supplies-cpm),
þeir áttu allt til nema kistuna sjálfa, hana fann ég í Kína, og hún var 3 vikum lengur á leiðinni en dótið frá Bretlandi.

Viair kútinn keypti ég hjá Arctic-trucks. Hann kostaði rétt um 14 þúsund með 4X4 afslætti, ég dreif í að kaupa hann áður en gengishækkanir settu allt á hvolf. Þessi kútur er með helling af götum og svo fylgdu festingar með. Það hefði líklegast ekki borgað sig að fara í eitthvað annað.

Þetta er flott uppsetning hjá þér, En ég býst við að enda með kistuna þar sem hún er á myndinni, af því að þá get ég fjarlægt aftari hluta af miðjustokknum og hlífina kringum skiptinn til að komast að hlutunum. Svo er ætlunin að hafa þrýstiminnkara undir miðjuhólfinu sem stillir þrýstinginn á max 30 psi inn á kistuna.

Síðbúnir jólapakkar sóttir í dag.

Orðinn töluvert betur dekkjaður, og mun vígalegri.

Þetta fer honum miklu betur ;)

Þetta er flott, takk fyrir viðskiptin :)

Fór loksins í smá prufurúnt, lausasnjór strax inni á Uxahryggjaleið. Nennti ekki neðar en 8psi, enda ennþá bara með loftdælukettlinginn.
Festi mig strax við Þingvallarétt. Þurfti reyndar bara nokkur skóflutök, læsingarnar og smá hjakk og ég var laus. En maður nennir ekki meiriháttar brasi einbíla. Næst er að finna út hvar í FJ! framdekkin eru að narta í.
Það var LANGUR kaffitími meðan T-MAX dælan var að fylla í dekkinn.
Ég náði því miður ekki mynd af því þegar jeppahópur fór framhjá þar sem ég var að dæla í og einn þeirra festi sig í kantinum á 42" dekkjum.

Blessaður vertu, þú hefðir verið velkominn með okkur þarna, patrolinn festi sig ansi oft en það gekk þokkalega vel hjá hinum.

Þetta er að verða glæsilegasti jeppi hjá þér

Hvað skyldi nú vera í gangi?

...það vantaði alltaf merkið.
Ég ákvað að hafa það klassískt.

Ákvað að drífa í að láta styrkja spindilarmana að framan, þeir vilja bogna og annar þeirra reyndist vera boginn þegar skipt var um neðri spyrnurnar í fyrra.

Eitthvað fleira að gerast, þó hægt gangi...

Lét loksins verða aðf þǘi að föndra þetta. Tók gömlu spjaldtölvufestinguna og setti RAM kúlu á hana. Sogskálarnar voru ekki að gera sig á henni.
Festingin sem fylgdi RAM festingunni var óþarflega stór.

Kom nýju loftdælunni fyrir í dag. Lét smíða og beygja festingu hjá Ísloft úr 2mm blikki.
Frágangur á loftinntakinu er svo seinni tíma vandamál

Hvernig er þessi dæla í samanburði við fini, t-max ofl, varðansi verð og loftmagn?

Axel Jóhann wrote:Hvernig er þessi dæla í samanburði við fini, t-max ofl, varðansi verð og loftmagn?

Verðið er svipað og Fini og Nardi nema hvað með þessari kemur pressustat, yfirþrýstventill, rofi og raflagnir fyrir tvo loftlása.
Ég veit ekki ennþá með loftmagnið, en býst við að mana einhverja í loftdælurallý á næstunni þegar lagnirnar verða tilbúnar hjá mér.

Áfram mjakast þetta, loftúttak komið til bráðabirgða, kerfið kemur seinna.

Áfram mjakast þetta, hægri handleggurinn er ekki alveg í lagi þessa dagana þannig að framvindan er hæg. En allavega er búið að tengja rafmagnið kringum dæluna og inn á rofa í mælaborðinu sem var laus. Fínt að nota upphækkunarplastið ofan við vatnskassan sem lagnaleið.
Tappar og tengi í kútin komu frá birgja í bretlandi, (Landvélar áttu ekki mikið í NPT gengjum nema eitthvað rándýrt glussadót).
Það er ætlunin að vera með tvö loftúttök, annað í framstuðaranum og hitt aftur á palli.

Miðstöðin hætti að blása. Sem betur fer eru þessir bílar vinsælir í USA og það var auðvelt að finna kennslumyndbönd um hvernig ætti að prófa alla hluti í kringum svona bilun. Öryggi og segulloki eru í lagi, en mótstaðan er eitthvað skrýtin. Mótorinn snerist þegar tengt var beint inn á hann, og tækifærið var notað til að hreinsa rykið úr viftunni.

Ótrúlegt!
Tveir sólarhringar og ný mótstaða komin með DHL.
Og nú blæs miðstöðin eins og ekkert sé.
Rafkerfið kringum þetta er nefnilega það skrýtið að ef mótstaðan fer þá er enginn blástur, jafnvel ekki á hæsta.

Rúllaði upp í McKinsty mótorsport og keypti beygju sem minnkar úr 4" í 3"
Skar aðeins af 4-tommu hlutanum svo hún slyppi við loftdæluna og ABS módúlinn. Bætti svo við 45° beygju og rörbút í 3-tommu plaströrum.
Býst við að þetta dugi sem loftinntak uppi við hvalbak.

Aðeins verið að safna saman hlutum í úrhleypikerfið

https://www.aliexpress.com/item/3301920 ... aC2DQ&mp=1

Skoðaðu þetta.

kv. Kalli

Ekki mikið að gerast þessa dagana, en ég nennti loksins að gera við númersljósin.

Gaman að fylgjast með þessu hjá þér.
Langar að spyrja út í loftkerfið hjá þér þar sem ég er með eins dælu og eins loftkút (þó það skifti ekki máli).

Ertu með þrýstirofa á lögninni að kútnum og afloftun fyrir framan einstefnuventil? Eða notarðu bara dæluna beint við kútinn enda er hún með eigin þrýstirofa.

muggur wrote:Gaman að fylgjast með þessu hjá þér.
Langar að spyrja út í loftkerfið hjá þér þar sem ég er með eins dælu og eins loftkút (þó það skifti ekki máli).

Ertu með þrýstirofa á lögninni að kútnum og afloftun fyrir framan einstefnuventil? Eða notarðu bara dæluna beint við kútinn enda er hún með eigin þrýstirofa.

Ég er ekki enn komin svo langt. Til að byrja með býst ég við að tengja kútinn beint við dælu með einstefnuloka, og svo er ég með sér öryggisventil á kútnum. Þar sem ég er með læsingarnar á sér dælu þá held ég að það dugi að slökkva á stóru dælunni þegar hún er komin með slatta af lofti í kútinn og farinn að erfiða.

jongud wrote:

muggur wrote:Gaman að fylgjast með þessu hjá þér.
Langar að spyrja út í loftkerfið hjá þér þar sem ég er með eins dælu og eins loftkút (þó það skifti ekki máli).

Ertu með þrýstirofa á lögninni að kútnum og afloftun fyrir framan einstefnuventil? Eða notarðu bara dæluna beint við kútinn enda er hún með eigin þrýstirofa.

Ég er ekki enn komin svo langt. Til að byrja með býst ég við að tengja kútinn beint við dælu með einstefnuloka, og svo er ég með sér öryggisventil á kútnum. Þar sem ég er með læsingarnar á sér dælu þá held ég að það dugi að slökkva á stóru dælunni þegar hún er komin með slatta af lofti í kútinn og farinn að erfiða.

Ok. Ég er með þrýstirofa í loftkistu sem slær út við lægri þrýsting en rofinn í dælunni. Er að vandræðast með rafmagnið á afloftuninni en er farinn að hallast á að það sé kannski ekki vandamál. Allavega get ég ekki séð að neitt slíkt fylgi í “kútasettinu” frá ARB og ég get heldur ekki fundið að hún eigi eitthvað erfitt með að fara í gang aftur þegar þrýstirofinn slær inn aftur.

Svo líkt og þú er ég ekki alveg kominn í úrhleypibúnaðinn. Er bara með úttak fyrir slöngu í stuðara. Er með þrýstiminnkara á þeirri lögn með max 40psi svo maður sprengi ekki dekkið í einhverju hugsanarleysi.