Hið íslenska jeppaspjall

Þessi Dakota hefur verið skúraverkefnið mitt undanfarin ár. Ástæða þess að Dakota varð fyrir valinu er sú hve sérlega vel sá jeppi hentaði í þær breytingar sem ég ætlaði mér að gera... Djók, ég henti öllu sem snýst og hálfu rafkerfinu ásamt megninu af grindinni en bíllinn var ódýr og nær ryðlaus ásamt því að mér þykir þetta boddý sérlega flott.

Eitthvað þótti vinnufélögunum verkefnið ganga hægt þrátt fyrir að soga til sín tíma og íhluti ásamt því að hafa vart sést svo þeir nefndu jeppann Svartholið og síðan hefur hann gengið undir því nafni undanfarin ár.

Í grófum dráttum er uppskriftin svona:
-5,7 Hemi úr 2004 Durango
-545 rfe skipting úr 2004 Durango
-Lógír smíðaður úr 241 millikassa
-Millikassinn kemur úr Land Cruiser 200 og er rafstýrður sídrifskassi
-Framhásingin er með Patrol miðju og LC 80 endum, smíðuð 16 cm breiðari en 80 hásingin og er 176 cm
-Afturhásingin er úr Y61 Patrol, breikkuð um 6 cm og er því 171 cm.
-Ca. 60% af original grindinni var hent. Því sem eftir var breytti ég mikið og rest smíðuð frá grunni. Þetta var gert til að búa til pláss fyrir langa fjöðrun ásamt því að halda bílnum eins lágum og hægt væri. Einnig þá náðist mun betri beygjuradíus með þessu ásamt því að framendinn á bílnum var lengdur um 10 cm á yfirbyggingu og ögn meira á grind.
-Fox coil over fjöðrun með mikið fjöðrunarsvið, 43 cm að framan og 60 cm að aftan og skiptist það jafnt sundur og saman.
-44" Nokian dekk

Mun setja inn myndir hér en einnig er ég búinn að búa til albúm sem er öllum opið á Facebook:
https://www.facebook.com/profile.php?id=100000570254985&sk=media_set&set=a.2880840738611573&type=3

Byrjum á boddýinu

Hér er byrjað að klippa úr frambretti, svo stækkaði klippan aðeins meira


Innri svarta línan sýnir 44" Nokian dekk í fullum samslætti, ytri svarta línan sýnir ca hvernig úrklippan verður.


Hér er úrklippan hm. fr. langt komin. Brettið allt komið fram um 10 cm nema hællinn á því, skildi hann eftir á sínum stað. Gapinu milli brettis og hurðar verður lokað með 3D prentuðu stykki.


Hvíta línan sýnir upphaflegu skurðarlínuna bak við framljósið, það þarf líka að taka töluvert af framljósinu þrátt fyrir að framendinn sé lengdur um 10 cm


Svarta línan sýnir upphaflegu skurðarlínuna, svo stækkaði úrklippan ögn meira.


og svona eftir klippu, það verður smá áskorun að koma öllu fyrir þar sem ekki er mikið rými eftir.


Svona er innra frambretti fyrir klippu

Þetta er svo flott að maður veigrar sér við að nota orðið smíðaklám um þetta!

Þessu verður gaman að flytjast með!

Ég er ekki hissa á að vinunum þyki þetta dragast, þetta lítur út fyrir að vera tímafrek breyting og vel gerð
Gangi þér vel, við fylgjumst spenntir með

Smíðaerótík?

þetta er það sem skilur að svona skúra amatöra eins og undirritaðan, og fagmennina

þetta er hrikalega flott

Framhásingin er Landcruiser 80 hjólabúnaður en báðir innri öxlarnir eru 8 cm lengri en original, það breikkar hásinguna úr 160 cm í 176 cm. Hásingamiðjan er síðan Patrol. Hér er undirbúningurinn fyrir breikkunina langt komin, verið að mæla endanlega rörlengdina sem passar frá drifi að hásingaendanum. Rörið sem var notað í breikkunina er 90 mm svert tjakkrör með 7,5 mm veggþykkt.


Í stað þess að skera á original suðurnar við hásingaendana til að losa liðhúskúlurnar sagaði ég rörið í sundur töluvert innar og fékk svo vin minn hann Þengil til þess að renna utan af rörinu þar til komið var niður úr ryðpollunum. Með þessu fæst mun lengri stýring og sterkari samsetning en með því að nota original stýringuna. Að auki er original stýringin of grönn til að passa inn í nýja hásingarrörið





Hér er verið að byrja að mæla upp rörlengdina. Þegar þetta var gert byrjaði ég á að panta öxlana, stillti þessu svona upp og mældi svo rörlengdina sem vantaði upp á. Með þessu tryggði ég að hásingin væri í réttri breidd fyrir öxlana. Ef eitthvað varðandi þá hefði verið pantað vitlaust af mér eða smíðað vitlaust hjá RCV skipti það ekki öllu þó hásingin endaði ögn breiðari eða mjórri, en ég vildi ekki sitja uppi með hásingu og öxla sem ekki pössuðu saman.


Fyrstu mælingar



Framdrif úr Patrol og 80 Cruiser


Samsetningin var þannig gerð að rör voru pressuð inn í innri endana á tjakkrörunum og þær stýringar soðnar fastar. Síðan voru þær stýringar pressaðar inn í drifkúluna, hásingin sett í rennibekk, hún rétt af og að lokum soðin.


Eftir að samsetningarnar voru heilsoðnar og hásingin orðin köld var kastið mælt (tæpir 20 mm) og hásingin rétt af með hitun og smá suðu. Það ferli verður endurtekið ef þörf er á eftir að allri suðuvinnu kringum fjöðrun o.fl. verður lokið. Enn og aftur var það öðlingurinn hann Þengill sem aðstoðaði mig.

Metnaður í þessu hjá þér

Snilld alveg

Öflugt rör notað sem þverbitar þarna og aftan við millikassann, gert til að stífa grindina og aftari demparaturnarnir munu koma niður í þetta rör


Rörið fer í gegnum plötur innan og utaná grindarbitunum, seinna mun koma plata yfir þær til stífingar


Þarna er búið að koma nýju grindarbitunum fyrir en allur frágangur eftir; Þverbitar, pallfestingar o.fl... þessir grindarbitar voru smíðaðir með nokkra hluti í huga:
-Fá gott pláss fyrir fjöðrun utan grindar
-Hleypa hásingunni lengra upp, með því er hægt að hafa mikla samfjöðrun án þess að hækka bílinn mikið
-Grindin verður mikið stífari svona. Þá losnar maður við leiðinda sveiflur og sveigju sem fylgir þessum opnu grindum í USA pallbílum
-Það þurfti hvort eð er að smíða svo mikið í gömlu grindinni að þegar upp er staðið sparaðist sennilega tími á þessu
-Losna við ryð og drullu jafnvel á milli laga (grindin var á köflum tvöföld og hnoðuð saman


Gamall og nýr grindarbiti. Sagaði gömlu grindina í sundur við öftustu boddýfestingarnar og henti því sem var þar fyrir aftan frá a-ö. Hér sést vel hve mikill hlykkur inn á við er í nýja bitanum, þetta er gert til að fá gott pláss fyrir fjöðrun utan grindarinnar.


Hér sést hve hár hlykkurinn upp á við er miðað við gölmu grindina. Þetta er gert til að hleypa hásingunni hærra upp og fá mikla samfjöðrun án þess að hækka bílinn mikið


Gamla grindin, hér voru um 74 cm upp í samsláttarpúðann og hásingin hefði stoppað endanlega í ca 76 cm hæð


Með nýju grindinni kemst toppirinn á hásingarrörinu upp í um 90 cm hæð sem gefur um 30 cm samfjöðrun miðað við aksturshæð. Í stað þess að síkka samsláttinn eins og gjarnan er gert var hann semsagt hækkaður upp um 14 cm


Nýju bitarnir klárir til ísetningar. Myndin bjagar þetta eitthvað, en bitarnir eru spegilmynd af hvor öðrum.


Nýju bitarnir klárir til ísetningar

Alveg meiriháttar gaman að fylgjast með þessari smíði!
Bíð spenntur eftir framhaldinu.

Þetta er glæsilegt. Endilega haltu okkur upplýstum, þetta er mjög spennandi og flott smíði. Almennilega uppísig-byggður :)

Svona verða neðri stífurnar að aftan, smíðaðar úr plötum

Glæsilegt! Lætur þú skera út núna og sýður þetta ásamt hangikjötinu um jólin?

Járni wrote:Glæsilegt! Lætur þú skera út núna og sýður þetta ásamt hangikjötinu um jólin?

Já það var hugmyndin

Þetta er magnað, gaman að þessu :)

Hvernig gengur kv Heiðar

Þetta þokast áfram, smíði á neðri afturstífunum er nær lokið og að því loknu vera hannaðar og smíðaðar stífufestingar fyrir þær og A-stífuna ásamt því að smíða hana. Þetta verkefni hefur hinsvegar verið í smíðum í nokkkur ár og til hellingur af myndum af hinu og þessu. Hér koma smíðamyndir af framstífunum. Þær eru smíðaðar úr hástyrktarstáli sem heldur þyngdinni í skefjum þrátt fyrir mikinn styrk, þær eru rúm 10 kg. hvor án fóðringa.

Stífurnar eru 105 cm frá fóðringunni við grindina í mitt hásingarrör, það er rúmlega 20 cm lengra en patrol og 80 cruiser armar sem eru rúmlega 80 cm, það veitti ekki af að smíða lengri arma því framfjöðrunin er 43 cm löng. Stóra ílanga gatið sem er næst hásingunni er fyrir millibilsstöngina, hún gengur þarna í gegn. Fóðringarnar eru úr radíusörmum í 80 cruiser

Flott ertu að nota stál 100 eða eitthvað annað

Þá er það lógírinn sem er smíðaður úr 241 kassa. Ég fór óhefðbundna leið í því máli, vanalega er aftara hluta hússins hent og smíðuð plata aftan á fremri hluta hússins. Gallinn við þá leið er að olíumagnið á gírnum verður lítið og enn verra er að olíudælan er fjarlægð, hún er aftast í kassanum. Þess í stað notaði ég kassann í fullri lengd og kostirnir eru þessir:
-Held smurdælunni og hef meira olíumagn á gírnum. Þar með þolir gírirnn mun meira álag til lengri tíma sem þýðir að þetta er ekki bara til þess að skríða í versta færinu heldur get ég notað gírinn sem lágt drif og haft millikassann í háa, með því fæ ég fjölbreyttara gírsvið.
-Millikassinn færist aftar sem þýðir styttra afturskaft (væri annars óþægilega langt og þyrfti að vera mjög svert því ég vil ekki upphengju) og lengra framskaft sem er stór kostur því heil hasing með mikið fjöðrunarsvið (43 cm í heildina) fer ekki vel með framskaft sem er stutt. Ég nota drifsköft úr LC200 og það er ekki fjarri lagi að afturskaftið passi bæði að framan og aftan (nota tvö aftursköft).

Aftaná lógírinn kemur millikassi úr LC200, sá kassi er býsna leiðinlegur í laginu að framan gagnvart svona mixi, þar nota ég milliplötu sem er steypt hjá Málmsteypunni Hellu og Smári í Skerpu sá svo um fræsivinnuna sem þurfti. En til þess að bolta þá plötu og gírinn saman vantaði aðra plötu, hún var búin til með því að 3D skanna lógírinn og nota það líkan til þess að teikna eftir.

Efsta myndin sýnir gírinn ásamt milliplötunum og fremri hlutann af millikassanum. Það mun svo koma einhver meiri styrking milli gírsins og fremri milliplötunnar.

jeepcj7 wrote:Flott ertu að nota stál 100 eða eitthvað annað

Grindin og megnið af öðru er smíðað úr S355J2G3 en radíusarmarnir að framan og neðri afturstífurnar ásamt einhverjum öðrum stykkjum úr raex700.

magnað

Afturfjöðrunin er langt komin. Hér má sjá demparaturnana sem eru nær tilbúnir fyrir utan að það á eftir að smíða þverslá á milli þeirra til að stífa þá af.






Blikkplatan sem er áföst nafinu er þversnið af AT-Nokian dekki á 16" felgu


Búið að klippa úr pallinum. Þessi spýta er fest með þvingum ofaná hlið pallsins til að koma í veg fyrir aflögun meðan klippt er úr og soðið aftur í.

Þetta kallar maður að klippa upp í rjáfur!

þetta er flott
það verður gaman að sjá hann tilbúin

Þetta eru alvöru vinnubrögð, flott hjá þér.

Þetta er fullorðins! Gaman að fylgjast með.

Álgjörlega magnaður gjörningur

Alveg flott.
Eins gott að bíllinn var vel með farinn og vandaður og hentaði svo vel að það þurfti nánast engu að breyta... :-)
Djók. Virkilega flott verkefni, ég slefa alveg smá yfir þessu.

Mér finnst einsog ég hafi séð svona dekkjaskapalón áður en var samt búinn að steingleyma því. Það er allavega hugmynd sem ég mun fá lánaða í næsta úrklippuverkefni. Alveg gargandi snilld, alltof einfalt konsept til að nota það ekki.
Það væri hægt að smíða sett með stillanlegu offset og felgu/dekkjastærðum ásamt nokkrum gatadeilingum til að setja upp skapalón fyrir nánast hvaða dekk sem er á hvaða bíl sem er!

En aftur svona næstum að efninu....endilega halda áfram að mynda og pósta, takk fyrir að setja þetta hér frekar en feisbúkk.

Kv
Grímur

Þetta er next level. Gæti orðið svolítið skemmtilegt leiktæki.
Þetta er ein mesta úrklippa sem sést hefur, bara alveg í gegn! Og hásingin komin langt norðurfyrir bensíntank!

Keep us posted! :)

Þetta er til háborinnar fyrirmyndar!

Nokkrar myndir af vinnunni við pallinn

þetta verkefni er svo flott að að þá nánast gerir lítið uŕ því sem flestir af okkur hinum eru að brasa..

Nokkrar myndir af köntum. Þeir voru breikkaðir töluvert meira en þurfti en verða svo felldir að bílnum og mjókka við það. Að því loknu verður breiddin skoðuð með tilliti til þess hvar dekkin enda því felgubreidd og backspace er ekki endanlega ákveðið. Kantarnir munu mjókka um ca 3-4 cm. Einnig munu þeir verða styttir aðeins, framkantarnir líklega um 3-4 cm og afturkantarnir ca 5-6 cm.

Töff, er ekki tilvalið að nýta kryppuna þarna í eitthvað sniðugt. Varadekksfesting, standur fyrir dekkjavél eða hóll fyrir fánastöng?

Er drifrás / fjöðrun klár?

Járni wrote:Töff, er ekki tilvalið að nýta kryppuna þarna í eitthvað sniðugt. Varadekksfesting, standur fyrir dekkjavél eða hóll fyrir fánastöng?

Er drifrás / fjöðrun klár?

Kannski smella svona sæti á kryppuna? Þakka innblásturinn Árni


Smíði á fjöðrun og drifrás er nærri lokið, en þó einhverjir lausir endar eftir

Afturhásingin breikkuð með því að skera í sundur tvær hásingar með 70 mm hliðrun á skurðum. Þannig næst að breikka hana með bara einni samsetningu en ekki tveimur, Stýring var rekin inn í annað rörið og punktsoðin föst, svo var seinni hlutinn rekinn upp á


Hitað til að auðvelda samsetninguna




Eftir samsetningu var þetta fasað vel fyrir suðuna. Eftir breikkunina sést ekkert á hásingunni annað en ein hringsuða, skemmtilegra þannig heldur en að vera með bút úr öðruvísi röri þarna á milli.

Snild með rörið er í svipuðum pælingum en bara til að auka back space ekkert fyrstur í skála stemmari því miður

Vélartölvan sleppur þarna, svipaður staður og í Durango sem er jákvætt því þá þarf ekki að lengja neina víra.


Öryggjabox og stjórnbox sem fylgja Hemi vélinni komast fyrir á þessum slóðum. Þetta er á svipuðum stað og í Durango sem er jákvætt því þá þarf ekki að lengja neina víra.


Lenging á frambretti


Ekki mikið afgangs pláss þarna. Þegar hásingin er í fullum samslætti fer hásingarrörið og radíus armurinn upp fyrir botninn á maskínunni.


Millikassabiti og vagga fyrir LC200 millikassapúða tilbúið.


Turn fyrir A-stífu


Turn fyrir A-stífu


Festing fyrir neðri stífu á afturhásingu


Framhásingasmíði lokið, búið að styrkja liðhús og smíða allar festingar


styrkingar heilsoðnar og slípaðar.


Búið að sjóða styrkingu í alla kverkina milli kúlu og hásingar. Þvermálið á þeirri styrkingu er á pari við utanmál LC80 hásingarinnar, svo ef svona styrking væri sett þar myndi kverkin milli kúlu og rörs hverfa. Að auki eru settar sneiðar úr röri bæði undir og ofan á hásinguna.


Búið að sjóða fyrstu umferð. Svo var þetta styrkt


Verið að stilla upp liðhúsunum. Hásingin er svo mikið sverari að með því að renna ögn af utanmáli LC80 hásingarinnar var hægt að stinga þeim hásingaendum inn í nýju hásinguna. Þetta verður svo hringsoðið og einnig soðið í gegnum nokkur göt til að fá auka styrk innar á rörinu. Hvítu línurnar á hásingaendanum sýna það pláss sem liðhúspakkningarnar þurfa og hvar er pláss fyrir styrkingar.


Húddlenging kominn á sinn stað sem og lenging á frambretti.


Byrjað að máta rafkerfið kringum vélina úr Durango í húddið. Þetta mun einfaldast töluvert meira, á eftir að grisja meira úr þessu eftir að vélin fer í gang. Þarna er meðal annars ABS rafkerfið í heild sinni enn til staðar, vil ekki fjarlægja það fyrr en það er alveg a hreinu að ég þurfi það ekki fyrir skiptingu og hraðamæli til að vinna rétt, en það er nær öruggt að það fari