Nissan Navara D22 2.5 2005


Höfundur þráðar
Axel Jóhann
Innlegg: 290
Skráður: 11.jan 2012, 19:49
Fullt nafn: Axel Jóhann Helgason
Bíltegund: 38" Musso
Staðsetning: 800

Nissan Navara D22 2.5 2005

Postfrá Axel Jóhann » 14.okt 2017, 14:57

Þetta er Nissan Navara D22 2.5Tdi 2005 árgerð ekinn 328.000 þegar vél númer eitt gaf sig, sem er víst helvíti góð ending miðað við að margar þeirra voru að hrynja við 50-60þús km akstur.

20170512_181352.jpg
Ósköp óspennandi svona orginal
20170512_181352.jpg (1.99 MiB) Viewed 3222 times


Eignaðist þetta grey í sumar, hann hafði stimplað sig út eins og er algengt með þessar YD25DDti vélar sem eru víst upphaflega ættaðar frá Renault. Vandmálið í þessum vél er að stimpilboltarnir gefa sig og stöngin losnar frá sveifarásnum sem veldur því að ásinn nær að kýla stöngina út í gegnum blokk, þetta er hægt að koma í veg fyrir með endurbættum stangarlegu boltum.

20170516_232122.jpg
Stimpilstöng að yfirgefa svæðið
20170516_232122.jpg (2.18 MiB) Viewed 3222 times


Fyrsta mál var að taka bílinn og skoða grind og almennt ástand hvort það borgaði sig að bjarga honum og kom í ljós að hann er bara helvíti heill og óryðgaður miðað við marga þessa bíla svo að það var ráðist í að laga hann.

20170516_174404.jpg
20170516_174404.jpg (1.79 MiB) Viewed 3222 times


20170516_205730.jpg
Grindin mjög góð og ekkert byrjað að ryðga
20170516_205730.jpg (1.77 MiB) Viewed 3222 times


20170516_231252.jpg
20170516_231252.jpg (2.34 MiB) Viewed 3222 times


Svo vildi svo heppilega til að tengdó átti svona mótor sem var búið að setja fullt af peningum í, þar á meðal upptekið olíuverk, nýjir spíssar nýr tímagír og sveifarás renndur og nýjar legur í yfirstærð en sá mótor entist ekki nema 1500km eftir þá upptekt því að þá brotnaði sveifarásinn í fremstu stimpilstönginni. Þessir ásar virðast ekki þola rennsli. En eina sem var skemmt í þeim mótor var sveifarásinn og legur svo að ég pantaði orginal sveifarás í standard stærð sem var í góðu standi frá Bretlandi ásamt nýjum höfuð og stangarlegum og nýjum stangarleguboltum.

20170603_230816.jpg
Sést vel hvernig ásinn brotnaði, en það merkilega er að vélin gekk enn þrátt fyrir þetta
20170603_230816.jpg (1.14 MiB) Viewed 3222 times


20170604_000245.jpg
Ekki skemmtileg sjón
20170604_000245.jpg (1.95 MiB) Viewed 3222 times


Nýji ásinn kominn í ásamt legum og boltum og allt hert saman.
nýr ás.jpg
nýr ás.jpg (2.22 MiB) Viewed 3222 times


Neðri tímakeðja
neðri keðja.jpg
neðri keðja.jpg (2.67 MiB) Viewed 3222 times

Og svo sú efri og olíudæla kominn á vélina
efri keðja.jpg
efri keðja.jpg (2.36 MiB) Viewed 3222 times


Og svo loks ísetning
ísetning.jpg
ísetning.jpg (2.2 MiB) Viewed 3222 times


Svo var nauðsynlegt að fjarlægja sæti og teppi úr bílnum til að þrífa margra ára uppsafnaða drullu. Tók sætin og teppið og notaði háþrýstidælu og mikið af sápu svo fékk það að vera 2 daga inn í hitakompu til þerris.

Fyrir
hreint.jpg
hreint.jpg (1.8 MiB) Viewed 3222 times


Eftir
skitugt.jpg
skitugt.jpg (1.63 MiB) Viewed 3222 times

betra.jpg
betra.jpg (1.87 MiB) Viewed 3222 times



Og fyrst að hann var kominn í gang og orðinn þokkalegur að innan þá þurfti að búa til smá pláss fyrir önnur dekk svo hann verði ekki svona aumingjalegur í útliti.


Að framan skar ég aðeins úr aftanverðri hjólskálinni og færði innar til að geta beygt með góðu og notaði svo bara sleikjulista til að "framlengja" brettakantana yfir dekkin. Þetta er 33" á 10" breiðum felgum.

skurður.jpg
skurður.jpg (1.52 MiB) Viewed 3222 times



Þannig að núna er hann svona og síðan að ég lagaði hann er hann búinn að rúlla rúmlega 6.000km og það verður að segjast að þessi vél sé helvíti skemmtileg varðandi afl og eyðslu miðað við sambærilega 2.5 dísel mótora í svona bílum.

Gæti alveg trúað því að ég komi til með að setja hann á stærri dekk síðar meir en þetta er helvíti hentugt eins og hann er í daglega notkun, það er alveg bráðnauðsynlegt að eiga svona hjóla/sleðabíl :D




rdy1.jpg
rdy1.jpg (2.78 MiB) Viewed 3222 times


rdy2.jpg
rdy2.jpg (2.59 MiB) Viewed 3222 times


rdy3.jpg
rdy3.jpg (2.37 MiB) Viewed 3222 times


rdy4.jpg
rdy4.jpg (2.71 MiB) Viewed 3222 times


1997 Musso 2.9TDI 42"
2001 Nissan Patrol 35"

User avatar

hobo
Póststjóri
Innlegg: 2490
Skráður: 31.jan 2010, 17:44
Fullt nafn: Hörður Bjarnason
Bíltegund: 1988 Ford Econoline

Re: Nissan Navara D22 2.5 2005

Postfrá hobo » 14.okt 2017, 19:15

Gaman að þessu, vel gert!


olei
Innlegg: 815
Skráður: 30.apr 2011, 01:41
Fullt nafn: Ólafur Eiríksson

Re: Nissan Navara D22 2.5 2005

Postfrá olei » 15.okt 2017, 05:59

Glæsilegt, gott að geta sullað saman svona dóti og fengi fínan bíl út úr því.

Ég þekki þessa bíla afar lítið og skildi ekki alveg lýsinguna hjá þér á biluninni, hvort eru það stimpil-boltarnir eða stangaleguboltarnir sem gefa sig í þessum mótorum?

Ekki að það skipti neinu máli úr þessu, en þá grunar mig að handvömm sé það sem orsaki að sveifarásar detta í tvennt skömmu eftir rennslu. Að ekki sé nægilega vandað til að hafa rúnning (radíus) í jaðri legusætanna. Of þröng kverk þar myndar mikla spennuhækkun í efninu sem veldur sprungumyndun sem vex mjög hratt. Það er ótrúlegt að sjá sveifarása í vörubílum sem þola keyrslu til tunglsins og til baka aftur detta í tvennt skömmu eftir að rennt er af þeim næfurþunnt lag. Ég kaupi ekki alveg skýringuna að sumir sveifarásar þoli ekki rennslu, það er dálítið afstætt held ég.

Hvernig er það annars, er ekki næst á dagskrá að leggjast í mega-ryðvarnaræfingar til að verja gripinn næstu ár?


Höfundur þráðar
Axel Jóhann
Innlegg: 290
Skráður: 11.jan 2012, 19:49
Fullt nafn: Axel Jóhann Helgason
Bíltegund: 38" Musso
Staðsetning: 800

Re: Nissan Navara D22 2.5 2005

Postfrá Axel Jóhann » 16.okt 2017, 10:45

Það eru jú stangarlegu boltarnir sem gefa sig, enda ekki nema 8mm boltar og svakaleg hersla, en jú það stendur til að taka hann og fyrirbyggja ryð bæði í grind og boddýi, ásamt því að hækka hann jafnvel örlítið meira.
1997 Musso 2.9TDI 42"
2001 Nissan Patrol 35"


Til baka á “Jeppinn minn”

Tengdir notendur

Notendur á þessu spjallborði: Engir skráðir notendur og 16 gestir