Hið íslenska jeppaspjall

já ég ætla að gera það fyrir þennan vetur og fylgist vel með þessu bara, þetta hefur hangið í tvö ár svona hjá mér og 16 þar á undan en þeir vasar voru líka margstyrktir og soðnir og gjörónýtir

þetta er 4mm já

þetta er allt 6mm hjá mér. sem er kannski overkill

Þetta gatabrjálæði er almennt til bölvunar í svona smíði. Hef séð ansi mörg tilfelli þar sem svona "léttingar" sem í raun skipta engu máli sem slíkar eru algert klúður burðarþolslega séð. Einstaka sinnum má réttlæta göt með því að setja rör í gegn sem stífingu og sjóða það allt saman. Oftast er samt betra að vera bara sparari á efnið utanmeð, þannig má létta alveg slatta ef það er markmiðið. Þynnra efni er oft allt í lagi líka ef rétt er farið með. Að búa viljandi til svona spennusvæði er algerlega ofar mínum skilningi.

Kv
Grímur

já sammála, ég hélt einhvernveginn að þetta væri bara í lagi, þetta er svona hérumbil færibandaframleiðsla svona hilux á 38"

en ég byrja allavega á að styrkja þetta og fylgist með því hvernig það gefst, kannski er það bara alveg nóg :)

afsakið hvað ég er að troða mér mikið inn í þinn þráð

en þegar ég smíðaði mína þá dauðsá ég strax eftir að hafa gert þessi göt. ég er að fara taka hásingarnar undan til að blása þær og og skipta um hlutföll. ég ætla loka þessu held ég bara

Sævar Örn wrote:já sammála, ég hélt einhvernveginn að þetta væri bara í lagi, þetta er svona hérumbil færibandaframleiðsla svona hilux á 38"

en ég byrja allavega á að styrkja þetta og fylgist með því hvernig það gefst, kannski er það bara alveg nóg :)

"Þakka ykkur innleggið, ég er sammála þessu, þetta er að vísu breyting frá Arctic Trucks þeir breyttu bílnum hérumbil nýjum árið 2001 þannig ég taldi mig ekki þurfa að vera að finna upp hjólið."


Sæll Sævar, mig langar til að koma með eina ábendingu varðandi upphaflegu breytinguna a þessum jeppa. Kunningi minn var annar eigandi þessa jeppa á sínum tíma og þekki ég því aðeins til sögu hans. Þessum bíl var hvorki breytt af Arctic Trucks né er þetta eftirherma af breytingunni þaðan.

Kveðja, Freyr - Arctic Trucks

Freyr wrote:

Sæll Sævar, mig langar til að koma með eina ábendingu varðandi upphaflegu breytinguna a þessum jeppa. Kunningi minn var annar eigandi þessa jeppa á sínum tíma og þekki ég því aðeins til sögu hans. Þessum bíl var hvorki breytt af Arctic Trucks né er þetta eftirherma af breytingunni þaðan.

Kveðja, Freyr - Arctic Trucks

Sæll Freyr, þakka þér fyrir. Mér var ekki kunnugt um það, og hef raunar í fórum mínum mynd af bílnum hálfbreyttum utan í Auðbrekkunni en það má vera að hann hafi komið þar í öðrum erindagjörðum. Aukinheldur mátti ég berjast fyrir því að fá útskorning af stífuvösunum þegar ég endurnýjaði þá 2017, þar er komin skýringin ef þetta er þá frábrugðið hinni 'hefðbundnu' AT breytingu. Ef mig misminnir ekki þá snerist orðræðan sem þú vitnar í upphaflega um hönnun styrktarvasa fyrir höggdeyfana að aftan, en þeir hafa tollað vel á sínum stað eftir þá viðgerð.

Upphaflega breytingin á þessum bíl er löngu búin að búin að skila sínu, afskrifuð, og það er víst þannig að ég verð sjálfur að gangast í ábyrgð við hverju því sem aflögu fer héðan af, enda búinn að fikta í nokkurnveginn öllu á þessum tveim árum sem ég hef rekið bílinn.


Hvað um það, hásingin er hérumbil komin undan og vasarnir verða bara styrktir að sinni. Þá dugir þetta etv. önnur 20 ár á fjöllum. :)

https://www.youtube.com/watch?v=aIGTNU6hG2Q
Ég hef verið að velta fyrir mér að smíða Svona stífu, Sleppa festirónni, sé enga þörf fyrir hana. Þá vinnst tvent, hægt að stilla lengdina á stífunni og hún snýst í rónni og það kemur ekkert snúningsátak. Þá þyrfti þá að setja smurkopp á róna og gúmíhosu yfir gengjurnar. Eru einhverjar hugsanavillur í þessari hugmynd?

Sæfinnur wrote:https://www.youtube.com/watch?v=aIGTNU6hG2Q
Ég hef verið að velta fyrir mér að smíða Svona stífu, Sleppa festirónni, sé enga þörf fyrir hana. Þá vinnst tvent, hægt að stilla lengdina á stífunni og hún snýst í rónni og það kemur ekkert snúningsátak. Þá þyrfti þá að setja smurkopp á róna og gúmíhosu yfir gengjurnar. Eru einhverjar hugsanavillur í þessari hugmynd?

Er ekki hætta á að skrúfgangurinn slitni þegar hann snýst í rónni? Smurningur gæti bjargað einhverju, en henta svona gengjur fyrir stöðuga hreyfingu?

Ég myndi frekar hallast gegn þessari gengjupælingu, það er sjálfgefið hlaup í gengjum, meiraðsegja töluvert mikið, sem gæti valdið hávaða og í versta falli ýtt undir titringsmyndun. Sumir voru að smíða nælonfóðringar í stífuenda í gamladaga, það var algert bras fyrir utan að þvinga alltof mikið, vegna þess að minnsta slit og hlaup varð að titringi og látum sem ekkert dugði við nema nýtt eða gúmmí í staðinn.
Alveg réttmæt pæling vissulega og hugmyndin góð, en einfaldlega afþví hvað allar venjulegar gengjur eru rúmar og hætta á sliti eins og bent hefur verið á, þá held ég að þetta gangi ekki vel upp í praxís.
Rótendi í annan endann er alveg séns, þeir fást býsna "þéttir".

Kv
Grímur

Hverju sem því líður þá hef ég lokið við styrkingu vasanna á hásingunni svo þeir brotna sennilega ekki meir, en þá er spurning hvort eitthvað annað gefi sig.

Mér til mikillar gleði eða þannig þá fann ég smá ryð í grindinni sem ég þarf að tækla sem allra fyrst.
Hvort tveggja er á stöðum þar sem áður hefur verið soðið í grindina þ.e. við stífufestingar og við gormafestur að aftan.

Ég tækla þetta með gormafesturnar núna meðan pallurinn er ekki á en ég bíð með hitt þar til boddýið fer af eftir veturinn :)



Grunnur yfir allt heila helvítið, það er allt í lagi :)



Vasarnir saumaðir saman á öllum köntum þannig rétt svo stífurnar komist þangað sem þær þurfa að komast.

Orðinn býsna brúklegur aftur


Pallurinn kominn á, rétti hann aðeins við hann hallaði alltaf nokkra mm fram eftir ryðviðgerðina 2017, smá feill hjá mér en orðið rétt núna



Kominn með padda á mælaborðið á snúnings festingu með frönskum rennilás, get haft hann svona breiðan og einnig á hinn veginn. Verður spennandi að sjá hvort þetta komi í stað GPS tækisins sem nú er komið milli sætanna til öryggis allavega fyrst um sinn.

Ég tók einnig vel til í aukarafkerfinu og nú eru bara fjögur relay í boxinu en voru 12 áður. Ég var búinn að setja annað aukarafkerfisbox aftur í bílinn bakvið aftursætin sem stjórna undirljósum, vinnuljósum, olíudælu og loftdælu og læsingu að aftan, þannig það var ekki þörf á öllum þessum notendum í boxinu frammi í húddi lengur. Nú eru bara kastararnir þar og etv. set ég leitarljós stýringu þangað og sitthvað fleira seinna.

Það þarf alltaf að vera smá stress fyrir jeppaferð :)

Við fórum félagar í árlega ferð í Landmannalaugar í byrjun janúar, þetta er 11 árið í röð sem farið er í þessa ferð.
Nú var órange veðurviðvörun svo við fórum að öllu með gát, en nokkuð ákveðnir í að fara engu síður.

Raunar var ekkert að veðri hjá okkur, það var mikið verra niðri í byggð.

Á laugardeginum bættist mikið í hópinn og voru um 30 bílar á að giska og 60 manns




Fyrsta festan, á bílastæðinu við Hrauneyjar, alltaf klassískt..!

Að gera klárt fyrir fyrsta drátt

Það rigndi mikið á okkur á leiðinni upp frá Sigöldustöð, og virkilega hvasst, við þökkuðum fyrir að hitastigið væri 2°C því annars hefði fokið og skyggni verið 0M


Komnir að Bjallarvaði, er að fýla þennan kortaskjá, prófa að snúa honum væði svona og svo á hinn veginn, finnst þetta eiginlega þægilegra en það eru ekki allir sammála.


Svo tók við góðviðri í auga stormsins, þarna sést Sigöldulína 4 sem liggur frá Sigöldustöð niður í Skaftafellssýslu.


Súkkan var virkilega dugleg á 33" dekkjum, ekkert ruðningstæki en fylgdi vel í förum eftir 38"


Í hrauninu leynast pollar hér og þar, Patrólinn sökk í þá flesta þó hinir þrömmuðu yfir á léttari máta, það mátti alltaf finna þurra leið bílbreiddinni til hliðar.


Þarna sökk patrólinn dýpra og hafðist ekki á flot með teygjuspotta á öruggan máta, svo ég fékk að spila jibbíjei :)


Komnir að gatnamótum


Erfiðlega gekk að finna leið yfir ósa Jökulgilskvíslar sem skafið hafði yfir og voru nú krapastíflaðir svo vatn náði upp á hurðar bílanna, ákveðið var að aka kvíslina upp endilanga þar sem hún var opin og gafst það mun betur.


Svo var auðvitað lambalærisveisla


Daginn eftir kom restin af hópnum, fjöldinn að telja u.þb. 30 bílar og 60 manns gróft á litið. Þessi var minnstur, Chevrolet Vitara á nokkuð litlum börðum, þarna hafði affelgað en því var snarbjargað.


Það var ekki hægt að kvarta yfir veðri!


Sannkallað sprautfæri, um sunnudagsnóttina kyngdi niður uþb. 20-30cm snjó


Við höfðum tekið meðvitaða ákvörðun um að krækja framhjá Hnausapollum þar sem tjörn myndast iðulega þegar vætusamt er í veðri í byrjun vetrar, förum þarna leið um Ljótapoll sem er brattari en þurr


Súkkunum gengur stundum betur að bakka upp brekkurnar eins og þessi mynd sýnir vel


Allir í halarófu, hjólförin eins og malbikuð fyrir okkur sem aftarlega vorum


en víða krapa pittir engu síður, einangraðir undir snjónum og frjósa ekki þrátt fyrir -12° frost í tvo sólarhringa



Hér er trakkið okkar úr Oruxmap



Hér sést krækja sem við höfum tekið undanfarin ár vegna hættu á að sökkva bílum við Hnausapoll, það gerðist í fyrravetur eftir að við höfðum verið þarna í janúar þá fóru 2 bílar á kaf og núna á föstudag sl. fór einn bíll á kaf og hefur ekki verið losaður enn skilst mér, þannig þetta hefur verið og verður áfram eitthvað sem menn verða að vara sig á, sérstaklega þegar hitastig er svo óstabílt sem verið hefur siðustu tvo vetur, þarna safnast upp í bíldjúpar tjarnir.

Skruppum og kíktum á íshelli á laugardaginn, það var geggjað..


Súkkan seig

Geggjað veður

Býsna flott gat!

Maðurinn má sér lítils fyrir fara hliðin á listaverkum náttúrunnar

Öryggi á oddinn

Skoti kunni líka að meta þetta

Sums staðar þarf að skríða en það er þess virði





Hilux bremsur hafa ekki þótt mikilfenglegar, en þeim tókst þetta, ég þarf að bletta í stuðarann minn :)



Skoti missir ekki af neinu

Dags skreppur á skjaldbreiður og nágrenni korter í kóvid mars 2020





Hundurinn Skoti er mikill bílaáhugamaður og leiðist ekki að ferðast



Á leið upp frá Lyngdalsheiði



Nægur snjór!



Fjöldi manns á ferðinni!



Ótroðnar slóðir





Hilux gekk betur að feta eigin slóð frekar en að elta 44" bílana, enda færið hálfgert púður og mátti gæta þess að halda ferðinni gegnum stærstu skaflana



Skyggni fór versnandi, Skoti að reka á eftir mannskapnum...



Hvað er skreppur án þess að lenda í brasi



Í spólförum eftir 44" bíl, reyndar ekki fastur þarna þó litlu muni

Páskaferð seinasta vetrardag 2020 í óþökk þríeykisins



Eyjafjallajökull í baksýn



Soley hörku ökumaður á Mælifellssandi, ekið á þjóðvegahraða



Strútur



Á leið upp við Markarfljótsgljúfur, við Mosa



Strútslaug



Strútur



Um nóttina snjóaði býsna, og skyggni varð að engu



Hilux lóðsaður upp brattlendi í námunda Strúts af gangandi manni, skyggni var svo tæpt



Svo gekk ferðin hraðar þegar komið var á Mælifellssand og engin hætta á ferðum þó ekið væri blindandi

Alltaf gaman að skoða ferðamyndir, manni er aldeilis farið að kítla í putta að fara komast í svona ferðir aftur :D

Laukrétt! Ég hef ekki verið nógu duglegur að setja hérna inn í sumar, en er með stór plön fyrir veturinn og næsta sumar með þennan bíl... meira um það síðar

Ferðalag í júlí fyrsti hluti: Reykjavik - Gljúfrabúi - Kirkjubæjarklaustur - Fjaðrárgljúfur - Lakagígar - Langisjór - Landmannalaugar - Búrfell


Skoti veit alveg hvað er að fara að gerast


Katla



Veðursæld og hlýtt við Kirkjubæjarklaustur



Við Fjaðrárgljúfur


Fagrifoss


Hádegissúpa við Blæng, og Blængsskála


Víða voru skaflar yfir veg á leið okkar um grenndarslóða Lakagíga, en það var vandræðalaust hægt að aka yfir þá.


Tjarnagígur


Á leið í Þakgil


Vatnsuppsprettur á leið um Skuggafjöll til Langasjós, þar rennur Skuggafjallakvísl niður og fram hjá Hörðubreið og Ljónstind niður Ófæru og í Eldgjá


Við ókum langleið austurfyrir Langasjó en snerum við bæði þegar skyggni versnaði og fór að snjóa á okkur, þá voru nokkrir farartálmar í slóðinni um Breiðbak m.a. þessi bratti skafl sem aðstoðarökumaðurinn ákvað að ganga frekar upp en sitja í bílnum :) Myndin sýnir brattann auðvitað illa.




Eftir þetta ókum við býsna hratt og illa og átum pulsur með öllu í Landmannalaugum, þaðan niður Dómadal og inn að Búrfelli við Þjófafoss, á frábæran áningarstað við austurbakka Þjórsár sem heitir Lambhagi. Þar var hugað bæði að skepnum og fararskjótum.


Þjófafoss


Hjálparfoss


Reykholtslaug Þjórsárdal


Áttundi tappinn úr settinu mínu, en ég hef aldrei notað tappa fyrir mig sjálfan :)


F26 meira síðar..

Hluti 2 af júlí ferðalagi:



Hágöngur sjást í skýjahjúp, báðar hágöngur



Bað, mikil óveðursspá, gul viðvörun og eitthvað...



Fórum aðeins suður aftur og í Sandbúðir, gáfum skálanum start, þar voru allir geymar flatir

Vórum þarna meðan óveðrið gekk yfir, það var í raun ekkert óveður þarna, en 25-35m norðan hofsjökuls og í jökulheimum, kannski 12-15 hjá okkur og slydda



Flott veður morguninn eftir



Einn af mínum uppáhalds stöðum á hálendinu við Skjálfandafljót



komin á akureyri, hundurinn var um sig að sjá annað fólk en okkur fyrsta sinn í rúma viku :)



Væsir ekki um neinn


Vaðlaheiði


Réttarkot


Slakki á Hraunárdal



Hér stóð okkur ekki á sama, vatn náði hérumbil upp að speglum og langt upp á húdd :)



Víða snjóskaflar

Hitulaug





Laugafell aftur, tveim vikum síðar, og nú var gist!



Ennþá miklar snjóbreiður, seint í júlí


Gráni og Sesseljubær í austurdal skagafirði


Víða mátti ganga með járnkallinn undan og finna hvernig jarðvegurinn var, þarna var allt solid



Stikur lagfærðar



Á leið okkar í skálann Bergland varð þessi skafl á vegi okkar og ég ákvað að ganga að honum og það var líka eins gott, ég sökk upp að hnjám á veginum og ljóst var að bíllinn hefði sokkið líka, svo við snerum þarna við þar sem engin leið var að komast framhjá án skemmda og 9km eftir í skálann, skoðum hann seinna...



Á leið í Landakot, flottir litir á veginum



Á sléttunni vestan Landakots var annar stór skafl, hafandi reynsluna af melnum á leið okkar í Bergland ákváðum við að leggja bílnum í hæfilegri fjarlægð og ganga seinasta kílometerinn í skálann, flottur skáli og staður








Nú var nóg komið af hálendi í bili, best að bruna til byggða!



Aldeilis ljómandi gott veður á mínum heimaslóðum, í Bárðardal!



Við brunuðum á Sauðárkrók tilað fylgjast með rallkappakstri og veiddum í héraðsvötnum





Grettislaug



Skoti að minna á að hann er sko ekki hvolpur lengur





góður rúntur

Undanfarin tvö sumur höfum við hafist við í tjaldi, en meiningin er að bæta úr því.

Því var þessi slide in camper keyptur á Akranesi, hann er heldur stór fyrir þennan bíl en það er líka meiningin að bæta úr því.







Inn komst hann með flatt á öllum fjórum



og á lyftuna




Það var eitthvað skrítin lykt í honum... ég þarf alltaf að opna allt! meira um þetta síðar...! :)

Maður gerir bara það sem gera þarf...


















Nú vantar bara bíl til að setja þetta pallhýsi á...



því þetta er ekki alveg málið :)

Ein afturhásing til og þetta steinliggur.

Það er einmitt það, mér var búið að detta í hug að smíða jeppakerru undir það... en er núna á leiðinni að lengja pallinn á hilux.



Fékk þennan gamla hilux með grind og loftpúðum og öllu sagaðan sundur og sett beisli til að draga



kominn heim í fjörðinn.



Vippaði pallinum af



spurning hvort ég hafi nokkuð með þriðja aukatankinn að gera :D



Ryðgað bretti



4link og loftpúðar í grindinni



Allir þverbitar undir pallinum meira eða minna skemmdir eftir lausa upphækkunarklossa, ég styrki þá alla og nota ekki upphækkunarklossa heldur hækka frekar festingar á grindinni.



Þetta er c.a. staðsetning hjólanna eftir samsetningu sýnist mér.

Þú ert magnaður nenniru ekki að græja ein D Max á eftir þessum :D

Elli ég keypti þennan kamper af ísköldum D Max doublecab manni, hann ók um með þetta einsog herforingi hálfu aftur af..!

kerrupælingin er snilld, ég var einmitt búinn að vera spá í þessu, á pall á lausu.


nú held ég að þú sért kominn að þeim tímamótum að þú þurfir að fá þér pallbíl í fullri stærð :)

Sævar Örn wrote:Elli ég keypti þennan kamper af ísköldum D Max doublecab manni, hann ók um með þetta einsog herforingi hálfu aftur af..!

Jáhá og pallurinn á D Max er minni en á Hilux!

Gaman að þessu, þetta verður flott ferðagræja.

Ég hef séð skemmtilega útfærslu á svona pallhýsi á amerískum pikkup. Þar var buið að smíða undir hýsið í staðin fyrir að vera með pallin. Hliðarnar á "pallinum" voru þá orðnar jafn breiðar og pallhýsið, smíðað úr áli minnir mig. Þannig fékkst gott geymslupláss. Sé alltaf eftir að hafa ekki smellt myndum af þessu.

hehe já og kannski kem ég járnkallinum og drullutjakknum á pallinn án þess að skáskjóta þeim og skorða þannig fasta eins og til þessa :)

Þetta er svo sem ekkert sem ekki hefur verið gert áður, en ég minnist þess ekki að hafa séð bíl af minni kynslóð með svona breytingu? bara eldri bílinn ca 89-96

Sævar Örn wrote:hehe já og kannski kem ég járnkallinum og drullutjakknum á pallinn án þess að skáskjóta þeim og skorða þannig fasta eins og til þessa :)

Þetta er svo sem ekkert sem ekki hefur verið gert áður, en ég minnist þess ekki að hafa séð bíl af minni kynslóð með svona breytingu? bara eldri bílinn ca 89-96

Já þetta var algengt 89-96. Búið að gera svona við alveg nokkra 05-16 bíl. Ég er nokkuð viss um að ég hafi séð bíl í 98-04 body lengdan líka en þetta var alls ekki algengt á því bodíi ef þetta hefur þá verið gert.

íbbi wrote:kerrupælingin er snilld, ég var einmitt búinn að vera spá í þessu, á pall á lausu.


nú held ég að þú sért kominn að þeim tímamótum að þú þurfir að fá þér pallbíl í fullri stærð :)

Ég er að díla við sama vandamál, þar sem ég á 2 dyra pallbíl með löngum palli og hásing staðsett þannig að þyngdin á camper er akkúrat yfir hásingu, enn bíllinn bara 2 manna og fjölskyldan telur 2 fullorðna, krakka og stóran hund þá græjaði ég einmitt kerru undir camperinn minn.

Virkar stórvel alveg hreint.

Ég teiknaði upp í Sketchup hugmynd að 38" kerru undir svona pallhýsi... Þetta er að mörgu leyti brilljant hugmynd.[img][/img]

Ég hef enn ekki tileinkað mér einfaldar lausnir við einföldum vandamálum. :)


Það styttist í að megi fara að máta þetta saman.

Þetta er flott leið sem þú ert að fara með þetta. Lengist hann eitthvað milli hjóla...?

Ég held að það séu 48cm samkvæmt uppskriftinni, mig langar að teygja það jafnvel í 55-65 en endanleg ákvörðun verður tekin í kjölfar mátunar

Það verður gaman að sjá útkomuna hjá þér. Nú reynir á góða krossmælingu svo allt sé beint ;)

Ég hefði einnig viljað sjá þig smíða skápa á hann undir hýsið, sérsmíðaðann pall. Það væri meira í stíl við hverrsu öflug þið eruð í ferðamennskunni.

Ég lærði að teikna í barnaskóla, spurning með lengd milli hjóla... hmm



Ég vissi að eitt og annað fleira þyrfti að gera í leiðinni, því ákvað ég að kippa kofanum af enda er það ekki stórmál en gerir þessa framkvæmd alla mun auðveldari,





Nú er hægt að græja þetta allt beinn í baki :)




Grind ryðguð að innan, þetta sést ekki fyrir eldsneytistönkunum en mig grunaði samt að þetta væri sirka svona, þetta kemur sér vel því ég saga grindina sundur nokkru framan við þessar skemmdir



Miðju body festingar hafa verið hækkaðar upp en þess ekki gætt að togkraftur verki á efri brún, þarna þarf ég að tengja upphækkaða vasann við efri brún á grind, þarna sést þreytusprunga sem er að byrja að myndast en ég held að þessi breyting sé síðan 2001



Fyrirhuguð sundurtekt



Enn bætir í skissurnar



6x6???



Hér er hjólhaf 3540 mm