Hið íslenska jeppaspjall

Mér datt í hug að leyfa ykkur að sjá hvað ég er búinn að vera að bralla í skúrnum síðustu mánuði. Ég hef ekki komið í verk fyrr að koma upp þræði hér fyrir þetta bras mitt en fékk beiðni um að sýna þetta betur þannig að ég henti upp google drive albúmi sem allir geta skoðað. Ég hef sett myndir á facebookið mitt fyrir vini og kunningja að skoða en hér er allt safnið. Það er aðeins of mikil vinna á sunnudagseftirmiðdegi að setja þetta snyrtilega upp hérna og svo er viðmótið á Drive alveg ágætt :)
Ég get svarað spurningum hér ef menn vilja forvitnast meira, læt svo vita þegar fleira markvert gerist en í dag er bíllinn samt farinn að keyra, naumlega þó. En kem honum inn og út úr skúrnum fyrir eigin vélarafli.

https://drive.google.com/open?id=0B0wUp ... y1pMUhma3M

Sæll Elmar flott að skoða þetta en hvaða vél ertu að setja niður og hvað er hún stór og úr hvaða bíl sá að hún vigtar 380kg með kassa

BD30 heitir hún, 3.0 úr Nissan Trade.

Flott þetta, maður bíður spenntur eftir nýja þræðinum. Og allt viktað líka!

þetta er frábært hvaða gírkassa ertu með og er þetta vél sem snýst hámark 3000sn eins og 4000 6 cyl vélin í nissan kassabíl ertu buinn að keyra eitthvað


mjög áhugavert

Er með gírkassa úr patrol með kúplingshúsi úr terrano, síðan er smá mix að leysa kúplingsmál til að fá 10" kúplinguna en framkvæmanlegt með dundi. Hún er uppgefin 2800rpm minnir mig en það er allt leysanlegt með ýmsum aðferðum, aðallega að fikta í olíuverkinu.
Búinn að keyra örlítið, var að detta í frí núna og eitthvað gerist núna á næstu dögum. Stefni á að setja á númer 2. maí.

bara snilld, þú kæfir ekki svo glatt á henni við að taka af stað jafnvel úrhleyptur og þó vélin gangi 650 í hægagangi

Það er nákvæmlega það sem ég vill hafa í díselvél. Þoli ekki þetta helvítis ógeðs patrol 2.8 sem ég er á núna :)

hver er munurinn á þessum mótorum?

Aðallega direct injection, potthedd og töluvert lengra slag í bd30. Tekur betur við tjúni ef rétt er farið að.

Þetta er töff.. Er ekki rétt að hún er orginal non turbo og um 100 hp? Hvaða túrbínu ertu að setja við og hefurðu hugmynd um hp eftir það??

Þetta er magnað. Hvað heldur þú að pannan verð stór hjá þér? Og hvaða efnu ertu með í pústgreininni?

Hvaða efni ertu að nota í olíupönnuna? Þarf að hressa upp á mína eða fá mér nýja þar sem hún er svo ryðguð.

Þetta er original turbo með oil squirters eins og verður að vera ef maður ætlar að láta blása eitthvað. Ég ætla að nota GT2052v til að byrja með sem er original af zd30, hún flæðir þó ekki nógu mikið fyrir mig. Ég fer að svipast um eftir GT2359v og þá held ég afgashita hæfilegum á 30psi. Eða það eru svona pælingarnar.
Pannan tekur um 10 lítra af olíu, einnig er ég með smurolíuhitamæli í pönnunni sem er mikill kostur þegar maður ætlar taka eitthvað útúr þessu af afli.
Efnið í pústgreininni er bara 42.4x4 suðubeyjur og heildregið rör (42.2x4 auðvitað líka) úr GA smíðajárni. Þetta eru 1 og 1/4 gamlar tommur :)
Efnið í olíupönnuna er bara það sem til var í skúrnum, gamalt skápaefni... :) Man ekki hvað það er þykkt, sennilega 2mm. Ofboðslega gott að sjóða þetta efni. Var gafl í bókaskápum hjá þjóðarbóklöðunni sem var endurnýjað fyrir ca 15 árum, mér var sagt að þeir hafi verið smíðaðir uppúr 1930 :)

ok, er með 1m/m boddy stál. Kannski ég geri tilraun á að nota það.

Búinn að bæta við myndum í albúmið. Hér eru þær allra nýjustu.

er þetta ekki í vitlausum dálk, "auglýsingar"

íbbi wrote:er þetta ekki í vitlausum dálk, "auglýsingar"

Haha svo bregðast krosstré sem önnur tré. Jú, skil ekki hvernig mér tókst að setja þetta þar. færi þetta snöggvast :)

Þessi strauk úr skúrnum í dag! Ljómandi ljúfur svona þó eitt og annað þarfnist lokafrágangs. Auk þess að henda þessu original pústi og setja 3" og margt fleira sem betur má fara. Ásamt því að skella yfir hann nýrri málningu. Og stærri dekk! 38" dekkin mín eru bara með nöglum og það hæfir ekki tíðinni sem nú er.

Flott að sjá að þetta gengur svona vel.
En þú þarft að þrífa myndavélarlinsuna á símanum þínum.

jongud wrote:En þú þarft að þrífa myndavélarlinsuna á símanum þínum.

Helvítis sony drasl, hálfs árs sími og linsan er orðin þetta rispuð, þó hann sé í coveri þannig að það nuddist aldrei við hann. Drullufúlt.

Súrálið er næst harðasta efni í heiminum massar alveg feitt.

Hrólfur þú ert snillingur. Svona púslast spilin saman, þú sagðir að súrálið massaði, þá datt mér í hug hvort það væri ekki hægt að massa þetta úr aftur, dreif mig inn á bað og massaði þetta úr með tannkremi! Ekki alveg eins og nýtt en ofboðslega mikið skárra. Takk jeppaspjall fyrir allhiða hjálp! :) haha

Sæll Elli
Já, tannkrem er alveg eðal hreinsiefni á viðkvæma hluti.
Gaman að sjá, að þú sért farinn að gera eitthvað í skúrnum aftur.

Ég hef aldrei hætt því, er bara ekkert alltaf að blaðra um hvað ég er að gera :) Næst er að láta skoða rútuna, koma með hana heim og byrja að dunda í henni, jafnframt að henda vél í pajeroinn minn, síðan þarf ég að gera upp einn traktor sem ég á (MF135 multi power) og ótal smáhluti með þessu. Og vitanlega að klára patrolinn, mála hann og sjæna. Það vantar ekki verkefnin :)

Hvað er að frétta af þessum, eða ertu lagstur til hvílu í rútunni og þarf MF til að ná þér fram úr. :-)

Hehe, þessi er bara í fullu brúki, stöku lausir endar svosem eftir, smávægilegur frágangur svosem koma mælum betur fyrir, bæta vesenismælum við (lofthiti fyrir og eftir intercooler og slíkt vísindabull) og svera pústið, er bara með 2.5" fremst og svo original fyrir aftan það. Vélin reynist ljómandi góð en á eftir að tjúna betur, túrbínan er of lítil þannig að maður þarf að keyra eftir afgashitamæli (of hár bakþrýstingur og ónóg flæði). Þetta er bara rúllandi verkefni :)
Er líka að velta fyrir mér aðferðum til að mála hann, hvort ég geri það sjálfur eða læt gera það fyrir mig, spekulering.

ég er með lausn á því vandamáli vinur

þú setur pattann inn í skúr og málar hann og græjar og tekur þinn tíma og á meðann skal ég taka mf135 fyrir þig og gera upp :) díll?