Hið íslenska jeppaspjall

Sælir, ég komst á endastöð á súkkunni minni og ákvað að gott væri að byrja upp á nýtt og reyna eins og hægt væri að vanda betur til verks

Ég var ekki búinn að skoða netið lengi þegar ég fann þennan jeppa hérna á jeppaspjallinu og bauð patrol jeppa sem ég hafði enga þolinmæði til að keyra í skiptum, og gekk það upp.


Síðan er liðinn eitthvað um mánuður og lítið hef ég getað gert sökum anna, en þó nokkra smálega hluti, veigamesta viðgerðin var að klárast í gær en það voru bremsurnar, fyrir það fyrsta var loft á þeim en í öðru lagi var svo mikið ryð í lögnunum að vökvinn kom út nánast eins og vatnsblandað ryð, sennilega hefur höfuðdælan náð að ryðga svona enda ákvað ég að skipta um hana

Frambremsurnar voru óvirkar en það orsakaðist nú sennilega bara af klaufaskap því bremsurörið hafði verið tengt inn á rangan strokk í höfuðdælunni, eins og gefur að skilja orsakaði þetta einnig að erfitt hefur reynst að lofttæma og það að afturhjólin læstust mun fyrr en framhjólin byrjuðu að hemla.

Búið var að setja í bílinn "hydroboost" kerfi, þ.e. í stað soghjálpar á bremsufetilinn var komin vökvahjálp með trukki frá stýrisdælu, ættað úr einhverju GM apparati frá síðari hluta seinustu aldar, þessu kerfi hafði hinsvegar ekki verið snúið rétt þegar það var sett í og því hvein og öskraði í dælunni eins og loft væri stöðugt á kerfinu, fyrir rest áður en ég áttaði mig á þessu kom smellur og spray hljóð og þá hafði hjálparaflsstrokkurinn sprungið og kólfurinn úr honum brotinn

Þetta þýddi bara eitt að ég þyrfði að panta nýtt "hydroboost" og "master cylinder" í bílinn en þá vandast málin, hvaðan ætli þetta komi, fyrir rest komst ég að því að líklega væri passandi úr flestum GM bílum frá 80-95 og pantaði ég því hydroboost og höfuðdælu fyrir 1985 GM Suburban jeppa, þetta fékk ég svo heim að dyrum fyrir kr 48.000 og finnst mér ég hafi gert góð kaup.



Nú er þetta eins og hugur mans, varla má anda á petalann því þá læsast hjólin um leið, þessu verð ég einhvern tíma að kynnast.

Ýmiss frágangur er eftir og ber þá helst að nefna hjólhlífarnar, en þær eru bara ekki til staðar

Þetta mun ég fylgjast spenntur með, góður var nú gamli suzuki þráðurinn þinn og skoða ég hann stundum þegar mér leiðist, þessi verður ekkert síðri hugsa ég :D

Þarna öfunda ég þig mikið ! Ég reyndi mikið að fá þennan bíl enn þú vannst slaginn ! Til hamingju með flottan bíl ! verður gaman að fylgjast með þessu hjá þér ! :)

Sælir drengir og takk fyrir innleggin,


-Jú það er rétt ég hef verið duglegur að skrifa allskonar hér á þessa síðu, aðallega vangaveltur mínar í jeppasmíði og breytingum, misgáfulegar hugmyndir ég viðurkenni það en það skal fylgja að þegar ég skráði mig fyrst hér inn var ég rétt 18 ára og hafði átt súkkjeppann minn í örfáa mánuði, af því lærði ég heil ósköp því þó ég hafi haft talsverða kunnáttu er reynslan ekki jafn mikil eins og gefur að skilja.

Eftir allar þessar pælingar er nú að mér finnst komið að því að gera þetta almennilega, ekki síst starfs míns vegna sem skráningaraðili og úttektaraðili breyttra jeppa meðal annara anna sem skoðunarmaður.



En nóg um mig, bíllinn fær athygli héðan af,

Það sem ég er búinn að komast að um bílinn er eftirfarandi

Ford V6 OHV 4.0 vél, c.a. 155 hestöfl

Mazda 5 gíra kassi

Borg Warner 13-54 millikassi(með handvirkum skiptibúnaði)

Dana 44 framhásing með lock rite og 4.56 drifhlutfalli
GM 14 bolta afturhásing 9.5" hálf fljótandi með 4.56 drifhlutfalli og "sennilega" með LSD læsingu

Blaðfjöðrun að aftan og gormafjöðrun að framan

Næst á dagskrá er að

Útbúa aurhlífar og klára hjólhlífarnar, þ.e. setja renning utan á kantana svo hjólmynstrið skari ekki út fyrir, með tíð og tíma kem ég til með að setja felgur sem færa dekkin innar sem um munar því sem þau standa út fyrir núna, plássið virðist vera yfirdrifið nóg

Svo þarf auðvitað að jafnvægisstilla dekkin

Tilkeyra bremsurnar, yfirborð bremsudiskanna og skálanna er nokkuð hrjúft vegna þess hve lítið bílnum hefur verið ekið

Fá útgefið hjólastöðuvottorð og vigtarseðil

Athuga hvort þurfi að breyta hraðamælinum

Yfirfara slökkvitæki og setja sjúkrakassa

Stilla ljós og jafnvel bæta einhverjum auka ljósum á bílinn

Ýmislegt annað mun eflaust koma í ljós, ég ætla t.d. að grysja eitthvað þá íhluti sem ekki gagnast lengur undir vélarhlífinni, ber að nefna t.d. Aircondition element fyrir miðstöðina, cruise control stýribúnað

Til hamingju með bílinn. Hvað er hann þungur? Það er eitthvað sem segir mér að þessi virki uppá fjöllum.

Sæll Hjörvar,

á upprunalega búnaðnum er hann skráður 2080kg, ég veit ekki hvað hann þyngdist við hásingaskiptin, það þarf ekki að vera svo rosalega mikið, ég veit allavega að fjöðrunarbúnaðurinn að framan upprunalega í svona bíl er ansi þungur, ég held að aðal þyngingin sé í dekkjunum.

Ég hef ekkert keyrt bílinn en set hann kannski á skrá um mánaðarmót og þá verður fyrsti rúnturinn tekinn rakleiðis á hafnarvogina ;)

Ég er að gera mér vonir um að hann fari ekki yfir 2.6 TON á þessum dekkjum í ferð

Síðan ætla ég að smíða loftkerfi í bílinn, jafnvel seinna meir að hafa klárt fyrir loftpúðafjöðrun að aftan ef fjaðrirnar bögga mig í vetur

Nota A/C dæluna til að pressa lofti inn á þokkalega stóran geymslukút, líklega ættaðan úr lofthemlakerfi á vörubíl

Þekkir einhver þessar Ford dælur eins í mínum bíl, hvernig þær þoli að vera notaðar sem loftpressur?

Þessar ac dælur eru allveg skelfilega af minni reinslu þær eru myklu betri í cherokee allaveganna

Ég myndi halda AC kerfinu og bæta frekar vid loftdælu úr vørubíl. Thá ertu med midstød sem virkilega losar thig vid módu (Svo er svo nice ad hafa kalt loft á sumrin.) og loftdælu sem er hønnud til ad dæla lofti allann lidlangann daginn.

það er engin factory LSD læsing til í 14bolta.... Bara G80 "Grenade Locker"... þannig að ef að það er ekki "högglás" þá er enginn lás fyndist mér líklegast...

Sævar Örn wrote:Síðan ætla ég að smíða loftkerfi í bílinn, jafnvel seinna meir að hafa klárt fyrir loftpúðafjöðrun að aftan ef fjaðrirnar bögga mig í vetur

Nota A/C dæluna til að pressa lofti inn á þokkalega stóran geymslukút, líklega ættaðan úr lofthemlakerfi á vörubíl

Þekkir einhver þessar Ford dælur eins í mínum bíl, hvernig þær þoli að vera notaðar sem loftpressur?

Ég keypti svoleiðis uppgerða AC dælu frá USA á sínum tíma og setti á samskonar vél (var í Ford Ranger). Ég var með stórt smurglas og hafði aldrei meiri þrýsting en 110 psi (ca 7kg) og það var aldrei neitt vandamál.

makker wrote:Þessar ac dælur eru allveg skelfilega af minni reinslu þær eru myklu betri í cherokee allaveganna

Ég vil helst sleppa við allt mix ef mögulegt er, en nú vantar röksemdafærslu hjá þér fyrir því hvers vegna þessi slæma reynsla kom til, eru þær að brotna eða bræða úr sér eða bara almennt ekki að dæla miklu?

Haukur litli wrote:Ég myndi halda AC kerfinu og bæta frekar vid loftdælu úr vørubíl. Thá ertu med midstød sem virkilega losar thig vid módu (Svo er svo nice ad hafa kalt loft á sumrin.) og loftdælu sem er hønnud til ad dæla lofti allann lidlangann daginn.

Búið er að aftengja A/C kerfið nú þegar og skemma elementið, ég nenni ekki að standa í viðgerðum á því þó auðvitað sé það rétt að gott sé að hafa loftþurrkun í miðstöðinni og kælingu á sumrin, þar að auki held ég að það sé borin von að koma alvöru stimpildælu reimdrifinni fyrir í þessu húddi, svo eru AC dælurnar ekki síður hannaðar til að pumpa allann liðlangan daginn

Hr.Cummins wrote:það er engin factory LSD læsing til í 14bolta.... Bara G80 "Grenade Locker"... þannig að ef að það er ekki "högglás" þá er enginn lás fyndist mér líklegast...

Eins og ég segi hef ég ekki hugmynd um hvað er til í þessu, eingöngu orð seljandans, en mér er svo sem sama þetta kemur allt í ljós síðar

jongud wrote:Ég keypti svoleiðis uppgerða AC dælu frá USA á sínum tíma og setti á samskonar vél (var í Ford Ranger). Ég var með stórt smurglas og hafði aldrei meiri þrýsting en 110 psi (ca 7kg) og það var aldrei neitt vandamál.

Glæsilegt, manstu hvað þú notaðir stóran loftkút og hvernig það reyndist?

Sævar Örn wrote:

jongud wrote:Ég keypti svoleiðis uppgerða AC dælu frá USA á sínum tíma og setti á samskonar vél (var í Ford Ranger). Ég var með stórt smurglas og hafði aldrei meiri þrýsting en 110 psi (ca 7kg) og það var aldrei neitt vandamál.

Glæsilegt, manstu hvað þú notaðir stóran loftkút og hvernig það reyndist?

Sjá hérna; http://www.f4x4.is/myndasvaedi/loftkerfi/
Ég fékk gamalt 10-lítra ryðfrítt slökkvitæki og fékk góðan suðumann til að sjóða lok og aftöppun á það.

Duft tæki með utanáliggjandi gasþrýstigjafa eru klár sem loftkútur. Skrúfar bara þrýstihylkið frá og þá ertu með aftöppun, síðan seturðu breytinippil í áfyllingar gatið, fyrir t.d. loft inn og þar sem að slangan er, þar er t.d. hægt að taka út af því. Síðan ertu með öryggisventil á því líka.

Ég hafði hugsað mér að nota loftkút af vörubíl, þeir eru með 4 snittuðum götum t.d. fyrir mæli, öryggisloka/rofa, innþrýsting og út, svo er alltaf aftöppun neðst á þeim td. ef rakaskiljan væri ekki að gera sitt verk vel, eða smurningin að safnast upp í kútnum

En þetta er nú allt bara á langtímaplaninu, fyrsta verse er að fara í skoðun og skrá breytinguna á hann

Nú þarft varla að standa í miklu stappi við skoðunarmannin

hvernig gengur v6 að snúa þessum dekkjum, er eitthvað búið að fara í vélina þeas tjún?

Hef ekki látið reyna á það, er ekki vanur hraðskreiðum bílum hingað til svo nægjusemin hjálpar, hann er helst til hágíraður en þetta verður sett á HOLD amk. þar til búið er að sanna að þetta gangi ekki

splæsti í annan í varahluti, þessi er með flottari innréttingu og svo fæ ég þarna ýmsa smáhluti sem vantar í minn, og eitthvað til vara




eddie bauer sport innrétting, jbl bassahátalarakerfi ofl gott stuff :)

Eyddi gærdeginum í að færa sætin og miðjustokk á milli bílanna, þrífa og skrúbba og bera á leður, reyndar aðeins meira en það þvi ég ákvað að sameina farþegasætið úr stóra svarta og bilstjórasætið úr varahlutabílnum, og fékk úr því sæti með mjög heilum svampi og áklæði, svo þegar átti að skrúfa sætið fast í stóra svarta kom í ljós að festingar eru allt öðru vísi, þ.a.l. tók þetta áætlaða 2 klst verk uþb. 6 klst

en útkoman er góð

svo festi ég haldfangið fyrir sætisbak hallann en það var brotið í báðum bílunum

v/m er áklæði úr farþegasæti og h/m úr bílstjórasæti

Þetta mátti auðvitað ekki vera svona auðvelt, sleðarnir passa ekki á milli bílanna, semsagt það er árgerðamunur á stansinum í gólfplötunni í þessum bílum



Munurinn er þó ekki teljandi svo þessu var snöggreddað



Orginal JBL bassahátalarakerfi var í varahlutabílnum og smellpassar í þennan, allir vírar og festingar til staðar



Innréttingin orðin hrein og fín, allt önnur lykt í bílnum, réðist á gólfteppin með háþrýstidælu, túrbóstút og tjöruleysi



Sætin orðin fín, bar leður hreinsiefni og næringu á þau og glansa eins og ný aftur í



Líka orðinn mjög fínn fram í og bílstjorasætið orðið mjög þétt og gott, með alvöru stuðning enda hægt að stilla á alla vegu og hægt að þrengja að lærum og mjóbaki með loftpúðakerfi



Framdekk með 2,5 PSI, sama brot fæst á afturhjól með 1 PSI þrýsting

Þetta er virkilega flottur og vígalegur explorer hjá þér, verður gaman að fylgjast með þessu hjá þér.

Hvernig er undir honum? Gaman væri að sjá einhverjar myndir :)

Sælir og takk, ég er búinn að einblína svolítið á vissa hluti og hef ekki mikið spáð í öðru


það sem ég veit með undirvagninn er að afturfjaðrirnar gefa skuggalega mikið eftir við hröðun svoleiðis að bíllinn þarf eiginlega nauðsynlega nýja fjöðrun að aftan, en það gerist ekki fyrir veturinn

Að framan held ég að allt virki þokkalega en það vantar samsláttarpúða

Þetta verður eflaust alveg sér kafli þegar að því kemur, en það verður ekki strax, geri ekki meir en athuga með olíur og þessháttar fyrir ferð, langar að taka stuttan skrepp t.d. upp að langjökli við Jaka fyrir mánaðarmót desember

fór og lét gera vigtarseðil, þyngdin kom mér á óvart, þ.e. hvað þyngingin er þó lítil, hann er fyrir skráður 2080 kg en þyngist þá um 200 kg, ég gæti trúað að uþb. 80% af þessari þyngingu sé bara fólgin í gúmmíinu á dekkjunum...



Fyrsti rúnturinn, hef ekki þorað yfir 50 kmh óballanserað, fer beint í það á morgun og sé svo til hvort jeppaveikin fjari út :)

Kúl! Geggjuð kílóatala á 46", þessi á eftir að vera svakalega seigur!

Keypti kúplingu á Rockauto, og kúplingsþræl( þar sem hann er inni í kúplingshúsinu) og leiðinlegt að skipta um hann ef fer að leka síðar, aðal ástæðan er að mig grunar að kúplingin sé orðin slitin þó hún sé alls ekki að snuða eða svíkja á nokkurn hátt, einu einkennin eru að ástigið er ofboðslega stíft og þarf að toga í stýrið til að hafa kraft til að slíta tengslin, og eftir heimferð í 17.00 umferðinni í dag fékk ég alveg nóg, þó hraustur sé í löppunum :)

fékk grænan í skoðun út af stífufestingum að framan, hafði ekki komið auga á þetta sjálfur enda hafði ég lítið pælt í fjöðruninni undir bílnum ennþá, en ég þarf semsagt að útbúa nýja stífuvasa niður úr grind fyrir framhásinguna, þetta er allt of glannalegt eins og það er, meira um það síðar

fer einnig í að koma fyrir þessu helsta inni í bílnum, VHF stöð og lögnum, GPS, ætla að bíða með að setja tölvuborð og sjá til hvort ég sleppi því ekki að vera með tölvu í þessum bíl

svo er ég kominn með auga á 15 lítra vörubíla loftkút til að koma fyrir undir honum og tengja hann við A/C dæluna



Þannig það er nóg eftir að gera!

Þessir kúplingsþrælar eru svolítið vandamál, og flest öll varahlutafyrirtæki selja pressu og disk með þrælinn í pakkanum.

Allt að gerast í stórubíladeildinni , en þessi vigtarseðill er þetta eithvað sem þú sóttir á netið og prentaðir út til að taka með þér á vigtina ?

nei ég fór bara á hafnarvogina við hafnarfjarðarhöfn, þar var þetta útbúið fyrir mig, en vigtarseðilinn er einnig hægt að prenta út á samgongustofa.is, annars held ég að allar hafnarvogir hafi þessa seðla þar sem þeir hafa hag af því að gefa þetta út, 1800 kr minnir mig.

Flott vinnubrögð, gaman að sjá svona dúll þegar menn eru að gera bílana sína hreyna og tilbúna í ferðir, þetta er skemmtilegasti tíminn að mínu mati Okt-jan þá fara allir jeppakallarnir af stað að græja gripina :D

Hvernig færðu hann skráðan , með þessari vigt þá áttu 119kg eftir af leyfðri heildarþyngd

kjartanbj wrote:Hvernig færðu hann skráðan , með þessari vigt þá áttu 119kg eftir af leyfðri heildarþyngd

Sem er svipað og flestir patrolar og allt hitt sem er skráð er það ekki.;O)

Sælir, þetta er í vinnslu.

Ætla að reyna að halda upprunalegum farþegafjölda, í samvinnu við skráningadeild umferðarstofu.

ET eiga til fína vörubíla loftkúta úr áli.
Þeir eru til í nokkrum gerðum og eru mjög léttir.

já er að kaupa 15ltr stálkút af þeim, álkútarnir koma ekki með jafn hentugum festingum og eru töluvert dýrari, en henta sjálfsagt betur undir bíla sem þurfa að hafa áhyggjur af aukakílóunum :)

Jæja ég hef lítið gert undanfarið vegna ökunáms en þó eitthvað, reif festingar fyrir framhásingu undan en það var svosem ekki mikið mál gerði smá skurð í suðuna öðrum megin og lamdi nokkrum sinnum með minni gerð af sleggju og þetta molnaði allt niður í gólf, ekki traustvekjandi það



Hér er hásingin orðin laus



Fann einhverja leiðinda bensínlykt meðan ég var að skera þannig ég ákvað að kippa tankinum úr bílnum og það var líka eins gott því rörin héldust saman á lyginni og fóru auðvitað til fjandans um leið og hreyft var við þeim




Mest óþolandi hraðtengi í heimi, en þessu skipti ég út fyrir gúmíslöngur og hosuklemmur takk fyrir pennt :)

Hvað í ósköpunum hefur þú á móti þessum tengjum einföld og bara virka?

Þessi hraðtengi eru eflaust fín til síns brúks, ég á verkfæri til að losa þessi hraðtengi en það hefur bara ekkert að segja þegar splittin inni í hraðtenginu hafa legið í salti og ryki og viðbjóði ofan á tankinum síðan árið 1991,

Þau tvö hraðtengi sem eru við bensínsíuna frammi við vél, í hlýindunum og minna salti og drullu losnuðu í fyrstu tilraun ekkert mál

þá er ég nokkuð viss um að ég hefði haft meiri möguleika á að ná að losa hefðbundna slöngu með snittuðu fittings eða hosuklemmu

Jæja ég fékk mér bjartsýnispillu með morgunkorninu og þetta er afrek dagsins, var orðinn leiður á að vinna uppfyrir mig með slípirokk í þrengslum og asnalegum stellingum, nú verður líka leikur einn að gera annað sem þarf að gera t,d skipta um kúplingu og þrífa og mála undirvagn bæði grind og body



Allt pláss í heiminum til að skipta um kúplingu og smíða stífuvasa á grind





Grindin er stráheil, þarf bara aðeins að þrífa og mála svo



Sömu sögu er að segja um gólfið í bílnum, fann bara einn stað þar sem þarf að skera smá horn úr og sjóða nýtt, það er aftast við afturstuðarann og gott að komast að