'91 Ford Explorer @46"

[hobo]

Aldeilis duglegur. Hvar fást þessar töflur?

[Lindemann]

Mig vantar svona pillur líka!!

Það verður gaman að sjá þennan á fjöllum þegar allt er orðið klárt :D

[Sævar Örn]

Þokast í rétta átt, smíða úr 3,8 mm plötujárni, grindin mælist 3.5mm þynnst og 6 þykkust, þokkalega öflug

[jongud]

Verður ekki líka boltaður þverbiti við fremri stífuvasana?

[Sævar Örn]

Sæll Jón, mér lýst ekki á það, en gírkassabitinn er þarna 5cm aftar en stífuvasarnir og mótorbitinn er veigamikill og ca. 70cm framanvið, það þarf eitthvað mikið að ganga á til að hliðarátak sveigi grindina inn á við og þá efast ég ekki um að eitthvað annað sé búið að gefa sig fyrr

Svo er þetta líka svo neðarlega, skarar c.a. 15cm niðurfyrir grind og vonlaust að vera að draga bita með sér í gegn um allar torfærur, kallar líklega frekar á frekari skemmdir á grindinni að hafa hann þarna, en góð ábending engu síður og eflaust ekki vanþörf í sumum tilfellum

[jongud]

Ég var aðallega að spá í þetta af því að "original" er þverbiti á milli stífuvasanna, en hann er þá töluvert framar. Hins vegar hefur alltaf fylgt nýr biti með upphækkunarsettum með lengri stífum, t.d. frá Rancho og Skyjacker.

[Kiddi]

Hvort er grindin opin eða lokuð þar sem stífuvasinn kemur?

[Sævar Örn]

Grindin er opin en þó tveggja laga þ.e. styrktarbitar frá mótorfestingum og aftur að mið boddýfestingu, ég get ekki ímyndað mér að þetta hreyfist nokkuð og hefði frekar áhyggjur af því að grindin myndi springa kring um suður ef ég stífa hana mikið meira af,

svona hef ég séð þetta í 46 og 49" breyttum ford vörubílum sem eru uþb. helmingi kraftmeiri og helmingi þyngri, stífuvasarnir helmingi síðari og þar eru allir óhræddir

[Sævar Örn]

Ég var aðallega að spá í þetta af því að "original" er þverbiti á milli stífuvasanna, en hann er þá töluvert framar. Hins vegar hefur alltaf fylgt nýr biti með upphækkunarsettum með lengri stífum, t.d. frá Rancho og Skyjacker.

Upprunalegu stífufestingarnar eru uþb. 20cm framar, þar væri möguleiki að setja bita þvert yfir eins og upprunalega, þó hef ég ekki trú á að það þurfi

[Kiddi]

Ef þú skoðar festingar á opnum grindum þá eru þær yfirleitt hengdar utaná grindina. Það er gert til þess að bitinn síður upp á sig sem er einmitt veikleiki opinna grinda. Ef það hefur verið biti á milli upphaflegu festinganna þá hefur það klárlega verið gert til þess að minnka vinding. Ég myndi hafa festingarnar á grindinni utanverðri og færa festingarnar líka utar á hásingunni.

[Sævar Örn]

Þér er velkomið að koma og breyta þessu,
en ég hef trú á þessu og ætla að hafa þetta svona eins og ég hef margoft séð þetta eins og áður kom fram,

auðvitað má alltaf gera sterkara og betra og þar frameftir, kraftarnir sem verka á þennan bíl eru bara ekki svo miklir, t.d læsir hann framhjólunum í bremsu við 4.2 kN á hemlaprófara á meðan excursion á 46" nær hemlakröftunum 12-14kN, samt með samskonar stífufestingar, oftast 4link að visu en vasarnir ná yfirleitt um 30cm niður úr grind

Ég skil vel þessar áhyggjur og vissulega er rétt að ytra hornið á grindinni veikist eitthvað, en ég tel að það geti ekki gefið sig nema krafturinn virki þvert á vasann (gegnum bílinn miðjann)þar sem suðan fram er svo löng, um 30cm

Framstífurnar eru svona innarlega (undir grind) til að halda fullum beygjuradíus

[Sævar Örn]

Jæja skreið fram úr í morgun nokkuð hress eftir c.a. viku veikindi heima við


kippti gírkassanum úr og þá er komið almennilegt pláss til að heilsjóða stífufestingar varanlega



Á meðan málar kærastan botninn á bílnum með ljósgráu sealant efni sem ég fékk hjá poulsen og er ryðfráhrindandi



Svo er næsta verse, þegar framendinn er klár smíða 4 link hérna

[Sævar Örn]

Brá aðeins við að sjá þennan aftasta heddbolta, hausinn algjörlega gagnslaus ef að því kæmi að reyna að losa, ef boddý er á þá er ekki með góðu móti hægt að athafna sig við að skera hann, var fljótur að brosa og líta í aðrar áttir og krossa fingur að þurfa ekki að spá í þessu á næstunni :)

[ellisnorra]

Brá aðeins við að sjá þennan aftasta heddbolta, hausinn algjörlega gagnslaus ef að því kæmi að reyna að losa, ef boddý er á þá er ekki með góðu móti hægt að athafna sig við að skera hann, var fljótur að brosa og líta í aðrar áttir og krossa fingur að þurfa ekki að spá í þessu á næstunni :)

Usssss.... þetta ford dót!.... :)

[Sævar Örn]

Einmitt það sem ég hugsaði, og þetta hefði maður sko ekki upplifað i súkkunni! :)



stífvasar heilsoðnir, þarna sést gírkassabiti sem liggur undir grind og upp með hliðum hennar að utan og stífir heilmikið hliðarátak sem kann að koma á stífuvasana ef þeir t.d. rekast niður




Hjólskálar og gólf að verða eins og nýtt eftir Soley treatment



Ný kúpling og tilheyrandi


verður allavega bjart að leggjast undir hann ÞEGAR eitthvað bilar og eða brotnar




Önnur af stífuvasa, þokkalega massifir




jæja upp með rassinn komið að fjöðrun að aftan, buinn að fá Defender 90 gorma og er að fá hólka utan um musso fóðringar á morgun þá verður hægt að hrækja upp 5link system

[Sævar Örn]

Hversu langar mynduð þið skjóta á að væru hentugar 4 link stífur undir bíl eins og þennan?

Er að gæla við að hafa þær 1200mm en þá eru þær að festast rétt aftanvið miðjan bíl og kannski full gróft en hvað haldið þið, hásingin verður svo neðarlega að stífuvasinn þarf að ná uþb. 25cm niður fyrir grind

[Sævar Örn]

jæja time is money þannig ég óð bara af stað, las mér nokkuð vel til um uppsetningu og stífulengd og stífuhalla og fleira í þeim dúr, endaði á að hafa stífurnar 1200mm langar, efri stífan hallar örlítið niðurávið í hvíldarstöðu og sú neðri því sem næst lárétt en örlitið upp á við, beinist sirka í "þyngdarmiðju" center of gravity sem ég ímynda mér að sé uþb. bein skurðarlína að úrtaksás á gírkassa, hallinn er c.a. 15° frá afturhásingu

hér er mynd af þessu til skýringar áður en ég tilli þessu á og prófa hreyfingarnar betur

ath stífuhalli er ekki endanlega ákveðinn hafði ímyndað mér að bora nokkur auka göt svo hægt sé að fínstilla eftir að bíllinn fer í notkun



nú má alveg komin gagnrýni ef ég er úti á þekju því þetta vil ég vera viss um að sé þokkalegt og að bíllinn verði því sem næst hlutlaus við inngjöf en þó frekar að hann ýti fjöðrinni saman en sundur

það skal einnig taka fram að þetta er frumraun mín í þessari smíði svo hún er kannski ekki til undaneldis amk. þar til reynsla verður komin á uppsetninguna

[Brjotur]

Sæll Sævar gaman að fylgjast með hjá þér , segðu mér afhverju þú hefur stífurnar ekki lóðréttar ? þ.e. sama bil við hásingu og í turninum að framan ? þannig er þetta sett upp í öllum Econoline og Excursion bílunum , hvað fæst út úr þessum mismun ?

Kveðja Helgi

[Sævar Örn]

Sæll Helgi, það sem ég er að reyna að fá út úr þessu er að bíllinn keyri sig saman, þ.e. að þegar gefið er í fjaðri hann saman að aftan

Það eru mjög ítarlegar upplýsingar um þetta hérna

http://gjjarn.byethost15.com/sjeppar/go ... mindex.htm


Eftir mínum skilningi og útreikningi fæ ég skilið að ég fæ hann til að keyra sig nokkuð saman án þess að láta stífuvasann í grind skara lengra niður en hann þó gerir, uþb. 200 mm


en eins og ég segi þá er ég ekki mjög sjálfstraustur í þessum bransa og ætla því að skilja eftir einhverja möguleika fyrir halla á efri stífunni þ.e. að þær geti m.a. verið samsíða

Með því get ég svo prófað hann í akstri og fínstillt ef þarf

[Finnur]

Sæll

Flottur bíll hjá þér. Varðandi 4-link smíði þá las ég einhverstaðar að heimasmíðuð 4 link eru ekki tilbúinn fyrr en eftir þriðju eða fjórðu endursmíði :)

En í þessum pælingum er hver með sína sérvisku og ekkert sem heitir ríkisútfærsla þvi það eru svo margar breytur sem hafa áhrif. En það eru fræði á bak við þessa hluti og ef menn leggjast djúpt í þessar pælingar er hægt að ná fram þeim eiginleikum sem leitað er að. Hlutir eins og massamiðja, og ýmsir skerpunktar út frá staðsetningu hásinga frá massamiðju hafa áhrif. Hægt er að nálgast 4-link reiknivélar á netinu sem geta hjálpað mikið, en til þess að nota þær þurfa menn að vera með staðsetningu massamiðju á hreinu.

Það er alltaf gott að skoða hvernig bílaframleiðendur setja upp sín kerfi þvi þar eru menn með fræðin á hreinu.

En það sem þú ert að leita eftir heitir á ensku 100% Anti Squat, en þá er bíllinn hvorki að lyfta sér eða keyra sig saman við inngjöf. Í myndinni hér að neðan sést hvað þarf að uppfylla til þess að ná þessu. Vandamálið er að skurðarpunturinn færist eftir því hvað bíllinn er hlaðinn og við fjöðrun. Því er þetta ekki alveg einfalt.

Þumalputtareglur sem ég hef séð eru að efri stífur séu 70% af lengd neðri stífu og lágmarks millibil milli efri og neðri á hásingu sé 150 mm. Massamiðjan getur orðið mjög ofarlega í bílum sem eru mikið hækkaðir en þumalputtaregla er að miða við svinghjólið. Þetta er mjög breytilegt milli bíla og þarf að mæla ef fræðin eiga að gilda.



kv
Kristján Finnur

[Sævar Örn]

Sæll Finnur og takk fyrir þetta innlegg, já þetta virðist vera það sem ég leita að, hef keyrt ótal jeppa með 4 link sem keyra sig í sundur við inngjöf og er alveg óþolandi galli

m.v. mína uppsetningu og t.d. þessa mynd sem þú sendir sýnist mér ég ekki vera á neinum rosalegum villigötum en þetta er bara eins og þú segir eitthvað sem maður þarf að prófa og fínstilla í raun

[Finnur]

Sæll

Ég set fyrirvara við þessi fræði hjá gjjárn og tel þau ekki standast skoðun hvað 4 link varðar. Það vantar fullt af breytum í þetta sem gjörbreyta fjöðrun.

Einnig hefur mér alltaf fundist skrítin setning á þessari síðu undir dekk " Þegar ekið er í snjó þar sem hætta er á grjóti er öruggast að vera á eins litlu lofti og hægt er. Því minni loftþrýstingur sem er í dekkinu því minni hætta er á að gata á grjóti.(loftlaus dekk springa ekki)."

Ekki alveg sammála þessu :)

kv
KFS

[Finnur]

Sæll Finnur og takk fyrir þetta innlegg, já þetta virðist vera það sem ég leita að, hef keyrt ótal jeppa með 4 link sem keyra sig í sundur við inngjöf og er alveg óþolandi galli

m.v. mína uppsetningu og t.d. þessa mynd sem þú sendir sýnist mér ég ekki vera á neinum rosalegum villigötum en þetta er bara eins og þú segir eitthvað sem maður þarf að prófa og fínstilla í raun

Já þetta þarf í raun tilraunir þar til menn eru sáttir. En ef þú vilt að bíllinn setjist að aftan við inngjöf þá þarf þessi skurðarpunktur á aftur stifum að vera fyrir neðan línuna á myndinn þá ertu með undir 100% Anti squat. Sjá mynd hér að neðan.


kv
KFS

[Sævar Örn]

Já Finnur það er rétt þetta eru mikil fræði og að mörgu að huga sem hefur áhrif, en ég held ég sé búinn að sirka þetta út með nokkurri nákvæmni, allavega er ´eg búinn að hugsa þetta nóg og rúmlega það.

næsta verse er að grilla þetta undir og prófa í akstri og sjá svo til

[gislisveri]

Flott project Sævar og gaman að fylgjast með.
Kv.
Gísli.

[alex-ford]

þessi verður magnaður þegar þú ert búin :D

[Sævar Örn]

Kærar þakkir félagar, hinsvegar er þetta sennilega einn þeirra bíla sem verður aldrei tilbúinn alveg, en ég ætla að reyna að taka þetta í hóflegum skorpum þó það hafi kannski ekki verið þannig hingað til

[Sævar Örn]

smá hreyfing, hlakkar til að koma þessu saman og prufa, það er búið að panta skála 9 jan '15 svo það er allavega komið deadline!

[Sævar Örn]

Þetta er að þokast áfram vonandi í rétta átt









Ekki veit ég afhverju dempararnir eru svona á sitt hvorum staðnum en það er eitthvað sem einhver fyrri eigandi á alla sök á, kippi því þó snögglega í liðinn


Nú er stefnt á að koma boddýinu á um helgina þannig þá verð ég að grilla gormaskálar í kaggann og mála allt og gera fínt, ryðbæta örlítið í gólfinu á bílnum og grysja aukahluti í húddinu og slaka öllu saman aftur :)

[ellisnorra]

Fjandans dugnaður í þér. Þetta lítur ljómandi vel út. Vel sterkt, margir hefðu haft minna af járni í þessu :)

[Sævar Örn]

Ég er kannski að hugsa of langt fram í tímann............ ;) ussss

[jongud]

Ekki veit ég afhverju dempararnir eru svona á sitt hvorum staðnum en það er eitthvað sem einhver fyrri eigandi á alla sök á, kippi því þó snögglega í liðinn

Reyndu endilega að hafa þá eins utarlega og hægt er, þeir eru ekkert að virka þarna.

[Sævar Örn]

Meiningin var einmitt að færa þá utar, þó plássið sé orðið af skornum skammti, en það er jú rétt eins og þetta er núna þá duga dempararnir lítið nema bæði hjól fari yfir ójöfnu

[Sævar Örn]

Þá er bara að gera boddý klárt fyrir sameiningu á ný, smá gat á hægra afturhorni fljótreddað klippt og soðið






Kominn í hjólin, heldur til of lágur að aftan grunar mig, kemur betur í ljós þegar yfirbyggingin er komin á, en valmöguleikarnir um gorma eru óendanlegir svo því verður snöggreddað

Þarna sést líka vel hve langar stífurnar eru í raun, hásingin hreyfist ekkert við sundur og samslátt nema 0.8 cm til hvorrar hliðar sem verður að teljast nokkuð gott

[jongud]

Þarna sést líka vel hve langar stífurnar eru í raun, hásingin hreyfist ekkert við sundur og samslátt nema 0.8 cm til hvorrar hliðar sem verður að teljast nokkuð gott

Hvernig er með framstífurnar?
Mér sýnist þær halla svolítið mikið niður á við, en það er líklega lítið að marka þar sem boddíið er ekki á.

[Sævar Örn]

Sæll Jón jú það er rétt þær vísa uþb. 10° niður, það verður bara að hafa það enn um sinn því þegar hásingin var stytt eða henni snúið eða hvað sem var gert þá var liðhúsunum velt aftur og spindilhallinn er því um 7 gráður núna m.v réttan pinjónshalla,

eina lausnin væri að losa stífufestingar í báða enda og halla þeim niður en ég nenni því ekki einu saman, væri frekar til í að smíða sjálfur nýjar og lengri stífur og koma þeim betur fyrir, en það gerist ekki í þessari törn

[jongud]

Sæll Jón jú það er rétt þær vísa uþb. 10° niður, það verður bara að hafa það enn um sinn því þegar hásingin var stytt eða henni snúið eða hvað sem var gert þá var liðhúsunum velt aftur og spindilhallinn er því um 7 gráður núna m.v réttan pinjónshalla,

eina lausnin væri að losa stífufestingar í báða enda og halla þeim niður en ég nenni því ekki einu saman, væri frekar til í að smíða sjálfur nýjar og lengri stífur og koma þeim betur fyrir, en það gerist ekki í þessari törn

Athugaðu bara vel hvort hann sé leiðinlegur þegar þú þarft að bremsa. Hann Guðmundur hjá GJ járnsmíði var með erindi hjá F4X4 sl. mánudag og svona stífuhalli virðist vera skólabókardæmi um jeppa sem gæti átt það til að lyfta sér vel upp á stífurnar þegar er bremsað. Guðmundur sagði að slíkir jeppar geti verið leiðinlegir og bremsi illa ef fjöðrun er eitthvað í sundur þegar bremsað er, t.d. ef það er bremsað um leið og framhásingin fer fram af hraðahindrun.

[Sævar Örn]

Hann lætur þokkaalega við hemlun, en sennilega er að aðallega vegna þess hve hár hann er og þyngdarpunkturinn færist mjög framarlega við hemlun, þetta er allt rétt en eins og ég sagði áður verður ekki tekið betur fyrir í þessu versi


her er þó afrakstur kvöldsins í kvöld





Komin ein umferð á grindina, þokkalega ánægður með litinn, akkurat ekki svart og akkurat ekki æpandi hvítt, bara mitt á milli

[Sævar Örn]

Allt að verða klárt, kominn bensíntankur, drifsköft og púst, boddýpúðar komnir á sína staði





Boddýið lent á grindinni eftir fjögurra vikna aðskilnað :=)

[jongud]

Þú ert töluvert sneggri að þessu en flestir aðrir. Margir hafa verið allavega fjóra mánuði að smíða 5-link undir...